من معزتك انت ليّ ..😍🕺🏼🎤
ختيتي قلبك فووق إيديّ، وقلتي ليهو عزيز عليّ ..
عليك الله احرسو ليّ ..
وقلتي ليهو دة نور عينيّ ..😍🔥
عليييييك الله احرسو ليّ ..🎼
وفي صباح وفي عشيّة ..
وقلتي ليّ معاك سلاااامة ..💙

مافي زول بحب يحس بانو تقيل ويتعامل بطريقة أقرب للتجاهل ، أياً كانت مكانته ونوع العلاقة الـ بتربطه بيك ،
يا إما انك تجي بشكل واضح أو تمشي بالوضوح زاتو ، النص دائماً مؤذٍ جداً💙.

ويسألونك عن البنات قل : الكائنات المبهجات ، الطيبات بدون عجب والمفرحات بلا سبب🌝🌿💥😹

مشكلتنا الاهل والضغوطات ❌
مشكلتنا ما بنصلي ✔

#إهدنا الصراط المستقيم💙🌸

_ستموت في المواصلات 🤦🏻‍♀😹💙

#قريباً🚶🏻‍♀

إنتي ترحلي زي مراكب للوداع فردت شراعا 
حومي في خاطر حبيبك كوني في زحمة ظروفو
شعري من بهجة عيونك من حنانك ضي حروفو
دنيا فيها الريدة قسمة وكل زول كايس وليفو❤️✨

وطن التعدد والتنوع والتقدم والسلام 🖤🖤.

اي زول سلبي في حياتكم امحو وجودو واثروا في حياتكم
اي زول بحب يكسر المجاديف اعتزلوه وطلعوه برة 💙🌸

‏ابو السيد قال ؛
" كتبت ليك لا بيني بينك ريده لا قصة غرام .."
و ود الامين قال ؛
" البيني بينك لا الشعر قادر يقولو ولا الوتر .."
فااا بس يعني ما عرفت البينا ايه !
بس زي ما زيدان غنى :
" البيني بينك حيرني و شقاني .. "❤️

‏واجيك بـي قدرتي الباقية حطام إنسان
موسّم بـي شقا الدنيا.. ومقسّم قلبو في الاحزان
اجيك فنان أشد أوتاري أحكيلك ..♥️

" البينا عامرة " 🌸💙 ..
الجملة دي سمحة شديد شديد
قادرة تمحي الحاجات الكعبة الحصلت و البسببها اتقالت في آخر النقاش ..
و قادرة تستعيد بُنا انقاض العلاقة " مهما كان مُسماها " طوبة طوبة .. 🌸💙
فـ لما زول يقول ليك خلاص البينا عامرة م تخرب اي شي من الـ حسبو هو عامر .. و اقعدو ابنوا سوا من جديد 🌸💙 ..

وفي يوم #الجمعة ..
اللهم ارحم #شهداء_الوطن اللهم اغفرلهم ذنوبهم واقيهم من عذاب النار ومن عذاب القبر اللهم نور قبورهم وصبر اهلهم واربط على قلوب اصحابهم اللهم ألزمنا الصبر اللهم ادخلهم فسسيح جناتك مع الصديقين والشهداء والصالحين يا ارحم الراحمين🌸💖

محجوب سلام!
كيفك تمام؟
لحقك قصي
إهتموا بيه
إنت ومأب ومعك مطر.💔

المجد للشهداء الما عارفينهم ماتوا كيف ووين !
اللي أهلهم لسه ما عرفوهم وبكو عليهم !
الشهداء الما قدرنا نسمع قصص نضالهم لا منهم لا من أصحابهم لا في النت !
الشهداء الما شفنا صورهم ولا عرفنا أهلهم !
شهداء رحلوا حتى دون أن نعرفهم أسماءهم فرحلوا ب " شهيد مجهول" 💔

سلام الله عليكم جنودنا المخفيين المجهولين هنا جاءوا القياده بصمت وعانوا بصمت ورحلوا بصمت دون ضجه ..

صدقاً علي أحلام خلاص شعبنا نعيش .. و غرباء يا وطني نموت ..!

- المجد للشهداء

‌‎#حميد_قال
قوليها وليدك صاحي.. بنتك ياصابرة بصيرة
مايهمك غبن العسكر.. لا الهم لاتبقي اسيرة
تبقى الأرواح تتكاتف.. تبقالها الكلمة زخيرة
يا ثورة اوانك قرب.. ماباقي ليالي كتيرة
لاحسنا تاني بيسكت.. لا عينا بتبقى كفيفة

يوميات #علوب ...177 .....

شارع بيتنا ...!!

غايتو الثورة دي الدخلتا في حلتنا ما بتمرق تاني ...!!
جيت داخل البيت ألقى ليك سكينة ..وفوزية .. وملكة وسنية ...( الفريق القومي ) .....!!
معسكرات مع ( الحاجة ) ( يديها العافية ) يشربن في ( الجبنة ) ويتكلمن في ( الحكومة ) ...!! أنا قايلن عضوات في السيادي ....!!
( سكينة ) مستلمة ليك القعدة .....!!
قالت ليهن إنتن صحي ( أسما ) وزيرة الخارجية دي طلعت خالة ( سعاد ) ( مرت ) كمال ....!!؟؟
( ملكة ) قالت ليها سمعنا والله ....!!
نطت ( فوزية ) قالت ليها ( سعاد ) دي من زمن الإنقاذ ياها دي ( حركاتا ) ......!!
قالت ( فلان داك ) عم الأولاد ...!! يومو الطار ✈️ نكرتو حطب ....ودقتو طار ....!! 🤭
بس إستلمتم ليك ( سنية ) ....!!
قالت ليهن .. هييي يانسوان هيي... دا كان زمان ...!!
يمين ( أسما ) الوزيرة دي ذاتا كان ( لخبتت ) إلا نمسكا الدرب ....!! بتهظرن ولا شنو !!!!
ماجايبات خبر ساكت ....!! دي حكومة الحكم المدني ....!! اللولوة الزمان ديك خلاص إنتهت ...!! فهمتن ولا لا !!!!
( يبدو أن الوعي الثوري وصل ( الحيشان ) ..

( ملكة ) نطتت عيونا ...👀 قالت ليها والله كان كدي ( زغاريتنا ) ما راحت ساي ....!!
(( غايتو ( ملكة ) دي الزغاريد ( الكشحتا ) في الثورة دي تعمل ليها عرس جماعي )).....😂😂 😂
جد ماقصرت ...!!
(( وكل يسجل في دفتر الحضور الثوري ....!! وأنا أتابع بإهتمام هذا الحوار ...!!
أووووو وصلت ست الرصة والقصة ...حاملة الصواريخ الراجمة ( أمونة ) ....!! 🚀😤
النسوان كلهن إضايرن ....!!
سلمت علي ( سكينة ) وملكة بالأحضان ...!!
ومدت طرف يدها لي فوزية...
( بكون فى ( تار ) سلام قديم ) 🤝
بس ما دستو مع ( سنيه ) ...
طقشتا ليك بالسلام من بعيييد قالت ليها أهلاااا ✋ .....يا مندسة ....!! 😳 😳😳
وييين قروش الصندوق ...!!!؟؟ 😳 ....

( سنية ) دايرة تطير ...🙄

قالت ليها أنا سكت ليك كتير ...
الليلة الجمعة صاح ...!! بديك لحدي الأحد الضهر ...!!
جبتي القروش دي جبتيها ... !!
ما جبتيها ....!!
لو ما جيتك بي ( موكبين ) و ( صبة ) ياسنية يا بت الجاوي الله ينعلني ...!!
النشوف نهاية الفلم دا ....!! ...

( إنتهى بيان الخارجية الأمريكية ) ..

وغالبا ما تؤخذ تهديدات ( أمونه ) مأخذ الجد ) 💣🔥

( سنية ) بقت تجيب خارجيات ....😰😰

يا اخوانا ( أمونة ) دي مفروض يجازفوها لينا في منصب دستوري هسا كان رجعت لينا حاجاتنا الرايحة دي كلها .....!! ودون تلكؤ ....!!
( دون تلكؤ ) دي ذكرتني زولك داك ...!
( بالليل ...!! ودون إضاءة ) .......حالة صعبة غايتو ...الله غالب بس ....

في اللحظة دي ( مشاعر ) جات داخله معاها ( مودة ) ( بت جيرانا ) طابقا شنطتا ....!!
سلمن علي النسوان ...!! مشاعر قعدت معاهم ...!! ومودة دخلت جوه ....قالت مصدعة....!! 😔
( طوااااالي هي في حالة ( مصدعة ) دي ...!!
( كلو كضب ) ...!!
جاريه لاحقا الواتس ...
تقول ليك بحب أقعد مع نفسي.... !!
التقول ( نازك الملائكة ) .....
وهي قاعدة في ( اربعطاشر قروب ) غير أبو خمسة مشتركين وتلاته ديلاك 👨‍👩‍👧...( قروبات الفكة )

غايتو ( الواتس ) ( حيختارا ) شخصية العام ....

فوزية قالت ليها إنت يا مشاعر صحي ( الأصم ) مشي أمريكا ...!!؟ 😳😳😳😳

( مشاعر ) تضحك سااااي ... 😳😳😂😂
قالت ليها والله ماعارفه...!! .
كدي النسأل ليك مودة ....!! 😂😂

كوركت ليها من بعيد... يا مواااااده إنتي ( الأصم ) مشي أمريكا ....!!؟؟؟

لم يتأخر الرد ولا ثانية .....قالت ليها أيوا مشي ...!! وهسا في ( فرجينيا ) وصل أمبارح العصر ... وماشي ( أريزونا ) بعد يومين 😳😳😳😳

مشاعر ماتت بالضحك .....
قالت لي (فوزية ) ...أها سمعتي ........!! 😂😂😂

لكن إنتي بتسألي لشنو ..!!؟؟

قالت ليها أبدا والله بس ( ضحى ) بتي دي معجبه بيهو شديد قالت ما بتعرس إلا واحد زي ( الأصم ) دا ....!!
أريتو ود السرور ....!!

( مودة ) من ( قلب الأوضة ) قالت ليها... كوووولنا ....!!! 😂😂😂

مشاعر ضحكت قالت ليهن ما تشتغلو بيها بتهظر ساكت نحن عايزين ( نبنيهو ) أول ...!! العرس ملحوق

( مودة ) قالت ليها ولا ملحوق ولا حاجه.... !!
الناس في ( إدلب ) بتعرس ...!! خلي نحنا في نص المدنية ....!!
( شوشو ) ما تصادري حرياتنا الشخصية ياخ ....!!

مشاعر قالت هي معجبه بي ( دسيس مان ) ..

(( حليل ( دسيس مان ) ...زمن الإعتصام تلقاهو في أي كورنه ..!! هسا إلا تعمل مواعيد ...!!
يا اخوانا الود دا ما تبوظو علينا ساكت ...سماحتو في طبيعتو وصراحتو ...!! ) ....وثورة ( نجددا ) ليك ...!!

( سكينة ) تعاين سااااااكت قالت ليهن خلونا من دا كلو
لجنة نسوان الحلة خبرا شنو ..... !!؟
( الحاجة قالوا متبرعة بالبيت مقر ....!!

😳

( أمي دي أنا من زمان شاكي فيها تجمع مهنيين ) 😂😂

(مودة ) كمان أصلو ما جادة ....!!
جات مارقة من ( الأوضة ) قالت لي مشاعر ...صورة ( فلقصة ) الناشراها في ( الفيس ) وراها لستك محروق دي ( فوتو شوب ) 🔥🧥

العربية 🚘 الظاهرة في الصورة نمرتا ( فلسطينية ) 🔠7️⃣2️⃣6️⃣1️⃣

مشاعر قالت ليها ليها إمكن ( إفراج مؤقت ) ...!!

قالت ليها ما سمعنا لينا بي مغتربين في ( غزة ) ...!!!

واضافت ( الوديعة ) ...أها وبالنسبة لي يافطة جامعة ( بيرزيت ) الظاهرا في نص الصورة دي ...يكونو ياربي فتحو ليهم فرع في بحري ....!!!😳 😂😂

( مشاعر ) قالت ليها غايتو البقع فيك ما سمى ...
خليها تعبر ياخ ......!! هنا ثورة ...وهناك ثورة...!!!

لكن جد ( أميرة ) ذاتا بالغت ...!؟
كانت تكلمني أنا ( علوب ) دا .... يمين كان حرقت ليها لستك خصوصي ......!! خلي مارقاها في ( رام الله ).....!!

الغريبة في واحد كاتب ليها ....يا راكزة ...!! تعليقا علي اللقطة الثورية دي .....!!
وهي كمان ( طاجا ) ليك إشارة النصر ديك ✌️ردا علي التعليق ....اتنبن كمان ما واحده ✌️✌️.....!! معاها عيون الحب ديلاك 😍 ....وقلب ❤️

أهم شي الثقة ..!!!😳
( وثوره بنعملا ليك ) ...!!
ما شافت الكنداكات الأصليات ناس أماني الطويل... ونجده الجابري ...وإلهام قاسم بت العباسية ...🧥🧥🧥والزيهن كتاااار .....واقفات زي العلم ....!!
وقفن ( الزايلة ) دي علي كراع واحدة ....!!
كنداكات يطمنن ياخ ...!! ويا بنات أبقو الثبات ..!!!🙏

في اللحظة دي جات خاشا ( نور الشام ) وليتكم شهدتم حالة الصمت والعلو التي سادت ...!!
بس لأنو ( نور الشام ) دي خالة واحد من شهداء الإعتصام ديل إسمو ( خالد الشيخ ) ✌️كان بلقبوهو بي ( سيد المتاريس ) شدة ما بعرف ليها ...عليه رحمة الله ...

الناس دي كلها سكتت ...!! حيث رفرفت روحه المجيدة هيبة وجلال ...!! وصمت الجميع في حضرته تقديرا ووقار....!!
( ملكة ) من غير ما تشعر فكت ليها زغرودة للشهيد الوطن ولي كل الأماني .....!!! 💕💕
وسرت روح الثورة بين الكل هنا في هذا المكان .....
والكل قيام ....!! والقومةً ليك يا وطني ...وبريدك ياوطني ....
مشاعر شغلت الأغنية الحنينة بتاعة فض الإعتصام ديك لما قال ....
كان هزا بي سيف النصر كان مدا للكنداكة إيد
هسع كتبنالك جواب شالوهو هزاع والوليد ..
😭😭✌️
أنا من غير ما اشعر جيت مارق من الأوضة وهزيت فيهن ...!!
أبشرن بالخير ......!! ✊

حتي ( أمونة ) حضنت ( سنية ) وبكن ....!😍😭
وتحول البيت إلى قطعة من ساحة الإعتصام الباذخة ...!!
( والإعتصام فينا ولسنا فيه ....) ✌️
يبدو أن الثورة دخلت ( العضم ) ...!!! وبقينا الناس الجنها ثورة ....!!
ونبقي نحنا يانا نحنا .... شعب الجمال ....العشرة والحب القبيل .....والدنيا حب ومواصلة
والريدة بين الناس صلة 😍

الثورة ما بنبدلا ...!!
و ( ثورتنا ) ألحق حصلا....✌️✌️✌️

مدنياااااااااااااااو 🌹..
#اشياءبسيطة ..

📌 انت خليك واضح وورينا السلام يتحقق وييييين قول ما تخافش
.
📰 اليوم التالي:
👈 الشرطة تنفي إطلاق سراح موسى هلال وتؤكد محاكمته عسكرياً
📌 شوف الشقاوة دي
.
📰 الانتباهة:
👈 “135” إصابة بحمى”الضنك” في ثلاث ولايات
📌 مافي زول حا يتحرك الا لما تدخل الخرطوم
.
📰 الانتباهة:
👈 هروب نظامي متهم بتجنيد سودانيين لـ”حفتر”
📌 أهاااا دا الكلام ال بي يجيب الهواء
.
📰 الانتباهة:
👈 الكشف عن تجاوزات كبيرة بمكتب متابعة النيل الأبيض
📌 طيب الجديد شنو؟
.
📰 الانتباهة:
👈 اجتماع بين السيادة والوزراء والتغيير بالأربعاء
📌 التغيير بصفتهم الراعي الرسمي يعني والا شنو؟
.
📰 الانتباهة:
👈 إقالة وكيل وزارة الحكم الاتحادي
📌 دا كان منسي والا دافن دقن ؟
.
📰 الرأي العام:
👈 معتمد الخرطوم:”60%” من الحافلات تبيع حصتها من الوقود لجهات مجهولة
📌 اسمها تبيع حصتها للكيزان مافيش حاجه اسمها جهات مجهولة
.
📰 الرأي العام:
👈 وزير الصناعة: ترتيبات لإعفاء مدخلات إنتاج السكر من الجمارك
📌 خطوة طيبة
.
📰 الرأي العام:
👈 القاهرة ترتب لدعوة رؤساء دول الجوار لبحث السلام في السودان
📌 الله الغني ... شكر الله سعيكم
.
📰 السوداني:
👈 وزير سابق: امتلكت”124″ قطعة من أراضي جامعة الخرطوم
📌 الله لا بارك لك فيها
.
📰 السوداني:
👈 “قوى الحرية” تعتمد ترشيح سياسيين لشغل مناصب الولاة
📌 أعرضوهم علينا الأول
.
📰 السوداني:
👈 النيابة تحقق مع معاشيين ومدنيين متهمين بالمشاركة في”الانقلابية”
📌 كدي حاكموا لنا الفي كوبر ديل بعدين فتشوا من هم خارجه
.
📰 أخبار اليوم:
👈 وصول وفد الحكومة لمفاوضات جوبا وجبريل ابراهيم يتحفظ ويعلن عن مشاركة رمزية
📌 رمزية كيف ؟ يعني رسل واحد اسمه رمزي ؟
.
......
📌ابووضاح 📌

مات الظلم جوااااااي...💔
وانا باقي في ستة...
ستة القيادة هنااااااك...😔
والماتو في اللستة...