y655y nlsmood w981w vxmere 🍓

እግዚአብሔር አለምን ፈጠረ እንጂ አለም እግዚአብሔርን አልፈጠረም::

አለም የእግዚአብሔር ነው እንጂ እግዚአብሔር የአለም አይደለም::

የትም ሁን .....ከማንም ጋር ሁን .......በምንም አይነት ሁኔታ ውስጥ ሁን .......የአለም እና የአፅናፈ አለም ፈጣሪ የሆነውን አባታንን እግዚአብሔርን የማግኘት መብት አለህ::

በእርግጥ የምታውቃቸው ሰዎች ሁሉ እንደየ ሁኔታው ይቀያየራሉ::

ሲሳካልህ ወዳጅ ካልሆነልህ ጠላት ሊሆኑ ይችላሉ::

እግዚአብሔር ግን ምንም አይቀየርም::

በውድቀትህም በስኬትህም እርሱ ደግ እግዚአብሔር ነው::በህያውነቱ ባንተ ውስጥ እና ባንተ ዙርያ ሳይለወጥ የሚኖር ነው::

የማይቀየረውን እግዚአብሔርን ትተህ የሚቀየረው አለምን አታንሳ::ከአምላክ በላይም በሰው ላይ አጉል አትደገፍ::

የመልካም ሰዎች ደግነት ውስጥ አንዱን መልካም እግዚአብሔርን እይ::

ሰዎች ስንባል ሁላችንም ከሀጥያት የተገመደ የክፋት ሸማ ለባሾች ነን::ከደጉ አባታችን ካልተዋስን በስተቀር በራሳችን መልካም ልንሆን አንችልም::

ደግ እግዚአብሔርን በጨካኙ አለም ማወቅ እንዴት ደስ የሚል ነገር ነው?

በሚጠፋው አለም የማይጠፋውን የእግዚአብሔርን ፍቅር መቅመስ ምነኛ ነፃ የሚያወጣ ነው?

በዚህ ሰዓት ይህንን እያነበብክ ጭንቀት : ፍርሃት : ውጥረት ወይም ማንኛውም የማታውቀው እና የምታውቀው ችግር ውስጥ ካለህ ችግሩ ችግሩ ሳይሆን ልብህ እግዚአብሔርን አለማወቁ ነው::

ምን ቸግሮሃል? ገንዘብ? ትዳር? ቢዝነስ? የዶላሩ ጉዳይ? ስራ? የቤተሰብ ግጭት ? ስለእነዚህ ችግሮች ማሰብ አቁምና ለትንሽ ቅፅፍት አስገኚህን እግዚአብሔርን አስብ::

እግዚአብሔርን ....”ግን እውን እብረኸኝ ነህ?” ብለህ በእምነት ጠይቅ::

ውስጥህ መንቀጥቀጥ ይጀምራል::ልብህ በደስታ ያበራል::ገና ሳትጠይቀው ነፍስህ መልሱን ስለምታውቅ ሀሴት ታደርጋለች::ከእግዚአብሔር ጋር ስትገናኝ መኖር ትጀምራለች::

አሁን በሙሉ ልብ እንኳኳ ይከፈታል!
አሁን በሙሉ እምነት ጠይቅ ይመለሳል!
አሁን በሙሉ ልብህ እሻ ታገኛለህ!
እመነኝ!

7.5K viewsMan, edited 20:33