https://youtu.be/eUbA3abYBYk

• 🎤 اداء | *الشيخ علي مدلج*
• ✏ الشاعر ‎| *الحاج محمد طالب العاملي*

جديد 1444 نعي / مناجاة السيدة زينب (ع)للامام الحسين (ع) بعد مصرعه
💧💧💧💧💧💧💧💧

1/جئتُ لأجمَعَكْ فالشمرُ قطّعَكْ
يا ليتني معك أموتُ يا حسين

2/شممتُ منحرَكْ قبّلتُ خنصُرَك
الرملُ عفّرَك ويلاهُ يا حسين

3/ أبكيكَ للأبد لا رأسَ في الجسد
في صدرِكَ الولد قد ماتَ يا حسين

4/الصدرُ يُكَسرُ والنحرُ يُنحَرُ
اللهُ أكبرُ مما جرى حسين

5/شمرٌ بنا أحاط وانهالَ بالسياط
قد مزقَ القِماط للطفلِ يا حسين

6/في ساعةِ الوداع أبكي بلا انقطاع
للسبي والضياع نسيرُ يا حسين

7/أتسمعُ النحيب للبنتِ يا غريب
أرجوك أن تُجيب أبتاهُ يا حسين

8/من حزَّ رقْبتَك من شدّ شيبتَك
بالدمِّ خضّبَك أجِبني يا حسين

9/وتصبُّ ماءَ الروحْ في نحرِكَ المذبوحْ
من دمعِها المسفوحْ تسقيكَ يا حسين

10/أخَيُّ يا امام عليكمُ السلام
أسيرُ نحو شام وداعاً يا حسين

11/الأمرُ ليس ليْ عذراً أبا عليْ
يا ليت مقتلي بكربلا حسين !!!!

#أطوار_مختلفة
#تصوير شاعري لسان حال الإمام السجاد ع عند دفن العباس ع



يعمي ادري انا بحالَك .. رايد تعلم الأخبار
بعد ما طاحت الكفين .. على زينب شنو اللي صار


الكِنت كافلها يا عمي .. وكنت إلها العمد
والسور
طلعت والزّلم تنظر .. وشافوها تنوح اتدور
وحيدة وفاقدة الخوان .. ونار الشّبت ابلخدور
بَكّاها الشّمر وتصيح .. سوطه اعالمتن شو حار

#بعد ما الذي جرى !!!!

صوب العلقمِ إتعنت .. بليل الحادي يا عباس
تِقبّل اكفوفك اتنادي .. مو عاده يبو الإحساس
تِخليها وسط عدوان .. وعليها تأشر الأرجاس
مشوها بيسر واِحبال .. ودمِعها عالوجن مدرار


🖊️خادمة أبي الفضل

أطوار_مختلفة
#دفن_الأجساد
#وصول الإمام السجاد ع لدفن والده الحسين ع



إجيت الكربله من بعيد .. أوسّد والدي بلحدَه
أدِفنَه وجمرتي تِلهبْ .. واقيم النّايحه عنده
أجَمّع اوصاله الموذره .. بس الراس ما عنده
ابقطعة باريه ويلاه .. وادفنه الذّابِله كبده

#واويلاه أراد بنو أسد أنّ يساعدوه على دفن الحسين ، نادى إن معي من يعينني عليه 💔

ثلاث ايام بوسط صحرا .. ولقيت الحاضره أمّه
عبايتها كفن لحسين .. ووجها اتخضِّبه بدمّه
شِفت إيده بلا اصبع .. ودمومه مخِضّبه جسمه
تقوم وتوقع من الهم .. وتساعدني على لَمّه


🖊️خادمة أبي الفضل

#الدفن
قصيدة ليلة الدفن


رايحه وظل بالي يمكم
عالترب ظلت جثثكم
من رحت ياخويه عنكم. مو بديه

…….

من شبعت سيوف الذبح. وتأكدو مات
صعدو راسك عالرمح. يحسين شمات
وظلت على لساني بهظم. چلمة حرامات
خلونه ندفنهم لچن. صاحولي هيهات

منك يبعد اختك شلم. يرادلك حزمة زلم
ماتدري لو عندك علم. كيدوني

عذروني يا اهل المحنه
ومنين اجيب اليفزعلنه
من رحت ياخويه عنكم. مو بديه

……

مفتوح صدرك من كثر. دوس الحوافر
وكل خوفي يوكع كلبك. وظل كلبي حاير
عادة الميت يندفن. واهله تسافر
مو يبقه عاري اعله الترب. يكسر الخاطر

صاحت الوادم وشبعد. ماله عشيره هالجسد. ماله اخو ماله ولد. سمّعوني

احچي ويروحي ودمعي نازل
منين آنه اجيبك يابو فاضل
من رحت ياخويه عنكم. كيدوني

………

عباس ماانسه شكثر. تعبتك وياي
مشلوع كلبك عالخيم. يالطولك فياي
تمنيت اوافيك واجي. وعندي حچي هواي
وانته وجفوفك تندفن. ضامي بحضن ماي

زينبك مو زينب قبل. ماباقي بالطف بس هزل. ونسوان واطفال وحبل. واعتذاري

ادريك تقبل اعتذاري
نومك هضيمه بهالصحاري
من رحت ياخويه عنكم. مو بديه

……..

السجاد من الكوفه رد. للغاضريه
وصيته بهداي الدفن. لبن الزچيه
لمه بحصيره مطشرينه اعله الوطيه
وچفوف تلكه اعله النهر شمهن اليه

وتسمع الصوت من النحر. من نحر عباس الكمر. كبلي ادفن حسين بقهر. يبن اخويه

وخبرهه زينب ياحزينه
كل خطوه تلچم نحر بينه
من رحت ياخويه عنكم. مو بديه

…….

ادفنهم واكتب على. كبور النحبهم
ان وعد الله حق. والله انتجبهم
ارتاحو وظلت للدمع. والضيم اختهم
ميموت الحسين وفلا. مات الخدمهم

يعيشون مادام الهوه. ومشعل مناحرهم ضوه. عاشو وعاشت نينوى. الله يشهد

بكلهن يخويه تسامحوني
ما راضيه وعنكم خذوني
من رحت ياخويه عنكم. مو بديه

………

نسألكم الدعاء
حسين صادق العقابي

#الدفن
ابوذيات لدفن الاجساد
....................
جفيلي هم شفت جسمه بلا جفان
يريت بعيني الفنه بلا جفان
شلون ابكبره نزلته بلا جفان
الجفن ذاري تراب الغاضرية
....................
الجفن ماكو يويلي من جفنهم
ودماهم ما نشف ينزف من جفنهم
وخيول العده تسحك من جفنهم
وذر متكطعه فوك الوطيه
....................
وذر متكطعه وحافر حفرها
القبور بكلبي اتمنه حفرها
بعد ما حفرت بروحي حفرها
دفنت روحي يعمه ويه شفيه
....................
دفنت روحي ولكن ما ردتلي
وعليهم جم جبد بيه ما ردتلي
صحت يا روح طلعي ما ردتلي
شلي بروحي اذا مارد عليه
....................
الشاعر
اياد الفرح التميمي

#الدفن
((دفن الأجساد الطاهرة))

يا شيعه دفنوني -- عدواني خلوني
مرمي على وجه الثره -- وافّادي باللوعه إنفره
❉❉❉❉❉❉❉❉❉❉❉❉
أنا لحسين يا هالوادم و خطابي لضامـر الأُمـه
أحلِّف كل مُحب يهتف حبيبي حسين ابو اليمـه
إلي يحفر وسط قلـبه كـتر بالحـسـره ويـضمـه
وكل ماحن إلي بدمعه يزوره و بالأسى يشمـه
...............
أحبابي ذكروني -- ولا لحظه تنسوني
آنه الذي لديني إنبره -- وافادي باللوعه إنفره
❉❉❉❉❉❉❉❉❉❉❉❉
إذكروني أنا الظامي صريع العبره تدروني
أنا إلِّي مهجتي تلهب وحوافر خيل داسـوني
أنا إلِّي من القفا تالي وسافه القـوم يذبحـوني
وسليب امعفر بهمي على الرمضا يتركوني
...............
ودمي غسل جسمي -- ومحَّد حضر يمي
جسمي جنازه امعفره -- وافادي باللوعه إنفره
❉❉❉❉❉❉❉❉❉❉❉❉
على سوح الـوغى جسمي ثلاثـه مـنرمـي و دامـي
ولا لـدفـنـي بقـو أهـلـي أسـاره الـنســوه و أيتـامـي
تـحـت حـر الشـمـس ثـاوي أعـانـي لـجـمـة آلامـي
وحولي صرعي انصاري وعلى شط الوفه الحامي
...............
شجعاني مدميه -- منحوره مرميه
وروس برماح منشره -- و افادي باللوعه إنفره
❉❉❉❉❉❉❉❉❉❉❉❉
منو إلِّي يعـتني لـدفني ويلمها تالي أوصالـي
مـثلـث جـبدي شـالعهـا وخـنـصر مـنقـطع مالـي
وأريـد إلـينـزل بـكـتري يـحـط بحـضـني دلاّلـي
الرضيع إلِّي انفطر نحره عزيزي وأغلى اطفالي
...............
ودفنو علي الأكبر -- يم قبري لمشكَّر
جدي النبي بيه أنظره -- وافادي باللوعه إنفره
❉❉❉❉❉❉❉❉❉❉❉❉
واريده يقصد الشاطي ويلـم اجـفوف مـقطـوعـه
ويقبلهـا بدمع جـاري و يخـلي الـرايه مرفـوعـه
ويواري ضيغم إتجندل حنى ظهري من وقوعه
ابو فاضل على العلـقم وسافـه جـثه مصـروعـه
................
حيُّو ابو فاضل -- وافي العهد باسل
ماي العذب جفه أنثره -- وافادي باللوعه إنفره
❉❉❉❉❉❉❉❉❉❉❉❉
واريـده يحـمـل القـاسم ويزفـه لـقـبره بالحَـنَّه
ويروف إعلى جرح راسه ويخلِّي بإيده الحِنّه
ويواري جملة أنصاري بكترهم و القلب منّه
يصيح امـن الكـدر لايب يجـر الونـّه بـالونّـه
...............
دفنوها اصحابي -- من حولي بترابي
حولي جثث متطشره -- وافادي باللوعه إنفره
❉❉❉❉❉❉❉❉❉❉❉❉
الشاعر : أبو شهيد الأحسائي
════════════
*لا يجوز و محاسب شرعاً حذف او تغيير التوقيع*

#الدفن

((دفن الأجساد الطاهرة))

أسأل وينك يا دفّان -- إرحم جثث عالتربان
وين إلمتعنِّي سلمان -- حيدر علي عالي الشان
❃❃❃❃❃❃❃❃❃❃❃❃
يا صدىٰ الموت و حنينه دوّىٰ من طف المصايب
يرفع آهات الضحايا مجدله فوگ الترايب
بلا غسل وسفه رميّه موذّره بسوح الحرايب
و الشمس تصهر عليها و كل گلب من ضيمه ذايب
...............
من كل نحر ضج و ناح -- صوت الأسىٰ يشكي جراح
و إلها إنتحب كل وجدان -- حيدر علي عالي الشان
❃❃❃❃❃❃❃❃❃❃❃❃
للنجف طير الملامه يم علي يخفگ جناحه
مخضّب بدم الشهاده من ابو سكينه و جراحه
عالگبر يگطر نزيفه و تعتلي نبرة نواحه
يابو زينب إگعد إحضر حسينك العادي استباحه
...............
سل بتارك يا كرار -- حسينك دامي بالاوعار
و حوله صحبه و الإخوان -- حيدر علي عالي الشان
❃❃❃❃❃❃❃❃❃❃❃❃
مو عجب يابو الكرامه للمداين تلفي عاني
وتحضره سلمان دفنه ياعلي شنهو تتاني
بس عجيبه ساحة الطف هالدهر بيها رماني
ما إجيت إلهم علامك منظر الصرعىٰ شجاني
...............
أيام ثلاث بهالحال -- لا دفّان و لا غسّال
خصمك قاسي بلا إيمان -- حيدر علي عالي الشان
❃❃❃❃❃❃❃❃❃❃❃❃
عاين اولادك يحيدر بكربلا بسوح المنايه
هناكه جاسم يَمّه لأكبر هنا بوفاضل يَمّه رايه
و بالخيم چم طفله ليكم من حوافرهم ضحايه
و منهم بلهفة وجلهم يا علي ماتو ضمايه
...............
و روس انعزلت عن اجساد -- بسيف المحنه و الاوغاد
ما رحمو حتىٰ الرضعان -- حيدر علي عالي الشان
❃❃❃❃❃❃❃❃❃❃❃❃
انهض و ساعد عليلك يدفن اخوانه و عمامه
من الأسر جاهم ينادي بحسرته و جمرة ضرامه
العذر عنكم مشينا يا هلي و تاج الشهامه
هالدهر عنكم خطفنا بالسبي و ذله ظلامه
...............
حيله منهد بالأوجاع -- يشكي الفرگه ونار وداع
ساعد گلبه هالحيران -- حيدر علي عالي الشان
❃❃❃❃❃❃❃❃❃❃❃❃
لمّو اوصال الشفيّه و عاونه يدوِّرها چبده
و بالكتر بالهونه نزله وسِّعو للوالي لحده
وسّدو چفه إعلىٰ نحره و الطفل عبدالله وسده
عالصدر هإللي تهشّم صدر ابوه الغالي مهده
...............
خنصر چفّه جيب وياك -- بسهم مثلث گلبه هناك
و دفنو باگي هالوليان -- حيدر علي عالي الشان
❃❃❃❃❃❃❃❃❃❃❃❃
الشاعر : أبو شهيد الأحسائي
الخميس ١٤٣٦/١/١٢هـ
════════════
*لا يجوز و محاسب شرعاً حذف او تغيير التوقيع*

#الدفن

🏴الثالث عشر من محرم الحرام 61هـ دفن الأجساد الطاهرة ..

◼️◾️القصيدة◾️◼️

ضُلُوعُ أبيَِِِّ الضّيمِ يُؤلِمُ حالُها
حوافرُ تلكَ العادياتِ تنالُها
وظلَّ ثلاثاً بالعرآءِ وصحبُُه ُ
ضَحايا ترَوَّت مِن دِماها رِمالُها
حُسينٌ عَفيرٌ تُحرِقُ الشمسُ جِسمَهُ
وأظلَمَت الدُنيا وغابَ هلالُها
ولم يَحظََّ في غُسلٍ وماوُرِيَّ الثَرى
عليهِ هَوَت بعدَ السماءِ جبالُها
إلى أن أتى زَينُ العبادِ لدفنِهِ
وقد شاكَتِ الجِسمَ الشريفَ نصالُها
فَجَمَّعَ أشلاءَ الذبيحِ وخُنصُراً-
بِوَسْطِ حَصيرٍ -كانَ فيهِ اكتمالُها
وأنزلَهُ ملحُودةَ القبرِ وانحَنى
لِتقبيلِهِ والعَينُ زادَّ انهِمالُها
فلم يرَ ثغراً طالَما كانَّ باسماً
وفيهِ شِفاهٌ لا يُقاسُ جمالُها
فَكم مرة ٍ قامَ النبيُ بِلَثمِها
ومٍخصَرةُ الباغِي هُناكَ تَطالُها
فضَّجَ يُنادي بعدَكَ الحزنَ سرمَداً
وياليتَ مني الروحَ حانَ ارتحالُها

#سمير_الصالحي
#النجف_الأشرف

———————————-
🌑 بحر طويل
عن لسان شريكة الحسين ع زينب ع ..

🏴لنوح اعله الغريب سنين
عمري وگلبي شيصبره
🏴حسين بكربله مذبوح
ظامي ومنگطع نحره


🏴 تمسي اعله الترب عاري
وغسلك صار من دمك
لا والد يجيك الْيَوم
ولا جد الوصل يمك
تمنيت الزچيه وياي
تحضنك وآنه أشتمك
لچن يحسين ماخوذه
غصب مسبيه متيسره

🏴عاده الميت يجهزوه
أويحضروله غسل واچفان
أويشيعونه اويزتــونه
الگبره ويحضر الدفان
بس انته يخويه ابگيت
طريح بحومة الميدان
تسحگ خيلهم ظهرك
والأضلاع متكسره

🏴ثلث تيام يابن امي
نايم ياشبل حيدر
تحوطك چثث أنصارك
والعباس والأكبر
أبحر الشمس ياويلي
سليبه اثيابك موذر
روحي شاغت وناديت
وينچ يمه يازهره

🏴ياوسفه أروح شلون
وكل همي أظل انعاك
أنوح وألطم الخدين
لحد ما أندفن وياك
صدگني يبو السجاد
ماأگدر عله فرگاك
بناتك وي غرب تمشي
وبيهن أبقه متحيره

🏴أمشي اعله الهزل للشام
وراسك يالولي گبالي
يصد ليه وأعاين ليه
واهو اعله الرمح يبرالي
تسيل دموع منه ادموم
أظن متفجع لحالي
بعد الخدر مچتوفه
ونار بگلبي متوجره

#سمير_الصالحي
#النجف_الاشرف

*اصدارنا الجديد أنين الروح زينب ع* *كتاب عاشورائي يتضمن مجالس حسينية* اصبح موجودا ب صور / ببروت / بعلبك / شقرا/ النبطية / الشهابية / للحصول على نسخة التواصل مع الشاعرة خادمة آل محمد✍🏻 70733497

#الدفن

تِعَنَّه لْكَرْبَلَه السَجَّادْ يِوَسِّدْ أَهْلَه وَاحْبَابَه
وِگَعْ يَمْ جِثَّةِ الْمَظْلُومْ يِنُوحِ وْنَارَه لَهَّابَه
-----------------------
شُبَگْ صَدْرِ انْطِحَنْ بِالْخِيلْ يِشِمَّه وْيِهْمِلِ الْعَبْرَه
يِفِتْ صُمِّ الصَّخَرْ حَالَه تِوَسَّدْ يَمَّه عَالْغَبْرَه
يِگِلَّه يَا ضِوَه عْيُونِي يَبُويَه عِيشِتِي مُرَّه
شْيِصَبُّرْ گَلْبِي بِغْيَابَكْ عَلِيكِ دْمُوعِي سَچَّابَه
-----------------------
يَبُويَه مِنْ رِحِتْ عَنَّكْ غَصُبْ مَشُّونِي عِدْوَانِي
وَدَّعْتَكْ عَلَى النَّاگَه وِدَاعَكْ هَدَّمْ ارْكَانِي
رِدِتْ أُوصَلْ لَعِدْ جِسْمَكْ وَاطَشِّرْ يَمَّكَ احْزَانِي
لَچَنْ گِيدِ الْمَرَضْ وِالْگُومْ مِنَعْنِي أُوصَلَكْ يَابَه
-----------------------
وِسَافَه عْلَه التُّرُبْ عِفْتَكْ عَارِي مْسَلَّبَه هْدُومَكْ
خَضِيبِ مْگَطَّعِ الْأَوْصَالْ تَرِيبِ مْغَيَّرَه رْسُومَكْ
وِاجِيتَكْ يَالْأُبُو لَهْفَانْ أَوَارِي بِالثَّرَى دْمُومَكْ
أَلِمَّنْ جِسْمَكِ بْهَالْيُومْ وَابَچِّي الدِّنْيَه لِصْوَابَه
-----------------------
جِمَعْ جِسْمَه بْحَصِيرَه وْشَالْ چُفُوفَه وْخُنْصُرَه الْمَبْتُورْ
وَاحْنَه عْلَه الْأَرُضْ وِيلَاهْ يِشِيلَنْ چَبْدَهِ الْمَفْطُورْ
مَهَدْ عَبْدَ الله تَالِي صَارْ حُفْرَةْ صَدْرَهِ الْمَكْسُورْ
دِفَنْ وَيَّاهُمِ الْأَكْبَرْ يِعِينَه الْبَارِي بِمْصَابَه
-----------------------
حُفَرْ مَلْحُودَةِ الْأَنْصَارْ دِفَنْهُمْ وِاعْتِنَه بْهَمَّه
وِصَلْ لِلْمَشْرْعَه بْيَا حَالْ يِدْفِنْ بِالْگَبُرْ عَمَّه
يِعَايِنْ حَالَةِ الْعَبَّاسْ عَفِيرِ مْغَسَّلِ بْدَمَّه
هِوَه عْلَه زْنُودَه يِلْثِمْهِنْ تِوِجْ نِيرَانَه لَهَّابَه
-----------------------
گَبُلْ لَا يِدْفِنَه بْگَبْرَه تِعَالَتْ عَالْگُمَرْ وَنْتَه
گِعَدْ وِعْيُونَه هَمَّالَه يِسُولِفْ لِلْكِفَلْ عَمْتَه
يِخِبْرَه بِالْجَرَى عْلِيهَه مِنْ دَارِ الشِّمِرْ بِاخْتَه
تَالِيهَه دِفَنْ بِالْگَاعْ رَاعِي الْخِدِرْ وِحْجَابَه
-----------------------

#محرم_١٤٤٤هج
حسن خنافر العاملي

لسان حال الامام السجاد عندما خرج من سجنه بالكوفه ليواري جسد ابيه المقطع وجسد عمه وبقية الاجساد الطاهره
🏴🏴🏴🏴🏴🏴🏴🏴
طلع بو محمد من الكوفه وخفيه طلعته
منفطر قلبه يويلي اعلى حاله وعيلته

امقيدينه الأعادي ابقيوده بالسجن
والوقت كلّه يقضّي ابو محمد بس يحن
مبتلي بالمرض وسفه ومن اعاديه ممتحن
وصعبه والله هالمصيبه وصعبه هيّه فجعته

الكربلا وصّل اليها وشاف مجموعة رجال
قال ويش عدكم دقولوا جابوني اعلى السؤال
قالوا للفرجه اجينا وغيره ماعدنا مقال
من سمعهم زاد ونّه ولطم بيده جبهته

قال آنا ادري بيكم انتو ماتتفرجوا
اصدقوني ولا تخافوا وعنّي لا تتفرقوا
لن ترى هاي الجثث القلبي ذوله ذوّبوا
وآنا ابن حسين آنا المنثكل ابذبحته

جيت آنا وقصدي ادفن هالجثث لمجدّله
جيت وحدي ياالأحبّه بدون كل العائله
عيلتي راحوا ضحايا اتوزعوا بهذي الفلا
والعميد اللي اويانا بضّعوها جثته

قام وآمرهم يحفروا ليه حفره موسّعه
وجمّعوا ذيچ الجثث اللي تراها اموزعه
وهوّه يمشي ويل قلبي ويجري منّه مدمعه
ويرتفع منّه البچي اعلى الأحبّه بونّته

راد يدفن خيّه لكبر وصاح ويلي اعلى الشباب
شلون هان الهُم يخّلوا هالقمَر فوق التراب
اكيد قلب امّه العزيزه ياوسف اعليه ذاب
ساعد الله امّه ليلى وساعد الله عمّته

وزادت الونّه تراها من نظر جاسم طريح
يقول بس ساعه امعرّس وساعه بالحومه ذبيح
وجسمه من كثر الضرُب صاير ترى بالدم سبيح
الله يجبر خاطر امّه رمله يلّي فقدته

وراد يدفن والده والوّن ترى منّه ارتفع
لئن شاف الچبد يللي بالمثلث انشلع
وجسمه حاول يرفعه ابئيده لكن ماارتفع
لئن جسمه رضرضونه والعوادي داسته

جمّع اوصاله ولفها ويل قلبي بالحصير
قام يقبله ابوسط نحره وارتفع منّه الزفير
هال فوقه اتراب قبره ومشى مولانه كسير
وتمشي من خلفه الأحبّه اللي چانوا ابصحبته

وقال ليهم هَم بعد عندي جسد مثل القمَر
عندي عباس البطل اللي ابعمد راسه انشطر
واللي من بعده ابويّه ظهره ياويلي انكسر
وظل ابويّه بعد عمّي اويا الاعادي ابوحدته

وارى كل لجساد كلها ابو محمد بالقبور
وراح للكوفه ودمعه اعلى خدّينه يفور
شافته زينب وسألت وين يبني رحت تدور
قال رحت ادفن ابويه وعمّي ويّا اخوته

قالت شلون انترك ابن البتوله ابلا دفان
وليش خلّوا الجثث امجدله ابذيچ المكان
العرِش مهتز يولدي من الفعل هذا الجبان
وبالقبر تبچي الحزينه ام حسن الطاهره

🏴🏴🏴🏴🏴🏴🏴
عبد الهادي احمد الجنبي
١٣ محرم ١٤٤٤

الملتقى يمته الملتقى يمته
بعد مانحمل ييوسف فاطمه
ــــــــــــــــــ ــــــــــــــــــ ــــــــــــــــــ
مو قميص وﻻعطر بيّه يالمهدي انت مُر
مشتاگلك
تقره يوميه الگلب شنهي جا هجرك صعب
ماگالك
اسنين منتظرك حلم خاف گلبك ينلجم
ماسائلك
راية الحمره بجت بالسواد اتبدلت
واتعاتبك
خضره بدلها خضرها بدلها
واخذ ثاراتك يبن حامي الحمه
ــــــــــــــــــ ــــــــــــــــــ ــــــــــــــــــ
ليش باقي الوحّدك اخذ گلبي ايساعدك
ماريده
وداعتك وامحبْتي الك الفگد شوفه اشمامِلَك
ميفيده
انت شوفي وناظري واللي تجبر خاطري
بس ايده
دينك اعليّه ثگل مااوفّي اشماحصل
تسديده
هاك اخذ عمري هاك اخذ عمري
بلكي ماتبجي بعد عينك دمه
ــــــــــــــــــ ــــــــــــــــــ ــــــــــــــــــ

مدلّي يوسف عالكرم ويوسف الشوفه انعدم ردّاله
شگد زليخه انتظرته ليها رد مو ريحته
واخياله
اكرمني مره بشوفتك كافي دمعة فرگتك
همّاله
همي إرجع فرّجه حتى اگول العيد اجه واهلاله
ارجع احييني. ارجع احييني
ينحسب ميّت يموﻻي العمه
ــــــــــــــــــ ــــــــــــــــــ ــــــــــــــــــ
سيدي اللايم حچه. وگلبي وي عيني بچه
واذاني
خلصت ايگلي الجُمَع وينه عيدك مارجع
شمتاني
جم عليله الايّست تنشد اضعون الإجت
ماجاني
حالي بعدك ثاكله سهم فگدك حرمله
البجّاني
والله سابيني والله سابيني
وينه جودك حيل اذاني الضمه
ــــــــــــــــــ ــــــــــــــــــ ــــــــــــــــــ
ساعه اموت بندبتك وساعه اعيش برجعتك وايامك
فوگ راسي امخلي ايد وعني تشمرها بعيد اسهامك
عيد اشوفنّه الحزن ليك حاسبني ابن
مادامك
وين ادورنّك حرت اعشك اليلبس صرت
هندامك
ناري طفيها ناري طفيها
خيمه آنه وبيّه نارك مضرمه
ــــــــــــــــــ ــــــــــــــــــ ــــــــــــــــــ
اربعينيّات احِن والف شعبانيّه اون
ماشفتك
المسجد السهله امن اطب كل سهل يصبح صعب واذكرتك
الفگد والد لوعَدِل هم تشوف ابعينه ذل
عاتبتك
ابذلّة اوليدك رضيت اتبات وين ابلايه بيت
انشدتّك
الغيبه حد الهه الغيبه حد الهه
لونظل انسامر انجوم السمه
ــــــــــــــــــ ــــــــــــــــــ ــــــــــــــــــ

علي محسن الزيادي

#جديد_في_خدمة_قراء_العزاء
#محرم_١٤٤٤ هـ
#أعظم_الله_أجوركم

#مسيرة_السبي

هَدأ الجَميعُ كذا الأضَاحي في الثَّرى..
إلَّا فؤاد الأمِّ زينبَ سُجِّرَا..

هَدأ الجَميعُ وريحُ صرصرِ نينوى..
عصَفَتْ فصارَ الكونُ أشعَثَ أغبَرَا..

هَمَسَت بأنَّ اللّٰهَ شاء بأن يرى..
نورَ ابنِ طـٰه في الفلاةِ مُوَذَّرَا..

وكذاك شاء بأن يراهُ مرَمَّلًا..
وموزَّعًا ويرى الجَميعَ مُجَزَّرَا..

من ثَمَّ شاء بأن يرى نُدْباتِها..
أعجوبَةً في الصبرِ، عزمًا أحمرَا..

وبأن يرى الحوراءَ مرآةَ الهدى..
وبأن يراها للبُطولةِ خِنجَرَا..

فكذا بَدَت مُذ روَّعتها كربلا..
وبها جرى العطشُ المقدَّسُ أنهُرَا..

وبها يلوذُ الخوفُ في أيتامِها..
وبها يلوذُ الصَّبرُ حتَّى يصبِرَا..

عزَمَ الإلـٰهُ بأن يُحيلَ عَباتَها..
دِرعًا لدينِ اللّٰهِ حتَّى يعبُرَا..

وكذاك شاء بأن يحيلَ ظلالَها..
كَكِساءِ طـٰه حينَ جاء ليُنشَرَا..

كُلُّ الظِّلالِ هُنا ظِلالُ مُحَمَّدٍ..
كُلُّ الظَّلامِ هُنا تحوَّلَ أبتَرَا..

كُلُّ الجَلالِ هُنا جلالَةُ زينبٍ..
كُلُّ البَلَاغَةِ ذي تُمَجِّدُ حيدرَا..

وكذَا تَجَلَّتْ في مَجيدِ مسارِها..
فلقد بَنَتْ من كُلِّ رزءٍ مِنبَرَا..

🖋️ #ريان_الديراني
▪️ #أعظم_الله_أجوركم

#الدفن

كأني بالسجاد مخاطباً أباه حال الدفن:

أمِصباحٌ وفيكَ النورُ حلَّ؟
لأنكَ قد أنَرْتَ بكلِّ روحي

أمِ الترياقُ أنتَ وقد تجلّى
دواءً في الورى يشفي جروحي

عليكَ اللهُ والمختارُ صلّى
وأرخى دمعهُ فوقَ القروحِ

ومن ثغرِ الأميرِ عليكَ يُتلى
دماءَ السبطِ بالأرزاءِ بوحي

أتتْ معَ أُمِّكَ الزهراءِ ثكلى
وتلطُمُ رأسها أُمُّ المسيحِ

ولن أصِفَ البتولَ عليكَ ثقلا
أكَبَّتْ قُلتُ مولاتي أريحي

فليسَ لزينِكُمْ صبرٌّ يُحلّى
وعن قُربٍ سأُدعى للنزوحِ

فذا التوديعُ فيهِ القلبُ يُبلى
كأنَّ يُدَكُّ طوديَ للسفوحِ

وكُلُّ الخوفِ أن تُبديهِ سؤلا
أجِبْ قلبَ العقيلةِ بالصريحِ

أيا سجّادُ ثغرُ السبطِ بُلَّ؟
قُبيلَ نزولِهِ طَبقَ الفسيحِ

فمن عطشٍ بهِ فعسى وعلَّ
يذوقُ ويرتوي رُشَفَ القريحِ

أُجيبُ بقلبيَ المحزونِ كَلَّ
فليسَ لهُ سوى بدنٍ طريحِ

لعلَّكِ قد نسيتي، الرأسُ مُعلى
فليتَ -لهُ الفداءُ- تروحُ روحي

وإنّي حائرٌ أأقول مهلا
عليكِ الصبر أم للسبطِ نوحي!


الشاعر منير الخنساء

#الدفن

(( لدفنك يبويه ))
ذكرى دفن الاجساد الطاهره الثالث عشر محرم الحرام


يإللي على الغبره إنذبح … و جيتك و دلاّلي إنْجَرَح
جيتك و اهِلْ العين … لدفنَك يبويه حسين
*
عاني يَبويه امْنِ الأسر جيتَك و گلبي يصطلي
مرمي ثلاثه إعْلَه الترب ابْحَر الشَمِس يا بن علي
ماحد وسافه لدَفْنِتَك ساعتها ناوي يالولي
خَلّوك مِتْعَفّر جسد و اخذوني أسرىٰ وَيْ هَلي
...............
عيني على جسمك تصب … و زينب تحن هَجْرَك صعب
نمشي و نوِن أوْنين … لدفنَك يبويه حسين
*
جسمي نحيل ابْهَالمرض و زاد الألَم گيد العِدَه
أمشي مسافات الأسىٰ و جوفي الهضم لك مارِدَه
فكري يحاتيك و تظل اعيوني تباصر هالمَدَه
روحي يشاغبها الكدر بنار الفگد مِتْوَگِّدَه
...............
گيدي ثگيل و سَفْرتي … و حالَك يوَجِّر جَمْرتي
وما بِيَّه حيل ابْحين … لدفنَك يبويه حسين
*
جيتك يَبويه و ضامري حاير على المصرع وگف
أنظر إلَك كِلَّك دِمَه و اجْروحَك اتْصُب النَزف
وينه يَبويه خنصرك وين الچبد صوتي هِتَف
مِتْوَذِّر ابْسوح الوَغىٰ خَصْمَك يَويلي اشْگَد صَلف
...............
مگطوعه چَفّينك بَعَد … و الراس مو وَيَّه الجَسَد
شاله سِنان البين … لدفنَك يبويه حسين
*
شِلْتَك يَبويه اِبْباريه جِسْمَك تِشَرَّح وش ألِم
وسط اللَحَد ظهري إنكسر چيفَن أوَسْدَك يا شَهِم
نَحْرَك أوَسْدَه و أنْتِحب وطفلَك علىٰ صدرَك تضم
صدرك مهد خويه غِدَه و صدرك انا ادري مِنْحطم
...............
فوگك خيول العاديَه … داسَت تِهَشْمَك جانِيَه
يا آية التَكْوين … لدفنَك يبويه حسين
*
و لكبر على لكبر طحِت و عيني من الهَم اِسْفَحَت
دنيايَه يا خويه إنْدَهِت بضيم الفجيعه إتْوَشّحَت
و منّي يَغالي خُطْفِتَك و حولي الرزايا طَوّحَت
و الحيل ما يرهم بَعَد ابْذَبْحَك ترىٰ افّادي إذْبَحت
...............
راح الأخو راح السند … بگاع الثرىٰ وسفه إنْوَسَد
وين الأخو آه وين … لدفنَك يبويه حسين
*
جاسم حبيبي منجدل شفته و چفوفه امْحَنِّيَه
عرّيس طف النايبه و شمعة شبابه طافيَه
و لَنْصار جيت إلهم بعد و نار الموجع ساريَه
و ناديت يَنْصار الهدىٰ و شيعة أبويه الوافِيَه
...............
إلْكم گبر وسط المُهَج … يامن مضيتو إعْلَه النَهَج
و بيكم ظَفَر هالدين … لدفنَك يبويه حسين
*
و رحت لصريع المشرعه عبّاس يم شاطي النهر
طايح عظيم المنزله و بعينه ظل سهم القهر
لا يَمْنَه عنده و يسرِتَه أحّاه يا كسرة ظهر
عگبه كفيل العايله جفن الحزن ناله السهر
...............
زينب عليه امْوَصِيَه … گبر الگمر هالناحِيَه
ثاوي بلا چفّين … لدفنَك يبويه حسين
*
الشاعر : أبو شهيد الأحسائي
الخميس ١٤٤٤/١/١٢هـ
════════════
*لا يجوز و محاسب شرعاً حذف او تغيير التوقيع*

#الدفن

علي السجاد شاف اجساد عالغبره
جانت يمه امس واليوم متوذره
ــــــــــــــــــــــــــــــــــــ
بعيونه امس يمه ويصد ليهم
وجان بكلب ذايب من يحاجيهم
شلون اعله الارض صرعه يخليهم
وميواري الضحايه الصرعه بالحفره
ــــــــــــــــــــــــــــــــــ
الله يعين دلاله على المأسات
من شاف الكمر نايم عل مسناة
ابو الباقر تجرّح خده بالدمعات
وصار بخده من كثر الدمع مجره
ــــــــــــــــــــــــــــ
امس يمه الاهل ويصدهم بعينه
يحجي وبالدمع مجروحه جفنينه
هسه ايشوف دامي مكطع حسينه
ضلوعه مكسره ودم يجري من نحره
ـــــــــــــــــــــــ
علي السجاد الله يعينه عالشافه
وضيم العيله بالطف شالته اجتافه
شاف حسين عصه اتلامس اشفافه
ومن العصه شفتينه اصبحت حمره
ـــــــــــــــــــــــ
شاف العيله مسبيه مشت للشام
والعيله حرم ومجتفه وييتام
وسكنه اعله الكمر تبجي وتدك عالهام
تكله خلاف عينك صرت متيسره
ــــــــــــــــــــــــــــــــ
الشاعر /// محمد حسن ضيغم

#الدفن

⚫️ قصة الدفن وآلآمها ..
🌑 بحر طويل

🏴حضر زين العباد يريد
يدفن والده المذبوح
🏴حسين اعله الترب نايم
وجسمه بالشمس مطروح


◾️ثلث تيام ابو السجاد
محد غسله وشاله
أنصاره وأهل بيته
يمه وراحت اعياله
تعنت من بني سد ليه
نسوان انظرت حاله
ردت للزلم تنخه
بلچن لعد جسمه تروح

◾️ياحيف والف ياحيف
يظل حسين فوگ الگاع
ولاواحد البيكم حيد
يگوم وينتخي فزاع
گاموا حضروا ولاجن
حاروا بالدفن هساع
جثث ومگطعات الروس
ودمهااعله الترب مسفوح

◾️لن شافوا اعليهم جاي
فارس شهم وملثم
مرعوبين مشدوهين
ومنهو الجاي ماتعلم
وصل ليهم وگاللهم
اشعدكم عگب ماسلّم
گالوا جينه نتفرج
عطر من هالاجساد يفوح

◾️رد اعليهم وگلهم
تعالوا ندفن الأجساد
شيلوا الخوف من عدكم
سيدكم انا السجاد
احفرولي حفيره هنا
وهم سوو مثل ماراد
دفن لانصار وياهم
حبيب وظل عليه ينوح

◾️ياويلي اعله ابوه حسين
يحضنه وتنزل دموعه
موذر خنصره مگطوع
عاري مرضضه ضلوعه
بحصيره جمّع اوصاله
ويجر حسره امن اثر لوعه
بلحده نزله وشمه
ونادى ياعزيز الروح

◾️رد اعله الاخو الاكبر
يوسده بگبر ابوه حسين
محني الظهر لمصابه
ولن يسمع صدى وونين
عله صدري الرضيع بهون
نزله هنا يماي العين
جروحي ياعلي كثره
وگلبي اعله الطفل مجروح

◾️هناك ويسمع يصيحون
يم المشرعه موذر
جسد چفينه مگطوعه
ومخه سايل مطشر
ذب روحه عليه وصاح
يا عمي يا لمشكر
ياعباس تبچي عليك
ملايكة العرش و اللوح

◾️وزينب باقيه بحيره
وگلبهه اعله العليل احتار
لحد مارد تگله وين
چنت ياشبل حامي الجار
يگلها عظم الله اجرچ
يعمه بدفنة الأطهار
شاگلچ لون شفتي حسين
كثره جروحه فوگ جروح

◾️صاحت يخوتي ويلاه
صدگ مااحضرت دفنتكم
يبو السجاد ياعباس
مدري اشلون افارگكم
ولو بيدي يخُوّاني
أظل طول العمر يمكم
أبچي عليكم وانعى
ولشام العده ماروح

#سمير_الصالحي
#البصرة_الموالية


🏴 نعي -مجردات
السيدة ع حينما علمت بدفن الحسين ع

ياحيف خويه ماحضرتك
ولاجمّعت يحسين جثتك
ولا شاهدت وسفه دفنتك
چا موش يبن امي آني اختك!
وشلون أتحمل فرگتك !!

🏴 حرقة قلب العقيلة ع

⚫️ياهضيمه
ماحضرتك يابو الاكبر
ياهضيمه
ميسره وتعرفني مااگدر
ياهضيمه
والله عنك مااتعذر
⚫️ياهضيمه
من شفت جسمك مگطع
ياهضيمه
عل الترب ويلي موزع
ياهضيمه
گلبي يابن امي تلوع
⚫️ياهضيمه
لو يصح بيديني احضنك
ياهضيمه
أجمع اوصالك وادفنك
ياهضيمه
ولا أروحن دوم عنك
⚫️ياهضيمه
راح أمشي وراسك وياي
ياهضيمه
ومن اصدله تسيل عيناي
ياهضيمه
وبالدرب ياخويه سلواي
⚫️ياهضيمه
أدعي أرجع تالي يمك
ياهضيمه
وادفن الراس ويه جسمك
ياهضيمه
يمتى ازورنك واشمك !
⚫️ياهضيمه
بغربتي وبالشام تالي
ياهضيمه
بلا كفيل بلايه والي
ياهضيمه
آه من ضيم الليالي

#سمير_الصالحي
#البصرة_الموالية

#السيدة_رقية

#السلام_عليك_يا_ريحانة_الحسين

آخـــــر خــــرابة الشام ملگه و منيه
ومشابگ اويـــــه الراس نامت رقية
ضلت غريبة ابحظن المصيبه
نامت رقيه


طفله ابعـــــمر قـــــداح فتح وردهه
وگطر النده نعسان يغفه اعله خدهه
تــدري علـــــيش حسين اكثر يودهه
چــن أمه ثلث اسنين تقره ابحمدهه
گطعو غصنهه وذبل حسنهه
نامت رقية

......
مشي اليتيم اشلون وي چاتل أهله
ســوط وحبل وسموم والناگه هزله
گـــــالو عماهه الراس گد ما تصدله
وبــين عليهه الشيب ماچنهه طفله
و اجروح اذنهه تغفه اعله ونهه
و نامت رقية

......
بس ما شمسهه تغيب وحشه الخرابه
ايــذبهه التــــعب واتنام فوگ الترابه
تگعـــد ابنـــــص الليل تصرخ يه بابا
تحـــلم ابحضن الراس والدم خضابا
من حبل ايديهه تشكي العليهه
و نامت رقية

........
ليل اليتيم اجـــــروح مـــا يبره همّه
وجـــرح اليمسه اتراب بلله اشينيمه
زينب تگضي الليل لچمه اعله لچمه
كــل ساعه تسمع صوت وينچ يعمه
ما تگدر اتنوح وتجلب الجروح
نامت رقية

........
زينب تجــــلب الليل مابين الجروح 
كلــــما تصد للراس وتشوفه مذبوح
لا بيهه تبچی ابصوت لاتگدر اتنوح
وماتدري باچر وين حاديهم ايروح
خلصت اسرهه وحفرت گبرهه
و نامت رقية

#الشاعر_الکبیر_عزیز_الفیصلي

#السيدة_رقية

#السلام_عليك_يا_ريحانة_الحسين


خـرابه واظلـــــم انهار البنیه
ومن تعب الدرب نامت رقیه

گـــــعدن شــــوط من الیل ناحن
وکـل وحده ابکتر یاویلی طاحن
عـــــود الظــــیم باچر یستراحن
بـــــاچر یـــــوگفن بــین آل امیه

بــاچر عـــــسه بـــــاچر لایجیهن
اشکبرهه وگفت المجلس علیهن
اگـــــبال اعیونهن ینطگ ولیهن
وتلـــــعب خیزران ابـــن الدعیه

عـــــله اتراب الوساده نومتهن
وبـــــجناح الـــزچیه حومتهن
تلـــولی اعله الجروح الأمتهن
واهیه امساهره الونه الخفیه

نـــــص الیـل لـــــن طفله ابحلمهه
الوساده اتراب واتصیح امن المهه
ملـــح جاس ابجرح منهه ولچمهه
وبحـــــت صــوت عبرتهه الشجیه

طفله امن التعب ناحل جسمهه
ورده وذبــــل امن الحر رسمهه
بعـــــد محــد یعارفهه اباسمهه
نسبـــــوها رقـــــیه الخــارجیه

غدت تبچی عله ابچاها الخرابه
وغـــــفه بــجروحه ملح الترابه
تـــــهز الشام لو صاحت یه بابا
تـــــرانی شــــوفتک عنت علیه

تـــــنادی وین ماشوفچ یعمه
ابـــوی اهنا یجی ودینی یمه
یــــشابگنی واشبگنه واشمه
ورشله ادموع عینی واهلیه




#الشاعر_الکبیر_عزیز_الفیصلي

#السبي
#الشام


اهل المدينة سالوأ الامام السجاد(ع) اي جرح سيدي اشد علئ قلبك فقال لهم الشام ' اوليس الطف اكبر ما جرئ من مصائب فقال لهم:


وي ضرب الاسهام
حرك الخيام هناك وي ضرب الاسهام
هانت ولا تنقاس وي طبت الشام
-----------------------------------------------------------------
الحيرة من تمشي بدرب مجتوفة ادياتك
الهضمة من تسمع صدك صوت وبجي بنايتك
الغربة من تحجي بدمع ما تنسمع جلماتك
الكلفة لو شفت الهزل جابوهن لعماتك

من كطعت الماي
ذاك العطش والضيم من كعطت الماي
اهون ولا هزلات تركبهن اعضاي
-----------------------------------------------------------------
الخنكة من تمشي بسبي والحادي حيل يسبك
الصفنة من تركض تهد واحبالك تمنعك
هنانه تحس خيبة صدك جن تكعد ترسمك
والدنيا كلها ابلا نظر تحسبها جن كبرك

مجتوف الايدين
مو سهله تمشي بشام مجتوف الايدين
واكبر اخوتك غاد وانته ابن الحسين
-----------------------------------------------------------------
الصعبة تاكل بالبشر من تشكيلك اختك
ياخويه مبيوكه ذهب بس بدمع حاجتك
والبايك كبالك حذا وعيونه خازرتك
هنانه تحس دمعك نشف والحسره خانكتك

حال ارده من حال
مو هينه من تشوف حال ارده من حال
فوك الهضم والحيل تشكيلك اطفال
-----------------------------------------------------------------
الدمعة من توكع صدك عماتك الموجوعه
والشامت يشوف وضحك والضحكة مسموعه
هنانه تحس كلبك وكف ويموتن دموعه
منها وتقيس شكد نذل هالشام و فروعه

من عدهه الخيال
من عمتك المحد شاف من عدهه الخيال
راحت تطب للشام مجتوفه بحبال
-----------------------------------------------------------------
هيه التغثك من صدك من رفعو الراس
ويا وسفه مرفوع برمح راس احسن الناس
وتشوفه من ينكط دمه جن عايش احساس
والسوك هلهوله انترس وي رفعت الكاس

ومسجل الصار
هذا الحصل بالشام ومسجل الصار
ذل وهضم وسياط ومكاطف حجار
-----------------------------------------------------------------
خادم اهل البيت: علي مالك الدعمي