Feodosija jesť jedinym od davnih grådov Kryma, i byl osnovanym v 6-m stolětji do novoj jery grěkami, i imę jego značje od davněgrěčkogo "danna Bogom", a slovanskim językom to buďe kako gråd Bogdansk ili Bogdanov. Bogdansk jesť postavenym na jugovoztokě Kryma na brěgě Feodosijskogo (Bogdanskogo) zaliva, i bliz gråda sę skončaje gorna veriga u mysa svętogo Iliji.

V 13-m stolětji genovažci osnovali gråd Kafa tamže. V 15-m věkě byla veličajša neže Konstantinopoľ (Konstantinogråd), i v tomže věkě byla zahvačanoj turkami. V 1616-m rokě kozaky Petra Sagajdačnogo dobyli gråd i osvobodili mnogih vęzńev. Poslě osvobođenja gråda od turčinov Russkojų državojų v 1771-m rokě, toj stal nanovo sę nazyvati Feodosija v 1804-m rokě.

V 1920 byl dobytym bolševikamy. Se sněžńa 1941-go roka po cvěteń 1944-go gråd byl zahvačan německonacystami. A potòm grådu byla prisųđena nagrada ordenom Otečestvenoj vojny 1-j stųpeni.

V grådě žyli, rabotali i pracovali veliky moŕerismec, tojesť malevanec moŕa, Ivan Ajvazovsky i lěkaŕ Aleksandr Dovženko, i pisateľ Aleksandr Grin (Grinevsky).

Gråd imaje 3 prěvoza, tojesť transporta: vozicky (automobily), želězničny, i moŕsky, i mnogo privlkateljnosťev dľa turistov.

Bliz gråda Bogdanska v městě gory Lysoj, tojesť Paša-Tepe, jesť kladezny izvor cělebnoj vody, ktora sę nazyvaje Feodosijskaja (Bogdanska). V grådě sųť 5 prirodolěčebnic, tojesť lazńev ili sanatorijev. #feodosija #bogdansk #krym