*گريز من مجلس رقية ع لمجلس الامام الحسن المجتبى ع*
~~… عظم الله لك الأجر مولاتي يا زينب يا أم المصائب ساعد الله قلبك المفجوع وعيناك الباكيتين لما رأت من رزايا ومحن *هنا في الشام* رأيت سيدتي رأس أخيك الشهيد المظلوم~ في طشت من الذهب وانفجع قلبك لهذا المشهد الذي فطّر قلب رقية الصغير ففارقت روحها الدنيا على ذاك الرأس اي واويلاه *وهناك في المدينة* عيناك تحيرت على الطشت الذي رأيت به كبد أخيك المسموم~ فأيهما أعظم على قلبك يا زينب ~
بعيني شفته… هالطشت جدد لحزني
بعيني شفته… وبالمصايب يذكّرني
بعيني شفته… واحترت بيه كأني
*شو شفتي يا زينب؟*
حين لشفت طشت الذهب
دمعي على الوجنة انسكب
ذكَرني بمصاب الحسن
وچبدي الذي بسم انفطر
〰️〰️〰️〰️〰️
هالمشهد يألم الگلب
ولشفته بالمجلس صعب
راسه الأخو بعود انضرب
خويه يا محزوز النحر
〰️〰️〰️〰️〰️
اي واويلاه واحسيناه~~
اي وا أخاه واحسناه
يا اهل العزاء قلب زينب مكسور من المصائب قلب زينب مفجوع من الرزايا اويلاه يالحسن ~
صاحت زينب واخاه واحسناه وامسموماه
*يعين الله گلبچ مولاتي بمصاب الحسن المسموم*
تگله خويه … جيت ازورك يالولي
تگله خويه … انت يا ريحة هلي
تگله خويه… يا شمعتي بمنزلي
〰〰〰〰
ليش اشوفك… لونك اصفر منخطف
ليش اشوفك… كلّه جسمك يرتجف
ليش اشوفك… حالتك ما تنوصف
〰〰〰〰
زينب شافت الطشت صاحت ويلاه واحسناه😭
تگله خويه… هذا چبدك الي انظره
تگله خويه… فرگتك يا روحي مرّه
تگله خويه… گلبي عا مصابك شيِصبْره
〰〰〰〰
منهو سمّك… وأفجع الزهره بمصابك
هاذي امك. … حاضره الساعه عْلى بابك
تبكي يمّك… تجهّز اكفان وثيابك
خادمة آل محمد✍🏻
زينب ايها اصعب على قلبك لحظة الوداع ام لحظة الفراق زينب ودعت اخيها الحسن وودعها ووفارقها في تلك الليلة وفُجعت بمصابه وتجددت عليها المصائب والأحزان ولكن الذي كسر قلب زينب ساعة تشييع جنازة اخيها الحسن ع امام عينيها وتراشقت سهام بنو امية على تلك الجنازة اه اه

*حين عدلو بجنازة الامام الحسن ع مزروعة بالسهام أنا لا أدري اي سهم أفجع قلب زينب تلك السهام وسهم اصاب الامام الحسين ع في قلبه الشريف واويلاه~*
لحن الخضيب العاملي~
واحسينا واحسينا واحسينا آه~
ردوا نعش سبط النبي وتلگّته زينب
سلّت سهام من النعش ويمّه غدت تنحب
تگله بگلبي كل سهم خويه النعش صوّب
ليته آنه يومي من گبل يومك ينور العين
〰〰〰〰
تحاچي سهام الصوّبت نعشه وتهل دموع
تگله ما ادري كم سهم منّه الگلب موجوع
سهم الي صابك بالنعش وصوّب يخويه ضلوع
لو سهم المثلث بعد لصوّب گلب الحسين
واحسينا واحسينا واحسينا آه~
〰〰〰〰
والله عظيمة مصيبتك تهدم يخويه الحيل
يگلها دصبري عالمحن بالطف تشوفي الويل
سهم المثلث بالگلب خلّه دمومه تسيل
بعينك تشوفين السهم بگلبه ولفاه البين
واحسينا واحسينا واحسينا آه~
〰〰〰〰
(زينب شافت سهم المثلث واويلاه)
هد حيله من صابه السهم وبقلبه اتعدّه
شاله يا ويلي من الظهر ويمه طلع چبده
اتغسّل بالدمه عالمهر والقوّة ما عنده
طاح ودمومه عالترب ومنه اعتلى الونين
واحسينا واحسينا واحسينا آه
خادمة آل محمد ص✍🏻
عظم الله لك الاجر مولاتي يا زينب~~~
/ لحن الجفيري`~ ♪*
هلّي يا زينب دمعتچ
بفراگ اخوچ مصيبتچ
ويعينچ الله بمحنتچ
مصاب الأخو ويلي صعب
〰〰〰〰〰
زينب على مصابه تون
من شالو نعشه للدفن
سهام بنعش ٱخوها الحسن
تعاين ومدمعها يصب
〰〰〰〰
شالو بنعشه للبقيع
ردوا الدفن قرب الشفيع
تاليها آثاره تضيع
وحجاره گبره عالترب
خادمة آل محمد✍🏻
نعم اخواتي هذا قبر مولانا الحسن ع مهجور لا يقصده احد من شيعته وهذا حسره في قلوبنا 🏴طور الفراق او الحسناوي♪
آيالحسن… لا قباب ولا مناره
آيالحسن… لا مواكب لا زياره
آيالحسن…عالگبر ننظر
حجاره

واغريباه… گبرك بغربه انهدم
واغريباه… لا مناره ولا علم
واغريباه… والنعش صابه السهم

آيحسره… في گلب كل شيعي صعبه
آيحسره… للبقيع نسمعها ندبه
آيحسره… آيويلي والله غربه

آيمهدي… ينخى يا إبن الحسن
آيمهدي… ننتظر تبني الصحن
آيمهدي… وراية ترفع للعلن

تبني مرقد… للأئمة الأربعه
والمناره… للشموس الطالعه
تبني قبة… للسماء السابعه
خادمة آل محمد✍🏻
تنسيق الشاعرة خادمة آل محمد ✍🏻

|| *نرفع عزيه* ||

● لطميه للامام الحسن المجتبى عليه السلام

● طور : عذابي ياشهر منك عذابي

.

*بحزن هالليله نقصدها الزجيه*
*ابونين وللحسن نرفع عزيه*
*نهل دمعه .. عليه ننعه*
*بدمع جاري*
_________

على ابن الطاهره البضعه دمعنا انسيل
مصابه ايفطر احبابه ويهد الحيل
عزانا نرفعه لاجله بلطم واعويل
يموطن للصبر اعلن وجوده ارحيل

*نعزي هالشرع ننعى اصوله*
*يكوكب فاطمه الأعلن افوله*
*صعب جرحه .. من انشرحه*
*بدمع جاري*

_________

يباب وللكرم مثلك ابد ماصار
برحيلك هالفلك ناح وعليك اندار
يشمعة فاطمه بصبرك دليلي احتار
وعليك الليله أهلنه الدمع مدرار

*يسيد للشباب وكل املنه*
*مصابك زيّد لاجلك ألمنه*
*تجي احبابك .. على بابك*
*بدمع جاري*
_________

مصابك جَرّح حسين وهدم له الحيل
وعقيلة حيدره اتنوح ودمعها تسيل
يبو محمد عن احبابك نويت اتشيل
جرعت السم يبعد اختك غديت انحيل

*عساني ماشفت جرحك عساني*
*يضنوة والدي وشمعة زماني*
*ومن شفتك .. يبعد اختك*
بدمع جاري*
_________

ابطشت تقذف جبدتك وانظر ابعيني
واجرن يبن ابويه صوتي وونيني
احسن بالالم يملاني يكسيني
يضنوة والدي راحل عن اسنيني

*ياريحة والدي وعطر الزچيه*
*مصابك زود اهمومي عليه*
*اشوفنك .. و وادعنك*
*بدمع جاري*
_________

بعد سم الجبد ويلي انخطف لونه
شيطلبونه النعش ويلي ويضربونه
ابْسِهَام وقلب ابو الزهرا يشعبونه
يجرحك يالحسن خويه شيوصفونه

*اروحن للرسول واشتكيله*
*عزيزك يالنبي لَوْعَوا دليله*
*قضى وعده .. ونظل بعده*
*بدمع جاري*
_________
تمت بحمد الله
بقلم :بنت الشمري
.
🔊 *طور القصيده* :
https://youtu.be/WTl1jfsNEqs

● || مربوعة بوزن "النصاري" لإستشهاد الإمام الحسن المجتبى عليه السلام || ●

.
.

على امصاب الحسن انهل العيون
بسهام العدا نعشه يضربون
______
مجروح القلب لابن الزجيه
تفجع حالته وقت المنيه
وانواسي البتوله بهالمسيه
لاجل المجتبي احبابه يونون
______
نلطم عالصدر ونون للمصاب
مصيوب النعش ياويلي نشاب
خل تحضر تشيعه الليله احباب
وادموع العزيه اعليه يهلون
______
فارقنا الحسن وافاده ملچوم
واقضاه العمر يجرع بالهموم
ودع دنيته يا ويلي مسموم
واعلى فجعته الحسره يجرون
______
ياجرح الحسن ماظني يلتام
مانزلوه حفرته وبعد مانام
مصيوب النعش يا ويلي بسهام
عدوانه الجنازه اعليها يرمون
______
لحظات المنيه اشكثر عسرات
تشعب بالقلب نقضيها ونات
يمصاب النعش انجر له حسرات
ميت بالنعش منه اشيطلبون
______
تمت
بقلم : بنت الشمري

||•● ايعظم أجرك ●•||

● وزن : الموشح
.
.
ايعظم أجرك ياعلي بهذا المصاب
الحسن مسموم منه القلب ذاب

ما كِفاهم ويلي چبده سمموه
من بعد هذا العمر ما لوِّعوه
نعشه بسهام ونبل ليش اضربوه
ما كِفاهم والله كل هذا العذاب

يا حقدهم يا علي ما ينوصف
ما كِفاهم چبده بسموم ايقذف
يعني نعشه يشتكي الظلم ونزف
ينزف اهموم العمر نبض الصعاب

هم شفت ميت ونعشه ينچتل
والسهام ابكل كتر واعليه تهل
اشسوه نعشه وتضربه اسهام ونبل
ما كِفاهم ليش ينسم بشراب

الله وكبر ياعلي اشسوه النعش
كل سليم الروح يسأل واندهش
إلمصاب المجتبى الكون ارتعش
والنعش يشرح حياة الإغتراب

ايعظم أجرك يا علينه مرتين
مره للمسموم دلالك حزين
وللنعش وتشوف لإكتاره أنين
ينعى دين المصطفى سبطه اللي غاب
_______
تمت بحمد الله تعالى
✒ بقلم / بنت الشمري
   

نخوه نخوه يالحسن مولانه
سيدي بالشدة لا تنسانه

سيدي ننخاك يبن الطاهرين
جيت امجدّي اجينا سائلين
ماترد من يقصدك خالي اليدين
وانت دنيا وآخره ويانه

سيدي بحق چبدك المتقطعه
انت ذكرك يالحسن اعظم دعه
نسألك بام البنين الأربعه
يالحسن باب الكرم منجانه

بجاه جدك أحمد الهادي الرسول
والشهيدة فاطمه الزهـره البتول
سيدي كل الشدد عنا تزول
باب كل حاجه الحسن عنوانه

نخوه بالزهراء وبكسر الضلع
اعليك نجري ادموم مانهمل دمع
مثل اخوك حسين لجلك منفجع
ياكريم وما يسد بيبانه

بجاه من جاورك في أرض البقيع
حاجتي يمك مؤكد ماتضيع
يا نجاة الشيعي يا أكبر شفيع
كل محب اسمك صبح نيشانه

حاجتي عندك يبن عقد الوله
شوف دمعاتي المصابك سايله
بجاه ابو اليمه ومصايب كربله
بجاه زينب نخوه لا تنسانه

بحق عليل الطف تشافي كل عليل
سيدي من هالمرض جسمي نحيل
انا ضيفك سيدي وشانك جليل
اليقصدك لاشك رجح ميزانه
————-
ميرزا يوسف الشيخ
١٤٤٢/٠٢/٠٥هـ
المدينة المنورة

#نعي
#شهادة_الحسن

*روي أنّ الحسن (عليه السلام) لما وضع الطشت بين يديه وصار يقذف كبده سمع بأن أخته زينب تريد الدخول عليه، أمر - وهو في تلك الحال - برفع الطشت إشفاقاً عليها*


طحت ابمشيتي .. و نزلت دمعتي
لأخواني جيتي .. *هي أحلى جيه*

لاچن فجعني .. أمرك يا ركني
لا تخفي عني .. *طشت الرزيه*

يالحسن طشتين .. تنطرها العين
طشتن إلى احسين .. *و طشتك يخويه*

أدري بچبدك .. السم يهدك
و باچر بلحدك .. *أنظر بليّه*

و أنظر مصابك .. چم سهم صابك
ليت ابترابك .. *ندفن سويه*

دمعي أهله .. و خدي أبله
السبعين نبله .. *اتصيبك يخويه*

و انظر مصايب .. حين أنته غايب
فوق الترايب .. *احسيني رميه*

و انظر لجثته .. يحزوا رگبته
و انظر سحگته .. *بالأعوجيه*

و تاليها بالطشت .. راسه يتفتت
و أهله اتشتت .. *عند الدعيه*


🖋 عبد_مُحمدوآل_محمد / #مفضل_حبيب السهو - القطيف
٦-صفر ١٤٤٢
‏https://t.me/Mofadhal

🏴 *باچر أشوفك* 🏴

● نعي لسان حال الإمام الحسين بإستشهاد أخيه الإمام الحسن عليهما السلام
● طور : *لحظه يخويه* للشيخ الجفيري + يم الولد + يا كربله وطر الفجر
.
.
بوداعة الله يالحسن
يالمغترب بأرض الوطن
ما سَمموا بس الچبد
خويه رموها اجنازتك

عن عيني يالرايح بعيد
ابقبرك نمت آيالعميد
شيخ العشيره يالحسن
امن اليوم تبدي غربتك

چني أشوفك يالذخر
يالغالي ابلايه قبر
خويه الرموها اجنازتك
باچر يهدموا قبتك

تجرحني باچر حالتك
ممنوعه خويه ازيارتك
حُولي تطوف الزائرين
وإنته خليه رُوضتك

لا شمعه واتضوِّي القبر
او لا واحد ابقبرك يمر
أبچي عليك ابكربله
ما أنسى خويه قِصِّتك

كلما إِلي زاير قصد
والقبري ياخويه وفد
وإنته فلا يمك أحد
بالقبر أنعى وحشتك
_______
تمت بحمدالله تعالى
✒ بقلم / فاطمہ كريم
نسألكم الدعاء لتعجيل الفرج
يا أبا عبـــــــــــــــــــــــــدالله
الفاتحة مع الصلوات إلى روح والدي

#استشهاد_الحسن
#وفاة_الحسن

---------
عجل إلينا بالفرج عجل إلينا
قبر الحسن مظلم علينا يا ولينا
---
(1)

شحچي شعدد بالمحن والگلب حاير
سيد شباب الجنة گبره ابلا مناير
وبلا قبب وبلا صحن بس تربه صاير
يصعب علينا هالوضع ظلمه المدينه

------
(2)
يحجة الله هالأرض وحشه و كئيبه
ابلا مناره ولا خدم حاله عجيبه
بس تربه گبره ومظلمه آه اشمصيبه
حتى الحصى الفوگ الثرى نسمع ونينه

------
(3)

بين النواصب مرقده يا حسره خالي
مظلوم يبن العسكري أول و تالي
واللي يزوره سيدي أصبح مٌغاِلي
ذنبه مُوالي للنبي ويتبع بنينه

----
(4)
عجل علينا بالفرج يبن الميامين
طالت علينا غيبتك يمجدّد الدّين
مشتاگ أوصل للحسن ويّه الملايين
وافتح مضايف خدمته ابكل مدينه

------
(5)
لازم يكون إلمرقده قبه ومناره
ولازم تضوي لسما أوضح إشاره
وكلمن يگصده إلحضرته حتى النصارى
تهتف تنادي يالحسن بالحاجه جينا

-------
الوزن الفائزي - رباعي

عبد_مُحمد_وآل_مٌحمد / #مفضل_حبيب
القطيف

نتشرف بإنضمامكم في قنانتا 🌹
قناة متخصصة في الشعر الشعبي الحسيني
‏https://t.me/Mofadhal

- القصيدة كاملة بالكمبيوتر بالرابط 👇

‏https://goo.gl/3ViwRx

#استشهاد_الحسن
#وفاة_الحسن

*ملعون من صوب سهم لجنازتك يالمجتبى*
*ملعون من صوب سهم لجنازتك يالمجتبى*

-----
(١)
من بعد فقد النبي كل شي انكشف
و سامـــري أمــة محمــد وانعـــرف
وهجموا البيت الذي بجنة انوصــف
والملك مــن حوله يفخــــر يمه حــــف

*يا نار كوني له برد واصلي جلود الناصبه*,
*ملعون من صوب سهم لجنازتك يالمجتبى*

-----
٢)
الســبب كــل سبب ذيــــچ المــــــره
الما رعــت ســـر النبي لن تســـــتره
حقي ارجي ابن الحسن ابهالجرى
لو صــلب جبـــــتين يصـــلبها ورى

*مذخور يابن النبي تحيي الفروض الواجبه*
*ملعون من صــوب سهم لجنازتك يالمجتبى*
----
(٣)
هالحقــــد منها ولا لحظــــة بــٰـرد
سجدت إلشيطان وش ترجى بعد
وللحسن كل الحقد منها صعــــد
و هم لجل لحسين فرحت باللحــد

*كل يوم يزداد الحقد امن اللعينه الخائبـه*
*ملعون من صوب سهم لجنازتك يالمجتبى*

----
(٤)
كل جرح أذى النبي هيّه الأصل
ولا عجـــب مروان يرميه بالنبــل
عدها چم أبليس عبدوا للعجـــل
آذوا المخـــتار وأهله ابهالفعـــل

*مصيوب ابسهام الغذر وعين السما له ساچبه*
*ملعون من صــوب سهــم لجنازتك يالمجتبـــى*

-----
(٥)
تمشي من خلف الجنازه أم الحسن
والنســـــا من حــولها يتصياحــــــن
ولن سهــام تلوح من أهــــل الفــــتن
تمطر بأحقــــاد و بهـــم و محــــــن

*أحقاد من يوم الجمــل لليــوم بالدم طالبـه*
*ملعون من صوب سهم لجنازتك يالمجتبى*

----
(٦)
كل سهم صاب النعش صاب النبي
وانجـرح بصــواب ديني ومذهبـــي
بس غذر وأحقــاد دين الناصبــــي
والچتل عنــــوان إلكــــل طالبــــــي

*لليـوم يتوضـح أمـــر اوصــيه بدم كاتبـــه*
*ملعون من صوب سهم لجنازتك يالمجتبى*

-----
(٧)
لعنة الله للي خطط هالأمــر
وبسعير النار لا شك يستقر
باچــر العبــاس إلثاره يكــر
يلزم الفقار و لا واحــد يفــر

*مذخور بن فارس مضر كل طاغي اهوا يحاسبه*
*ملعـــون من صــوب سهــم لجنازتــك يالمجتـبى*


🖋 عبد مُحمد وآل مٌحمد / #مفضل_حبيب
القطيف



- القصيدة كاملة بالكمبيوتر بالرابط 👇
‏https://goo.gl/7QKjx9

#استشهاد_الحسن
#وفاة_الحسن

----------
مُنيتي ابطول الزمن تربة من قبر الحسن
بيها شفائي حرزي و دعائي

-----
(١)
يا إلهي يا مجيري بالبلاء
ما يرد سوء القضا الا الدعاء
ارفع ايدي كل صباح وكل مساء
عندي طلبه لا تدرني يا رجاء

ما هي صعبه طلبتي يالحسن هي كلمتي
هذا ندائي حرزي ودعائي

-----------
(٢)
يمن بامره عرش بلقيس انحمل
للمدينة خذني الليله ابعجل
خلني ازور المجتبى خير العمل
واعلى قبره ذبني هذا اطهر محل

حالف آنا باليمين خدي أعفر والجبين
بعسري و رخائي حرزي و دعائي

----------
(٣)

يلّي متخَيب العبد في دعوته
طلبه أزور المجتبي اشتم تربته
و اعمي عين اللي امنعوا ازيارته
مثل طه المصطفى في هجرته

احجب يا رب عينهم ... خلني أعبر بينهم
و أعلن ولائي ... حرزي ودعائي

-------
(٤)
صدق كومه امن الترايب هالقبر
لكن ابعيني اشوفه كالقصر
عندي طلبه لا تردني يا طهر
تربة من قبرك إلي عز و دخر

دخري بوقت الممات مسجدي حال الصلاة
وإلها انتمائي حرزي و دعائي

---------
(٥)
تربه منك سيدي توفي الطلب
عنها ما يلهيني مال و لا ذهب
واليفوز بتربتك جنة كسب
مثل تربه كربلا البيها العجب

تخترق سبع الحُجب لسما تضوي الدرب
تكفي عنائي حرزي و دعائي

------
(٦)

تربتك يالمجتبى وصفة طبيب
واليشم إلعطرها لا شك يطيب
ما يخيب اليدق بابك ما يخيب
حتى لو معلول محزون و كئيب

هيِّا وصفة امن السما بيها ريحة فاطمة
وبيها دوائي حرزي ودعائي

🖋 عبد مُحمد وآل مٌحمد / #مفضل_حبيب
القطيف

- القصيدة كاملة بالكمبيوتر بالرابط 👇
‏https://goo.gl/MfrPSr

في رثاء الإمام الحسن الزكي عليه السلام

(١) صُوَرٌ مِنْ تاريخِهِ ومصائبِهِ عليه السلام

إمشِ الهُوَينى ومِلْ بالمَدْمَعِ الهَتِنِ
على البقيعِ ضُحَىً وابكِـ(ـي) على الحَسَنِ

أحْضِرْ بقلْبِكَ مِنْ تارِيخِهِ صُوَرا
مذْ كانَ طِفلاً بِقلْبِ المُصطفى ظَفِرا
كمْ قلبُهُ قبلَ رجْلِ المُجْتبى عَثَرا
مِنْ وافرِ الذّيلِ أوْ مِنْ عَثْرةِ الزَّمَنِ

عزيزُ أحمدَ والأملاكُ تَخْدِمُهُ
تغْذوهُ فاطِمةٌ طابتْ مَطاعِمُهُ
نجْلُ النبوَّةِ منْها قد زَكَا دمُهُ
عينُ الإمامةِ منها الروحُ في البدَنِ

مُدلَّلُ الوَحْيِ قولُ اللهِ حجُّتُهُ
ولهْجَةُ المصطفى والآيِ لهْجَتُهُ
تَقَطَّعتْ قبلَ ذاكَ السمِّ مهْجتُهُ
لمَّا رأى جدَّهُ فيْ أوَّلِ المِحَنِ

يُقلِّبُ الطَّرفَ في أطْرافِ عِتْرَتِهِ
بالماءِ يُطْفئُ جمراً فيْ حُشاشَتِهِ
منَ الحَرارَةِ أوْ منْ نارِ حَسْرَتِهِ
للبيتِ أهلوهُ بينَ الغدْرِ والإِحَنِ

ضمَّ القتيلينِ منْ سَمٍّ وذبْحِ قَفَا
يَبكِيهِما فكأنَّ القلبَ قدْ ذُرِفا
كانَ النبيُّ عَلى أولادِهِ لهِفَا
على حُسينٍ ذبيحِ الطفِّ والحَسَنِ

يا وارثاً هيبتي والسؤدَدَ الحَسَنَا
تَقْضي بسُمٍّ فواويلاهُ واحَزَنا
تبّاً لقومٍ غداً لنْ يَحْفظوا الحَسَنا
طاوِي الحُشاشةِ يُسقى السمَّ في لبَنِ

مَضى النبيُّ وكمْ يبكي لهُ الحسَنُ
يَرى عزيزَتَهُ ذلَّتْ وقدْ وَهِنُوا
تقولُ أينَ الذي يرعاكُما دفَنوا
في دفنِهِ العزَّ صَبري ليسَ يُسْعِفُني

كمْ منْظرٍ لو وَعَاهُ الصلْدُ لانْعَدَما
رآهُ والرِّجْسُ بالأَجلافِ قدْ هَجَما
ذي أمُّهُ أَسْقَطتْ طفلاً ومَا رُحِما
وذا أبوهُ مَشى قسْراً لُمُرْتَهِنِ

تئنُّ فاطمةٌ منْ كسْرِ أضلِعِها
بمسمَعٍ منْهُ بل مرأىً لأدْمعِها
تبّاً لِمَنْ راعَها ناراً لِمُوجِعِها
بالضّربِ واللطمِ عَبدِ الغيِّ والوثَنِ

ومذْ قضَتْ دخلَ السبطانِ حُجْرَتَها
لمْ يسمعا أنَّها المشْجي ونَبْرَتها
أماهُ نادى أيا عيني وقُرَّتَها
باللهِ لا تسْكُتي قلبي يؤلِّمني

ولستُ أنساهُ لمّا غُسِّلَتْ ودُعِي
معَ الحسَينِ إلى التَّوديعِ فيْ فَزَعِ
حنَّتْ وأنّتْ بقلبٍ مُحرَقٍ جَزِعِ
فقالَ أمّاهُ عُودي يا سَنا الحسَنِ

وشيَّعُوها بليلٍ وهْوَ يندبُها
زهراءَ كانتْ غدَتْ والتربُ يَحجُبُها
وَيْلي على أمّيَ المكسورِ جانبُها
غريبةُ القبرِ عاشتْ غُربةَ الوطَنِ

يتبع
سجاد البيابي

(٢) عزيزك يا رسول الله

عزيزك يا رسول الله
عطشان ابخِتام الصوم
بدَل شرْب العذِب جعْده
جابت له نقيع اسموم

يا جدّه اللي دلّلته
وملَك قلبك الريحانه
ابلبن مسموم متقطّع
چبده وغيّر الوانه
يَجَدّه ترجع الصيّام
بعْد الصوم عطشانه
تلاقي البارد وسبطك
لقى ناقع اسموم الروم

منّ الروم جابوا سم
فاتِك يا رسول اللـه
ما وصّل إلى جوفه
إلا وذاب منّه احشاه
آه ابآه يتقلب
عَلى اشماله وعَلى يمناه
من ذي الحجه يا مولاي
إلى سابع صفر مو يوم

يالشوفك مُنى قلبه
قوم وشوف أحواله
مرّه يقْبض ايمينه
ومرّه يبْسط اشماله
تعال وفاطمه ويّاك
داووا اجروح دلاله
مغدور الحسن مغدور
حي ميّت بعَد مظلوم

مضَت أيّام وبان اعليه
نحول ولونه اتغيّر
شافه احسين يا ويلي
ومن شافه إله تحسّر
قلّه اشبيك يا صِنْوي
يبومحمد خَطَاك الشر
فتَك بيّه يقلّه السم
يا خويه أنا مسموم

تمت
سجاد البيابي

*كأني بالإمام الحسين ( عليه السلام) يودع أخيه الإمام الحسن ( عليه السلام ) بعد دفنه*

#شهادة_الإمام_الحسن

*فگدك صعب مثل السهم اتصوب عليه*
*و بگلبي اسهام النعش مثلك يخويه*

*"يوم عاشر" محنتك* .. *و "المثلث" دفنتك*
*اتصّوب عليه*

————— (١) —————

دمعي من دم ..
قاسي گلبي أحفر الگبرك إبيدي

دمعي من دم ..
اشلون اهيل اتراب گبرك يا عضيدي

دمعي من دم ..
دفنتك أصعب لي من گطعة وريدي

دمعي من دم ..
أبچي إعلى افراگك و أبقى وحيدي

*الدنيا الما بيها أخو ظلمه و رزيه*
*و أنته لي مو بس أخو عزه و حميه*

*عزتي ابشوفتك* ... *"والمثلث" دفنتك*
*اتصوب عليه*

————— (٢) —————

مالي غيرك ..
يا عطر الخوه البيدي دفنته

مالي غيرك ..
يالذي سم الحقد فتت چبدته

مالي غيرك ..
و أنته تدري الأخو عزّه بأخوته

مالي غيرك ..
لوّن بالطف حزوا الخيّك رگبته

*يالحسن إيد السمتك تگطع إيديه*
"و الصوبت نعشك سهم اتصوب إليه"

*والحجر ابغرتك* ...*" و المثلث" دفنتك*

————— (٣) —————

بوداعة الله ..
يالحسن يحزام ظهري او سنادي

بوداعة الله ..
يل چنت الخيمتي ركني او عمادي

بوداعة الله ..
ليت قبلك أندفن تحت الوهادي

بوداعة الله ..
يا نبض روحي او دمي او فؤادي

*فگدك يفت حتى الصخر يبن الزچيه*
*و جنحي انكسر و الله انكسر هاذي المسيه*

*و أقسم بحق خوتك* ...*" المثلث " دفنتك*

————— (٤) —————

والله صعبه ..
يبو محمد أنظر النعش او سهامه

والله صعبه ..
يا خويه أبقى وحدي ابهالظلامه

و الله صعبه ..
أبقى بالطف بالأرامل و اليتامى

والله صعبه ..
الشمر بعدك يگطعني ابحسامه

*و أبقى وحدي ابلا اخو فوگ الوطيه*
*او شمر الخنا ابنعله متربع عليه*

*انتظرها فزعتك* ... *"و المثلث" دفنتك*

————— (٦) —————

ألف وسفه ..
يالذي بخنجر غدر جسمه تعذب

ألف وسفه ..
بسبعين نبله يالاخو نعشك تصوب

ألف وسفه ..
مثلك آنا انرمي و جسمي يتسلب

ألف وسفه ..
زينب أختك تنسبي بعدك و تُضرب

*وتدخل المجلس يزيد الهاشميه*
*و ينشتم بويه علي و أمي الزچيه*

*ضيعتها ابموتتك* ... " والمثلث" دفنتك*

🖋 عبد_مُحمدوآل_محمد / #مفضل_حبيب السهو - القطيف
٦- صفر ١٤٤٢
‏https://t.me/Mofadhal

صدگ آنه بذبحوني
ويومي مامثيله يوم
لكن گبري يتشيّد
وبس گبرك يظل مهدوم
*1*
صدگ نحري العده ايگطعوه
ويسلم يالحسن نحرك
وصدري ابخيل بيطحنوه
بس ماينطحن صدرك
لكن ينبني گبري
ونته ينهدم گبرك
عزيز اعليه ياخويه
گبرك يهدموه الگوم
*2*
ينور العين يامسموم
گبري ابكربله شوفه
أصبح للخلگ كعبه
والوادم تجي اتطوفه
ونته يالحسن گبرك
بس احجاره مصفوفه
متساوي مع لتراب
آه اعليك يامسموم
*3*
ابْيوم الأربعين الناس
تگصد گبري مشايه
وتبچي ابشوفة الگُبه
وتطب للصحن نعّايه
ونته گبرك امهدم
بلا گبه ولا رايه
يخويه ضايعه ارسومه
مانلگى عليه ارسوم
*4*
ابليلة موتتك خويه
والله تكسر الخاطر
مظلم يالحسن گبرك
وحاله يفجع الناظر
ماحوله ولا صيحه
وماحوله ولا زاير
ولا واحد يصيح اعليك
ويبچي ابدمعه المسجوم
*5*
أنه يالحسن زواري
شوف اشلون ايضيفوها
ونته خويه زوارك
يهينوها ويشتموها
وحتى امن السلام اعليك
يامسموم ايمنعوها
وماتگدر إلى گبرك
توصل والله يامهضوم
*6*
آنه يالحسن گبري
ابلهفه تعتنيه الناس
هذا ايصيح آه يحسين
وهذا يلطم اعله الراس
يزوروا مشهدي وتالي
يزوروا مشهد العباس
ويذكروا گطعة اچفوفه
وراسه الْبلعمد مهشوم

علي عبدالله كويل.(تاوت).
المناسبه/ شهادة الإمام الحسن(ع).
الوزن/ طويل(مربعه).

🏴 *نواعي لقبر الإمام الحسن عليه السلام* 🏴
.
.
*|| نعي مجاريد + عاشوري + كرناوي ||*

وسفه الگبر خالي المسيه
و لحد نصب يمه عزيه
و لا زاير لفى ادموعه جريه

لا ناعي و يون ابكتره بهداي
ولا واحد علی قبره ويصب ماي
أويلاه يالحسن يا بعد عيناي

ويلي البقيع اشلون أظلم
وقبر الحسن ويلي امهدم
ولا يم الگبر ناعي و يلطم


*|| طور : مالي غيرك ||*

آيا گبرك .. ابلا شُموع او لا مناره
آيا گبرك .. اعلينه ممنوعه الزياره
آيا گبرك .. مَحَّد الليله جِواره

منهو يمك .. وإعله گبرك يوج شمعه
منهو يمك .. يالحسن واعليك ينعه
منهو يمك .. فوگ گبرك يصب دمعه

*|| طور : سامحيني ||*

ابلايه قبه .. ابلايه قبه
لا صحن لا مرقد ومفتوح بابه
ابلايه قبه .. ابلايه قبه
لا ضريح او لا مناره بس ترابه
ابلايه قبه .. ابلايه قبه
آه يا راعي المضايف والمهابه
ابلايه قبه .. ابلايه قبه
واللي مشتاگك بُقى ابهمَّه وعذابه


*|| طور : نار ||*

اتراب .. اتراب .. اتراب .. اتراب
صار الضريح اتراب
باب .. باب .. باب .. باب
ابلا قبه ويلي او باب

وين .. وين .. وين .. وين
من وين أزورك وين
اونين .. اونين .. اونين .. اونين
ويمك أجر اونين

مشتاگ .. مشتاگ .. مشتاگ .. مشتاگ
والله الگلب مشتاق
افراگ .. افراگ .. افراگ .. افراگ
راح العمر بفراگ

انزور .. انزور .. انزور .. انزور
يَمته نجي وانزور
سور .. سور .. سور .. سور
عَذَّبنه والله السور
____
تمت بحمدالله تعالى
✒ / فاطمہ كريم
٩ / ٢٠١٩ م
نسألكم الدعاء لتعجيل الفرج
يا أبا عبـــــــــــــــــــــــــدالله

حوار بين الإمامين الحسن والحسين

يا عضيدي يالحسن ظهري كسرته
يا عضيدي قلبي بمصابك فجعته
يا عضيدي دمعي من عيني نزفته

آ يخويه هاي روحه بلايا جيه
آ يخويه فرقتك تصعب عليه
آ يخويه ليت وافتني المنيه

كربلائي تنزل اعليك المصايب
كربلائي تبقى مرمي اعلى الترايب
كربلائي بزينب تحل النوايب

خويه بعدك لا قباب ولا مناير
خويه بعدك ماكو اتفضل يزاير
خويه بعدك الصحن خويه ولا حاير

هالوصيه رايد تعرس الجاسم
هالوصيه انت والعباس سالم
هالوصيه تزفه مابين الهواشم
—————
ميرزا يوسف الشيخ
١٤٤٢/٠٢/٠٦هـ
المدينة المنورة

#قصائد_في_خدمة_الخطباء
#شهادة_الامام_الحسن_المجتبى(ص)
(قصيدة عمودية)

ألخَطبُ ما بَيْنَ الضُّلوعِ جليلُ
و الدَّمعُ مَهما سالَ فَهْوَ قليلُ

أليومَ دَسِّت جُعْدَةٌ سُمَّ الرَّدى
للمُجتَبى و الجسمُ منهُ نَحيلُ

أسفي عليهِ عَلى الفراشِ مُمَدَّدًا
و الموتُ مُتَّخِذٌ إليهِ سَبيلُ

قَدْ غَيَّرَ الوَقْعُ الشَّديدُ جَمالَهُ
سَلْ خُضْرَةً في الوَجْهِ، تِلكَ دليلُ

سَلْ عنهُ أحزانَ الحُسَيْنِ و لَوعَةً
في صَدرِهِ مِن بعدِهِ سَتَطولُ

سَلْ عنهُ دمعَةَ زَيْنَبٍ و فُوادَها
تِلْكَ التي أحنَت عَليهِ تقولُ:

"يا نورَ عَيْني، يا حبيبي، يا أخي!"
أبكي لفقدك و المصاب ثقيلُ!

لهفي عَليها كم تَحَمَّلَ قَلبُها
فالحُزنُ فيهِ عَلى الدَّوامِ نَزيلُ

أليومَ في طَشتٍ ترى كَبِدًا كما
سَتَرى غدًا رأسًا دِماهُ تَسيلُ



فاطمة رزق

#عظم_الله_أجوركم

#نعي_لكريم_اهل_البيت

#طور شيخ زمان الحسناوي
{ *يم الولد راح الولد* }

انـة الحسن انـة الحسن
ﭼـبدي واحشاي اتوذرن
انـة الحسن انـة الحسن
شفت الظلم شفت المحن
انـة الحسن انـة الحسن
ماخلوني يم جدي اندفن
انـة الحسن انـة الحسن
والله دولبنـي هـالـزمن
انـة الحسن انـة الحسن
عگب الأبو مصايب سِدَن
انـة الحسن انـة الحسن
❆❆❆❆◐◐◐◐❆❆❆❆◐◐◐◐❆❆❆❆
#طور_سامحيني
{ *لسان حاله يبث شكواه لآمه الزهراء* }

يمة زهرة_جعدة سَمتني وبعـدهـا لوعوني
يمة زهرة_الكفر بسهامهم ابنعشي اضربوني
يمة زهرة_فوگ آلـم ﭼـبدي ييمة صوبوني
يمة زهرة_حسين ظل وحده عليه تهمي عيوني

{ *جـواب مولاتنا الزهراء* }
حسن يمة_جيت عندك الطم الراس بأيدية
حسن يمة_رحم ماعدهم ييمة ارجاس امية
حسن يمة_لسة ماطاب الجـرح والآلـم بية
حسن يمة_امصابك اذاني وزاد الهـم العلية
❆❆❆❆◐◐◐◐❆❆❆❆◐◐◐◐❆❆❆❆
#فائزي
{ *لسان حال سيدتنا زينب* }

بالطشت جابوا ﭼـبدتك ويلي يالحنين
دنـوا الطشت لاتنظـره ايگلهم احسين
يـا خويـة گلي بهـالسفـر اتريـد لاوين
نـار الگلب بية تشب ودم تهمل العين
❆❆❆❆◐◐◐◐❆❆❆❆◐◐◐◐❆❆❆❆
#يقرأ_مجرد_او_عاشوري وغيرها من الاطوار الشعبية

{ *لسان حال الأمام الحسين* }

افتحلي عينك يالحسن حاﭼـيني
نـارك لهيبـة بـالگلب تـﭼـويني
فگدك صعب مااحمله تدريني
تخليني وحيـد ومنهـو اليـة...

سَـمتـه اجعيدة وگضى بهـالمسية
الحسن ذابت ﭼـبدته وجته المنية
جبته لعد حظني انظره ابين ادية
هالنومة والله مو الك يبن الزﭼـية
❆❆❆❆◐◐◐◐❆❆❆❆◐◐◐◐❆❆❆❆
تــمــت بــعــون اللــہ
26/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▁▁▁▁▁▁▁▁▁▁▁▁▁▁▁▁▁▁▁▁
🔴قناة الشاعرة ولائـية وافتـخر🔴

نشر 💥قصائد 💥نعي 💥هوسات

للاشتراك اضغط ع الرابط👇👇
https://telegram.me/DoaaAIamry11

*في ذكرى استشهاد الإمام المجتبى (ع)*

يا مهدي .. عظَّم الله أجرك
يا مهدي .. و البقيَّه ابعمرك
&&&&&
عالحسن ندري بأنْ تتجاره عينك
الدنيه كلها الخاطره سِمْعَت وِنينك
اتضمَّن اجروح اشكثر هذي سنينك
انعظّم أجرك بالحسن و الله يعينك

يا مهدي .. الحسن كاسر ظهرك
يا مهدي .. و البقيَّه ابعمرك
&&&&&
من كثر لجروح شيَّب منَّك الراس
إنته حزنك بالبشر هيهات ينقاس
إلحسن شفته يون من سَمِّته الناس
او هذا صدرك جالحسين ابحركته انداس

يا مهدي .. اشكد جروح ابصدرك
يا مهدي .. و البقيَّه ابعمرك
&&&&&
دمعك اعله المجتبى يالمهدي سايل
او ركنك امن امصابه هاي الليله مايل
يا بو صالح هذا كلبك شاللي شايل ؟
جَرْح أبو امحمد لون جَرْح أبو فاضل ؟

يا مهدي .. حَيَّرِتْنه ابصبرك
يا مهدي .. و البقيَّه ابعمرك
&&&&&
رافكتَّك سيدي هاي المناحه
مثِل كل مجروح و ايرافكـ جِراحه
كل موالي أسود اتحوَّل صباحه
يوم دفنَوا بالكبر شمس السماحه

يا مهدي .. الليله دفنَوا بدرك
يا مهدي .. و البقيَّه ابعمرك
&&&&&
بالسلامه يمته يا منهل حِزنَّه
امن الغياب المُر يمهدي ترجعلنه ؟
ابطلعتك يا سيدي يلتَم شَمِلنه
إحنه منَّك يا بو صالح و انته منَّه

يا مهدي .. يمته يسطع فجرك ؟
يا مهدي .. و البقيَّه ابعمرك
&&&&&
ابغيبتك يا حُجَّةَ الله اِشْبَعْنه حيره
او صرنه أهل الونَّه و الحسره الجبيره
ابخيمتك بس لِذنه يا شيخ العشيره
يمته بيدك تشفي لكلوب الكسيره ؟

يا مهدي .. بينه يلهب جمرك
يا مهدي .. و البقيَّه ابعمرك
&&&&&
*🖋️خادم أهل البيت (ع) : إبراهيم الدريس*

استشهاد الامام الحسن المجتبى عليه السلام

من وصل الإمام الحسين عليه السلام وشاهد حال الإمام الحسن المجتبى عليه السلام كأني به ....

سمع ونّة اخيّه .. وذب العمامه

سمع ونّة اخيّه .. وذب العمامه


.....
.....

اجه وعاين عضيده والطشت يمه

ذب من راسه العمامه ابو اليمه

هوه لعزيز گلبه يشبگه ويشمه

البحر الجود خل تلطم اللطامه

.....
.....

شاف الطشت بي چبدته المسمومه

ياوسفه ابو محمد گرب يومه

السم سرى بجسمه وغيّر رسومه

لخوها ام عون اجت تلطم على الهامه

.....
.....

من ابعيد صاحت خويه يبن امي

ونّاتك اسمعها وثگّلت همّي


متغّيره رسومك يابعد رسمي

روحي تروح فدوه لهاي الجهامه
.....
.....

زينب وابو اليمه يم ابو محمد

بفراش المنيه خيهم تمدد

يتوادع وياهم والدمع بالخد

تشتت ياشملنه وراحت ايامه

.....
.....

ابو محمد يگل زينب المهظومة

اخوچ حسين مايوم المثل يومه

من يبگه وحيد وصرعى كل گومه

والعسكر يغير ويحرگ خيامه

.....
.....

خويه انشعب گلبي وانبهض حيلي

حل عينك بعيني فدوه واحچيلي

چف الموت حاشك يابدر ليلي

يافي العلي ودهري مادامه

.....
.....

ابو اليمه اويه اخيته ينحب ينحب بلوعه

الليله محزمه وتلطم ومفجوعه

عله امها وعله ابوها لسه مصدوعه

وتشوف الحسن والطشت جدّامه

.....
.....

أم محمد الحجاج/ العبادي


٢٤ / ٩ / ٢٠٢٠

نعي لسان حال مولاتي زينب عليها السلام .....

زهره ييمه وينچ اليوم

تعالي شوفي الحسن مسموم

عينيني يايمه اعله الهموم

ابو اليمه لخيّه حيله مهدوم

ظهره نحنه مايگدر يگوم


.....
.....

مات ابو محمد بين اديّه

وتمدد حسين اويه اخيّه

طول بطول يمه يازچيه

خوفي يموت اوياه سويه

فگدنه الحسن هاي المسيه
.....
.....

شايل يبحر الكرم والجود

وباب المضيف اليوم مسدود

تنعى المدينة راعي الزود

شيخ الهواشم صبح مفگود

بالسم يويلي چبده ممرود

.....
.....

جرح گلبي يخويه عيب .. ينشال

چف السممك ياريت .. ينشال

نعشك للبقيع اليوم .. ينشال

وتصوبه سهام التصوّب اخيّه

.....
.....

عسه الدمعه دمه للحسن .. تنصاب

ومآتم للگضه مسموم .. تنصاب

حته جنازته بسهام .. تنصاب

ومنعوه يندفن يم الزچية

.....
.....

أم محمد الحجاج/ العبادي

وامسموماه واحسناه