#верш
#Настасся_Хадзько


О мой лорд🌜, адшукай мяне за лесам,
За гарой па безумоўным рэфлексам.
Пазнай мяне па белай сукенцы
Праз мільён ў адзіным акенцы.

Ратуй ад катавання вар'ятаў,
Каб дадому паспела да святаў!
Сэрца мячом падзялі на часткі.
О лорд🌛, адвязі мяне да бацькі.

─────────≪✷≫────────
Канал аўтаркі

#ADM

Добра, усё гэта першакрасавіцкія жарты. Ніхто не будзе прымушаць вас да чагосці, мы проста будзем вельмі радыя вам і вашай актыўнасці❤️.
Але добрая і сапраўдная навіна — мы аднавілі сацыяльныя сеткі новага свету, І хутка там з'явяцца вашыя працы!
💜 Instagram — тут будуць малюнкі.
💜 Twitter (Х) — тут вас чакаюць маленькія допісы, вырабы, допісы са спасылкамі і маленькія вершы.
Хто баяўся і саромеўся пісаць чатырохрадковыя вершы? Гэта знак пачаць!
💜 Facebook — паэзія і проза цяпер будзе і тут.
🩵Ну і вядома памятайце пра тэлеграм😊. Тут мы слухаем заўвагі, прапановы, пажаданьні, прыймаем творчасьць у бот @masvet_by_bot і там жа можам з вамі паразмаўляць.

Дзякуй, што вы з намі!❤️

#ТоЯ
#малюнак

" Сусьвет - гэта сцэна, а сцэна - ёсць сусьвет забаў "©Аластар, Радыёдэман

#верш
#Расьціслаў


Людзілянд (Lüüdiland) — Мійкул Пахомаў, 2.6.1999.
Пераклад зь людзікаўскай.

Дзе Людзілянд, на мапах ё? —
Няма ў іх і паміну:
Той бераг веры у жыцьцё
І думак ручаіны.

Пюхярвь — на кантэле ігра,
Па-над Куярв’ю месяц,
Ў чырвоных вецер парусах
І хвалі на Анезе —
У сэрцы ўсё маім, і там
Навекі застанецца

─────────≪✷≫────────
Канал аўтара

#ТоЯ #малюнак

Сонца - гэта жыццё

#верш
#Сьвятлана_Зьнічка


                                                     Д.
*
Калі вясна прыйшла ня з поўдня
ды не з чаканьня сьветлых содняў,
адкуль прыйшла яна?
Мінулі ў пекле ліхалецьці,
і абыякавая лэдзі
пустыя чорныя вачніцы
праторкала да дна.
Мне мілы змрок быў без газьніцы,
без закаханае дзявіцы...
Цяпер – прыйшла вясна.
Ды, як ні дзіўна, не Гародня,
ня вішань белыя сьнягі,
ані браўкоўскія лугі
з заслаўскаю крыніцай
крывёю раны мне зашылі
сваёй, жывой.
Вясна прышыбавала з поўдня
на сьпіне з торбаю цяжкой,
каб сэрцу даць забіцца...
Няма гучней ад гэтай былі –
ці зноў пачулі ўсе?
Вясна прышыбавала з поўдня
ва ўсёй сваёй красе.

*🍃 Канал аўтаркі

#музыка

Бяседная песня "Як пасеяў Андрэй грэчку"
Выконвае - гурт "Пілігрымы"

( Апрацоўка запісу - Тоя)

#верш
#ліза_с.


* * *
пастой хвіліну.
момант.
імгненне.
перачакай, звярні ўвагу на (не)супадзенні.

пастой.
супакойся.
пачакай хвілінку, звярні ўвагу на маладую галінку.

галінка.
дрэва.
жыццё.
вечнасць.
ці захавае яна чалавеснасць?

а ты захавала?
пастой.
прыглядзіся.
паслухай сябе.
сабе ж адгукніся.

адзін толькі момант.
малое імгненне.
пачуцці вызвалі з сутарэнняў;

святло пакажы ім,
адчуць дай ім ветрык,
што лёгка гукае і рассейвае кветкі.

пастой.
супакойся. 
малое чаканне.
няхай наблізіць яно світанне.

пабудзь крышку з сабою,
пабудзь крышку сабою;
пастой,
і спакой той забяры ўвесь з сабою.

─────────≪✷≫────────
інстаграм: yelizavette

мой тгк

#ТоЯ
#малюнак

Акей, Гугл, як пазбавіць родзічаў спадчыны🤔

#ТоЯ
#малюнак #пераклад

... Анадовень на змярканні
Я прымеціў па-над лесам
Зоры, што ляцелі поруч.
Ці дасі ты веры мне?
Ці дасі веры мне?...

#верш
#пава_рамонак


былому сябру

гэта былі файныя дні
сумна
    што толькі для мяне

сёння пахаванні былога
знік сэнс азірацца ў недалёкае мінулае

гэта былі файныя дні
сумна
    што толькі для мяне

    гэта ўжо немагчыма адрадзіць
    ды знік сэнс самога гэтага мінулага

бывай
былы мой сябар

было балюча пакідаць гэта ў зямлі
гэта пахаванні таго што я меў
гэта пахаванні таго што для цябе было бессэнсоўным

небасхіл быў як ніколі бязвоблачным
вецер уносіць слёзы мае ў далечынь
прыемнага надвор’я табе
былы мой сябар
шчасця доўгага і зорак на начным небе
былы мой сябар

былыя дні ўжо немагчыма вярнуць…

/ з «пр9»

─────────≪✷≫────────
Telegram

Instagram

Twitter

#малюнак #Яварынка
Калі табе будзе дрэнна, сумна, самотна ці страшна, ты можаш узяць сабе гэты кавуновы парасонік, і ўсё будзе добра. Яварынка малявала гэты парасонік, перабываючы ў дэпрэсіі, ёй стала лепш, і таму яна дорыць яго табе, няхай табе стане лепш таксама.

#верш
#Хросная

На
адным
слупе
людзі
змайстравалі
металічную аснову
для буслянкі.

А буслы
прылятаюць
вясной
І майструюць гнёзды
ужо
на іншых слупах
быццам бы металічная аснова
увап'ецца ў
жывое цела
буслянкі
і высмакча
кроў.


Ці проста буслы
хочуць быць
вольнымі
нават
у гэтым.

#верш
#Nichto_Absalutna

Недасьведчанае

Паламаная плітка савецкіх часоў,
А над ёю асфальт, зьбіты пыл і бэтон -
Вось шматслойны пірог,
Зубаломных эпох.
Прыкры лёс быццам лёх,
Бель у канцы, гулкі крок.
Застаецца капаць неяк убок.

Сьвідруй керны ды разьбівай на эры,
Пэрыёдыка радыёактыўнасьці крыві
На неўрадлівай глебе,
Усё нязьмерна.
Нязьменна трэба,
Сябе шукаць уваччу забытых пакаленьняў,

Дзяцей непасталелых, няўсьпеленых пасеваў
Нязбудаваных хат, утаптаных у гразь спадзеваў.
І непражытых дзён пад неўгляданым небам
Ня дыхай. Чуеш вечнасьць?
Недасьведчанага.

#верш
#Настасся_Хадзько


         А станеш?
Ты станеш для мяне космасам?
А я абяцаю, што стану водгукам
На санету, якую ты, мілы паэт,
Раскажаш праз начны сілуэт.

Ты станеш для мяне подыхам?
А я абяцаю, што сваім подзвігам
Застануся без залатога багацця.
P.S.
Навечна твая я Настасся.

#верш
#Шрэбра_Іслачы


Паэту

Калі думкі збіліся ў слупкі
Калі іх немагчыма стрымаць
Што рабіць з праклёнам такім
Толькі табе вырашаць

#верш
#Настасся_Хадзько


Няхай жыве ва мне каханне!
Душа хай прагне да яго!
Я не баюся больш маўчання,
Бо зноўку ў сэрцы ёсць жыццё.

Няхай жыве ва мне чаканне!
І пачуццё няхай не ўпершыню!
Ён для мяне адно дыханне —
І словы з шэптам я люблю.

Няхай жыве ва мне каханне...
Няхай узнае ён праз век,
Што з ім сваё я існаванне
Убачыла праз Ноевы каўчэг.

─────────≪✷≫────────
Канал аўтаркі

#верш
#Лій_М.
я чую гукі цягніка.
                          ціш.
зацішша перад бурай?
а, вось, блішчаць тут зоркі. яны заўсёды тут былі?
                          паміж...
...між намі доўга зьзялі? бо сілы не хапала, моцнай.
каб зноў забыўшыся пра зоркі і каб блішчалі толькі вочы, але ты назаўсёды
                          спіш.
ну, вось, ужо грамчэй! я чую гукі цягніка,
                          прачнісь! 
альбо забыла, што мне паабяцала?
ніколі больш ня спаць! ты мне паабяцала!
так лепей, усё, між намі мура.
вось толькі ўсё, прайшла ўжо             
                           ціш...
і пачалася бура.

#ADM

Чалом, панове!
Мы вырашылі дадаць новыя магчымасці ў нашу анкету да твораў. Каб зрабіць пасты на канале больш разнастайнымі і цікавымі знешне, мы змянілі шосты пункт.

🖼 Цяпер, калі вы хочаце дадаць ілюстрацыю ці здымак, іншае ўпрыгожанне да твора, але не маеце часу, проста пішыце аб сваім жаданні праз бот у шостым пункце. Як толькі мы зробім тэматычнае афармленне, адразу вышлем гатовы варыянт вам для ўзгаднення і толькі пасля апублікуем.

1. Імя і прозвішча (можна творчы псеўданім; абавязкова, нават калі ананімна);
2. Ананімна ці не;
3. Даяце згоду выкладаць твор па-за межамі тэлеграм-канала? (ціўтар, інстаграм і інш.). Калі так, дадайце спасылкі на сваі профілі ў гэтых сетках, калі яны маюцца.
4. Спасылкі на вашыя творчыя рэсурсы;
5. Ваш твор;

6. Ілюстрацыя (па жаданню).
Ілюстрацыя/афармленне (калі трэба — свае/ад канала).

Дзякуй вам, што застаецеся з намі і дасылаеце сваю творчасць❤️!