‼️ Kecha koronavirus bilan kasallanish bo‘yicha kunlik ko‘rsatkich 1000dan oshib, pandemiya boshidan buyon rekord darajaga yetdi

2022-yil 16-yanvar holatiga ko‘ra, O‘zbekistonda koronavirus infeksiyasi qayd etilganlar soni 206122 (+1037) nafarni tashkil etmoqda.

Oliy va o‘rta maxsus ta'lim vazirligi huzuridagi Ma'naviyat va ma'rifat markazi barcha talaba-yoshlarga jamoat joylarida tibbiy niqob taqishni va karantin qoidalariga qat'iy amal qilishni eslatib o‘tadi.

👉 @manaviyateduuz – Vazirlik huzuridagi Ma’naviyat va ma’rifat markazi rasmiy sahifasi

#men_ayolman #monolog

Statistik ma’lumotlarga qaraganda, so’nggi yillarda 29 millionga yaqin ayol zamonaviy qullikdan aziyat chekadi. Zamonaviy qullik bu ayolning jamiyatdagi o’rni pastligi, nafaqat siyosiy sohada va hatto o’zining shaxsiy hayoti bilan bog’liq bo’lgan huquq va erkinliklari yo’qligidir. Videodagi qiz ana shunday qiyin hayot yo’lidagi ayol tilidan so’zlaydi.

✍️She’r muallifi: Malika Salimova
🎬Kadrda: Charos Shodmonqulova

👉 @manaviyateduuz – Vazirlik huzuridagi Ma’naviyat va ma’rifat markazi rasmiy sahifasi

#diqqat_tanlov
Siz aziz kitobxonlarning boʻsh vaqtingizni mazmunli va samarali oʻtkazish maqsadida yangi-yangi tanlovlarni eʼlon qilamiz!
📝 Tanlovimiz "Iqtibos vaqti" deb nomlanadi!

Tanlov shartlari:
1️⃣ @kitob_muhokamasi guruhimizga aʼzo boʻlasiz!
2️⃣ Har hafta seshanba kuni oʻzbek va jahon adabiyotiga oid asarlardan tesha tegmagan iqtiboslar berib boriladi va siz uning qaysi asardan olinganini topishingiz kerak boʻladi!
3️⃣ Har bir iqtibos uchun 1 balldan (har oʻyinda 30 tadan iqtibos beriladi, jami 30 ball) berib boriladi.
4️⃣ Bir oy davomida eng koʻp ball toʻplagan 2 nafar ishtirokchini gʻolib deb topamiz va ularni munosib taqdirlaymiz!
☝️ Kitob oʻqing — kitob yuting!

P.S.: @kitob_muhokamasi guruhining dekabr oyidagi faol ishtirokchilari va tanlov gʻoliblari Oliy va oʻrta maxsus taʼlim vazirligi huzuridagi Maʼnaviyat va maʼrifat markazi tomonidan diplom, sertifikat hamda kitoblar bilan taqdirlandi! Keyingi gʻoliblar qatorida siz ham boʻlishingiz uchun faqat va faqat kitob oʻqish talab qilinadi.

Oliy va oʻrta maxsus taʼlim vazirligi huzuridagi Maʼnaviyat va maʼrifat markazining yangi manaviyat.edu.uz sayti ishga tushdi!

Mazkur saytda:
🔹 Yurtimiz va dunyoda roʻy berayotgan ijtimoiy, siyosiy hodisalar toʻgʻri talqinda soha boʻyicha professor-oʻqituvchilar va mutaxassislarning fikrlari asosida tezkor tanishtirib boriladi;
🔹 Talaba-yoshlarning boʻsh vaqtlarini mazmunli oʻtkazish va maʼnaviy tarbiyalashga moʻljallangan axborotlar berib boriladi;
🔹 Vazirlik hamda markaz tomonidan tashkil qilinadigan tanlovlar e'lon qilib, batafsil yoritib boriladi.

Mazkur sayt iqtidorli talaba-yoshlar va ustozlarimizning foydali ma'lumotlari asosida faoliyat yuritadi.

Aziz ustozlar va qadrli talabalar, endilikda siz mazkur sayt orqali oʻz isteʼdodingizni namoyon qilishingiz mumkin. Saytdan foydalanish va uning imkoniyatlarini yuqoridagi videorolik orqali bilib olishingiz mumkin.

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

#Ogoh_boʻling
#Будьте_осторожны
❓Qanday qilib kartangizni FIRIBGARlardan himoya qilishingiz mumkin?

@manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

Yoshlar bilan ishlashning yangicha boshqaruv mexanizmi joriy etiladi

Yoshlar bilan ishlashning yangicha boshqaruv mexanizmlarini joriy etish, ular bilan ishlashning vertikal tizimini yaratish, yoshlar muammolarini bevosita mahallalarda hal etish hamda ta’lim muassasalarida ma’naviy-ma’rifiy va tarbiyaviy ishlarning samaradorligini yanada oshirish maqsadida Prezident qarori imzolandi.

Unga muvofiq davlat oliy taʼlim muassasalari va ularning filiallaridagi yoshlar masalalari va maʼnaviy-maʼrifiy ishlar boʻyicha prorektor (direktor oʻrinbosari)ga birinchi prorektor (direktorning birinchi oʻrinbosari) maqomi berildi.
Shuningdek, qaror bilan taʼlim muassasalarida yoshlar bilan ishlash boʻlinmalari tashkil etilishi nazarda tutilgan.

@manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

#Qonunchilik_yangiliklari
☝️ 2022/2023-oʻquv yili qabulidan bir qator OTMga kirish imtihonlarida chet tili fanidan kasbiy (ijodiy) imtihon oʻtkazish yoʻlga qoʻyiladi

“Xorijiy tillarni oʻrganishni takomillashtirish boʻyicha qoʻshimcha chora-tadbirlar toʻgʻrisida”gi Hukumat qarori (34-son, 19.01.2022 y.) qabul qilindi.

🔰Qarorga koʻra, 2022/2023-oʻquv yili qabulidan xorijiy tillar boʻyicha mutaxassislarni tayyorlashga ixtisoslashgan bir qator OTMga kirish imtihonlarida chet tili fanidan tinglab tushunish, oʻqish, yozish hamda gapirish kompetensiyalarini aniqlash va baholashga qaratilgan kasbiy (ijodiy) imtihon oʻtkazish yoʻlga qoʻyiladi. Jumladan:

✔️fanlar majmuasiga chet tili birinchi fan sifatida kiritilgan quyidagi OTMning bakalavriat taʼlim yoʻnalishlariga:
🏛 Oʻzbekiston davlat jahon tillari universiteti;
🏛 Samarqand davlat chet tillar instituti;
🏛 Toshkent davlat sharqshunoslik universiteti.

✔️quyidagi OTMning xorijiy tillar boʻyicha pedagoglarni tayyorlovchi bakalavriat taʼlim yoʻnalishlariga:
🏛 Toshkent davlat pedagogika universiteti;
🏛 Qoʻqon davlat pedagogika instituti;
🏛 Nukus davlat pedagogika instituti.

❗️Chet tili fanidan kasbiy (ijodiy) imtihon Davlat test markazi tomonidan amalga oshiriladi.
📌 Batafsil: https://edu.uz/uz/news/view/3425

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

#Qonunchilik_yangiliklari
🇺🇿 Talabalar va oʻquvchi yoshlar uchun yil davomida har oyda beriladigan “Zakovat” stipendiyasi joriy etiladi

“Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida”gi Prezident qarori imzolandi.

Qarorga koʻra, 2022/2023-oʻquv yilidan boshlab:
🔹 har yili aprel oyida “Intellektual haftalik” tadbiri oʻtkazib boriladi;
🔸 intellektual oʻyinlarning respublika bosqichida gʻolib boʻlgan oʻquvchi yoshlar va talabalar uchun yil davomida har oyda beriladigan “Zakovat” stipendiyasi joriy etiladi.

🗓 2022-yildan boshlab:
🔹 bosqichma-bosqich umumiy oʻrta, Prezident, oʻrta maxsus va professional hamda OTMda “Zakovat” intellektual klublari faoliyati yoʻlga qoʻyiladi;
🔸 har yili talabalar oʻrtasida Intellektual olimpiada tashkil qilinadi. Unda umumjamoa hisobida dastlabki uchta oʻrinni qoʻlga kiritgan OTMga Oʻzbekiston Respublikasi Prezidenti sovgʻasi topshiriladi;
🔹 intellektual oʻyinlarning respublika bosqichida gʻolib va sovrindor boʻlgan umumiy oʻrta, oʻrta maxsus va professional taʼlim muassasalari oʻquvchilari hamda OTM talabalari taʼlimning keyingi bosqichiga bazaviy toʻlov-kontrakt asosida imtihon sinovlarisiz qabul qilinadi;
🔸 taʼlim muassasalarida tashkil etilgan “Zakovat” intellektual klublarining koordinatori boʻlgan professor-oʻqituvchilarga mehnatga haq toʻlash fondining 50 foizi miqdorida bir martalik ustama toʻlab beriladi.

Maʼlumot oʻrnida, 2021-yil oktabr oyida davlatimiz rahbari Buxoro viloyati Romitan tumanida “Zakovat” intellektual oʻyinining final bosqichiga tashrif buyurib, bahsni kuzatgan, tadbir soʻngida nutq soʻzlab, bilimdon yoshlarga sharoit yaratish uchun koʻplab tashabbuslarni bildirgan edi.
📌 Batafsil: https://edu.uz/uz/news/view/3426

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

⚡️Tezkor❗️
⚡️⚡️Qoʻshimcha maʼlumot

Sogʻliqni saqlash vazirligi va Sanitariya-epidemiologik osoyishtalik va jamoat salomatligi xizmatining taklifiga asosan koronavirus infeksiyasining yangi shtammi bolalar va yoshlar oʻrtasida tarqalishi yuqoriligini eʼtiborga olgan holda barcha oliy (davlat, nodavlat, xususiy hamda xorijiy filiallar) va professional taʼlim muassasalari, akademik litseylarda (barcha taʼlim shakllari va turlari boʻyicha) joriy yilning 24-yanvaridan boshlab, bir oy muddat davomida taʼlim olish tizimi masofaviy (onlayn) shaklda olib boriladi.

Bunda tajribadan kelib chiqqan holda onlayn taʼlim jarayoni sifatli tarzda tashkil etilib, barcha zarur resurslar safarbar etiladi.

Temiryoʻl chiptalari tarif qismidan 50 foiz miqdorida chegirmalarini saqlab qolinadi va 2022-yil 24-fevralga qadar avia va temiryoʻl chiptalari bepul tarzda boshqa muddatga almashtirib beriladi.

Mazkur masalalarni muvofiqlashtirish maqsadida Vazirlikda Maxsus shtab tashkil etilgan boʻlib, 21-yanvar soat 9:30 dan barcha tashkiliy masalalar yuzasidan quyidagi ishonch telefonlariga (10-06, 71-246-97-45, 71-246-28-63) murojaat qilishingiz mumkin!

Shu oʻrinda bugungi murakkab vaziyatdan chiqib ketishning yagona yoʻli bu vaksinatsiya, shu bois sizlardan oʻzingiz va yaqinlaringiz salomatligini himoya qilish uchun vaksinatsiya jarayonlarida faol qatnashishingizni soʻrab qolamiz.

Epidemiologik vaziyatdan kelib chiqib, sizdan yoʻl chiptalarini almashtirishni bir oylik muddat davomida qaytish sanasi aniq boʻlgandan keyin shoshmasdan amalga oshirishingizni soʻraymiz!

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

📌 Prezident Shavkat Mirziyoyev “Zakovat” intellektual o‘yinini aholi o‘rtasida ommaviy-ma’rifiy harakatga aylantirish va boshqa intellektual o‘yinlarni rivonlantirishga oid chora-tadbirlar to‘g‘risida”gi qarorni imzoladi.

🔰 Jumladan

—Yoshlar ishlari agentligi zimmasiga “Zakovat” intellektual o‘yini va boshqa intellektual o‘yinlarni tizimli ravishda rivojlantirishga doir vazifalar yuklatildi;

— 2022/2023-o‘quv yilidan boshlab intellektual o‘yinlarining respublika bosqichida g‘olib bo‘lgan yoshlar va talabalar uchun “Zakovat” stipentiyasi joriy etiladi;

— 2022-yildan boshlab, bosqichma-bosqich umumiy o‘rta, Prezident, o‘rta maxsus va professional hamda oliy ta’lim muassasalarida “Zakovat” intellektual klublari faoliyati yo‘lga qo‘yiladi hamda hududlardagi Yoshlar markazlarida intellektual o‘yinlar jamoalari uchun alohida xonalar tashkil etiladi;

— 2022-yildan boshlab har yili talabalar o‘rtasida Intellektual olimpiada tashkil qilinadi. Unda umumjamoa hisobida dastlabki uchta o‘rinni qo‘lga kiritgan oliy ta’lim muassasasiga O‘zbekiston Respublikasi Prezidenti sovg‘asi topshiriladi;

—intellektual o‘yinlarning respublika bosqichida g‘olib va sovrindor bo‘lgan umumiy o‘rta, o‘rta maxsus va professional ta’lim muassasalari o‘quvchilari hamda OTM talabalari ta’limning keyingi bosqichiga bazaviy to‘lov-kontrakt asosida imtihon sinovlarisiz qabul qilinadi;

—ta’lim muassasalarida tashkil etilgan “Zakovat” intellektual klublarining koordinatori bo‘lgan professor-o‘qituvchilarga mehnatga haq to‘lash fondining 50 foizi miqdorida bir martalik ustama to‘lab beriladi;

— 2022/2023-o‘quv yilidan boshlab har yili aprel oyida “Intellektual haftalik” tadbiri o‘tkazib boriladi;

—yoshlarning intellektual salohiyatini oshirish, ularga motivatsiya berish maqsadida mashxur olimlar, jumladan, Nobel mukofoti sohiblari bilan uchrashuvlar tashkil etib boriladi;

— “Zakovat” va boshqa intellektual o‘yinlarining hududiy va respuplika bosqichi g‘oliblari o‘z mutaxassisligi bo‘yicha kadrlar zaxirasiga olish hamda rahbarlik lavozimlariga tayinlash amaliyoti yo‘lga qo‘yiladi;

— Toshkent viloyati Bo‘stonliq tumanidagi “Yoshlar oromgohi”da mavsumiy ishlaydigan “Intellektual maktab” loyihasi yo‘lga qo‘yiladi;

— “Yangi O‘zbekiston bog‘i”ga tutash hududda “Zakovat intellektual o‘yinlari klubi’’ uchun alohida bino hamda “Intellektual o‘yinlar shaharchasi” barpo etiladi. Mazkur binolar Yoshlar ishlari agentligining balansida bo‘ladi;

— intellektual turnirlar tashkil qilish, bilimdon yoshlarni rag‘batlantirish, yosh avlodning intellektual salohiyatini oshirishga qaratilgan komputer va mobil o‘yinlarini yaratgan dasturchilarga grant va subsidiyalar ajratish maqsadida 2022-yilda 50 mlrd so‘m miqdorda, keyingi yillarda asoslangan hisob-kitoblarga muvofiq davlat byudjetidan mablag‘ ajratiladi.

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

#El_yurt_umidi
Moddiy imkoniyatingiz yoʻqligi endilikda muammo emas

Davlatimiz koʻmagi bilan salohiyatli, bilimli barcha yoshlarimizda xorijda tahsil olib, mamlakatimiz rivojiga munosib hissa qoʻshish imkoniyati bor!

“El-yurt umidi” jamgʻarmasi Oʻzbekiston uchun eng ustuvor sohalarda 420 oʻringa moʻljallangan ochiq stipendiya tanlovini eʼlon qiladi!

Eslatib oʻtamiz, onlayn hujjat topshirish platformasiga 2022-yil 10-yanvardan boshlab maʼlumot yuklashingiz mumkin.

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi

​​#diqqat_tanlov
⚜️NAVOIY ASARLARI⚜️ — talaba-yoshlar o'rtasida audio tanlov!

Oliy va o’rta maxsus ta’lim vazirligi huzuridagi Ma’naviyat va ma’rifat markazi buyuk shoir va mutafakkir Alisher Navoiy tavalludining 581 yilligi munosabati bilan talaba-yoshlar o’rtasida “Navoiy asarlari” nomli audiolar tanlovini e'lon qiladi

🎙 Tanlovda ishtirok etish uchun siz mutafakkir bobomiz Mir Alisher Navoiy qalamiga mansub o'zingiz yoqtirib o’qigan asarlardan parchani audio ko’rinishida 5 daqiqadan oshmagan holda tayyorlab @AlisherNavoiyBot manziliga yuborishingiz kerak. Qoʻshimcha fon musiqalaridan foydalanish mumkin.
📌 Tanlov uchun audio materiallar 6-fevral kuniga qadar (shu kuni ham) qabul qilinadi.
❗️ Audio material yuborayotganda o'zingizning ism-familiyangiz, telefon raqamingiz hamda o'qish (ish) joyingizni yozishingiz shart, aks holda material haqiqiy deb topilmaydi va tanlovga qabul qilinmaydi.

🏆 G’oliblar quyidagi 3 ta nominatsiya bo'yicha aniqlanadi va tashkilotchilar tomonidan diplom, sertifikat hamda kitob sovg'alari bilan taqdirlanadi.
🔹 Eng go’zal ijro;
🔹 Eng yaxshi g’azal kuychisi;
🔹 Eng yaxshi asardan parcha.

☝️ Belgilangan muddat ichida tanlovga qabul qilingan ijodiy ishlar tanlov tashkilotchilari va hakamlar tomonidan ko'rib chiqiladi va har bir nominatsiya bo'yicha eng yaxshi deb topilgan 10 ta audio @manaviyateduuz sahifasiga joylanadi.
☝️ Ushbu har bir nominatsiya bo'yicha eng yaxshi 10 ta audio materiallar yopiq ovoz berish jarayonida ishtirok etadi va ovoz berish natijasiga ko'ra 3 ta nominatsiya bo'yicha tanlovning 1-,2-,3-o'rinlari aniqlanadi.
☝️ Ovoz berish jarayoni like yig'ishdan butkul farq qiladi va shaffof tarzda o'tadi. Qaysi ishtirokchi nechta ovoz yig'ganini ovoz berish yakunlanmaguniga qadar hech kim ko'rolmaydi.

👉 @manaviyateduuz – Vazirlik huzuridagi Maʼnaviyat va maʼrifat markazi rasmiy sahifasi