Дзелімся фотаздымкамі з адкрыцця выставы MALDZIS “Беларусь Напалеона Орды”, што адбылося 28 лютага ў Варшаве ✨

Аўтарка фота – Аліна Мазавец.

Уся калекцыя здымкаў – на сайце MALDZIS.

Дзякуй усім, хто паўдзельнічаў! ❤️

MALDZIS вяртае старадаўні архіў парафіі з Гарадзеншчыны ⛪️

7-га сакавіка ініцыятыва MALDZIS набыла на аўкцыёне ў Польшчы рукапісны архіў першай паловы XIX стагоддзя, які паходзіць з парафіі недалёка ад Горадні.

Гэта так званы капіярый – рукапісны зборнік службовых дакументаў і перапіскі з касцёла ў Вялікіх Эйсмантах, што ў Бераставіцкім раёне Гарадзенскай вобласці. Гэта вельмі каштоўная крыніца інфармацыі пра тагачаснае канфесійнае і свецкае жыццё рэгіёна.

Рукапісная кніга была набытая на сродкі мецэната ініцыятывы MALDZIS Іллі Пакроўскага.

У найбліжэйшых планах MALDZIS – адлічбаванне рукапіснага зборніка, каб зрабіць яго дасяжным для ўсіх зацікаўленых гісторыкаў і краязнаўцаў.

💎 Падтрымаць нашу дзейнасць