المهم يا جماعة اوعى الشيطان يوسوسلك ترمي دراهمك و تضيع وقتك الثمين على خرطي كيما هادا،، اذا لا قدر الله خممت تروح لهاد النوع من "الحفلات" قول في نفسك أيتها الأفكار الشريرة اذهبي بعيدًا 🤌🏻

وفّقكُم الله 🤍

76 درس 🥲🤌🏻

أدعولي و لكُم بالمثل إن شاء الله ❤️

انتباااااه ‼️
العام الماضي كامل كان عندنا نفس الراي انو التركيب الضوئي اذا طاح يجي فالموضوع السهل و لكن ما رايناه كي عقبنا الباك انو الناس كامل تهربت من موضوع التركيب الضوئي و انا وحدة منهم تمرين التركيب الضوئي بحد ذاتو جاني معقد قليلًا بزاف 😭😂 و درت الموضوع الاخر لانو حسيتو اسهلل
فلهذَا المغزى انو التنفس حتا و جا و حتا و طاح فالباكالوريا مش يعني انو الموضوع لي يطيح فيه سهل بالضرورة قادر هذاك الموضوع لي يجي فيه التنفس يديرو صعيب عمدًا به كامل تديرو الموضوع الاخر و منها يكون التنفس جا في الباكلوريا و رفعو نسبة النجاح 🤍 لهذَا اخطيكم من التخمام

ملخص التركيب الضوئي للأستاذة خيرة فليتي 🍃

السلام عليكُم و رحمَة الله و بركاته 💛

🗣️: واش هي طريقتك في التعامل مع تمارين العلوم؟

💁🏻‍♀️: كي تجوا تحلوا أي تمرين في العلوم أول و أهم خطوة هي قراءة سياق التمرين بتمعن و تحديد الكلمات المفتاحية لي راح يعاونوك أولا تعرف أي وحدة راك فيها ؟ و ثانيا تعرف الهدف من التمرين (مثلا التعرف على آلية عمل أنزيم أو علاج ..) ✅

ثاني خطوة قبل ما تجري تقرا الأسئلة روح شوف الوثائق وحدك تمعن فيهم حاول تفهم كل وثيقة واش فيها ؟ واش راهي تقدملك كمعلومات جديدة ؟ واش تقدر تخرج منها ؟ إذا كانت آلية عمل أنزيم حاول تفهمها تبع الخطوات،، أو مثلا إذا كانت منحنى حاول تحلل و تستخرج الإستنتاج قبل ما تشوف واش هو المطلوب منك في الأسئلة،، بالطبع تعامل مع الوثائق شفهيا مع روحك و بعدها روح أقرا الأسئلة تلقى روحك تعرف الإجابة ✅
كي تقرا الأسئلة شوف الفعل الأدائي لي عطاهولك و تبع منهجية الإجابة عليه ✅

و أكيد مع كثرة التدرب على حل التمارين راح تكتسبوا الإحترافية ماشي من أول تمرين تحوس بالسيف تجيب كلش صحيح 🤌🏻

حب يقول كي تغلط ولا تحصل في تمرين بلا ما تحكمك القنطة و لاكريز تروح تكرفص الورقة و تجيب تمرين آخر 😂🤌🏻
العلوم لازم لها الصبر و سعة الخاطر ✨

« آمين يا رب » لكل دعواتِكُم 🫀🫶🏻

السلام عليكم و رحمة الله و بركاته 💛 ملاحظة فقط أعتذر على واش نشرت البارح وحدة منكم بارك الله فيها و جزاها كل خير نبهتني على أنه ماكاش صلاة بين العصر و المغرب هاد الفترة نهي عن الصلاة فيها الا من فاتته صلاة عادي يقضيها غير ذلك لا يوجد اي صلاة لا في يوم الجمعة ولا في غيرها من الأيام، و بس وفّقكم الله 💗

‏﴿ وَبَشَّرْنَاهُ ﴾
‏﴿ فَبَشَّرْنَاهَا ﴾
‏﴿ لَهُمُ الْبُشْرَىٰ ﴾
‏﴿ وَجَاءَتْهُ الْبُشْرَىٰ ﴾
‏اللهم بُشرى غير مُتوقعة ،
‏ في توقيت غير متوقع ،
‏اللهُم ظننا بك الخير وأنت الخير ،
‏اللهم بشّرنا بما يسرّنا وأنت خير المبشرين
💙🌟 🦋.

خاوتي احذرو ثم احذرو تستعملو هاذ الأقلام ماجيك (لي يتمسحو)

كاين بزاف لي يشريوهم يقولك خير مانستعمل الكوريكتور (القلم المصحح)

علاش لالا ؟ جربو اكتبو بيهم وعرضوهم للسخانة تلقاو الكتابة بدات تروح يعني السخانة تمحيهم

في هذاك الجو السخون تاع جوان وجويلية قادر يهزو ورقتك يلقاوها بيضاء

بارتاجيو بالاك كاين لي ماعلابالوش بهاذ الشي تكونو شاركتو في تنبيه الزملاء 💙