#верш
#Nichto_Absalutna

Невядомаму паэту

Ты так мала пасьпеў, даганяючы шчасьце.
Ты ляцеў, пыл курэў,
Ты так мала пасьпеў.
Дык навошта стараўся?

Шчыраваў, гнаў сябе і сумневы падалей?
Ты гарэў, дым сівеў,
Ты так шмат не пасьпеў,
Дык навошта змагаўся?

Хоць згарэў, не сагрэў аніводнае цалі,
І асеў, быццам сьпеў,
Што ніхто не засьпеў,
І вякі пад ільдом пахавалі.

#верш #łacinka
#Максім_Крывіч

Мара

Калі распачнецца смута,
Паветра кране атрута,
Са сталлю зліецца порах —
Не будзьма сядзець у норах!

Вазьмем мы сякеры, косы!
За жыцці, за веру, слёзы
Адкажам, бо ёсць нагода,
Праз тры, мо чатыры года!

Трываці мы больш не будзем! —
Такія ўжо, братцы, людзі:
Не можам сядзеці ціха,
Каль светам пануе ліха!

Мы выкажам нашу праўду!
Але пачакаць нам варта,
Усё падлічыць, адмерыць,
Самім у сябе паверыць,

Знайсці яшчэ сто прычынаў
Рабіць толькі гэтым чынам.
Бо горай ужо не стане,
А ліха няхай чакае.

Тады праз гадочкаў дзесяць
Мы здолеем мару здзейсніць!
Мы рынемся, братцы, разам,
Адолеем маць-праказу!

Загіне хвароба клята —
І будзе тады нам свята!
І будзе тады раздолле
І любыя нам застоллі!

Нарэжам сыроў, каўбасаў,
Нальема кефіру, квасу.
Усклікнем у поўны грудзі
Мы роднае сэрцу "Будзьма!"

• • •
Varyjant łacinkaju ŭ kamientarach.
• • •

• • •
Telegram
Twitter
• • •

#навіны #ТоЯ
Падкаст з вядомым блёгерам з Пінску🌸


https://narodnaymove.mave.digital/

#верш
#Хросная

Гімн БФ-тусы

Піцьма, студэнцтва, як павялося
Чарку нясіце хутчэй!
Зерне пасееш - будзе калоссе
Час нам не спаці начэй

Піцьма, студэнцтва для весялосці
Нам гаўдэамус спяваць
Каб паляцела тут разгалоссе
Час нам жыццё пакахаць

Успомнім часінкі мінулых герояў
Успомнім вагантаў і дам
Вып'ем, студэнцтва, дзеля настрою
Каб не зжурыцца нам

Мы ператворым п'янку ў мастацтва
Нам трэба шчасце сасніць
Хутка праносяцца годы юнацтва
Трэба ўспаміны капіць

Піцьма, студэнцтва, як павялося
Чарку нясіце хутчэй!
Зерне пасееш - будзе калоссе
Час нам не спаці начэй

#фанфік #Добрыя_прадвесці #ТоЯ

Вельзевул і Габрыіл напіліся медавухі

https://archiveofourown.org/works/49766251

#скатазаўра #пераклад #фанфік #геншын #GenshinImpact

Вітаю, на сувязі скатазаўра. І я вырашыла паспрабаваць сябе ў перакладах, і для першай сур'ёзнай працы абрала не абы-што (невялічкую замалёўку), а велізарны максі-фанфік па геншыне.

Сайна/Цігнары
NC-17
Ад ворагаў да каханых

урбан-фэнтэзі!AU пра пустынныя легенды, якія ажылі, магільні, пагоні, вымушанае супрацоўніцтва и прагу нажывы, якая ператвараецца ў нешта большае.

Аўтар арыгінала - imbres (ao3)

Ужо даступная для чытання першая частка.

Чытаць па спасылцы:
https://archiveofourown.org/works/49929019/chapters/126051721

#пераклад #агучка #ТоЯ
Шаноўныя! Зараз я працую над дубляжом караткаметражкі. Агучка будзе прафесійнай, на студыі, таму буду удзячная за любую фінансавую падтрымку💖🙏

#верш
#Настасся_Хадзько

"Гаспадар"
Бусел пад начным небасхілам,
Як калісьці Клеапатра над Нілам,
Постаць гаспадара ўзвысіў сваю —
І птушкі спяваюць пакорна яму.

Узмахнуў крылом — і лес спіць,
Толькі вожык стары шапаціць.
Клёкат яго нібы гул самалётаў:
Прабуждае жывёлін балотаў.

Магутная сіла і птушка вялікая,
Для яе заўсёды неба адкрытае.
Сям'ю сваю бусел моцна абараняе,
І праз гэта ён рэдка адпачывае.

• • •

#верш
#Arciom

У мяне тут выйшла падборка вершаў на літрадыё, пачытайце:
https://litradio.link/texts/lonski-viershy/

• • •
Telegram
Youtube
• • •

#верш
#маша_піша

я не сонца,
табе я свяціць не буду.
я не мора,
табе ўва мне не тануць.
можаш весці да дна каго заўгодна,
я ж застануся тут. застануся тут.
ты такі ж, як і быў,
вобраз дзіўны, зборны
ты такі ж, які быў,
я змянілася скрозь.
я не веру ў таро
але веру ў Бога.
зараз у сэрцы маім адзін мароз.

я агмень, што наўкола
усё працінае.
я вада,
што цячэ ў тваёй рацэ.
я не космас, які адказы знае.
але космас, магчыма, ёсць ува мне.

• • •
Telegram
• • •

#пераклад #кіно
#Arciom

Першы фільм сусветна вядомага рэжысёра Дарэна Аранофскі пра паранаідальнага матэматыка, які шукае ключ, што адкрые ўніверсальныя заканамернасці ў прыродзе, і ў сваіх пошуках сутыкаецца з уол-стрыцкімі брокерамі і артадаксальнымі габрэямі, якія спрабуюць выкарыстаць ягоныя адкрыцці сабе на карысць.

Глядзець у маім перакладзе і агучцы: https://znichka.space/movie/pi

• • •
Telegram
Youtube
• • •

#пераклад #кіно
#Arciom

Гісторыя сям'і пурытан, змушаных з'ехаць са свайго мястэчка. Яны селяцца на хутары на краі леса і спрабуюць уладкаваць сваё жыццё на ферме. Але злая сіла, што хаваецца ў лесе, ніяк не пакіне іх у спакоі.

Глядзець у маім перакладзе і агучцы: https://znichka.space/movie/viadzmarka_falklor_novaj_anhlii

• • •
Telegram
Youtube
• • •

#проза
#Францішак_Люцыянавіч

Невялічкая падзея

Седзячы ў вагоне цягніка, чакаючы сваёй станцыі, я пачаў адчуваць блізасць з людзьмі, што знаходзяцца апошнімі ў спісах, у чэргах, і да тых хто едзе да апошняга прыпунку. Менавіта ў такім палажэнні быў я. Напэўна самае непрыемнае ў гэтым, амаль што прымусовае, выгнанне з віру жыцця. Я заставаўся сам-насам з летнямі думкамі і з летнім цяжкім паветрам.
Большай прыкрасці сітуацыі надаваў мой тэлефон. Ён разрадзіўся і пакінуў мне адзіную забаву: мроіць аб выхадзе ў свет, у цывілацыю. Здавалася, што я памёр, што я выгнанец сярод жывых. Цёмны няветлівы, механічны і ненатуральны свет глядзеў у маю душу. Я адчуў самотны позірк, які нібыта вітаў мяне: ён быў накіраваны такімі самымі гаротнікамі.
Паветра ўсё цяжэй уваходзіла ў лёгкія, усё цяжэй было знаходзіцца ў паўсядзённай адзежы. Я пачынаў зайздросціць прышэльцам, што заходзілі на першай станцыі, а выходзілі ўжо на другой: яны станавіліся мне чужакамі.
Але тое самае я не мог сказаць пра сваіх даўніх спадарожнікаў. Прыглядзеўшыся да іх я заўважыў яшчэ больш стомленыя твары чым мой: некага пасля працы чакала кватэра з працай хатняй. Я па-шчыраму радаваўся, што яны выходзілі раней за мяне. Паглыбіўшыся ў свае развагі я перастаў сачыць за часам, за мапай руху цягніка, бо якая розніца? Я ведаю, што я выйду.
Урэшце здарылася. З дынаміку данеслася халоднае, але прыемнае папярэджане, што станцыя апошняя, і што ўсе абавязаныя пакінуць вагон. Кроў як быццам пачала імчаць па маіх жылах, а з дзвярэй паліліся магутныя токі, што былі растопленыя такой навіною. Выліваючыся ў прасторы метрапалітэна токі станавіліся новымі прытокамі для двух мораў: Правага і Левага.
Планы кіравалі мною, і я паплыў да Левага. Я бадзёра рушыў да выйсця, і ,дайшоўшы да яго, перастаўляў свае ногі цераз прыступкі, спадзяючыся найхутчэй пакінуць царства механічнага святла. У гэтым выйсці прытокі з’ядналіся зноў у магутную плыню, і зрабіўшы колькі шпархіх рухаў усе апынуліся ў гаспадарстве сонца, ветра, неба. Выбегшы на волю я і колішнія мінакі радасна пачалі бараніцца ад новага, дагэтуль нібы зусім незнаёмага, свету. Бараніліся як хто ўмеў: хтосьці падымаў руку, да самага цемечка, у спробах захіліць вочы, а хтосьці быў больш абароназдольны, бо меў рыштунак – кепку. Я ж быў бяззбройны і наўпрост плюшчыў вочы. Але пачуццё ўсеагульнай еднасці знікла. Людзі пачалі ўяўляць сабою аскепак нечага большага, нечага заўчасна разбітага.
Здавалася, што пакуль мы разам змагаліся да выйсця са спёкі і духаты мы займелі нешта агульнае, нешта большае за адзіны човен.

• • •
Telegram
• • •

#верш
#Хросная
#двк
#домуякім


Выварат
Натое і Выварат
што вывернуты
і чырвоныя ніткі цягнуцца
ва ўсе бакі
як абрэзкі вен
Дзе ты выратуешся
Калі рэальнасці тут няма
Ды і там не было.,
а ў Вонкавасці
рэальнасць б'е нажом
Прама ў сэрца?
Мы знікнем
сярод цёмнага Лесу
ці цёмны Лес
знікне сярод нас,
таму што мы
як дрэвы -
у нас
таксама
многа кругоў
і на кожным -
знаходка
ці страта?
Мы беглі сюды
і нашыя
маскі
падалі
з твараў
як лістота
восенню.
Што засталося
пасля?
твар ці пустэча?
Хай недзе там
нясуцца гады
і разбураюцца
Сцены
Дома.
Хай там
застаюцца
руіны і
абрыўкі
сноў, варажбы
і мянушак,
якіх ужо ніхто
не ўспомніць
Вецер нясе
апошнія словы
нашых песень
і нашай веры
...
Абсалютная свабода...

#верш
#скатазаўра

Адно расчараванне ў вачах людзей!
Я бачыла! Я ведаю! Я адчувала!
У тых вачах - ні спадзяванняў, ні надзей.
Я бачыла! Я ведаю! Я адчувала!

Сярод такіх, людзей расчараваных,
Мы ходзім, блудзім у пошуках надзей,
Шукаем лёс, усім нам наканаваны,
Бо людзі не ўмеюць без людзей,
Без словаў, думак быццам бы арыштаваны.
Адзін у свеце, згублёны карабель,
Плыве па хвалях, у бясконцым акіяне.
Але мы людзі - і не можам без людзей,
Сваіх мы знойдзем, тых наканаваных.

16.09.2023

Патлумачце самі як хочаце, бо я сама не ведаю, як гэта тлумачыць

Рытмы і рыфмы рэст ін піс

#агучка #пераклад #ТоЯ
Пост на бусці наконт дубляжу мультфільма 🍊

https://boosty.to/packtee/posts/a84c2957-c6c0-4aa5-ad3d-2041cd0316d9?share=post_link

#верш
#Nichto_Absalutna

Дадому.

Бадзяюся між самаспраўдных прароцтваў,
Нязьдзейсьненых мрояў,
Забытых жаданьняў...
Надзённасьць завісла ў паветры пад стольлю
Надзейна ды вечна,
Дамоклавым мечам.
Бадай, гэта стома. Бывае, знаёма?
Час быццам нявечыць,
Пусьціце пагрэцца

#малюнак #ТоЯ
Сэрца на далоні, літаральна...

#верш
#Сьвятлана_Зьнічка

* 🌌🥀

«Бядняк сказаў: любоў – змяя...»

«Бядняк сказаў: любоў – змяя,
Што рэжа цела без нажа», –
Але калі мне лёс прызначыў
Кахаці ту, што нельга, значыць
Таго жадала мне змяя.
Таго ж жадаю цяпер я.
«Няхай ты сотні раз багаты...
Любоў аграбіць – будзеш рады».
З-пад глыбіні вужачых чар
Каханне выне сэрца скарб.

«Любоў каварна, як змяя,
А ёй сябе ўручаю я.
І сэрца, што даўно крычыць,
Атруту просіць, хоць баліць».
Сціскае мне яго да болю
Любоў і рвецца к ёй, на волю,
Застацца каб сярод пяскоў.
Аберне чысціню цвяткоў
У чырвань той пустынны дух,
Што спіць дасюль у сэрцах руж.

Любоў – хвароба для мяне,
Няма спакою нат у сне.
«Хваробы лечаць і атрутай», –
Сказаў паэт, што сам ахутан
Любві закляццем назаўжды.
Атрута – гэта паўбяды.
«Каварны горкі міг любві –
Пра гэта пішуць мудрацы.
А я дурак, і я бядняк,
Я п'ю ізноў салодкі яд».

*🌌🍂

• • •