Mame Posts

.
¹- የሳምንቱ ታሪካችን ጁለይቢብ ረ.ዐ

አነስ ኢብን ማሊክ (ረ.ዐ) እንዲህ ሲል ይተርካል፦
ጁለይቢብ የተባለ መልከ-ጥፉና እጅግ ድሃ የነበረ የነብዩ (ሰ.ዐ.ወ) ባልደረባ፤ ሁልጊዜም ከነብዩ ጋር ይቀመጥ ነበር።

□ አንድ ቀን ነብዩ (ሰ.ዐ.ወ)፦ "ጁለይቢብ ሆይ! አታገባም እንዴ?" አሉት።
እሱም፦ "የአላህ መልእክተኛ ሆይ! እኔን ማን ያጋባኛል?" ሲል መለሰ።
ነብዩም፦ "እኔ አጋባሃለሁ" አሉት።

▢ ጁለይቢብም ወደ ነብዩ ዞር ብሎ፦ "የአላህ መልእክተኛ ሆይ! እንግዲያውስ እኔን ገበያ ላይ እንደቀዘቀዘ (ተፈላጊነት እንደሌለው) እቃ ታገኘኛለህ" አላቸው።
ነብዩም፦ "ነገር ግን አንተ አላህ ዘንድ ተፈላጊነትህ የቀዘቀዘ አይደለህም!" አሉት።

▢ ከዕለታት አንድ ቀን አንድ አንሷራዊ ሰው የልጁ ባል የሞተባትን ልጃገረድ ለነብዩ (ሰ.ዐ.ወ) ሊድር መጣ። ነብዩም፦ "እሺ እቀበላለሁ፣ ግን #ለእኔ_አይደለም! ለጁለይቢብ ነው የማጋባት" አሉት። አባትየው ደንግጦ፦ "እስኪ ሄጄ እናቷን ላማክር" ብሎ ለሚስቱ ነገራት። እናትየውም፦ "ለጁለይቢብማ በፍጹም አልድርም!" ብላ ማለች።

▢ አባትየው እያዘነ ለነብዩ ሊነግራቸው ሲነሳ፣ ልጅቷ ከመጋረጃዋ በስተጀርባ ሆና በከፍተኛ ድምፅ እንዲህ አለች፦ "የአላህን መልእክተኛ ትእዛዝ ትመልሳላችሁን? ወደ አላህ መልእክተኛ ውሰዱኝ፣ እርሱ በፍጹም አያጠፋኝም!" አለች

▢ ነብዩም፦ ጁለይቢብን ጠርተው አጋቡት። እጆቻቸውንም ወደ ሰማይ አንስተው፦ "አላህ ሆይ! በላያቸው ላይ በጎነትንና በረካን አንጠፍጥፍባቸው፣ ኑሯቸውንም አታስጨንቅባቸው" ብለው ዱዓ አደረጉላቸው።

ከጥቂት ቀናት በኋላ ጁለይቢብ ከነብዩ ጋር ወደ ዘመቻ ወጣ። ውጊያው ሲያልቅ ነብዩ ሰዎችን፦ "ማንን አጣችሁ?" ብለው ጠየቁ። ሰዎቹም የጠፉባቸውን ዘመዶቻቸውን ዘረዘሩ። ነብዩ ግን፦ "እኔ ግን ጁለይቢብን አጥቼዋለሁ፤ ተነሱና ፈልጉት!" አሉ።

▢ በጦር ሜዳው መሃል ሲፈልጉት፣ ሰባት ጠላቶችን ገድሎ፣ እሱም በቁስል ብዛት ወድቆ ሸሂድ ሆኖ አገኙት። ነብዩ (ሰ.ዐ.ወ) በተቆራረጠው አስከሬኑ አጠገብ ተንበርክከው ተቀመጡና እንዲህ አሉ፦

"ሰባቱን ገድለህ ከዚያም ገደሉህ? አንተ ከእኔ ነህ፣ እኔም ከአንተ ነኝ! አንተ ከእኔ ነህ፣ እኔም ከአንተ ነኝ!"❤️‍🩹

▢ ነብዩ (ሰ.ዐ.ወ) የጁለይቢብን አስከሬን በገዛ ክንዳቸው ላይ አነሱት። ቀብሩ ተቆፍሮ እስኪያልቅ ድረስ ጁለይቢብ ከነብዩ (ሰ.ዐ.ወ) ክንድ ውጪ ሌላ ምንም ፍራሽ አልነበረውም!

اللهم صل وسلم وبارك على نبينا محمد🤍

ቀጣይ ሳምንት በሌላ ታሪክ ኢንሻአላህ🙌

@MAME_POSTS❤️‍🩹

❤93👌10👍4🥰3

4.52K views12:46