Mame Posts

. ¹- የሳምንቱ ታሪካችን ጁለይቢብ ረ.ዐ አነስ ኢብን ማሊክ (ረ.ዐ) እንዲህ ሲል ይተርካል፦ ጁለይቢብ የተባለ መልከ-ጥፉና እጅግ ድሃ የነበረ የነብዩ (ሰ.ዐ.ወ) ባልደረባ፤ ሁልጊዜም ከነብዩ ጋር ይቀመጥ ነበር። □ አንድ ቀን ነብዩ (ሰ.ዐ.ወ)፦ "ጁለይቢብ ሆይ! አታገባም እንዴ?" አሉት። እሱም፦ "የአላህ መልእክተኛ ሆይ! እኔን ማን ያጋባኛል?" ሲል መለሰ። ነብዩም፦ "እኔ አጋባሃለሁ" አሉት።…

.

²_የአንድ ታኢብ (ከወንጀል ተመላሽ) ሰውዬ ታሪክ!

❐ ሼኹል ኢስላም እብን ተይሚያህ እንዲህ ይላሉ፦

ከወንጀሉ የተመለሰ ሰው ልክ ምንም ወንጀል እንደሌለው ንጹሕ ነው፤ አላህም ለእሱ መውጫና መፍትሔ ያበጅለታል።

⇠ ታሪኩ፦

□ አንድ የበስራ ባለሀብት «ሑስን» የተባለች ውብ ዘፋኝ ባሪያ ገዝቶ በመርከብ ሲጓዝ፣ ሌሊት ላይ መርከቧ በጭፈራና በስካር ተናወጠች።

ባለጸጋው በአንድ ጥግ ቁርዓን ወደሚያነብ ወጣት ጠጋ ብሎ በማሾፍ፦ "ከዚህ የሚበልጥ ድንቅ ነገር #ሰምተህ_ታውቃለህ?!" አለው።

ወጣቱም በውብ ድምፅ እንዲህ አነበበ፦

"የዱንያ መደሰቻ ጥቂት ናት፤ ለአላህ ለሚጠነቀቁት ግን አኼራ እጅግ በላጭ ናት። በታጠሩ ፎቆች ውስጥ ብትሆኑ እንኳ ሞት ያገኛችኋል።» [አን-ኒሳእ]

ይህ አንቀጽ የባለጸጋውን ልብ ሰበረው፤ መላ አካላቱ ተንቀጠቀጠ። የወይን ጽዋውን ባሕር ውስጥ ደፍቶ እንዲህ አለ፦

"ይህማ እኔ እስከ ዛሬ እሰማው ከነበረው ነገር ሁሉ በላይ ነው! ለመሆኑ ከዚህ ውጪ ሌላ አለህ?.."

□ ወጣቱ ቀጠለና አስፈሪውን የአላህ ቃል አነበበ፦

«"«እውነቱም ከጌታችሁ ነው፡፡ የሻም ሰው ይመን፤ የሻም ሰው ይካድ» በላቸው፡፡ እኛ ለበደለኞች አጥሯ በእነሱ የከበበ የኾነችውን እሳት አዘጋጅተናል፡፡ (ከጥም) እርዳታንም ቢፈልጉ እንደ ዘይት ዝቃጭ ባለ ፊቶችን በሚጠብስ ውሃ ይረዳሉ፡፡ መጠጡ ከፋ! መደገፊያይቱም ምንኛ አስከፋች! [አል-ካህፍ]

ባለጸጋው በከፍተኛ ሁኔታ ተንቀጠቀጠ! በመርከቧ የነበረውን ወይን ሁሉ ባሕር ውስጥ ደፋው፤ የሙዚቃ መሣሪያውንም ሰባበረው። ከዚያም «አንቺ ባሪያ ሆይ... ለአላህ ስል ነፃ አውጥቼሻለሁ ሂጂ!» አላት። በአንድ ጥግ ተቀምጦም

«አስታግፊሩላህ (አላህ ሆይ ማረኝ)» እያለ ማልቀስ ጀመረ። ወጣቱንም፦ እንደኔ ላለው ወንጀለኛ መውጫ አለለት?" ሲል ጠየቀው።

ወጣቱ የሰውየውን መጸጸት ሲያይ የተስፋውን አንቀጽ አነበበለት፦

«በላቸው፦ "እናንተ በነፍሶቻችሁ ላይ ወሰን ያለፋችሁ ባሮቼ ሆይ! ከአላህ እዝነት ተስፋ አትቁረጡ፤ አላህ ወንጀሎችን በሙሉ ይምራልና።"» [አዝ-ዙመር]

በዚህ ጊዜ ባለጸጋው እየተንቀጠቀጠ፦ "አላህ መሐሪና አዛኝ መሆኑን እመሰክራለሁ!" አለ። ወዲያውኑም በደነንብ ተነፈሰና በዚያው ሕይወቱ አለፈች!💔

የማጠቃለያው ድንቅ ስንኝ፦

አንተ ወሰን አልፈህ ወንጀል የሰራኸው፣
ተመልሰህ ዛሬ እጅህን የሰጠኸው...
በቁርዓኑ ውስጥ ባለው የአላህ ቃል ተበሰር፤

«ካቆሙ... ያለፈው ወንጀላቸው በሙሉ ይማራል!»

..........

ቀጣይ ሳምንት በሌላ አጭር ታሪክ እንገናኛለን ኢንሻአላህ እስከዛ Share እያደረጋችሁ እንዲያነቡ አድርጓት🤍

@MAME_POSTS❤️‍🩹

❤46👍7

3.17K views09:13