⚡️ Texnikumlarga qabul 25-avgustgacha davom etadi

👥 Oliy va kasbiy ta’lim muassasalariga kirish test sinovlarida ishtirok etgan abituriyentlar 2026-yil 25-avgustga qadar my.uzbmb.uz saytida kasbiy ta’lim muassasasi (kollej yoki texnikum), kasb va mutaxassislik hamda ta’lim shaklini tanlashlari lozim.

👨‍💻 Abituriyentlar tanlash muddati yakunlangunga qadar o‘z tanlovlarini o‘zgartirishlari mumkin.

📝 Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari tanlash to‘liq yakunlangandan so‘ng bir hafta muddatda e’lon qilinadi.

🎓 @Mandat — Ta'lim yangiliklari

❗️Bu yil 37,5 foiz abituriyent 56,7 ball ham to‘play olmagan
#abituriyent

Ma’lum qilinishicha, bu yil abituriyentlarning 230 ming 935 nafari (37,5 foizi) 56,7 dan (maksimal ballning 30 foizi) past ball yig‘gan. Ushbu ko‘rsatkich o‘tgan yillardagiga nisbatan sezilarli yaxshilangan.

Xususan, yillar kesimida 56,7 balldan past to‘plagan abituriyentlar ulushi quyidagicha bo‘lgan.

▪️2022-yilda — 51,2%
▪️2023-yilda — 49,4%
▪️2024-yilda — 46,9%
▪️2025-yilda — 41,2%
▪️2026-yil — 37,5% 🆕

Shuningdek, davlat granti bo‘yicha o‘rtacha o‘tish balli 134,6 ball, to‘lov-kontrakt bo‘yicha esa 93,7 ballni tashkil etgan. O‘tgan yili bu ko‘rsatkichlar mos ravishda 121,8 va 84,9 ball bo‘lgan.

🎓 @Mandat — Ta'lim yangiliklari

❗️Abituriyentlarga “Oltinchi yo‘nalish” tanlovi kelasi hafta ochilishi mumkin

Abituriyentlarga vakant o‘rinlardan “oltinchi yo‘nalish”ni tanlash imkonini berish masalasi ham kelasi haftada ishga tushirilishi rejalashtirilyapti. Bunda abituriyent o‘zining fanlar majmuasiga mos va bo‘sh o‘rin qolgan ta’lim yo‘nalishlarini tanlay oladi.

Bu haqda Oliy ta’lim, fan va innovatsiyalar vazirining birinchi o‘rinbosari Sardor Rajabov ma’lum qildi.

🎓 @Mandat — Ta'lim yangiliklari

❗️Milliy sertifikat uchun maksimal ball berish masalasi qayta ko’rib chiqilmoqda
#abituriyent

Oliy ta’lim, fan va innovatsiyalar vazirining birinchi o‘rinbosari Sardor Rajabovning ma’lum qilishicha, hozirgi kunda milliy sertifikat uchun maksimal ball berish tizimi qanchalik to’g’ri ekani ko’rib chiqilmoqda.

Vazir o’rinbosarining so’zlariga ko’ra, bir necha yildan so’ng milliy sertifikat bilan o’qishga topshiradigan abituriyentlar soni test sinovlari bilan topshiradiganlardan ortib ketishi, ko’pgina abituriyentlarning bitta joyga “tiqilib qolishi” holatlari kuzatilishi mumkin.

🎓 @Mandat — Ta'lim yangiliklari

⚡️ Rasman: keyingi haftadan abituriyentlarga 6-yo'nalish tanlash imkoni beriladi

◼️O'zi tanlagan 5 ta yo'nalishga kira olmagan, lekin baland ball to'plagan abituriyentlar 6-yo'nalish tanlashi mumkin bo'ladi.

🎓 @Mandat — Ta'lim yangiliklari

⚡️Oliy ta’lim tashkilotlari, akademik litsey va texnikumlarda yangi o‘quv yili boshlanish sanasi belgilandi

2026/2027-o‘quv yilida akademik litsey va texnikumlarda o‘quv jarayonlari 2-sentyabrdan boshlanadi.

Oliy ta’lim tashkilotlarida esa:

✅1-bosqich talabalari uchun — 7-sentyabrdan;
✅2-bosqich va undan yuqori bosqich talabalari uchun — 14-sentyabrdan o‘quv jarayonlari tashkil etiladi.

🎓 @Mandat — Ta'lim yangiliklari

⚡️Yiqilgan abituriyentlarda bo'sh qolgan o'rinlarda 6-yo'nalish tanlash imkoni bor

✅ Bunga oid hukumatning tegishli qarori bor. Unga ko'ra, minimal ball to'plagan, biroq talabalikka tavsiya etilmagan abituriyentlarga bo'sh qolgan yo'nalishlarda tanlovda qatnashish imkoni beriladi.

Qarorga ko'ra, jarayon quyidagicha tashkil etiladi:

— imtihon natijalari e'lon qilingach, bir hafta o'tib, fanlar majmuasi va ta'lim tili mos vakant yo'nalishlarga bir hafta muddatda ro'yxatdan o'tiladi;
— qabul reyting ketma-ketligiga qat'iy rioya qilingan holda, bazaviy to'lov-kontrakt asosida amalga oshiriladi;
— BMBA shakllantirgan qaydnomalar OTMlar uchun buyruq rasmiylashtirishga asos bo'ladi.

✅ Eslatib o'tamiz, vakant o'rinlar bo'yicha tanlov faqat imtihonda qatnashib, minimal balldan o'tgan (56,7) abituriyentlar uchun amal qiladi.

🎓 @Mandat — Ta'lim yangiliklari

❗️32 mingdan ortiq vakant o‘rinlar uchun oltinchi yo‘nalish tanlash boshlandi

Oliy ta’lim tashkilotlarining bakalavriat ta’lim yo‘nalishlariga kirish imtihonlarida ishtirok etib, belgilangan minimal 56,7 ball va undan yuqori ball to‘plagan, biroq talabalikka tavsiya etilmagan abituriyentlarga, shu jumladan, ro‘yxatdan o‘tishning ikkinchi bosqichida oliy ta’lim tashkiloti va bakalavriat ta’lim yo‘nalishlarini tanlamagan abituriyentlarga vakant o‘rinlar mavjud bo‘lgan, fanlar majmuasi va ta’lim tili mos bakalavriat ta’lim yo‘nalishlari bo‘yicha qo‘shimcha tanlovda ishtirok etish imkoniyati yaratildi.

🏫 2026/2027-o‘quv yilida jami 80 ta oliy ta’lim muassasasida 31 ming 808 ta vakant o‘rin mavjud bo‘lib, mazkur vakant o‘rinlarni to‘ldirish maqsadida abituriyentlar o‘rtasida qo‘shimcha tanlov o‘tkaziladi.

⌛️2026-yil 22-avgustdan 28-avgustga qadar (shu kuni ham) Agentlikning my.uzbmb.uz rasmiy platformasi orqali mazkur toifadagi abituriyentlar qo‘shimcha tanlovda ishtirok etish uchun ro‘yxatdan o‘tishlari mumkin.

Abituriyentlarga fanlar majmuasi va ta’lim tili mos bo‘lgan, vakant o‘rinlar mavjud bakalavriat ta’lim yo‘nalishlarini tanlash huquqi beriladi.

📋 Ro‘yxatdan o‘tgan abituriyentlar vakant o‘rinlarga to‘plagan ballari ketma-ketligiga qat’iy rioya qilingan holda, bazaviy to‘lov-kontrakt asosida talabalikka tavsiya qilinadi.

Tanlov yakunlari bo‘yicha Bilim va malakalarni baholash agentligi tomonidan tegishli tanlov qaydnomalari shakllantirilib, oliy ta’lim tashkilotlariga taqdim etiladi.

🎓 @Mandat — Ta'lim yangiliklari

Oltinchi yo’nalish tanlayotganda quyidagilarni unutmang:

1️⃣ barcha fanlar majmuasi uchun vakant kvota mavjud emas. Masalan, tarix + chet tili yo’nalishida vakant joy yo’qligini ko’rsatmoqda.

My.uzbmb.uz saytidagi shaxsiy kabinetingiz orqali bo’sh joy bor yoki yo’qligini bilib olishingiz mumkin;

2️⃣ siz tanlagan fanlar majmuasi uchun vakant kvota bor bo’lsa ham, lekin siz istagan hududga va oliygohga bo’lmasligi mumkin. Menga Toshkent kerak edi, menga falon oliygoh kerak edi, deganingiz bilan foyda yo’q. Ro’yxatda qayer chiqsa, o’shanga bor, chiqmaganiga yo’q.

🎓 @Mandat — Ta'lim yangiliklari

#Qabul2026 #Vakant_joy #Tanlov

📣 Abituriyentlar diqqatiga!

🎥 Oliy ta’lim muassasalari, ta'lim yo‘nalishlari, ta'lim shakllari va ta'lim tillari kesimidagi vakant o‘rinlar uchun qo‘shimcha tanlovda ishtirok etishda ro‘yxatdan o‘tish tartibi bo‘yicha videoqo'llanma tayyorlandi.

📹 Ushbu bosqich tanlovda ishtirok etuvchilarni mazkur videoqo‘llanma bilan tanishib chiqishlari tavsiya etiladi.

Videoqo'llanmani Youtube orqali ko‘rish (HD formatda)

🎓 @Mandat — Ta'lim yangiliklari

#Qabul2026
#Vakant_joy
#Tanlov

DIQQAT, E'LON!

Qoʻshimcha tanlov uchun vakant oʻrinlar mavjud bakalavriat taʼlim yoʻnalishlari

2026-2027-oʻquv yili qoʻshimcha tanlov uchun vakant oʻrinlar mavjud bakalavriat taʼlim yoʻnalishlari roʻyxati shakllantirildi.

Roʻyxatda KUNDUZGI, KECHKI va MASOFAVIY ta'lim shakllari bo'yicha OTMlarning umumiy qabul parametrlari doirasida qolgan vakant (bo‘sh) o‘rinlar taqsimoti keltirilgan.

OTMlar, taʼlim yoʻnalishlari, taʼlim shakli, taʼlim tili kesimida amalga oshirilgan vakant oʻrinlar taqsimoti va fanlar majmuasi bilan yuqorida berilgan PDF fayl orqali batafsil tanishish mumkin.

🎓 @Mandat — Ta'lim yangiliklari

ENG KO‘P VAKANT O‘RIN QAYSI OLIYGOHDA QOLGAN?

2026/2027 o‘quv yili uchun e’lon qilingan vakant o‘rinlar ro‘yxatini OTMlar kesimida tahlil qildik.

📊 Eng ko‘p bo‘sh o‘rin qolgan TOP-10 OTM:

🥇 Farg‘ona davlat texnika universiteti — 1 808 ta

🥈 Buxoro davlat texnika universiteti — 1 527 ta

🥉 Qarshi davlat texnika universiteti — 1 497 ta

4️⃣ Olmaliq davlat texnika instituti — 1 357 ta

5️⃣ Nukus davlat texnika universiteti — 1 269 ta

6️⃣ Toshkent kimyo-texnologiya instituti — 1 225 ta

7️⃣ Termiz davlat muhandislik va agrotexnologiyalar universiteti — 1 161 ta

8️⃣ Jizzax politexnika instituti — 1 121 ta

9️⃣ Qoraqalpoq davlat universiteti — 968 ta

🔟 Namangan davlat texnika universiteti — 912 ta

❗️ E’tibor bering: TOP-10 ro‘yxatning deyarli barchasini texnika, muhandislik va texnologik yo‘nalishlarga ixtisoslashgan OTMlar egallagan.

Bu avvalgi tahlilimizdagi natija bilan ham mos keladi: barcha 31 833 ta vakant o‘rinning 51 foizi matematika + fizika fanlar majmuasiga to‘g‘ri kelgan.

🎓 @Mandat — Ta'lim yangiliklari

⚡️Vakant (bo‘sh) o‘rinlar bo‘yicha eng ko‘p so‘ralgan savollarga javoblar

❓Kimlar hujjat topshira oladi?
 

Kirish imtihonlarida ishtirok etgan va minimal 56,7 va undan yuqori ball toʻplagan, lekin oʻqishga kira olmagan abitiruyentlar va qabulning tanlov bosqichida OTM va yoʻnalish tanlamagan abituriyentlar bo’sh o’rinlar uchun hujjat topshirishi mumkin.

❓Nechtagacha yoʻnalish tanlash mumkin?

Fanlar majmuangizga mos keladigan yoʻnalishlarda boʻsh oʻrin boʻlsa, 5 tagacha yoʻnalish, oliy ta’lim muassasasi va istalgan ta’lim shakli – kunduzgi, kechki va masofaviydan birini tanlashi mumkin.

❓Boʻsh oʻrin uchun qayerdan ariza qoldiraman?

Bilimni baholash agentligining my.uzbmb.uz saytidagi shaxsiy kabinetingiz orqali “vakant oʻrinlar uchun ariza berish” boʻlimida ariza topshiriladi.

 
❓Balim yetsa, grantga kiramanmi yoki kontrakt?

Ro‘yxatdan o‘tgan abituriyentlar vakant o‘rinlarga to‘plagan ballari ketma-ketligiga qat’iy rioya qilingan holda, bazaviy to‘lov-kontrakt asosida talabalikka tavsiya qilinadi.

 
❓Qabul qachongacha davom etadi?

Vakant oʻrinlar uchun arizalar 22-avgustdan 28-avgustgacha davom etadi. Mandat qabul yakunlangach bir hafta ichida e’lon qilinadi.

❓Nega men tanlagan yoʻnalishda boʻsh oʻrin chiqmayapti?

Chunki ayrim yoʻnalishlarda kvota toʻlib boʻlgan va bunday holatda qoʻshimcha oʻringa qabul boʻlmaydi. Faqatgina toʻlmay qolgan oʻrinlar uchun hujjat topshirish mumkin.

🎓 @Mandat — Ta'lim yangiliklari

❓Bu yil abituriyentlar eng ko‘p qaysi universitet va yo‘nalishlarni tanladi?

📌Vazirlik maʼlumotlariga koʻra, abituriyentlar tanlovida uchta oliy taʼlim tashkiloti yetakchilik qilgan:
 

✔️ Toshkent davlat iqtisodiyot universiteti (TDIU);
✔️ Oʻzbekiston davlat jahon tillari universiteti (OʻzDJTU);
✔️ Mirzo Ulugʻbek nomidagi Oʻzbekiston Milliy universiteti (OʻzMU).

 
Abituriyentlar eng koʻp qiziqish bildirgan yo‘nalishlar orasida:
 

✔️ Davolash ishi;
✔️ Iqtisodiyot;
✔️Filologiya va tillarni oʻqitish: ingliz tili bor.

 
📑Shuningdek, joriy yilgi oʻrtacha oʻtish ballari davlat granti asosida 134,6 ball, toʻlov-kontrakt boʻyicha esa 93,7 ballni tashkil etgan.

🎓 @Mandat — Ta'lim yangiliklari

❗️❗️Magistratura natijalari qachon e’lon qilinadi?

✅Javob: Magistraturaga hujjat topshirgan talabgorlarning natijalari shu hafta oxirigacha e’lon qilinishi kutilmoqda.

📌 Batafsil ma’lumotni yuqoridagi video orqali bilib olishingiz mumkin.

🎓 @Mandat — Ta'lim yangiliklari

6-yo'nalish bo'yicha qabul 28-avgust yakunlanadi.

Yakuniy mandat esa bir hafta ichida 5-sentyabrgacha e'lon qilinadi.

6-yo'nalishda faqat to'lov kontrakt asosida o'qishga qabul qilinadi.

🎓 @Mandat — Ta'lim yangiliklari

⚡️ 1-bosqich talabalarini OTMga kelganda qanday tadbirlar kutyapti?

➖Talabalarni tantanali kutib olish;
➖"Kredit ta'limi tizimiga kirish" haftaligi;
➖"Talabalikka bag'ishlov" tadbirlari.

"Mustaqillik darslari":
➖Sentyabr oyida ta'lim tashkilotlarida "Yagona vatan, yagona xalq bo'lib, yangi hayot va kelajak yarataylik!" shiori ostida "Mustaqillik darslari" o'tkaziladi.
➖Ular doirasida jadidchilik namoyandalari va qatag'on qurbonlariga bag'ishlangan mashg'ulotlar, ma'naviy-ma'rifiy tadbirlar, davra suhbatlari, uch avlod uchrashuvlari, viktorina, ko'rik-tanlovlar hamda sport musobaqalari bo'lib o'tadi.

🎓 @Mandat — Ta'lim yangiliklari

⚡️Kontraktni 4 qismga bo'lib to'lash mumkin: shartlari va muddatlari haqida batafsil

✔️Har yili toʻlov-kontrakt asosida oʻqishga kirgan talabalarga kontrakt toʻlovlarini bir yil davomida 4 qismga boʻlib toʻlash imkoniyati beriladi.

Bunda muddatlar quyidagicha:

25% ni — 1-kursga tavsiya etilganlar 15-sentyabrgacha, ikkinchi va undan keyingi bosqich talabalari uchun 1-oktyabrgacha;

50% ni — 2025-yil 1-yanvargacha;

75% ni — 2025-yil 1-martgacha;

100% ni — 2025-yil 1-maygacha.

❗️Eslatma: to’lov muddatlari uzaytirilishi ham mumkin. Bunda 1-kursga kirganlarning dastlabki muddatini uzaytirish vakolati Davlat qabul komissiyasiga berilgan, qolgan holatlarda OTM rektorlari belgilaydi. 2025-2026-o'quv yilida birinchi kurslar uchun dastlabki 25 foizni to'lash muddati 30-oktyabrgacha uzaytirilgan edi.

🔰 Bundan tashqari, moliyaviy mustaqillik berilgan davlat oliy taʼlim muassasalari va nodavlat oliygohlar kontrakt narxlari va toʻlash muddatlarini mustaqil tarzda belgilaydi.

Joriy yilda birinchi kursga qabul qilingan talabalar va yuqori kurs talabalari kontrakt to'lovi uchun kontrakt.edu.uz sayti orqali ariza yuboradi.

❗️Boʻlib toʻlash imkoniyati super-kontrakt uchun ham amal qiladi. Lekin super-kontraktda oʻqimoqchi boʻlgan abituriyentlardan dastlab 50% toʻlovni amalga oshirish talab etiladi. Shundan keyin kontraktning qolgani miqdorini umumiy tartib asosida boʻlib toʻlash imkoniyati beriladi.

🎓 @Mandat — Ta'lim yangiliklari

❗️Toshkent shahridagi oliygohlarda yangi oʻquv yilidan darslar soat 08:00 da boshlanadi

2026/2027-o‘quv yilidan boshlab Toshkent shahrida joylashgan oliy ta’lim tashkilotlarida birinchi smenadagi o‘quv mashg‘ulotlari soat 08:00 da boshlanadi.

Oliy ta’lim, fan va innovatsiyalar vazirligiga ko‘ra, mazkur tartib poytaxtda transport oqimini samarali tashkil etish, ertalabki va kechki tigʻiz vaqtlarda yoʻllardagi yuklamani kamaytirish hamda taʼlim jarayonini yanada maqbul tashkil etishga qaratilgan.

Yangi oʻquv yiliga tayyorgarlik jarayonida poytaxtdagi oliy taʼlim tashkilotlari rahbarlari, professor-oʻqituvchilar, pedagoglar hamda talabalardan mazkur tartibni inobatga olish soʻraldi.

🎓 @Mandat — Ta'lim yangiliklari