⚫️ياويلي عله السجاد
گضّه العمر بالاحزان
⚫️من عگب اليسر والهم
سار بولية العدوان
@@@@@@@@@@@@@@@@@
شسولف عن ابو الباقر
وآلآمه الغدت كثره
عليل وجسمه ظل منحول
ولجله نسچب العبره
عله مصاب الولي ننحب
نجر حسره باثر حسره
آه اعله الگضه مسموم
بدال الدمع نجري دموم
حزنانه السمه هليوم
يانار القهر والضيم
من عدها الچبد خلصان
&&&&&&&&&&&&&&&&&&&&&&&
يوسفه راح ابو محمد
لاچن شاف هضم وجور
يصيح حسين خليته
عطشان الگلب مفطور
من بعد الچتل داسوه
وصدره مرضض ومكسور
محزوز النحر دامي
نايم عالترب ظامي
وراسه يلوح جدامي
من فوگ الرمح ياناس
وشفاهه ترتل القران
&&&&&&&&&&&&&&&&&&&&&&&
ياشيعه لون تدرون
يوم النوگ جابوهن
عماتي وخواتي شلون
من رادو يركبوهن
حراير والخدر عنوان
تالي بيسر يسبوهن
صحت ياعمي ياعباس
ياهيبه ويرفعة راس
لحگ شوف هاالارجاس
ما عدهم رحم ويلاه
عل الاطفال والرضعان
&&&&&&&&&&&&&&&&&&&&&&&
أذكر من سروا بينه
ومرونه عله الأحباب
حسين اعله الوجه مطروح
ياوسفه وسليب ثياب
وزينب تنظر الهلحال
ومن عدهه الدمع سچاب
تصيح شلون ياعمه
آآ ياهضمة الهضمه
خليني أظل يمه
گلتلها لون تبقين
منهو يباري النسوان
&&&&&&&&&&&&&&&&&&&&&&
يوم اثلثطعش من جيت
گاصد دفن ابوي حسين
جسمه مگطع بلاراس
حضنته وبس تهل العين
لاچن خنصره مگطوع
وايدينه بلا چفين
لن صوت النحر مسموع
گلبي ياعلي مفجوع
عبد الله تراهو يلوع
عله صدري دوسده بساع
تراني اعله الطفل لهفان
&&&&&&&&&&&&&&&&&&&&&&
بعد شحچي اعله ذاك الگيد
ورگبتي تسيل منها دموم
آنه وعمتي مچتوفين
بحبال الكفر والشوم
آآ يا عملة اهل الشام
ماتنوصف هاي الگوم
لاغيره البگت عدها
ويزيد الي يحشدها
وبگصره يواعدها
وآنه لوحدي ظليت
لا وليان لا خوان
&&&&&&&&&&&&&&&&&&&&&&&
أعيش بلوعه من اتمر
صورة كربله ابالي
لا اگدر اضوگ الماي
اويلوم اللايم بحالي
ولا أنسه الفجايع ذيچ
تبقه وياي للتالي
ما بطل البچي والنوح
يظل مني الدمع مسفوح
وبگلبي چثيره جروح
وآنه من الالم موجوع
أعيش بمحنتي حيران
@@@@@@@@@@@@@@@@@

#سمير_الصالحي
#النجف_الاشرف

##شهادة_السجاد


الامام علي السجاد عليه السلام


ابچي ودمعتي.       تشرح قصّتي
ما انسه الجَرَه.         بهلي وعمّتي
.........
علي السجاد أنه يامن تلوموني
ليش دموعي ما نشفت تسئلوني
شفت عمّاتي مسبيّات بعيوني
ما كف الدمع لو طاحن جفوني
زينب عالهزل      مچتوفه بحبل
شلون اهدأ بعد.   وهنَه بدنيتي
........
عليل بكربله ابچي وأون سكته
ابوي حسين ضامي ونذبح شفته
وشوف الخيل گامت تسحگ بجثته
وراسه عله الرمح مسبي ويعائلّته
عمّي عله النهر.     مذبوح النحر
كلها بكربله.       مذبوحه اخوِتي
.......
تمنّيت المنية وما اجت ليّه
يوم الطبّت عله الشام مسبيّه
زينب عمّتي وتباوع عليّه
مچتوفه بحبل ما تنعقل هيّه
هاي ام الخدر.     حاديها الشمر
من هايه متت.    والله بحرگتي
........
اهيد شلون وانه الشاهد عليها
عمتي بمجلس يزيد وشمت بيها
من هاي المصيبه دموعي اجريها
مو بس تجري دمّ الواجب اعميها
اقسم والنبي.    موّتني السبي
ليش تأخّرت.    بالطف ساعتي
.......
عكب هاي المصايب عايش بآلام
بين جروح گلبي وسلطة الظلّام
مظلوم بحياتي عام اشد من عام
من ظلم آل امية بگلبي كومه سهام
ظلموني شكثُر.     بچفوف الغدُر
تالي بلاذنب.      سمّوا چبدتي
.......
أنه السجاد ظلموني وعشت مظلوم
من كثر المصايب والحزن مالوم
بالسم گطعوا چبدي ومتت مسموم
اذكروا مصيبتي ياشيعتي بهاليوم
واسوني بدمع.     گلبي المنفجع
ما تطفه ابد.       تسعر جمرتي

سيد زيد الفحام

__

الامام علي السجاد عليه السلام

يومية اموت ودمعي يحييني
جرح السبي يبّس شراييني
ما بية اي روح
ميّت بلجروح
جرح السبي يبّس شراييني
..........

آنه مو مرّه متت بجروحي مرات
من شفت بعيوني عمّاتي سبيّات
الموت اهون والله من ذيج المُعانات
مگيّديني بسلسله وانزف جراحات

ما انسه لحظه الجَرَه بعمّاتي
اذكر سبيهن وجري دمعاتي
ومرافگ النوح
ميّت بلجروح
جرح السبي يبّس شراييني
..........

عمري خلّصته بمناحه التهدم الحيل
اذكر المذبوح ابويه ودمعتي تسيل
ضامي ذبحوه آل امية وداسته الخيل
وذر من جسمه الحوافر گامت تشيل

بعيوني اشاهد وسچب العبره
خيل آل امية كسّرت صدره
شاهدته مذبوح
ميّت بلجروح
جرح السبي يبّس شراييني
..........

يا حسافه الموت متأخّر اجاني
واني كلسا ذبحه يذبحني زماني
لو ردت انسه جرح يلچمني ثاني
والأشد جرح السبي اكثر سباني

بعيوني دوم المنظر تشوفه
من طبّت الديوان مچتوفه
والمدمع يفوح
ميّت بلجروح
جرح السبي يبّس شراييني
..........

تلاثه وتلاثين عام امن المناحه
عالتولّوه جيش بسيوفه ورماحه
ابچي دم صبح ومسه ماكو استراحه
شفت ابوي مگطع وتنزف جراحه

لاخر نفس تچويني آلامه
نار الگلب من جمرة خيامه
دم نحره مسفوح
ميّت بلجروح
جرح السبي يبّس شراييني
..........

آنه زين العابدين جروحي كلفه
الظالم السمّاني بالسم والتشفّه
بالمصايب والنوايب ما تكفّه
لمَن سمم چبدي سَم هيهات يشفه

بالسم مرد چبدي وغفت عيني
وينه اليحبني خل يواسيني
بالدمعه والنوح
ميّت بلجروح
جرح السبي يبّس شراييني

سيد زيد الفحام
'__________

نزله للأمام علي السجاد عليه السلام

هـذا زين العابـديـن. لا تلومونه
مات من جرح السبي. يالتسئلونه
.......

ابتدت قصّة عذابه من مصيبة كربله
شاف بعيونه يشيعه. مقتل حسين وهله
وراح مسبي ويالسبايا وبرگبته السلسله
راحه ما شاف بحياته. والمحن متواصله

ساعة ما نشفت ابد. دمعة عيونه
مات من جرح السبي.  يالتسئلونه
.......

شاف عمّاته وخواته عالهزل طلعن سبي
مات من هاي المصيبه. وحتيه شبل النبي
وشاف يتباوع عليهن چم عدو وچم ناصبي
حگّه دم تهمل دموعه. يحدي بيهن اجنبي

بالمرض حيله انهدم. ما يرحمونه
مات من جرح السبي. يالتسئلونه
.......

عن علي السجاد شحچي يعجز السان الوصف
عذّبوه بجروح صعبه لا تلين ولا تخف
صابر بجدّه مُحــمّــد بالمواقف يتّصف
رغم كل هاي المصايب. كلّه حنّـيّـه وعطف

بالبواچي والدمع. ذبلن جفونه
مات من جرح السبي. يالتسئلونه
.......

مو شخص عادي يشيعه. حجة الله وآيته
وارث الهادي مُحـمّـــد من بنينه وعترته
علي السجاد بحياته. الأمّه لا ما رحمته
چان يهديها بعلومه. تالي بالسم غدرته

قرّرو سَم الوليد. بي يقتلونه
مات من جرح السبي. يالتسئلونه
.......

الليله من غدر آل امية. مات مسموم الچبد
بأمر من حاكم امية. نفّذوا اهل الحقد
شيّعه الباقر وشاله ونزّله بذاك اللحِد
لاشك بجرح السبايا. گلبه اكثر منمرِد

يشفع بيوم الحساب. لليواسونه
مات من جرح السبي. يالتسئلونه
.......
واجب بهاي المجالس. نذكر مصابه بدمع
حب علي السجاد آيه. بالضماير تنطبع
چبده ومصابه وعذابه اصله من كسر الضلع
ليش من شجرة نبينه. غصنه بالسم ينگطع

والحوائج تنگضي. من تذكرونه
مات من جرح السبي. يالتسئلونه

سيد زيد الفحام
____________

كأني بالأمام السجاد يخاطب عمه العباس اثناء السبي

نامت عينك ياعمــــي وهلن دمعاتي

نامت عينك واحتركت خيــمة عماتي

بجيت واصيح وراك نموت بدون هواك

نامت عينك

***

يابو فاضل ياهـــوه الله آخ ياريحــــة اهـــــلنه

تدري ظلينه يعمــــــــي بس ســبايه ومحد ألنه

ابلا محامـي ابلايه رايه ابلا افيــايي ابلا محنه

يروي بارد للعطــاشــــه شوف وجهك هايعمنه

عطشانين انشـــوف اعيونك ليش اتنام وتغفـــــــه اجفونك

واتراب الطف غطه امتونك بجيت بجيت

يمدللنه وبجالك محروسه الخيمه

يمدللنه مسبين ونمشـــــي الهيمه

عليل واكوم واطيح عذاب تعال نصيح

نامت عينك

****

كون اشوفك ودي اسولف عمي من نامت عيونك

من وكــــــع ساري علمنه آخ من غمضت جفونك

الجيــش ما خله بخيـــمنه فرهـــدو سلبو ضعونك

الموت ارحــــم من سبينه والله وابداعــــت متونك

لوميت بالطـــــــــف ابكترك وكبري اعله الشاطي ابصف كبرك

يالذابحنه ويكـــــــــتل هجرك بجيت بجيت

ناس التكره ايظحكون وشكوهه الرايه

ناس التكره دســناهه ايهوســون الثايه

جيوش تحوم ألوف خيول رماح سيوف

نامت عينك

هواي صحتك من شـــفتهه طاحت اخـتك وادفعوهه

كمت لاجـــن كمـت كوه فار دمـي امن اشتموهه

عمي سكتت تبجي عمتي عالمــتن حين اضربوهه

اعيونـــــهه انترس مدامع جيف بغيــــــابك ولوهه

كاتلهه الضـــيم ودم تبجي بس المدمع منهه اليشجي

تخنكَهه العبره اشما تحجي بجيت بجيت

تدري اشكالت وين الدك صـــدره وكفالي

تدري اشكالت كون الساعه يصير اكبالي

تكول اخوي غيور كفيل دماه تفور

نامت عينك

***

تبجي وادك اعله راســك لو تشوف المر عليه

عمـــي ما اكدر اكــومن مرمرتنـي الغاضريه

شفت من طكو خواتي وكامت اتناشغ رقيه

طفله وازغيرونه ترفــه تبجـي واتباوع عليه

تعبانه وضعفت واتغيرت من كد لجمات الطف سهرت

وامتون العلويــه اتورمت بجيت بجيت

شنهو البيدي طاحت يم حضني العلويه

شنهو البيدي ازغيرونه ارقيـه ومسبيه

يعم تنوح تعال سبي وجرح حبال

نامت عينك

***

بتنــه عمي بالصحاري الليل كله اسـمع بجيهن

كل خواتــي وامهـاتي افراشهن اصبح عبيهن

نايمه وحده اعله وحده وبالحـــــبال امجتفيهن

ماغفن عالراس صـدن يابو فاضل كل نعيهن

ننتظرك ترجــــع للعيله اسكينه امتانيتك كل ليله

العمي اتكول آنه اشكيله بجيت بجيت

وينك عنهه وتسطر من طكهه واذاهه

وينك عنهه بعباتك تمســــــح مبجاهه

جروح صراخ انين بجي عويل حنين

نامت عينك

***

الشاعر

ابو علي الركابي

من ميتٍ والموت خاتمة الجوى
أعياه ضغط القبر من فرط النّوى 🥀

لزم السواد رداءه مُتوسّدًا
هل خِلتَ سيماءً له فردًا ثوى؟! 🥀

لجنان مولاه الحسين رسائلٌ
يرجوه: أسبِل من عبابِك بالرّوى! 🥀

زعموا بأنّ الليل بيت سكينةٍ
ودويُّ روحي يصطلي درب الهوى 🥀

عاهدت عشاقًا بقربك لحدهم
فاقبل فؤادًا بالفراق قد اكتوى 🥀

وعلى الصراط المستقيم لكربلا
بالأربعين لرقدتي جسمي طوى 🥀

ليس الرّدى من أُخمِدَت أنفاسه
فالموت عندي أن أُفارق نينوى! 🥀

✍🏻 نغم جمول

🏴 العتبة الرضوية المقدسة
📱 +989903888900
🆔 t.me/ImamRedaAS

#قصيدة_نعي

يروون ما يروون
عمّا رأته عيون
لكنهم لم يذكروا ما شاهد الميمون

ميمون لم يروِ الحكاية فالجواد كتوم
وبطبعه حَمْلُ الثِّقال بسفرة المهموم
من يكتم الأسرار يُعميه الدخان لذا
يغدو فراشةَ حضرةٍ حول المراد تحوم

يروون ما يروون
عمّا بكته عيون
لكنهم لم يذكروا مما بكى الميمون

ميمون لم يروِ الحكاية فالبيان حِجاب
وشكاية الأحباب يا لشكاية الأحباب
يكفيك أنّ بياضَه سرٌ من الأسرار
في الصبح كان مرقطًا بعد الظهيرةِ شاب

يروون ما يروون
عميَت هناك عيون
لكنهم لم يذكروا أعمى الدمُ الميمون

ميمون لم يروِ الحكاية إنه عطشان
والرمل جفّف حلقه في زحمة الميدان
ما غادر المولى وقد رحل الجميع
بقي.. يحثوا التراب برأسه ليكفّن العُريان

يروون ما يروون
عن أضلع ومتون
لكن تُرى كم ألفُ جرحٍ كان في الميمون

ميمون لم يروِ الحكاية إنما هَمْهَم
فروت حكايتَه النساءُ مخضّبًا بالدم
ما تاه ميمونُ الهوى حاشى ولم يكبُ
لكنّه حين التقى الحورا غدا أبكم

يروون ما يروون
نظرتْ لهنّ عيون
لكنهم لم يكتبوا عن خجلة الميمون

ميمون لم يروِ الحكاية خاف أن يروي
عن حال حمّال السما عن ظهره يهوي
عيناه نِصفُ مفتّحٍ نومٌ على صحوِ
وبقيةُ الظامي سهامٌ جسمَه تروي

يروون ما يروون
عن نظرةِ المحزون
لتكون آخرُ نظرةٍ عيناً على الميمون


#نور_آملي
Https://t.me/nouramuli1
قصيدة #ميمون
١٠ محرم #١٤٤٤_هـ

#السبي
#السيدة_زينب

عـجـيـب يـا بـن هـنـد كـيف تجرا ** بأن تأتي بنا للشام أسرا
فـكـد كـيـدك عـلينا وأسع سعيك ** فلن تمحو لآل البيت ذكرا

أنا زينب أنا وأخت الحسن وحسين ** أنا بنت الوصي إلي ضارب بسيفين
أنـا إلـمـا جانت خيالي تشوفه العين ** جبتني ميسرة وأشقف مرام البين
عـفت ولياني صرعة وتدري ظلوا وين ** وبهذا اليسر تعرف إجيت امنين
حـسـيـن جـسـمـه فـوق الوهاد ** وأنت منعم وسكنت قصرا
فـمـهـمـا زاد ظـلـمـك والتمادي ** فلن تمحو لآل البيت ذكرا

تـظـن عـرشك يدوم وملكك وقصرك ** أبد والله مو دايم إلك دهرك
أشـوفـك وأحـتقر سلطانك وقدرك ** بذبح آل النبوة صدرت أمرك
أخـوتـي اتـذبـحـت بسيوفك وغدرك ** لهيب الحاتمه وجمرتها تنتظرك
ذلـيـلٌ أنـت رغـم الـقـصـر هـذا ** ونـحن أعزةٌ والله أدرى
سـتُـمـحـى أنـت وأعـلم يا بن هندٍ ** فلن تمحو لآل البيت ذكرا

جنود تحيط قصرك يا بن أبو سفيان ** ظهورك بالعرش والدولة والسلطان
تـظن تمحي فكرنا يا رجس غلطان ** فكر آل النبي خالد مدى الأزمان
إذا ربـك يـريـد يعلي أي إنسان ** بعد ما ينفع لو تجتمع إنس وجان
سـيـبـقى من جرى في الموت عزا ** ويفنى من سعى في الأرض جورا
إذاً لا فـرق أن تـفـنـى ونـبـقـى ** فـلن تمحو لآل البيت ذكرا

تـحـذر يـا يـزيد وهالأمر معلوم ** لا تصدق حكم ظالم يظل ويدوم
كـل مـجـرم إله بأحكامه ساعة ويوم ** ندامة ما تنفعه ولا يفيده اللوم
إذا يـوم الـقـيامة ينشدك القيوم ** يقلك ليش أبو اليمه إنذبح مظلوم
فـلـم تـقـتـل حـسـيناً لا ولكن ** قتلت محمداً في الطف جهرا
فـآل الـبـيـت لـو قـتـلـوا جميعاً ** فلن تحموا لآل البيت ذكرا

تـظـن ابـذبـح أخوتي تحصل أمجادك ** تعادلها ابدر وبمصرع أجدادك
أبـد لا والله هـذا الـفعل ما فادك ** عجيبه العبد إنت وتذبح أسيادك
تـسـل سيف الظلالة ورمح إلحادك ** تنصب راس أخويه براس هياجك
حـسـيـنٌ والـدنـا تـبـكـي عليه ** وسيف البغي منه إحتز نحرا
سـنـبـقـى حـتـف أنفك يا بن هندٍ ** ولن تمحو لآل البيت ذكرا

أخـويـه إلـفـصلوا بالذاري أجفانه ** طلع وبكتره قومه وجثث فتيانه
رمي سهامك تقصد حتى رضعانه ** كضت جنب النهر وآنه أهلي عطشانه
عـقـب ذبـح الـغريب وحرق صيوانه ** خذونه لليسر والروس ويانه
تـركـنـا أهـلـنا في الطف صرعى ** سلكنا مسلكاً في الأسر وعرا
بـرغـم الـبـيـض والـسـمر العوالي ** فلن تمحوا لآل البيت ذكرا

جثث عفناها بيها مشجرة الأشفار ** على رماح القمر روس الأهل تندار
هذا إللي جرى بولياني هذا إلصار ** صريعه ابلا دفن وإحنه على الأكوار
هـذا مـن هـوان الـدنـيا يا غدار ** أجيك ابيسر وآنه بضعة الكرار
كـأن الـعـقـل أوحـى لـي سـتفنى ** ولن تملك من الأرجاء قبرا
وأمـا نـحـن آل الـبـيـت نـحـيا ** فلن تمحوا لآل البيت ذكرا

*جابر الكاظمي*

https://youtu.be/eFsoi8B9FOM

#الرادود_يوسف_خزعل
#صلى_الله

حسينُ يا ابنَ فاطمة
بكتكَ أملاكُ السما
أيا شهيدَ كربلا
مَنْ غُسلهُ فيضُ الدِّما

صلى الله
على الدماءِ والنفوسِ الزاكياتْ
صلى الله
على الجسومِ والوجهِ الشاحباتْ
صلى الله
على الشفاهِ والعيونِ الذابلاتْ

يا بنَ الأطهارِ الهادين
يا غايةَ الآملين
نورَ عيني يا حسين
صلى الله عليكَ

صلى اللهُ عليكَ.. أبا عبد اللهِ
&&&
مولايَ إقبل دمعتي
حسينُ إرحمْ غربتي
إليكَ وجّهت الفؤادْ
فأنتَ أنتَ قبلتي

صلى الله
على الذبيحِ من توضّا بالدماءْ
صلّى الله
على شهيدِ وادي أرضِ كربلاءْ
صلى الله
على الحسينِ خامسِ أهلِ الكساءْ

يا بنَ الزهراءِ البضعةْ
وعداً إنْ يوماً نُدعى
خُذْ منّا عهدَ البيعةْ
يا حسينُ لبّيكَ

صلى اللهُ عليكَ.. أبا عبد اللهِ
&&&

سلامُ اللهِ للجراحْ
لمَن تجرّعَ الرماحْ
سلامُ قلبِ عاشقٍ
على المُضامِ المُستباحْ

صلى الله
على قطيعِ الرأسِ ذي الشيبِ الخضيبْ
صلى الله
على السليبِ والغريبِ والتّريبْ
صلى الله
على المقروعِ ثغرهُ عَصَا القَضيب

أقرحتَ منّا الجَفنَ
أسبَلتَ الدمعَ حُزنا
يا ليتَ معكمْ كنّا
نهوي بينَ يديكَ

صلى اللهُ عليكَ.. أبا عبد اللهِ

#زينب_فياض
#عظم_الله_أجورنا_وأجوركم

https://t.me/zeinabfayad28

*قصيدة بذكرى استشهاد الأمام زين العابدين عليه السلام*

خطبٌ به قد هـُدَّ ركنُ الرشادْ
حين قضى بالسمِّ زينُ العبادْ

لاتسألــــــــنْ باللهِ ماذا جرى
يوم قضى بالسمِّ خيرُ الورى
مثل أبيه المرتضى صــابرا
حين اعتلى بالحقد سيفُ المراد

هذا بنُ سعدٍ ذا وهذا الولــيدْ
وذاك هارونٌ وذاك يزيد
من صفوةِ الجبارِ ماذا تريدْ
نطفة ُ فرعون ٍورأسُ العنادْ

شمس بها يشرقُ نورُ الجليلْ
ومنهل يطفأ نارَ الخلــــــــيلْ
وأدمعٍ للسبطِ دوما تســــــيلْ
كالسمر ّإذ تـُشهرُ يومَ الجهادْ

له الصحافُ الغرِّ فيها البيانْ
مشكاةُ عرش ِالله طولَ الزمانْ
هو النداء الحق والترجمانْ
لآيةِ الذكر بأبــــــــهى مدادْ

لم أنْسَهُ إذ قام بين اللـــــئامْ
يتلو بآيات الهدى والســـلام ْ
محطما بالقول قصر الشئام
وطغمة َالكفرِ وبابَ الفـــسادْ

إني أنا بن البـــــيت والمنتــهى
والركن والذكر وأهل النــــــهى
إن تنكروا الهادي والَ البــــها
لن تنكروا الصيــحة َيوم التنادْ

يوم ينادي الله في العالمـــين
زينَ عبادِ الله والصالحــــــينْ
أينْ بنُ طه الطهرِ وابنُ الأمين
وأين عنوان الرجا والجوادْ

يارب ِّندعوكَ بصبر العليلْ
فما لنا كهفٌ ولا من مقيلْ
أن تنصرَ الدينَ بسيف ٍصقيلْ
حتى نظامُ الدين جهراً يعادْ
*
✍خليل الزبيدي

#السبي
#الشام

▪️في مصائب الامام زين العابدين (ع)

من أحداثِ الشام:
كما في تاريخ دمشق (الحديث 120) مختصر ابن منظور (17: 24) أنَّ المنهال بن عمرو دَخَلَ على الإمام السجاد (ع) فسأله كيف أصبحت؟..

فكأني بجواب مولانا زين العابدين (ع):

حُزْني وما أدراكَ مَا حُزْني
عنِّي حكى قيدُ الأسى عنِّي
إنِّي أَسيرُ الجُرْحِ والأَنِّ

١/منهالُ هذي حالتِي عن حالتي تُجاوِبْ
مِنْ كربلا للشَّامِ كَــمْ شاهدتُ مِنْ مَصائِبْ!
مُسبِّحاً بالقَيْدِ أتلو آيَةَ النَّوائِبْ:
مُردِّداً "نادِ علياً مُظْهِرَ العجائبْ"

بالحقدِ هٰذي الشامُ معروفَهْ
مأساتُها زادَتْ على الكُوفهْ
منهالُ سَلْ قيْدَ الأسى عنِّي
إنِّي أسيرُ الجُرْحِ والأَنِّ

٢/ألحَمدُ للهِ على البلاءِ.. لا السَّلامَهْ
فبعدَ ذبحِ والدي قامتْ لنَا القِيامَهْ
لَمْ يكْفِهِمْ سَلْبُ الرِّدا والدِّرعِ والعِمامَهْ
(بأربعينَ) حافِراً قَدْ طَحَنوا عِظامَهْ

ويلي على أَضْلاعِهِ ويلي
قدْ وزَّعَتها أَرجُل الخيْلِ
أغمضَتُ عن ذاكَ البلا جَفْني
إنِّي أسيرُ الجُرْحِ والأَنِّ

٣/أنا ابْنُ مَنْ أُسْرِي بهِ ليلاً على البُراقِ
ومِنْ زُقاقٍ صِرتُ مأسوراً إلى زُقاقِ !
إِنْ مالتِ الناقَةُ شدَّتْ بالأذى وِثاقي
هذا "قميصي أحْمرٌ" مِـنْ دَمِيَ المُراقِ

أغلالُهُمْ عضَّتْ على لَحْمي
حتَّى رأتْ لِيْ زينبٌ عَظْمي
كمْ أعْولتْ لمّا دنتْ منِّي
إنِّي أسيرُ الجُرْحِ والأَنِّ

٤/منهالُ عَذْبُ الماءِ كمْ أشعَلَني عَذابا
أستذكرُ الطِّفلَ رضيعاً سُقِيَ المُصابا
طفلٌ وهذا رأسُهُ فوقَ القناةِ شابا
قَرَأْتُ في عيونِهِ :"لا تضربوا الرّبابا"

سُكَينةٌ بصوتِها المُحْزِنْ
ترجوهُ سلِّمْ لِي عَلَى المُحسِنْ
إحترتُ بيْنَ البِنتِ والإبنِ
إنِّي أسيرُ الجُرْحِ والأَنِّ

٥/هذي "العصا" بهمسةٍ أقْلِبُها لِأفعى
أُومِي لها كيْ تلْقَفَ السِّياطَ حيثُ تسعى
لكنْ صبرتُ ناظراً إلى الصِّغَارِ جَوْعى
إِنْ يصرخوا أَشْبعَهُمْ رُمحُ اللئيمِ قَرْعا

جسمي نحيلٌ يشتكي العلَّهْ
لَمْ أستطِعْ أَنْ أحْمِيَ الطِّفْلَهْ
كمْ عذَّبتني شِدَّةُ الوَهْنِ
إنِّي أسيرُ الجُرْحِ والأَنِّ

٦/مِثْلَ بني اسْرَائِيلَ أصبحنا نَرَى الهَوانا
وكمْ بدا (إبنُ أبيهِ) مُبْغِضاً أبانا
كالتُّركِ أَو كالرُّومِ في البُلْدانِ قدْ سَبَانا
في مُوصِلٍ، في حَلَبٍ أيضاً ،وعسْقلانا

لِبَـعْــلَبَـكَّ كانتِ الجَوْلَهْ
في تُربِها ظــلَّتْ لنا "خَوْلَهْ"
أبكيتُ عينَ الإنسِ والجِنِّ
إنِّي أسيرُ الجُرْحِ والأَنِّ

٧/واعَجباً ،وكلُّ ما في الكَونِ قَدْ تَعَجَّبْ
هل "سورةُ الفتحِ" لقـصْرِ "الطُّــلَقاءِ" تَذْهبْ ؟!
يزيدُ قامَ شامتاً يسألُ أينَ زينبْ؟
حتَّى رأتْ ثَغْرَ أبي بالخَيزُرانِ يُضْرَبْ

مُذْ كسَّر اللعينُ أضراسَهْ
"عبّاسُ" هزَّ غاضِباً راسَهْ
لكنَّني في الأسرِ لكنِّي..
إنِّي أسيرُ الجُرْحِ والأَنِّ

#اللهم_عجل_لوليك_الفرج
علي عسيلي العاملي

#في_الخدمة_المقدسة
#الأربعينية_المقدسة
#يا_رجواي

حسين يا مولاي يا مولاي يا مولاي
حسين يا رجواي يا مولاي يا مولاي

قلبي هوى بهواكَ
يرجو حسينُ لقاكَ
هبني أزورُ حبيبي
لا أبتغي إلّاكَ

شوقي إليكَ ينادي
فالدمعُ صار مدادي
خطّيتهُ مرسالًا
في مصحفٍ لفؤادي
&&&

يا قاضي الحاجاتِ
يا سامع الدعواتِ
أرجوكَ بابَ اللهِ
يا كاشف الكرباتِ

رحماكَ يا مولايا
يا ساقيًا لظمايا
أرجوكَ فٱرحم عبدًا
ولتستجبْ لدُعايا

حسين يا مولاي يا مولاي يا مولاي
حسين يا رجواي يا مولاي يا مولاي
&&&
في أربعينك عهدي
قد زرتكم عن بُعدِ
قلّدت دعوةَ قائمْ
زر نائبًا يا مهدي

عنّي ألا احملْ رايه
واقصدْ مع المشّايه
واذرف دموعَ حنيني
وارفع هناكَ ندايا

حسين يا مولاي يا مولاي يا مولاي
حسين يا رجواي يا مولاي يا مولاي

#زينب_فياض
#عظم_الله_أجورنا_وأجوركم

https://t.me/zeinabfayad28

قصائد مقدمة المجلس
#رقم_34

شهادة #الإمام_السجاد عليه السلام
للشيخ محمد رضا الغراوي النجفي (ت ١٣٨٥ هـ)

1_ ما لِلْهُمومِ تَراكَمتْ بفؤادِي
أَضُعونُ مَنْ أَهْوَى حَداها الحادِي

2_ وديارُهُمْ ظلَّتْ غواسِقَ بعدَما
كانتْ شوارِقَ مِنْ سَناها الوادي

3_ فكَأنَّها أبياتُ آلِ المصطفَى
لمَّا خَلَتْ عَنْ أَهْلِها الأمجادِ

4_ حَيْرانَ حَرَّانَ الحَشَى مِمَّا لَقِي
مِنْ مِحْنَةٍ هارَتْ ذُرَى الأَطْوادِ

5_ أَعْني بهِ زَيْنَ العبادِ ومَنْ دُعِي
دُونَ الورَى بالسَّيِّدِ السَّجَّادِ

6_ هُوَ حُجَّةُ اللهِ ارْتَضاهُ لِخَلْقِهِ
وأَبُو الأئِمَّةِ عِلَّةُ الإيجادِ

7_ حَتَّى سَقَتْهُ السُّمَّ آلُ أُميَّةٍ
فقضَى سَمِيمَ الضَّغْنِ والأَحقادِ

8_ لم يَكْفِهِمْ ما جَرَّعُوهُ بكَرْبلا
مِنْ فادِحٍ قَدْ فَتَّ لِلأكبادِ

9_ قَدْ قَطَّعَ السُّمُّ الذُّعافُ فُؤادَهُ
قِطعاً فليتَ بِهِ أُصيبَ فُؤادي

10_ فمضَى حَمِيدَ الذِّكْرِ غَيْرَ مُذَمَّمٍ
عـفَّ الـمآزرِ طـاهرَ الأَبرادِ

11_ اللهُ أكبرُ أيُّ خَطْبٍ مُذْ دهَى
قَدْ بَرْقَعَ الإِسْلامَ ثوبُ حِدادِ

12_ قـدْ أَعـولتْ أملاكُها لمصابِهِ
وَتَـبدَّلَ الـتَسبيحُ بِالتعدادِ

***

أويـلي إعلى العليل المات بالسم
عگب ذاك الـيسر والهظم والهم

عگب ذيچ الهظيمه ومحنة الطف
او يـسره الـبي تگيَّد والتجتف
ونّـه مـا بطل ساعه ولا خف
لـمن جـبده يويلي انمرد بالسم

گام او غـسـله الـباقر إبـأيده
او شـاف الجامعه امأثره ابجيده
او شاف الساگ بيه اشعمل گيده
گعد يبجي او على حاله ايتهظم

كظيم ولعد سيف الصبر سلّيت
وجم طفله وطفل باليسر سلّيت
عليل ومن مرار الدهر سلّيت
وبعد ما ترهم الوصفات اليّه

#تعريف_مجلس
#الامام_زين_العابدين



طِفْ بروحِك في البقيعِ هذهِ اللّيلة.. قِفْ عندَ ضريحِ سيّدِ السّاجدينَ..
واذكُرْ مُصابَهُ الّذي لا مثيلَ له..لا في السّماوات ولا في الأراضين..
ما هَنِئَ بشرابٍ.. وما ٱلتذَّ بطعامٍ ..ما جَفَّ دمعُ العيْنٍ..

وتلا آياتِ الأسى أينما حلَّ.. ذاكرًا ذبْحَ الحسينِ..
وذَبْحَ أُخوةٍ وعمومَةٍ..وصَحْبٍ مجزّرةٍ.. اثنانِ وسبعونَ قمرًا تلألأت أنوارهم في السّماء
وما غابَ مشهدُ عمَّاتِهِ وأخواتِه.. وأطفالٍ عطاشى من الحقدِ الدّفينِ خائفين..
وللسّبي قصّةٌ شجيّةٌ لا يمكنُ سردُها..ولجامعةِ العُنُقِ حديثٌ يطولُ سنين..
آهٍ لقلبِهِ ..لعيْنَيْهِ ..لعُنُقِهِ.. لِيَدَيْهِ المغلولَتَيْنِ..
جفَّ حبرُ قلمي عاجزًا عن وصفِ المآسي .. لكن مولايَ اقبلْني خادمًا تجرّأَ لسانُه بذكر مصائبِكم..فاشتعلَ قلبُه لحالِكم وما جفَّ دمعُه والأنينُ..
مولايَ ..احضرْني يومَ مماتي متشفِّعًا ..فَمَنْ للعبدِ الحقيرِ ملاذًا غيرَ حبِّكم ..يا خيرَ الورى أجمعينَ.


مع المجلس الحسيني..

https://t.me/hobalhusseinAs

#أطوار_مختلفة
#وكأني بالإمام زين العابدين تمنى حضور أبائه واجداده ، تمنى حضور الزهراء ع ليبث لها همومه واحزانه:



انا السّجاد يا يُمّه .. تعالي الساعه حُضْريني
انا من عاشِر محرّم  .. انازِعْ خِلْصَتْ اسنيني


عليل وزادت العلّة  ..  من شِفْتِ الشهيد حسين
ظامي ما شِرَب مايه .. ومنّه منقِطِع الوتين
صدره مرضرض .وقلبه .. طالع بالسهم ثِلثين
شَروِيلِك بعد يُماه  .. يريت اهناك إنعمت عيني


شلون أنسى الجرى والصار  .. وانا بالمرض حاير
لهيب النّار حْرَق الخيام .. وباذيال العِبي صاير
وشِفت الخيل تِجي وتروح .. وبصدر الولي حافر
وبسوطه الشِّمر طَقها .. لعمِّتي بس يأذيني


ومَرار الما نِسِيته بيوم .. سَبوني وعَمِّتي للشام
وعلى بوّابِة الساعات .. نظرات الشّماته اسهام
والجارِحني في روحي .. حريم حسين وسط ظُلاّم
وعلى زينب تصد العيون .. ويزيد يصيح تحاكيني


🖊️خادمة أبي الفضل

#الامام_زين_العابدين
#طور_الجفيري
#تصوير لحظات شهادة الإمام زين العابدين ع وما نسى مصائب كربلاء



زِينِ الْعبادِ بْموتته
يذكر أبوه وذبْحِته
وحده ما يَمّه عِزوته
كلها ضحايا مرمله

ما ينسى دايم هالجرح
من طاح ابو اليمّه ذبح
بعيونه كل ليل وصبح
ومنه دموعه سايله

قضى حياته بس ونين
ينحب على قطع الوَتين
وعمّه الطّريح ابلا يدين
الكافِلها ويلي العايله

#ناده أبو حمزة الثمالي سيدي اما آن لحزنك أن ينقضي ...اوليس القتل لكم عادة وكرامتكم من الله الشهادة ، شو يجاوبه الإمام ...!!!

يحاكي أبو حمزه ترى
موعادة مِن عِدنه مَره (إمراة)
تِطلع هزيله ميسره
وهم اليتامى شايله

ولِ إبنه يوصي ابكل زمن
إبكي الغريب ابلا وطن
للطايح وصدره إنطحن
الله شعملتي كربله


🖊خادمة ابي الفضل

★•• لطمية لـ أستشهاد الإمام السجاد ••★
// وزن البحر الطويل //
#تقرأ ثقيلة.. وسط.. سريعة.. شور.. طور أهوازي.. زنجيل ثلاثي..
#كذلك تقرأ بأطوار النعي لفى عاشور.. ياجبريل نترجاك.. التغريد الحزين..

بمصاب الطف علي السجاد شاهد عالجرى والصار
بقى صامد لاجل دينه وفضح بـ اهل الردى أسرار
-------------------------------------

رسالة للمَلأ خطها بدمع عينه روى لمصاب
يوم العاشر بعاشور قصته ما تكفي كتاب
لحد يوم المنية ينوح وجرحه للأهل ماطاب
يتذكر عطاشى الطف لو حرگ الخيم بالنار
❉━━━━━❰･❉･❱━━━━━❉

يجر ونة بأثر ونة على عمته وحرم واطفال
يشاهد حالة اخوانه وعمه وكل هله بيا حال
حال المرض مابينه وابوه عالغبرة دمه سال
جمع ناسه ويگللهم بينا اشعملت الأشرار
❉━━━━━❰･❉･❱━━━━━❉

يگلهم أهلي عالتربان وسف دم اللي غاطيهم
وبحذاهم زلم ضحت وصار الترب ذاريهم
صفت أرض الطفوف اجساد من اهله ومحبيهم
صمد لاجل الرسالة اتدوم وهوه ايكمل المشوار
❉━━━━━❰･❉･❱━━━━━❉

خطب خطبة وتسمعه الناس ومنهم فاضت الدمعة
أنه جدي النبي العدنان واهلي عالترب صرعى
فضح كل الخطط لاعداه وبيهم خله الف وجعة
ذبحو كل هلي ولحباب ولا خلو علينة دار
❉━━━━━❰･❉･❱━━━━━❉

صعدونة الهزل ياناس وگيدونة و حدو بينه
وروس اهلي على لسنان والذباح حادينه
عفناهم بلا تغسيل وموذرينه والينه
لابن زياد أخذونة نمشي بالظعن من سار

✍🏻#ولائـية_وافتـخر (دعـاء العـامـري)