Forwarded from 被捕人士收信部
【人話：寫信師 / 分信師篇】三分鐘熱度
撰文：長沙灣Benjamin Button
一月時，喺IG睇到「一拳書館」開監獄文學班，本來諗住去學下監獄文學，結果卻有意外收穫，步上左寫信師之路。
還記得監獄文學班每次上完堂，都要我哋交一份功課，就係寫一封信俾牆內手足。因為連手足性別同年齡都唔知，再加上好多年都未寫過信，所以真係好難下筆。另外，就係回信問題，因為牆內手足可能因為種種原因，無辦法回信，所以要提醒自己，千萬唔好因為無收到回信而氣餒。
但係到咗文學班最後一個星期，突然收到一位手足嘅回信，而且仲慢慢建立起筆友關係，後來仲打聽到呢位手足獲准保釋，聽到呢個消息，我仲開心過收到佢回信，慢慢亦令我明白牆外打氣嘅重要。
除左寫信師呢個身份，自從三月起，我每星期都會去石牆花做分信師，分信師職責就係幫手拆信分信俾唔同手足。還記得三月時，一日收到嘅信，係分幾日都分唔完，拆出黎嘅信封，往往係一座山咁多。慢慢地，嚟到七月，每日分嘅信，一個鐘都分得完。當望住每日嘅新聞，知道牆內嘅人愈來愈多，但反而信就愈來愈少，有時都好擔心手足會被遺忘，然後又會提自己，千萬唔好三分鐘熱度，要好好寫好每封信，唔好令手足喺牆內覺得寂寞，令佢地覺得一直有人同佢同行。
我哋在牆外，成日覺得無力感好重，好多嘢想幫手又無從入手，但其實令牆內手足覺得有人同佢哋同行，已經好足夠。
石牆花《高牆周訊》Vol. 2
撰文：長沙灣Benjamin Button
一月時，喺IG睇到「一拳書館」開監獄文學班，本來諗住去學下監獄文學，結果卻有意外收穫，步上左寫信師之路。
還記得監獄文學班每次上完堂，都要我哋交一份功課，就係寫一封信俾牆內手足。因為連手足性別同年齡都唔知，再加上好多年都未寫過信，所以真係好難下筆。另外，就係回信問題，因為牆內手足可能因為種種原因，無辦法回信，所以要提醒自己，千萬唔好因為無收到回信而氣餒。
但係到咗文學班最後一個星期，突然收到一位手足嘅回信，而且仲慢慢建立起筆友關係，後來仲打聽到呢位手足獲准保釋，聽到呢個消息，我仲開心過收到佢回信，慢慢亦令我明白牆外打氣嘅重要。
除左寫信師呢個身份，自從三月起，我每星期都會去石牆花做分信師，分信師職責就係幫手拆信分信俾唔同手足。還記得三月時，一日收到嘅信，係分幾日都分唔完，拆出黎嘅信封，往往係一座山咁多。慢慢地，嚟到七月，每日分嘅信，一個鐘都分得完。當望住每日嘅新聞，知道牆內嘅人愈來愈多，但反而信就愈來愈少，有時都好擔心手足會被遺忘，然後又會提自己，千萬唔好三分鐘熱度，要好好寫好每封信，唔好令手足喺牆內覺得寂寞，令佢地覺得一直有人同佢同行。
我哋在牆外，成日覺得無力感好重，好多嘢想幫手又無從入手，但其實令牆內手足覺得有人同佢哋同行，已經好足夠。
石牆花《高牆周訊》Vol. 2