*وداع سكينة لقبر رقية ع* )
آيدمعي
هل على گبر السبيه
آيدمعي
الله ما ٱعظم هالرزيه
آيدمعي
سكنة. نادت يا رقية
ودعتها
والگلب جمره استعر
ودعتها
والدمع جاري نهر
ودعتها
رايحة انه للگمر

سكينة تجلس عند قبر رقية تودعها قبل الرحيل لكربلاء كيف تحاكيها~~~ تگلها

نامي نامي
بالگبر نومه هنيه
نامي نامي
رايحة للغاضريه
نامي نامي
لا تگومي يا رقيه

تگلها يختي
وياك يا سكنة احميلني
تگلها يختي
ويّ ابو اليمة ادفنيني
تگلها يختي
بالغرب لا تتركيني

يالغريبه
بالخرابه هنانه گبرك
يالحبيبه
تگصد الشيعه وتِحِضْرِك
يا عجيبه
يخسف هالليله بدرك

تگلها روحي
وشمي تراب الضريح
تگلها روحي
عالرمل بويه طريح
تگله روحي
گبلي نحره الذبيح

خادمة آل محمد✍🏻

*حوار بين رقية وحميدة في طريق السبي*
(لفى عاشور والتغريد الحزين والسليمي والقنبري والمعاتيقي )
عالهزّل بتامى اثنين دمعهن جاري عالوجنه~
مشتاقات للوالد وغِدا لثنينهن حنّه~
-----------
رقية تريد ابوها حسين وحميده لمسلم تريده
تريد تضمه وتشمه وتدري عنّه بعيده
ما تدري بارض كوفان مسلم گطعوا وريده
والموعد بارض الشام رقية تجذب الونّه
------------
(حميدة لماذا تسال عن ابيها مسلم ولماذا رقية تنتظر موعد لقاء ابيها )
حميدة للأبو تشكي وتگله بويه سلبوني
تعال وشوف حالي اليوم سبيه الگوم ضربوني
ليت تشوف عداك بسوط يبويه اليوم ساقوني
أروايله بديه حبال وگله راح كافلنه
---------------------
تجاوبها رقيه اه اه
تگله آنه بارض الشام واعدني الأبو ألقاه
لشكيله ظلم هالقوم
ويمسح دمعتي بيمناه
وراويله المتن أزرق
من ضرب السياط عداه
ما تدري الأبو مذبوح وراسه عالرمح لنّه
خادمة آل محمد✍🏻

#يـارقيـة
لسان حال رقية تخاطب الراس الشريف)
(لحن الخضيب♪)

فتح عيونك بالعجل يابويه وانظرني
بسوطه عدوّك عالمتن يا بويه ألّمني
ترضى سبيه ميسره امشي ويضربني
راح الابو راح الحضن وظل مدمعي مسجوم
آه يبويه ٣~~آه
〰〰〰
بعد شتشكي يا رقية?
زرگة ايديه من الضرب فك عين عليّه
من كربله بويه العدا مشّوني مسبيه
اجدامي بويه مورّمه ومكتفّه ٱيديّه
اصرخ يبويه وما تجي وتحضر اليه اليوم
〰〰〰
آه يبويه ٣~~آه
شيحمل يابويه هالگلب من فارگ الغالي
راسك يحطونه بطشت يبويهِ اگبالي
ما أگدر اعاين شيبتك مخضوبه يالوالي
افديها روحي لذبحتك وتسلملي يا مظلوم
آه يبويه ٣~~آه

الشاعرة الحسينية
خادمة آل محمد✍🏻

لحن أمانة هالوصية♪
رقية بالخرابة
----------
يا محنة هالخرابه
رقيه تنادي بابا
تگله يا حبيبي
يا بويه رد عليّه

راح الغالي الغالي الغالي
الراس ٱگبالي ٱگبالي ٱگبالي
〰〰〰
يبو الشيبه الخضيبه
يبو العمة السليبه
من الي حز وريدك
منهو يتّم رقيه

نحر دامي دامي دامي
الگلب ظامي ظامي ظامي
〰〰〰
يمحلاها تضمني
وبحضنك تلمني
وتمسح يا بويه راسي
ودمعاتي الجريه

الروح فاضت فاضت فاضت
يَمّه ماتت ماتت ماتت
خادمة آل محمد✍🏻

*آه_يادمعـة_رقيـة*
يا مغسّلة هذا الأثر
ولون المتون الي حمر
من سياط امية والشمر
لا تعجبي من هالأمر
☆☆☆☆☆☆
بهيده عليها تمسحي
اخافن ظهرها تجرحي
وعالمغتسل لا تطرحي
تألّم جراحات الظهر
☆☆☆☆☆☆
ما بيها علة بس لجم(ضرب)
نحّل جسدها بالألم
يخطف عمرها هاليتم
وعالمنذبح القلب انفطر
☆☆☆☆☆☆☆
مثل امي مظلومة مضت
بيها ضلوع اتهشّمت
بضرب السياط تألّمت
ملطومه وبخدها الأثر

خادمة آل محمد ✍🏻

*رقية ع في الشام*
لحن الجفيري~
تكله هله بسيد الجنان
مشتاقه ضمّه من لحنان
نظرة تعيشني بأمان
آنه رقيه مدلّله
☆☆☆☆
راسك يابويه بْلا جسد
وآنه سبيه بهالبلد
تدري بمتني الي انجلد
ولوّع متوني حرمله
☆☆☆☆
يالغالي يا نور العيون
انظر يبويه للمتون
ادري يا عزي ما يهون
امش سبيه بكربله
☆☆☆☆
منهو لقطع بويه النحر
منهو اليتمني بزغر
وخلاني امشي بالاسر
وإيدي بحبل متغلّله
☆☆☆☆
يابويه ما احمل قهر
قلبي بمصابك منفطر
يم راسك آنه أحتضر
وغسلي دمعي السايله
☆☆☆☆
خلني بخرابه اندفن
اواسي حبيبي بْلا كفن
ما ريده عمري بهالوطن
اخذني بدمعتي مغسّله
خادمة آل محمد ✍🏻

▪️عظم الله اجوركم▪️
يارقيـة~~آه
وارقياه
صيحتها بالم وونين
وارقياه
تشهق والدمع بالعين
وارقياه
ونّتها على راس حسين

ماتت رقيه
وحسين اخذها للجنان
ماتت رقيه
تگطع گلبها من الحنان
ماتت رقيه
يم راس ابوها بالامان

ماتت رقيه
گلبها ما يحمل عذاب
ماتت رقيه
بخرابه صرختها يا ياب
ماتت رقيه
واندفنت بخربه تراب

✍خادمة آل محمد ص

فاطمه ... تجي ليلة جمعه
فاطمه ... لكربله تهل دمعه
تجي يم حسينـها
تزوره وتهل عينها



فاطمه بليلة الجمعه تحضر تزور الحسين
لشوفة المذبوح ابنها والده وشدها الحنين
تعتنـي للغــاضـريــه بالمـدامــع والانيـن
واحسيّناً واحسيناه تصيح بين الحرمين
فاطمه ... تصيح يبني الغالي
فاطمه ... گـطّـعــت دلالــي
تبچي الله يعينها
تزوره وتهل عينها



دخلت بدمعة حزنها فاطمه لصحن الذبيح
من كثر همها وألمها فاطمة تگوم وتطيح
واحسيناً واحسيناه يبني چاوينك تصيح
ينغمي عليها الزچيه لمن اطب الضريح
فاطمه ... شلون ابنها تنظره
فاطمه ... دامي ينزف نحره
عهد بينه وبينها
تزوره وتهل عينها



من لحد گبره يجيها مخضب بفيض الدمه
حسيـن ابوالاكبـر ينــادي ها ييُمّـه فاطمه
شجـابـچ الليلـه اليـه وآنه جثّـه مخـذمـه
يُمّه مثل ضلوع صدرچ كل ضلوعي مهشّمه
فاطمه ... ضامي ويذبحوني
فاطمه ... يُمّـه مارحـمــوني
حالتـي تشوفينها
تزوره وتهل عينها
ليلة الجمعه تجي


يم ضريح حسين تگعد فاطمه تنصب عزاء
يحضر المختار ابوها ويمّـه كـل الأنبـيــــاء
مجلس وجبريل يقره بالصحن يعله البكاء
وي بچي الزهره ونعيها تبچي املاك السماء
فاطمه ... بالضريح تنادي
فاطمه ... ياحبيب الهادي
شبگتـه بچفّينـها
تزوره وتهل عينها



بليلة الجمعة الزچيه بكربله تبچي وتنوح
نوبة يم عباس تمشي ونوبة للضامي تروح
واقعية الحالة عدها تشوف ابنها بلايه روح
جثّه وبلا راس يمها فاطمة تضمد الجروح
فاطمه ... تغسّله بدمعاتها
فاطمه ... ختنگت بآهاتها
هـذا نور سنينــها
تزوره وتهل عينها



تنظر لشيعة ابنها منها متروس الصحن
ناس تلطم ناس تبچي ناس مجروحه وتون
فاطمه ترفع اديها وتدعي للشيعه بحزن
يا الهي اغفرلهم بجاهي آنه ام الحسن
فاطمه ... تندعي لشيعتها
فاطمه ... تنسمـع دعـوتها
لازم تـرد ديّنــها
تزوره وتهل عينها

خادم فاطمة الزهراء عليها السلام
سيد زيد الفحام 30/6/2017
__

فاطمة ليلة جمعة
بصوت المنشد محمد صفي الدين
مجموعة خطباء المنبر الحسيني
@manbarhoysayne1

أوصيكمُ يا راحلين لكربلا
أن تذكروا عند الحسين دعائي

واذا حففتم بالضريح فغسلو
هُ بأدمعي ولتُسمعوه ندائي

قولوا له أن المدامع أغرقَت
عينيّ فليرحم عظيم بكائي

قولوا له أني أتوقُ لأنسهِ
فمتى سيكتبني مع السُعداءِ؟

مع وفد زوّار الطفوفِ فإن لي
سقمٌ وعند ثراه خير دواءِ..

واذا شعرتم بالخشوع فأفصحوا
عن مطلب القلب الشجي النائي...

بوحوا له همساً بسرّيَ وانطقوا
بعد السلام بمطلبي ورجائي

أني عزمت على وصالٍ خالدٍ
فعساه يقبلني مع الشهداءِ


#تجمع_الخطباء_والشعراء_الحسينيين
#حسين_يحيى_الحاج

قَعَدتْ على قبرِ الحبيبِ سُكينةٌ
تشكو إليْهِ بلوْعةٍ وشجونِ

أبتاهُ تذكرُ يَوْمَ كُنتُ صغيرةً
لَمْ تكتملْ أبتاهُ سبْعُ سنيني

ناديتني ومسحتَ متنِيَ حينَها
ما كُنْتُ أعرفُ لِمْ مسَحْتَ متُوني

ألْيَوْمَ أعرفُ فالعباءةُ مُزِّقتْ
بسياطهمْ منْ فرطِ ما جلدوني

أنظُرْ أبي..هذي الزنوذَ تورَّمتْ
بحبالهم بينَ الورى سحبوني

ذَا سوطُ شمرٍ..ذي كعابُ سنانِهم
وأمامَ عيْنِكَ يا أبي لطموني

لكنَّ أعظمَ محنةٍ شاهدْتُها
سيفٌ ذبِحتَ بهِ..بهِ وكزوني

أبتاهُ أذكرُ عندما أهديتني
قُرْطي..رأيتُكَ باكِياً بسكونِ

اللهُ..ذاكَ القُرطُ كنتُ أحبُّهُ
لكنَّهم ويلاهُ قَدْ سلبوني

وعلا الصراخُ وضجَّ وادي كربلا
وتلاطمتْ هضباتُهُ برنينِ

لمّا دَنا السجّادُ يكشفُ تربةً
عَنْ جُثَّةٍ بقِيتْ بِـــلا تكفينِ

ناحتْ عقيلةُ هاشمٍ واستَخْرجتْ
رأساً يواسي دمْعها بأنينِ

ضمَّتْهُ وهْيَ تقولُ في زفَراتِـها
يا ليتَ قبْلكَ يا أخي دفنوني


وللآه تتمة...

*الشاعر علي عسيلي العاملي*

يا زائر قبر الحسين مسلما.خذلي فؤادي للضريح تكرما

بسم الله الرحمن الرحيم 
اللهم صل على محمد وال محمد وعجل فرجهم

--------------------------------------


يَا زَائِرًا قَبْرَ الْحُسَيْنِ مُسَلِّمَا = خُذْ لِيْ فُؤَادِيَ لِلضَّرِيحِ تَكَرُّمَا

لاَ تَبْخَلَنْ بِزِيَارَةٍ تَحْظَى بِهَا = مَا دُمْتَ حَيًّا فِي الْوُجُودِ وَسَالِـمَا

سَيَزُورُكَ السَّبْطُ الْحُسَيْنُ بِوَحْشَةٍ = وَيَرُدُّهَا إِنْ كَانَ قَبْرُكَ مُظْلِمَا

إِنْ حُزْتَ فَخْرَ الأَرْبَعِيْنِ زِيَارَةً = فَاعْلَمْ بِأَنَّكَ فِي الْجِنَانِ مُكَرَّمَا

اخْلَعْ حِذَاءَكَ بِالطُّفُوفِ فِإِنَّهُ = وَادٍ تَقَدَّسَ لِلْمَلاَئِكِ مَعْلَمَا

وَامْشِ الْهُوَيْنَةَ لِلإِلَهِ مُمِجَّدًا = بِالأَرْضِ قَدْ حَفَّتْ مَلاَئِكَةُ السَّمَا

امْسِكْ بِحَضْرَتِهِ وَكُنْ مُسْتَعْبِرًا = وَاغْسِلْ بِمَدْمَعِكَ الذُّنُوبَ فَطَالَـمَا

أَفْنَيْتَ عُمْرَكَ مُسْرِفًا وَمُضَيِّعًا = فَاغْنَمْ بِذَلِكَ فُرْصَةً لَنْ تَنْدَمَا

رَفْرِفْ بِقَلْبِكَ فِي الضَّرِيحِ هُنَيْئَةً = وَاسْعَدْ بِلُقْيِةِ جَابِرٍ مُتَأَلِّـمَا

وَاسِ عَلِيَّ بنَ الْحُسَيْنِ عَزَاءَهُ = شَارِكْ بِمَقْصَدِكَ الْعَقِيْلَةَ عِنْدَمَا

جَاءَتْ بِرَأْسِ وَلِيِّهَا وَعِيَالِهِ = وَتَذَكَّرَتْ بِالطَّفِّ حُزْنًا مُؤْلِـمَا

لاَ تَنْسَ أَنْ تَدْعُو الإِلَهَ نِيَابَةً = وَتُصَلِّي عَنِّيْ لِلزِّيَارِةِ رُبَّمَا

أَحْظَى لأُكْتَبَ زَائِرًا لِـمَقَامِهِ = وَأَكُونَ فِي تِلْكَ الْبِقَاعِ مُنَعَّمَا

سَقَى اللهُ قَوْمًا قَدْ أَتَوْا لِضَرِيْحِهِ = بِكَفِّ أَمِيْرِ الْمُؤْمِنِيْنَ تَكَرُّمَا

مَنْ مُبْلِغٌ عَنِّي الْحُسَيْنَ رِسَالَةً = بِدَمِ الْوَرِيدِ كَتَبْتُ مِنْهَا الـْمُنْظَمَا

أَحُسَيْنُ قَبْرُكَ فِي فُؤَادِيَ كَامِنٌ = وَضُلُوعُ جِسْمِيَ لِلضَّرِيحِ غَدَتْ حِمَى

أَحُسَيْنُ اسْمُكَ شَدَّنِي مُنْذُ الصِّبَا = وَمَعِيْنُ حُبِّكَ قَدْ رَوَى مِنِّيْ الظَّمَا

يَا ثَوْرَةً لِلدِّيْنِ جَادَ عَطَاؤُهَا = أَصْبَحْتَ جُرْحًا فِي الزَّمَانِ تَكَلَّمَا

رُوحِيْ لأَجْلِكَ يَا حُسَيْنُ رَخِيصَةٌ = لاَ غَرْوَ إِنْ أَجْرَيْتُ بَحْرًا مِنْ دِمَا

أَحُسَيْنُ خُذْ مِنَّي الدُّمُوعَ تَحِيَّةً =لأَخْتُمَ قَوْلِيَ فِي الْقَصِيدِ مُسَلِّمَا 

📝عودة الحوراء إلى كربلاء📝
😢قصيدة مجلس الأربعين😢

وافَتْ وقد أمست خيالاً شاحباً
والقلبُ فاضَ بحسرةٍ وشجونِ

تمشي ورزءُ الطفِّ أحنى ظهرَها
تبكي وتمزجُ دمعَها بأنينِ

وصَلَت إلى قبرِ الحسينِ تأوَّهت
وهَوَت تشمُّ ترابَهُ بِحَنينِ

قم يا حسينُ انظرْ لأختِكَ زينبٍ
دعني أبثُّ إليكَ ما يشجيني

أأخي لا تعجبْ لوجهيَ إنَّهُ
قد غيَّرته الشمسُ مُذ أسَروني

هَجَرَتْ جفوني النومَ من كُثر البُكا
كيف المنامُ وأنتَ بين جفوني

أأُخيُّ بعدكَ نكَّسوا رأسي أسىً
بالقيدِ في دربِ السِّبا قادوني

ساروا بأختِكَ يا حسينُ أسيرةً
والشمرُ يَحدوني بجَلْدِ متوني

فإذا بكيتُ السوطُ قال لي اسكتي
وإذا لَهجتُ بِذِكركم شتموني

عاينتُ ألوانَ العذابِ برحلتي
من يومِ بَدءِ رحيلِنا لِلحينِ

هذي عيالُكَ مثلما أوصَيتني
راعيتُهُم وحفِظْتُهم بعيوني

عذراً أخي إنْ عُدتُّ دونَ رقيةٍ
يا ليتَهم في قبرِها دَفَنوني
😢😢😢ا😢ا😢😢😢
وكتبَ عبدُ ساداته الدرُّ العاملي
سحر السبت١١صفر١٤٣٨هـ

🙏🏻انشروا تؤجروا🙏🏻

قم جدد الحزن في العشرين من صفر ففيـــــــه ردت رؤوس الآل للحفر

آل النبي التي حلت دمــــــــــــــاؤهم في دين قوم جميع الكفر منه بري

يا مؤمنون احزنوا فالنار شاعلـــــــة ترمى على عـروة الإيمان بالشرر

ضجوا لسفرتهم وابكــــــوا لرجعتهم لا طبتِ من رجعةٍ كانت ومن سفر

تذكروا مبتدأ أيــام رجعتهــــــــــــــم وأعقبوا سوء ما لاقــــوا بذا الخبر

فسلهم هل رجعتــم للجســــــــوم وقد تركتموها مزار الذئب والنســـــــر

وسلهـم عن رؤوس الآل هـل نشـفـت دماؤها أم لها التقطير كالمطـــــــر

وسل أراس حـسـيـنٌ غــاب رونقـــه أم نوره مخجلٌ للشمسٍ والقمـــــــر

وسل عن اللـؤلـؤ المنظوم في فمــــه لعله بعد قرع غير منتشــــــــــــــر

وسلهم عن جبين كان منتجعــــــــــاً من الرسول بتقبيل الرسول حــري

واستحكِ عن شعرات في كريمتــــه فديت طلعة ذاك الشيب في الشـــعر

هل الطرواة في الوجه الوجــــــيه له أم غيرتها ليالي الســــــــــود بالغير

وقد رووا أنه لما يزيد قضــــــــــــى مآرباً من بني المختار بالضـــــــرر

دعا يزيد علي أبن الحسين إلــــــــى مقامه في علوٍ أي مفتخــــــــــــــــر

وقال معتذراً يا أبن الحسين لقــــــــد كان الذي كان أمراً صار في القــدر

أبوك قاومني في الملك مفتخــــــــراً يقول أني بتقديمٍ عليك حـــــــــــري

وكان يعلم أني لا أطيــــــــــــــــع له لا أترك الملك لو خلدت في سقــــر

والآن إذ كان مـــا قد كان وازدهرت لآل سفيان دور الفتح والظفــــــــــر

أن كنت تهوى ديار الشام تسكـــــنها فانزل بها مستقراً غير محتقـــــــــر

وأن أردت رجوعاً للمدينة ســـــــــر مؤيداً سالماً من بعد مزدجــــــــــــر

وخذ المــــــال ما تختاره ديـــــــــــةً عن الحسين وعن أخوانك الغـــــرر

فعند ذاك بكى السجاد منتحـــــــــــباً وقال لازلتُ في ذل وفي ضــــــرر

لقد قتلت أبي ظلماً على ظــــــــــــمأً وأخوتي وبني عمي ومفتخـــــــري

والآن تطعمني في الحال من دمـــهم فيالك الويل لا بوركت من بشــــــر

لقد صنعت بنا ما شئت من نكــــــــدٍ فاعطنا رخصة من هذه الحجــــــر

لعل أمضي بأهلي والحريم إلــــــــى ديار طيبة نقضي العمر بالكـــــــدر

ومطلبي منك أن مر لي برأس أبـــي ورؤؤس قومي أهديها إلى الحفــــر

ومر بأن يسلكوا بي في الطريق على سمت الطفوف لأقضي بالبكا وطري

فقال إنا وهبالك الرؤوس فســــــــــر بها لما شئت أن تدفن وأن تـــــــذر

هناك نادى بنعمان وقال لــــــــــــــه أنت الأمير على تسييرهم فســـــــر

واستخرج السيد السجاد نسوتـــــــــه من بلدة الشام بالإكرام والســــــرر

ورأس والده كانت بضاعتـــــــــــــه من شامهم ورؤوس العزوة الغــرر

لهفي على النسوة الحزنا محملـــــــةً على النياق تشيع النعي في السفــــــر

يا واردي كربلا من بعد رحلتهــــــم عنها إلى بقع التهتيك والشهــــــــــــر

يا زائري بقعة أطفالهم ذبحــــــــــت فيها خذوا تربها كحلاً إلى البصــــر

والهفتا لبنات الطهر حين رنــــــــت إلى مصارع قتلاهن والحفـــــــــــــر

رمين بالنفس من فوق النياق علـــى تلك القبور بصوت هائل ذعـــــــــر

فتلك تدعوا حسيناً وهي لأطمــــــــةً منها الخدود ودمع العين كالمـــــــطر

وتلك تصرخ واجداه وأبتـــــــــــــاه وتلك تصرخ وايتماه في الصـــــــغر

فلو تروا أم كلثوم منــــــــــــــــاشدةً ولهىً وتلثم ترب الطف كالعطــــــــر

يا دفني الراس عند الجثة احتفظـــوا بالله لا تنثروا ترباً على قمــــــــــــــر

لا تدفنوا الرأس إلا عند مرقـــــــــده فأنه روضة الفردوس والزهـــــــــــر

لا تغسلوا الدم من اطراف لحيتــــــه خلوا عليها خضاب الشيب والكـــــــبر

لا تخرجوا أسهماً في جسمه نشـــبت خوفاً يفور دمٌ يطفو على البشــــــــــر

رشوا على قبره ماءً فصاحــــــــــبه معطش بللوا أحشاه بالقطـــــــــــــــــر

لا تدفنوا الطفل إلا عند والـــــــــــده فانه لا يطيق اليتم في الصـــــــــــــغر

لا تدفنوا عنهم العباس مبتعــــــــــداً فالرأس عن جسمه حتــى اليدين بري

لا تحسبوا كربلا قفراء موحشـــــــةً أضحت تفوق رياض الخلد بالزهـــــر

يا راجعين السبايا قاصدين إلــــــــى ارض المينة ذاك المربع الخضــــــــر

خذوا لكم من دم الأحباب تحفتكـــــم وخاطبوا الجد هذي تحفة الســــــــــفر

يا أم كلثوم قدي الجيب صــــــارخةً على أخيك وفوق المرقد أعتفــــــــري

قولوا لعابده ان لا يفارقــــــــــــــــه فكربلا منزل الأحزان والضــــــــــجر

يا كربلا أي جسم في ثراك ثـــــوى لو تعلمين لنلت العرش في الـــــــــقدر

لآلئ كعبة الهادي لهم صـــــــــــدف لديك ما بين مكــــــــــــــسور ومنفطر

شككتِ من نقط المرجان من دمـهم قلائداً نورها يعلو علـــــــــــــى الدرر

ضممتِ أشباح أنوار فواعـــــــجباً عن ساحة الأرض فوق العرش لم تصر

وطتكِ أقدامهم فأرتاح من شـــرف ثراك يعطي

ارشيف مجالس الاربعين-٢٠١٨
@manbarhoysayne1

#نعي شعبي
#لحن أومت بيديها صوب الشريعه

••وصول-زينب-يوم-الأربعين••


وصلت ارض الطفوف الهاشميه
وطاحت عالگبر تون ونه شجيه
وجوهنا مغيرة من حر اللظيه
والمتون مورمه من ضرب الدعيّه..

صاحت يسكنه تعالي ويا نساوين
وصلنا والدمع سال عل الخدين
إجيتك سبيه وانه اصفق بالأيدين
بنوحي وحنيني والدمعه جريّه..

نامت زينب بكتر گبر اخوهه
تنعي وتعتب ع اللي دللوهه
اختك بعد عينك بغصب سبوهه
وخذوها من بعد عزهه سبيّه..

يا عمه شو والدك راسه مَعنده
اقدرت تنزّله شلون عمه بلحده
ياعلي حد وياه لو ادفنته وحده
عساني وياه مدفونة سويّه..

شمّت تراب الگبر وبكتره ناحت
يا ابن امي شنهالفاجعه علينا لاحت
يا ريت روحي وياك يبن الزهرا راحت
من يوم الطحت عالغبره رميّه..

هاجت احزاني يخويه من وصلناكم
صرنا ننادي واحنه ما نسمع نداكم
معذور خويه وريتها روحي فداكم
لكن اشبيدي المحتم رماكم...
___________________**

خادمة أبالفضل
قسم المنبر الحسيني/مجموعة الاخوات
t.me/manbarhoysayne1

#بمسيرة_اربعينية 🏴

يالزاير گبر الحسين
اعقد صافي النية

المهدي يشارك بممشاك
بمسيره أربعينية
حسينا واحسيناه
🏴🏴🏴
روح اگصد ابو الحملات
وٱحرم من ضريحه هناك
سواد ثيابك ٱحرامك
ويمه طوف بالشباك
اطلب هالاذن منه
وٱخبره عازم بممشاك
لحجك بالطفوف تسير
بمسيرة اربعينية
حسينا واحسيناه
🏴🏴🏴
اگصد كعبة العشّاق
وغسلك خلّهِ العبرات
لجنة كربله مشّاي
بحجك قصّر الخطوات
كل خطوة الك حجة
الاجر يتضاعف بحسنات
يمشي وياك ابو صالح
بمسيرة اربعينية
حسينا واحسيناه
🏴🏴🏴
من توصل يم الحرمين
حيّيّ المنذبح عطشان
ودير العين للعباس
أخوه مگطّع الذرعان
اتوضه من دموع العين
وصلي هناك فرض الاحزان
وكبّر بالدمع والنوح
بمسيرة اربعينية
حسينا واحسيناه
🏴🏴🏴
بصوت التلبية يا حسين
ارفع صوتك ببابه
واطلب هالاذن منه
واحني وقبّل اعتابه
واذكر طيحته للگاع
وسهم المثلث الصابه
ابكي ونوح عالعطشان
بمسيرة اربعينية
حسينا واحسيناه
🏴🏴🏴
لو عنك يزول حجاب
وبعين البصيرة تشوف
تلطم فاطمة الزهره
ومن حول الضريح تْطوف
تگله گوم يا مذبوح
اجيتك والدمع مذروف
ويمي المهدي والانصار
بمسيرة اربعينية
حسينا واحسيناه

الشاعرة الحسينية
خادمة آل محمد ص✍🏻

#الأربعين
زينب ع عند قبر مولانا الحسين ع
لحن الشيخ علي الجفيري♪

ردينه خويه من اليسر
ودليني وينه هالگبر
مشتاگه اشمن هالنحر
عطره اشمه وعنبره
〰〰〰〰〰〰
خليني أضمك بالحضن
خويه يا مسلوب الكفن
عطشان اخيّه وما أظن
رَوّوا وِريده ومنحره
〰〰〰〰〰〰
خلني أقبّل منحرك
خلني احبه خنصرك
اشبع وداعك وانظرك
احضن ضلوع مكسّره
〰〰〰〰〰
لحظة بشمك يا ورد
سالم يا ريته هالجسد
راسك ندفنه باللحد
نحط على خده عالتره
〰〰〰〰〰〰
ارد ٱسولفلك عالدرب
عن مشيتي ويّا لغرب
ضربوني والمدمع يصب
اختك واجيت ميسره
〰〰〰〰〰〰
ترضى يخويه عالهزل
ويحدي بظعني هالنذل
مشدودة ايدي بالحبل
يضرب عزيزة حيدره
〰〰〰〰〰〰
الشاعرة الحسينية
خادمة آل محمد ص✍🏻


https://youtu.be/zjG063kin8Q

لطمية للأربعين
لحن وقفت زينب للوداع


رجعت زينب للطفوف
وتنادي يخواتي
عباس ياكافلني
هاك اسمع انّاتي


ياخيي عميت لعيون
مااقدر احكيلك
بس اقعد شوف الجفون
بالدمع تشكيلك



جيت وجبت هالايتام
والقهر عاميني
ورقية ظلت بالشام
اعليها بكت عيني


ليلى تنادي باللوعات
عالأكبر دلّوني
تبكي وتصيح بآهات
الاكبر نور عيوني


قعدت عند قبر القاسم
رملة وصاحت يبني
دهرك ياإبني ظالم
ع فراقك شيّبني


رباب تعثر وتقوم
وتنادي ياطفلي
جيتك ياحبيبي بهاليوم
وين قبرك قلّي


سكنة اجت للحسين
وتحكيله الآلام
وتسقيه بدموع العين
وتشكيله مرار الشام



نادت عمي ياعبّاس
انا سكنة انظرني
بعدك ضربوني الارجاس
والظالم قيّدني

#الشاعرة_الخفاجي