🏴 غيــــــــم الرزيه 🏴

⚫ قصيدة من #الأرشيف في استشهاد الإمام علي بن محمد الهادي عليه السلام

🔘 طور : غضب رب العباد
.
.

أنا بقلبي جروح
علی الهادي انوح

واللي يسألني اعله دمعي
واضح ابحزني الجواب

مثل هالليله مصابه
وانطوی لعمره الكتاب

انا بقلبي جروح
علی الهادي انوح
〰〰〰〰

قلبي مجروح اعله بن سيد البشر
وفاض بعيوني الدمع مثل البحر
قاسی چم جور وظلم واشقد صبر
وتالي مسموم وغدر بيه الدهر

غدر بيه اللعين
ظهر حقده الدفين

وراد بالسم اغتياله ولن ذبل ورد الشباب
مثل هالليله مصابه وانطوی لعمره الكتاب

〰〰〰〰

اتجرع السم وابتدأ ليل الحزن
ومن ونينه يبچي الكون ويون
ساعه صوته يعتلي وساعه سكن
ساعه يغفی ساعه يُوصي للحسن

ايتلوی امن الألم
ثقل بيه السقم

والحسن يَمه ودليله عالأبو ياويلي ذاب
مثل هالليله مصابه وانطوی لعمره الكتاب

〰〰〰〰

اينادي يبني چن دنی يوم الرحيل
وهالمسيه يالحسن عنكم أشيل
ويستمع له العسكري ودمعه يسيل
واعتلی بدار الوحي صوت العويل

خفی صوت الامام
انخسف بدر التمام

غمض اعيونه الإمام وغاب في برج المصاب
مثل هالليله مصابه وانطوی لعمره الكتاب

〰〰〰〰

ضجت الأملاك لجله امكدره
كلها حزنانه اعله بن خير الوری
والمهج عالهادي كلها اموجره
موحشه سامره لأجله ومغبره

اعتلی صوت النياح
اختفت شمس الصباح

وغابت ابغيم الرزيه وحزنه غطاها بحجاب
مثل هالليله مصابه وانطوی لعمره الكتاب

〰〰〰〰
تمت بحمد الله تعالی
✒بقلم الشاعرة/ فاطمہ كريم
•••• الكويت ••••
|| شرعاً لا أجيز حذف الإسم ||
نسألكم الدعاء لتعجيل الفرج
يــــــــــا أبا عبـــــــــــــــدالله
.
.
طور القصيدة :

https://youtu.be/OIsDXdsEGds
.
.

تابعونا على التلغرام عبر الاشتراك في قناة

📲 ليالي الأنين

🏴 يعين الباري قلبك🏴

⚫ في مصيبة استشهاد الإمام علي الهادي عليه السلام

🔘 طور : ضيفك يحيدر
.
.
.

جينه نِعزي صاحب الغيبه الطويله
بالهادي جده والدمع نجري مسيله

ننعی عالغريب .. والمدمع سچيب
〰〰〰

يغايب .. يعين الباري قلبك يا ولينه
نعزيك .. ابمُصاب الهادي هالليله اجينه
وبالإدموم .. دمعنه ما يِكفِّي لو بچينه
اويلاه .. يَمَن طول العمر روحك حزينه

فدوه إلك يبن الحسن والله مُهجنا
يا حجة الله ابهالمسه زايد حزننا

ويتعالی النحيب .. والمدمع سچيب

〰〰〰

يمولاي .. وعلی هالحال دلالك تألم
وتشوفه .. أبوك العسكري ركنه تهدم
وأهاليك .. شفتهم كلهم اللي ماتوا ابْسَم
وقبلها .. شفت منهو التِغسَّل منهم ابدم

اجروح الأهل كلها ابدليلك و إحْمَلِتْها
يافاجعه منهم بُقَتْ ما شاهدتها

دلالك عجيب .. والمدمع سچيب
〰〰〰

تِجَرَّع .. اشكثر جدك مصايب وي رزيه
عذابات .. مِنِ الدنيا اشكثر شاهد أذيه
بالآلام .. مع الغربه بُقَت روحه شجيه
يمهدي .. وتِجَرَّع تالي اسموم المنيه

بالغربه وافاه الاجل وابروحه حسره
ولاشك اجتله وحضرته فاطمه الزهره

اتنادي يالحبيب .. والمدمع سچيب
〰〰〰

المسيه .. علی الهادي عزانا ونبچي واننوح
نواسي .. العَلَی جده دليله الليله مجروح
وتقطّع .. يويلي الچبد منه وذابت الروح
وبالإعيون .. دَمِعْته باقيَّه عالمَات مذبوح

اتوفی علي الهادي ودليله شايل اهموم
كل حزنه باقي ودَمْعِتَه عالمات مظلوم

عالدامي التريب .. والمدمع سچيب
〰〰〰

بدليله .. بقت چم حسره عالراحت غريبه
ولايوم .. علی المذبوح ما بَطَّل نحيبه
وبالإسموم .. انقضی عمره المسه بأعظم مصيبه
وفقدناه .. أُبو العسكري والحاله رهيبه
َ
عَاشِر نجم سَمُّوه بنجوم الإمامه
وهيهات آخر نجم ينسی هالظُلامه

لِثاره يستجيب .. والمدمع سچيب
〰〰〰
تمت بحمد الله تعالی
✒بقلم الشاعرة/ فاطمہ كريم
•••• الكويت ••••
|| شرعاً لا أجيز حذف الإسم ||
نسألكم الدعاء لتعجيل الفرج
يــــــــــا أبا عبـــــــــــــــدالله
.
.

تابعونا على التلغرام عبر الاشتراك في قناة

📲 ليالي الأنين

ليصلكم كل جديد

*يا زهراء مدد*
*جديد وصية الامام الهادي ع لابنه الامام الحسن العسكري (ع)* تقرأ بعدة اطوار معروفه او الحان الملا عبد الحي قنبر يا جبريل نترجاك …
يگله يالحسن يبني وصية من تشيّعني
شيل جنازتي بالحال
وبسامره ادفني
گبري بغربتي محفور
ضمن بيتي توسّدني
ويمي گبرك تسوي
يا مظلوم بعد اعوام
〰️〰️〰️〰️
نشّف دمعة عيونك واتذكّر مصاب حسين
انه سالم بموتي
ساعة من لفاني البين
لكن وسفه عالمظلوم
بالطف منگطع لْوتين
ضلوعه اتهشّمت بالخيل
وصدره مكسّره لعظام
〰️〰️〰️〰️
صاح العسكري ويلاه
واويلي على المذبوح
وصارت حنّة والصرخة
تفتت كل گلب مجروح
نوبه ينحب على حسين ونوبه عالأبو المطروح
يگله في امان الله عظيمة باللحود تنام
خادمة آل محمد✍🏻

||•● في مصاب الإمام علي الهادي عليه السلام ●•||

أبوذيــــــــــــــات

أسلي نفسي ابذكرك وهادي
وإلك دمعاتي اجريها وهادي
نعزي المهدي ابعوده وهادي
نجيم اباسمه هالليله العزيه

ياهادي اسمك الغالي وعازي
اشيلن حبك لكربي وعازي
على باب الزچيه بيك أعازي
وأهلن دمعتي لفقدك شجيه


نعــــــــــــي

اجيتك يبني احضرلك وأسَيِّر
لقيتك يالولد لُونك تِغَيَّر
شُو ذبلان يمه ووجهك أصفر

اشوفنك تلوج وعينك اتدير
واولادك معاك ابهمك اتحير
وبعيونك عليه بدمهه اتشير

عميه العين يالهادي ييمه
ياقلبك اعرفه شكثر هضمه
وبس الحزن يايمه سهمه

مسموم وتون يايمه مسموم
واعليك القلب يوليدي ملچوم
دمعي للحشر مابَطْلَه مسجوم

سَمُّوك وانظرن طلعة الروح
وافادي عليك ابونه مجروح
للبين وغدر يالهادي اتروح

نَزْلُوك القبر انظر لك اشلون
يا طولك انظره وانظر اللون
يا قلبي وكَسِرْته بذيج العيون

فارقت الاهل غطاك التراب
ما عنا انشدت ما قلت الاحباب
ضيعنا الرسوم وشخصه هل غاب


نعي فائزي

نعش الولد هالليله يا شيعه دشيلوه
واعله الجتف ابني علي الهادي دخلوه
______

اتصيح البتوله هالمسه ابدمعه جريه
ياشيعه هذا ابني قضى وناره سريه
لطموله لصدور وبعد رفعوا عزيه
ودمع الموده هالمسه للهادي هِلوه
______
هلوا الدمع لجله قضى يا ويلي مسموم
من زغره عاش امن الفرح دلاله محروم
اعله الهادي قلبي للحشر ياشيعه ملچوم
مسموم و ابلايه ذنب عدوانه سَمُّوه
______
اعليك يمه يا علي دلالي مفطور
واعليك ضلعي والصدر ياقلبي مكسور
دمعي ييمه للحشر مابطله منثور
شيلوه ياشيعه النعش وكسري دجبروه
______
تمت بحمدالله تعالى
بقلم : بنت الشمري
_الكويت _
.
.
.
تابعونا على التلغرام عبر الاشتراك في قناة

📲 ليالي الأنين

(الزهراء تنصب عزاء الهادي ع ~(لحن الخضيب♪))

الزهره تعنت بالدمع هالليلة سامره
تبكي وگلبها منفجع عالهادي بالعبره
نصبت عزيه لاطمه هالليله يم گبره
وياها املاك السمه وتنادي يا مسموم
آيمسموم~~~³آه
•••••••••••
يالهادي مسموم الچبد وعمرك خلص هاليوم
كم محنة عانيت وسجن وغربة تظل لليوم
خلصت سنينك بالقهر وطير المنية يحوم
مفجوعة يبني بمحنتك يالهادي يا مسموم
آيمسموم~~~³آه

خادمة آل محمد✍🏻

لحن الجفيري♪
استشهاد الامام الهادي ع

عالهادي دمعات الجفن
والعسكري گلبه بحزن
بسامره مولاي اندفن
ويم گبره العيله لاطمه
..............
هادينه بالسم منصرع
ووليده گلبه منفجع
يبكي وعيونه تهل دمع
وتعينه املاك السمه
...............
خلص سنينه بالسجن
ويعاني من جور الزمن
قضه العمر كله بمحن
والعسكري دمعه هِمه
خادمة آل محمد✍🏻

#الامام_الهادي

اجيت بحزني يوليدي مصابك حيل ألمني
خبر موتك مرد گلبي اجيت وضلعي يوجعني

يعاشر كوكب بعمري ييمه ليش يسمونك
بني العباس هظمتني يشمعه وغيله طفونك
لا راعوا قرابه بيك جن ثار ويطلبونك

حقدهم جدد الكسري
ييمه ومنحني ظهري
انوح ودمعي ظل يجري
مصابك يا علي الهادي سهم بضلوعي يلجمني
🏴🏴🏴🏴🏴🏴🏴🏴🏴🏴🏴

اجيتك انحب بحسره وانحنت مني الضلوع
لسامره تعنيتك عليك اهمل دمه الدموع
مصابك وجر الجمره اندبك من گلب موجوع

اجيت بهمي يوليدي
يونة گلبي لتهيدي
بمصاب الولد زيدي
البواجي ما ابطلها مصاب الولد ضاهدني
🏴🏴🏴🏴🏴🏴🏴🏴🏴🏴🏴

يويلي ميت بغربه والسم مرد دلاله
من گبري تعنيته البدر الغيبوا اهلاله
لنه العسكري ينوح ويصفگ يمنه بشماله

يغسل والده بدمعه
من عظم البلا ينعه
كسر باللطم ضلعه
سمعته ينادي يا يمه بنبرة حزن خنگتني
🏴🏴🏴🏴🏴🏴🏴🏴🏴🏴🏴

ينوح العسكري وينعه ويلف الوالد باجفان
نوب ينوح يا بويه ونوبه يذكر العطشان
ييومك ما حصل مثله يجدي شيب الرضعان

حسين امفصله اعظامه
اشلون تشاهده ايتامه
تحوم اعليه محتامه
وتفصيل الحجي يذبح مصاب حسين هد ركني
🏴🏴🏴🏴🏴🏴🏴🏴🏴🏴🏴

انحب والدموع تسيل واتجي جم ضلع ملجوم
ضلع المنذبح عطشان لو ضلع القضى مسموم
مصاب اولادي بضلوعي خلاني اسيل ادموم

كل يوم الضلع منصاب
من يوم الشبوا الباب
شحال مفارگ الاحباب
بگلبي تسعر الجمره مصاب اولادي شيبني

تمت بعون الله تعالى
خادمة الزهراء /ليلى زغيب



الشاعره ليلى زغيب
اين الطالب بذحول الانبياء وابناء الانبياء

#الامام_الهادي

مسموم يالهادي گضى نعزي الزهره
ذبلت اسنينه كالشمع وانطفى عمره

بحزن وهموم ألم وسموم
ذبلت اسنينه كالشمع وانطفى عمره

علي الهادي سليل الطاهره وحيدر
شباب وجبده بالسم ويلي يتوذر
ليليه ونهاره ينوح قلبه انطر
على جده القضى قلبه جمر يسعر

دمع ودموم گلب مالوم
مكسور گلبه من الحزن ياهو اليجبره
ذبلت اسنينه كالشمع وانطفى عمره

&&&&&&&&&&&&&&&&&&&

علي الهادي ضوه سامره بشعاعه
هوه نبراس وهدى الدين وشراعه
والد العسكري و الطيبه بطباعه
حيف سم ابجبدته غير اوضاعه

سم الجبد يمرد مرد
على افراش المرض روحه وهذا امره
ذبلت اسنينه كالشمع وانطفى عمره

&&&&&&&&&&&&&&&&&&

علي الهادي منار العلم و العفه
بحور العلم ترسي يم شاطي جرفه
القاصي والداني بخلقه الكل يعرفه
بغدر من بني العباس ايلاگي حتفه

يقضي بغدر أهل الفجر
صادروا عمره وبالضلع ينعاد كسره
ذبلت اسنينه كالشمع وانطفى عمره

&&&&&&&&&&&&&&&&&

وينه للمدينه اليوصل و ينعى
قلب الهادي ذاب ومحد يسمعه
ويخبر أهله تجي لنعشه ترفعه
يعظم أجر العسكري ويسيل دمعه

يهل عبره مع الزهره
بالهادي ومصابه يجي يواسي العتره
ذبلت اسنينه كالشمع وانطفى عمره

&&&&&&&&&&&&&&&&&

علي الهادي مصابك جدد الحسره
كل شيعي على مصابك لطم صدره
يجي بلطمه يواسي امك الزهره
تنوح وتنتحب ياعاشر العتره

بقلب مالوم وضلع ملجوم
نساني جرحك ياعلي قصة العصره
ذبلت اسنينه كالشمع وانطفى عمره


تمت بعون الله
خادمة الزهراء /ليلى زغيب

#الامام_الهادي

هاي الليله بالأحزان نودع عاشر العتره
تحضر ويه المعزين امه فاطمه الزهره


لسامره نروح اليوم ننوح الهادي ومصابه
بالغربه گضى مسموم ما حضروله احبابه
يون العسكري ينوحه وايهل ادموع سجابه
بمصاب الابو مفجوع وكسر باللطم صدره

&&&&&&&&&&&&&&&&&&&&&&&

شيعة حيدر الكرار واسوا الزهره هذا اليوم
لسامره اجت بالهم تنوح الهادي يا مسموم
مصابك يمه فاجعني عليك الطم ضلع ملجوم
اجيت من المدينه اليوم اواسي العسكري بعبره

&&&&&&&&&&&&&&&&&&&&&&&

بديرة غربه يالهادي وسامره عليك تنوح
تواسي حيدر وفاطم التعنوك بدمع مسفوح
يون العسكري لفكدك ينعاك بقلب مجروح
فت روحه على نعشك ينوح الويل والحسره

&&&&&&&&&&&&&&&&&&&&&&&

امام وحجه للباري اسمك بالعرش مكتوب
نشرت الحكمه بأفعالك وكل الخير الك منسوب
سمت جبدك الامه جن ثار ولها مطلوب
اسنينك بالحقد غالت صابت قلب للعتره

&&&&&&&&&&&&&&&&&&&&&&&

يالهادي اندعينه اليوم يعجل لينه بظهوره
ولينه الغايب ويظهر ياخذ ثار لبدوره
الضلاله بجفه يمحقها أهل الغدر وافجوره
ثار ضلوع اهل البيت خصوصا ضلع للزهره

تمت بعون الله
خادمة الزهراء /ليلى زغيب

#الامام_الهادي


علي الهادي قضى مسموم گوموا نعزي الزهره
على مصابه الجواد ينوح وسط قبره

بسامره علي الهادي تنوحه الزهره بالحسرات
يوليدي القلب مجروح من كد ماحمل شوغات
كل يوم الضلع ملجوم بكثر النوح واللوعات
مصابك يمه يالهادي شعل وسط القلب جمره

&&&&&&&&&&&&&&&&&&&&&&&&&&&

اجيتك يمه من قبري اواسي العسكري هاليوم
لفيته ينوحك بهمه ومن عينه يهل ادموم
نسيت اضلوعي متكسره لطمتك من قلب مالوم
الف ويلاه يالهادي ييمه امصابك شكبره

&&&&&&&&&&&&&&&&&&&&&&&&&&&

لسامره اجيت اليوم انوح عليك يالهادي
بغربه سمموا جبدك والسم صوب افادي
ويايه تنوح سامره بقلب مالوم وتنادي
ابد والله ما ننسى امصابك عاشر العتره

&&&&&&&&&&&&&&&&&&&&&&&&&&&

واعدني الدهر بيكم كل يوم القلب مصيوب
ما بين الذبح والسم ما بين الخدر مسلوب
تگطع قلبي يولادي دمي من الجفن مصبوب
اطوف اعليكم البلدان وقلبي يستعر جمره

&&&&&&&&&&&&&&&&&&&&&&&&&&

بقلبي شايله الحسرات بقبري ناصبه المأتم
بسامره الوعد هاليوم الطم ضلعي التهشم
يا يوم الفرج يظهر وياخذ ثار التسمم
ويجبر جم ضلع بيه ويشفي الرضضوا صدره

تمت بعون الله
خادمة الزهراء /ليلى زغيب

في رثاء الإمام علي الهادي عليه السلام


يادمع صب دمه. عالگضه بغربتـه
هـذا بـن فاطمـه والسجن عشرته
.........

يادمـع جـرح البُعــد والغـربه يكتل
والغـريــب بلا اهـل بالغـربـه ينسل
يبقـه بـس آهـــات للاحبــاب يرسل
هذا حال الهادي ليله وصبحه يسئل
يدعي رب السمه. يـرجـع لـديـرته
هـذا بـن فاطـمـه. والسجن عشرته
................

من وطن جدّه لسجن سامرّه ودّوه
بلاذنب شبـل الجـواد الهــادي أذّوه
بالسجـن خلّص حياته وتالي سمّوه
الواجـب يطيعـون أمـره مـو يقتلوه
تسجنه وتألّـمَه ما رعت حرمته
هذا بن فاطمـه. والسجن عشرته
................

يادمع أعّمي العيون وسيل الدمـوم
عالامام الهادي مات بسجنه مسموم
ما رجـع لَهـله الإمـام ومات محـروم
گطّعوا چبده الشريـف وگلبه ملچوم
جدّه حامي الحمه. فرعه من شجرته
هــذا بـن فاطــمــه. والسجـن عـشـرته
..............

عـاشـر اهـل البيـت هـذا الباري سمّاه
حُجّة عاالنـاس بـزمـانه لدينـه خــلّاه
تـالـي سمّـوا چبـده والسّم ويـلي أذّاه
الليله مـات بـغـربتـه وجبـريـل ينعـاه
قصّت الخاتمه گـطّـعـوا چبدته
هذا بن فاطمه. والسجن عشرته
..............

هـمـت وبعــالـم خيــالـي چنّي شفتــه
الهـادي محمـول بنعـش وانـي تبعـتــه
وي جمـوع الشيعـه ابـچـي وماتـركتـه
وصوت چن صوت الحسن ابنه سمعته
والـــدي يكلّمه وتجري دم دمعته
هذا بن فاطمه. والسجـن عـشـرته
.............

يادمـع واسـي الزچيـه واجـري من دم
الزهره تـحـضـر لو نصبنـه الليله مـأتـم
وبـمـصـاب الهــادي ويّه الشيعــه تلطم
تسجّل اليبچـي عله ابنـها واللي يخدم
الخادم توسّمَه تـحـضـر بشدّته
هذا بن فاطمه. والسجن عشرته


خادم الإمام علي الهادي عليه السلام
سيد زيد الفحام
___________________________________

شــوط كـــربــلائـي في رثاء الإمام علي الهادي عليه السلام


بسـمـك ياعـلي الهـادي نـنـصـب سيّـدي المأتم
واجب مو دمع نبچيك نبچي عليك واجب دم
..................

انت ابن النبي الهـادي ولحـمـك سيّـدي لحمـه
ياوسفه والف ياحيف جـهـلـت قــــدرك الأمّـه
الله ختارك عله الناس حُـجّـة وميّـــزَك بِسـمـه
بني العباس ما رحموك
لسامـره بـحـقـد ينفوك
وشـگــــد ياعــلي اذّوك
وانـت بـعـصـرك الحجّة أفقـه واحــــد واعــلم
................

يانسل النبـي المخـتـار وياريحــــانـة الـزهــره
امـام وطاعتـك واجـب وتـنـعـد عاشـر العتـره
جـاهـك ياعــلي الهـادي عنــد الخـالـق شكُبـره
ياويله اللذي عـاداك
سمّك سيّــدي واذّاك
يخسر بالقيامه هناك
وي فـرعـون وي قابيـل عـدوّك مسكنـه اجهنّـم
..............

الجواد ابن الرضا الرباك معصوم وصرت معصوم
ومنّـك خـافـت العـدوان ومن ذاك الوكت لليوم
ظنّـوا ياعــلي الهــــــادي تخمد لو متت مسموم
عكـس مارادوا العـدوان
نلت من الله أعظم شآن
للـعـز والفـخـــر عنــوان
گـبـرك بالســمـــاء ينــور وقـصـر السّمّك اتـهــدّم
...................

عـاصـرت بزمـانـك ذاك يالهــادي خَـمِـس حُـكّام
والسّـــم چـبــدك واذّاك المـعـتـز آخـــر الـظــلّام
تگطّع چـبــدك المسموم وذاب ابـشـــدّت الآلام
بأرض سامره وبسجنـك
متت يبن النبي بحـزنـك
برض غربه غمض جفنك
ليـش بيــاذنــب مـولاي وحــدك تـنـقـتـل بالسّـم
...................

بهــاي الليـلة يالهــادي نـذكـر سيّـدي مصـابــك
ونـتـعـنّـــه الـك زوّار ونسـجـــد ياعـلي ابّـابــك
نـقـيـم المـأتـم بصحنك ونشـتـم سيّدي تـرابــك
خل الناصبيـــه تشــوف
نجيك ومايردنه الخوف
ندخل حضرتـك ونطوف
لمّــن نـلــزم الشـبّــاچ يـنـــزاح الـتـعــب والـهـم
....................

امـس مـن فجّـروا گبـرك ظنّـوا ينـخـمــد نـورك
وظنّـوا شيعـتـك تنســاك وماتوصـل بعـد سورك
لا يالهـــادي مـا ننســـاك غصبــاً عالعــده انـزورك
رد گــبـرك يشـع انوار
وجينه لحضرتك زوّار
اي والخــالـق الجبّـــار
منعـوفـك بـعـد هيـهـــات وخـل المـاعـلم يعــلم

خادم الإمام علي الهادي عليه السلام
سيد زيد الفحام
_____________________________

🌑 نعي- مجردات

گلبي يظل عل الوِلِد مفجوع
وسنين دهري أهمل دموع
أمهم وگطعوا مني فروع


🌑 نعي- موشح

يبو جعفر وسفه ترحل بالعجل
شحال ابوك الهادي يمك من وصل
گلبه ذاب ودمعه فوگ الخد نزل
صعبه حيل اعليه بس مكتوبه

بغربه يا سبع الدجيل الموت اجاك
شاب يمحمد ومني احا خذاك
هذا اخوك العسكري يمشي وراك
يبچي دم ومن الحزن شگ ثوبه

اعليك سامراء يبو جعفر بچت
عله فگدك سيد محمد نعت
وشيعة الهادي عليك اتحسرت
روحتك ياحيد ما محسوبه


#سميرالصالحي
#النجف الأشرف
24جمادى الآخرة1441هـ
الأربعاء19-2-2020م

#يـاحســـين
حواسي الخمسة مشغولة بحبّه وعاشق طفوفه
حسيني الهوى اسمي ونبضة گلبيِ معروفه
الگلب ينبض غدا باسمك ودقّة قلبي بحروفه
كعبة عشقي واحزاني ناذر عمري لطفوفه
العقل والروح ونبض الجروح جند مجندّة صفوفه
لاجلك يا سيد العشق❣
خادمة آل محمد✍🏻

#في خدمة الرواديد
#محرم

حسين        يا كلَّ أحزاني
حسين       يا قلبيَ الدامي
حسين       يا ظهريَ الحاني

أفديكَ مذبوحاً    بالأحمرِ القاني
أبكيكَ مفجوعاً    من قرحِ أجفاني
أرثيكَ مكروباً      والحُزنُ أعياني

حسين  يا لحن أنفاسي
حسين  أفديكَ بالراسِ
حسين  هبني كعباسِ

** **

حسين   يا حضرةَ القُدسِ
حسين   يا مَحضرَ الأُنسِ
حسين   يا آيةَ الكُرسي

أستمطِرُ   التنزيلْ         يا سورةَ القدرِ
قد حِرتُ في التأويلْ    معناكَ لا أدري
خيرٌ مِنَ الألفِ             خيرٌ مِنَ الدّهرِ

حسين    يا مُضْمرَ السرِّ
حسين    يا مَظهرَ الأمرِ
حسين     والشمسِ والبدرِ


حسين   يا جذوةَ العشقِ
حسين   يا حُمرةَ الشفقِ
حسين   يا غايةَ الخَلْقِ

أهفو إلى لُقياكَ         ريحانةَ القُدسِ
أبقى على ذكراكَ      في جَنّةِ  الأُنسِ
أسري إليكَ قابَ       قوسينِ أو قوسِ

حسين    ياقوتةُ الحُبِّ
حسين    أُعزوفةُ القلبِ
حسين    يا سلوةَ القُربِ
* **

حسين    يا ساعةَ العصرِ
حسين    والحَرِّ والوتْرِ
حسين    للموتِ إذ يسرِ

قد شُجَّتِ الأفلاكْ    من رميةِ الحجَرِ 
ومُثلَّثُ المسمومْ    ذا سهمُهُ يفري
والرأسُ مع شمرٍ    والرّيحُ إذ تذري


حسين   ودماؤهُ تجري
حسين   والسُّمُّ إذ يسري
حسين   والضلعِ والكَسرِ

**    *

حسين   يا آيةَ الفخرِ
حسين   يا عشرةَ الفجرِ
حسين   حيَّ على الثأرِ

نتلوكَ في الجبهاتْ   هيهاتَ من ذُلِّ
لبّيكَ والتهليلْ          نصرٌ بلا خَذْلِ
أَرضيتَ خُذ حتى     أُرضيكَ في البَذْلِ

حسين   يا وارثَ الرُّسلِ
حسين   حُبي منَ الأزلِ
حسين    اللهُ في المَثَلِ

    *
د.محمد الدغلي

https://t.me/drmohamadeldeghli

⚫️ نعي - نصاري


هليله الگلب بالهادي مفجوع
وعله امصابه نسيل الدم بالدموع
والعسكري يصيح بصوت مسموع
يبويه العيش بعدك ريته لاطاب

يبويه بروحتك متهدم الدين
متحير بگيت اصفچ بالايدين
عله فگدك لجر حسراتي سنين
وتمسي شلون يابه تحت التراب

ياهيبه وفخر يا تاج عل الراس
يتامه تصير بويه خلافك الناس
بس خمدت يويلي منك انفاس
صفيت انه غريب ابين الاجناب

شگ ثوبه وهتف ياعلي الهادي
بغدر ياحيف سموك الاعادي
سهم فرگـاك صوبلي افادي
وهذا الدمع بويه اعليك سچاب

عگب ما غسله وبالچفن لفه
حضرت شيعته تلطم بلهفه
بس حسين يوم انچتل وسفه
بقه عاري وحر الشمس لهّاب

يگله بيدي انزلنـك ابگبرك
ومحد من عمامي هنا يحضرك
تراني تلوعت يابويه بامرك
اون عليك ليلي والچبد ذاب

شيّع والده وللگبر شاله
عليه تراب لحده حين هاله
تذّكر هضمة حسين وبچاله
يظل لليوم ثاره بلايه طَلّاب


#سميرالصالحي
#النجف الأشرف
25 جمادى الاخرة 1438هـ

#المهدي


*الامان الامان… يا صاحب الزمان²*
¤¤
على جروح العشق طافت مآسينه
يمتى يحين تضمد كل جرح بينه
تداوي گلوب يالمهدي وترد لينه
يچويها جمر فراگاك يمهدينه
الامان الامان. يا مهدي الزمان
¤¤¤¤¤¤¤¤¤
الك كم ثار يالمهدي يناشد گوم
الك ضلع الذي بالباب ظل مهشوم
الك ثار الذبيح بكربله المظلوم
الك صيحة گلب دامي يا مهدينه
الامان الامان. يا مهدي الزمان
¤¤¤¤¤¤¤¤¤¤¤
البقيع يصيح ثاراتك يابن حيدر
الك صيحة تنادي بالعجل اظهر
للمسموم .للمظلوم اخذ وثأر
وللبضعة ضلع دامي يا مهدينه
الامان الامان. يا مهدي الزمان
¤¤¤¤¤¤¤¤¤¤¤
يومك طال واحنه بأمل نترقب
كافي غياب نبقى الياوگت نعتب
يمته يرد مثل سابق گبر زينب
نزوره وتمشي ويانا يا مهدينه
الامان الامان. يا مهدي الزمان
¤¤¤¤¤¤¤¤¤¤¤
يا دمعة بكل جفن وبعين كل مكروب
تسيل دموم يامهدينه يا محجوب
يمتى برجعتك تشفي يمهدي گلوب
محترگه بلهب هجرك يا مهدينه
الامان الامان. يا مهدي الزمان
¤¤¤¤¤¤¤¤¤¤
عليك اقسم بيوم الدار والعصره
عليك اقسم ابأمنه الطاهره الزهره
عليك اقسم ابصدر حسين وبنحره
شيل لواك بجفوفك يا مهدينه
الامان الامان. يا مهدي الزمان
¤¤¤¤¤¤¤¤¤¤
خادمة آل محمد ✍🏻

#المهدي
#الحجة


*لطمية للامام الحجة* (عج) لحن قديم (يا دمعة الحزن في مر السنين♪)
يا مهدي العصر عجل بالظهور²
يهتف ثار الحسين عجل بالظهور
-----------------
عجل فالقلب حزين يا إبن الرسول
نادك ثأر الحسين والدمع هطول
يهتف طال الصدى في مر العصور
يهتف ثار الحسين عجل بالظهور
------------------
كيف يهل هلال شهر المحرم
تنصب عزا الحسين والدمع من دم
ويعلو لك الأنين والباري يعلم
كم من مصاب أليم مرّ من عاشور
يهتف ثار الحسين عجل بالظهور
---------------
ذاك نداء الرضيع من قبر الحسين
بسهم العدا صريع
مقطوع الوتين
والسهم في نحره صلّى القبلتين
قربان من كربلاء والدم يفور
يهتف ثار الحسين عجل بالظهور
------------------
لك في ارض الطفوف صرخة تصيح
زينب عند الحسين والنحر ذبيح
خذ ربي هذ القربان والقلب جريح
صرخة عبر الزمان في كل العصور
يهتف ثار الحسين عجل بالظهور
----------------
أدرك ثارات الحسين يوسف الزهراء
داست صدره الخيول
مرمي بالعراء
غيرة الله اغضبي لرب السماء
كرب وبلاء حسين والوتر الموتور
يهتف ثار الحسين عجل بالظهور
---------------
عجل فدتك النفوس يا طالب الثار
تهتف لك العجل شيعة الكرار
ارفع راية البيعة يا غريب الدار
هذا ضلع الزهراء قد بات مكسور
يهتف ثار الحسين عجل بالظهور
الشاعرة الحسينة
خادمة آل محمد✍🏻

#المهدي
#الحجة


يابو صالح~


https://youtu.be/DZGfjua12LQ
يبو صالح² يبو صالح²

يبو صالح بالحلم طيفك منيتي ٱشوفك يا امل دنياي
يبو صالح تمسح چفوفك دمعتي بخدي وتسمع لشكواي
يبو صالح المحك لحظة تِضْمَد جراحي انت يا رجواي

يبو صالح² يبو صالح²

يبو صالح وينك الليله بهمك وحزنك تنتحب وتنوح
يبو صالح ما الك عيله تواسيِ لهمك تبچي عالمذبوح
يبو صالح تسكن الآلام بيتك الاحزان والاقامة جروح

يبو صالح² يبو صالح²

يبو صالح روحي ولهانه لجيتك آنه انتظر كل يوم
يبو صالح گلبي باحزانه لفركتك ينحب لشوفتك محروم
يبو صالح بمدمعي محتار اعجب لصبرك ودمعي يجري دموم

يبو صالح² يبو صالح²

يبو صالح يا غريب الدار لا اهل لا جار وحدك بغربه
يبو صالح مدمعك انهار عالوجن محتار المدمع تصبّه
يبو صالح هاي الك انصار تنتظر امرك اسمع الندبه

يبو صالح² يبو صالح²

الشاعرة الحسينية العاملية
خادمة آل محمد ص✍🏻

#المهدي
#الحجة
#الجمعة


*المهـدي*
*ندبة للمولى صاحب الزمان عج*
(لحن الجفيري♪)
(آيمهدي ننشدك عجل يا غالي
آيمهدي تلم شملنه بهالليالي
آيمهدي نجتمع بالجمعه تالي
آيمهدي ينشرح صدر الموالي)
دلينه وينك يا مكان
نهتف يا مهدي الزمان
أدركنا نصرخ الأمان
كل جمعة احنه ننتظر
➖➖➖
صرختنا يا مهدي العجل
تجري المدامع المُقل
للشيعة انت كل أمل
يا مهدي ملينه الصبر
➖➖➖
يالمهدي يا ابن الحسن
بغربة نعيش بلا وطن
خلصنا من جور الزمن
والشكوى لله بهالأمر
➖➖➖
نقسم بضلع المنهشم
نقسم بخد الي انلطم
اظهر يا مهدي الأمم
واطلب لأمك كل ثأر
➖➖➖
نقسملك بدم الجره
جدك ذبيح على الثره
حزوا يا ويلي منحره
بگطعة وريده والنحر
➖➖➖
ثار الذبيح يناشدك
يا مهدي وينه موعدك
من نحره صوت يرددك
عجل يا مهدي المنتظر

الشاعرة الحسينية
خادمة آل محمد✍🏻