Gəlin bir az lazerdən əvvəl və sonra diqqət etməli olduğumuz nüansları birlikdə gözdən keçirək, hər birinizə faydalı olacağını düşünürəm.
Lazerə getmədən əvvəl diqqət edəcəklərimiz : ❗
Lazerin tüklərə daha yaxşı təsiri üçün yaxşı olar ki, tüklər ən az 4 həftə əvvəl heç bir sap, tük tökücü, ağda və.s istifadə edilmədən uzansın;
Lazer Alexandrite cihazı ilə ediləcəksə 3 gün əvvəl tükləri təmizləmək lazımdır;
Lazerə getdiyiniz zaman günəşə çıxmaq dərinizdə ləkələrə səbəb olur. Buna görə də məsləhət olunur ki, lazer üçün ya qış aylarını seçin, ya da həmin hissəyə günəş təması olmamasına diqqət edin;
Əgər hər hansı bir dəri xəstəliyi üçün dərman qəbul edirsinizsə yaxşı olar ki, dərmanın istifadəsini tam bitirdikdən sonra lazerə gedin. Əks halda xoşagəlməz nəticələr yarana bilər;
Seansa yazılmadan əvvəl əsla tük saraldan kremlərdən istifadə etməyin. Çünki lazer sarı tüklərə öz təsirini yaxşı göstərmir;
Ağrını hiss etməmək üçün krem istifadə etmək istəsəniz, yaxşı olar ki, seansdan 1 saat əvvəl həmin bölgəyə tətbiq edin və gözləyin;
Lazerdən sonra :❗
Həssas dəri üzərində lazerdən sonra qızartılar əmələ gələ bilər. Lakin bu 1 gün içərisində keçir;
Lazer etdiyiniz hissəyə 1 həftə peeling və ya kisə vurmağınız məsləhət deyil;
Tük kökləri 3 və ya 15 gün içərisində uzanıb, öz-özünə töküləcək. Quru dəriyə sahibsinizsə bu müddət 20 gün çəkir;
Lazerdən sonra 3 gün müddətinə günəşə çıxmayın. Lakin məcbur isəniz o zaman günəş qoruyuculuğu 30 olan günəş kremlərdən istifadə edin;
İlk seansdan etibarən 15-20 gün aralıqlarda seanslara davamlı getməlisiniz. 💚

Hər kəsə salamlar🌸Bu gün xanımların istəyi üzrə sizinlə maskaralar (tuşlar) haqqında məlumat verəcəm. Bir çox xanımların makiyajda vazgeçilməzi kirpikləridir Ona görə də maskara seçərkən diqqətli olmaq lazımdı. Elə maskaralar varkı kirpikləri bir-birinə yapışdırır və.s kimi problemlər yaradır
İndi isə keçək tuşlara
1⃣ MAX FACTOR 2000 CALORİ - Kirpikləri gözəl bir şəkildə qıvırır və yuxarı doğru qaldırır. Təmizlənməsidə olduqca rahatdır.
2⃣ ESSENCE İ LOVE EXTREME - Kirpiklərinin daha həcimli olmasını və uzun görsənməsini istəyən xanımlar üçün 1 nömrədir
3⃣ MAYBELLİNE LASH SENSATİONAL - Kirpikləri yapışdırmır, tək-tək ayırır və uzadır
4⃣ LOREAL PARADİSE - Həcm, uzunluq və qıvrımlıq verir😍Maskara fırçasında çoxlu hissəciklər olduğu üçün demək olarkı olmayan kirpiklərinizi belə ortaya çıxarır
5⃣ ESSENCE FALSE LASHES - Kirpikləri çox gözəl bir biçimdə ayırır və uzadır
6⃣ FLORMAR TRİPLE ACTİON - Bu maskaranın fırçasını istəyinizə görə dəyişə bilərsiniz. Günlük istifadə üçün daha çox uyğundur🍓
#makiyaj

Həmçinin buradan da Sizlərlə paylaşdığım tujlara göz ata bilərsiniz 💚😚

İzləyicimizin istəyi üzərinə Sizlərlə yağlı üz dərisi üçün ev şəraitində asanlıqla hazırlaya biləcəyiniz maskaları paylaşıram. 🌝
1) 2 ç.q şəkər tozunun üzərinə yarım limonun suyunu və 1 ç.q balı əlavə edib yaxşıca qarışdırın. Limon üz dərinizi parlaq edəcək və qara nöqtələrin getməsi üçün çox yaxşıdır. Bu qarışımı təmiz üz dərisinə tətbiq edin və 10 dəqiqə saxladıqdan sonra soyuq su ilə yuyun. Həftədə 2 dəfə etsəniz yaxşıdır.
2) İkinci maska eynilə birinci maskadakı kimidir. Yalnız burada Sizə lazım olanlar yarım limonun suyu və 1 ç.q bal olacaq. Qarışdırıb üzünüzə masaj edərək tətbiq edin və 20 dəqiqədən sonra soyuq su ilə yuyun.
3) 1 ədəd pomidorun suyuna makiyaj pambığı batırıb üzünüzə tətbiq edin. 20 dəqiqə saxlayın və soyuq su ilə yuyun.
4) 1 ədəd yumurtanın ağı, 6 dilim doğranmış xiyar, 4-5 ədəd nanə yarpaqları və 1 ç.q limon suyunu blenderdə yaxşıca əzib krem halına gətirin. Daha sonra 10 dəqiqə özünə gəlməsi üçün gözləyin və sonra üzünüzə tətbiq edin, 15 dəqiqə saxlayıb ilk öncə ilıq su ilə, sonda isə soyuq su ilə yaxşıca yuyun. Bu maska ilə üz dərinizin yenilənib daha da parlaq olmasının və yağlılığın azalmasını müşahidə edəcəksiniz. Həftədə iki dəfə etməniz uyğundur.

Sonda qeyd edim ki, yağlı üz dərisinə sahib olan xanımlara üzlərini gündə iki dəfə yumaq tövsiyyə olunur. ❗
#maska

Vazelinin 10 bilmədiyiniz faydası :

Xanımlar, sizə super 10 məlumat verəcəm. Elə bir ev olmaz ki, şkafında vazelin olmasın.Çox gözəl faydaları var. Buyurun bilmədiyiniz 10 fayda♥️♥️♥️♥️
1. Vazelin quru bölgələri nəmləndirmək üçün ideal variantdır. Yayda günəş kremi əvəzinə vazelin də istifadə edə bilərsiniz. Beləcə, vazelin dərinizin daha yaxşı bronzlaşmasını təmin edəcək və gözəl günəş vannası qəbul etmiş olacaqsınız.

2. Vazelinlə özünüz pilinq edə bilərsiniz. Qəhvə, şəkər, dəniz duzu kimi dənəcikli məhsulları vazelinlə qarışdıraraq öz pilinqinizi hazırlayın.
3. Ətrinizin qalıcılığını artırmaq istəyirsiniz? Ətri sıxmazdan əvvəl əl biləklərinizə, boynunuza vazelin sürtün. Qoxunuzun daha qalıcı olacağını fərq edəcəksiniz.
4. Uşaqların dərisində yaranmış bişməcənin qarşısını almaq üçün istifadə edə bilərsiniz. Çəkməzdən əvvəl dərini yaxşıca təmizləyib, qurulayın.
5. Nəmli göz makiyajı dəbi ilə ayaqlaşmaq istəsəniz, bu üsul tam sizin üçündür. Göz kölgəsini çəkməzdən əvvəl bir az vazelin çəkin. Həm dayanıqlılığını artırmış olacaqsınız, həm də nəm görünüş əldə edəcəksiniz.
6. Qaşlarınızı gün boyu sabit saxlamaq üçün təmiz və quru qaşa vazelin sürtün.
7. Kirpiklərinizin tökülməsi və uzanmamasından şikayət edirsinizsə, yatmazdan əvvəl vazelin sürtün. Güclənməsinə və uzanmasına kömək edəcək.
8. Göz makiyaj təmizləyicisi yoxunuzdursa kədərlənməyin. Təmizlənməsi çətin olan, suya davamlı makiyaj vasitələrini asanlıqla təmizləmək üçün vazelindən istifadə edə bilərsiniz. Bir az pambığı isladın, vazelin sürtün və makiyajınızı silin. Vazelin həm dərinizin yaxşılaşmasına kömək olar, həm də qırışlarla mübarizə aparar.
9. Dodaq nəmləndiricisi kimi vazelin istifadə edə bilərsiniz. Dodaqlarınızı həm pis hava şərtlərindən qoruyacaq, həm də qüsursuzlaşdıracaq. İstəsəniz, darçınla qarışdıraraq dolğunlaşdırıcı təsirindən də faydalana bilərsiniz.
10. Saç qırıqlarını aradan qaldırır. Qurumuş saç uclarına vazelin sürtüb 15-20 dəqiqə saxlayın. Bir neçə dəfə istifadədən sonra codlaşmış saç uclarınızın bərpa olunduğunu görəcəksiniz.
#maska

Salam gözəllərim 🥰 İzləyicimizin istəyi ilə bu gün mən Sizlərlə yağlı saçlar üçün dəyərli məsləhətləri paylaşmaq istədim. 🌸
1) Duş alan zaman suyun çox isti olmamasına diqqət edin. Əsasən ilıq su ilə saçlarınızı yuyun. Çünki isti su saç dərisini qurudur. Nəticədə saçlar daha tez yağlanır.
2) Saçlarınızı qurudan zaman isti hava ilə deyil, ilıq hava ilə qurudun.
3) İti uclu daraqdan istifadə etməyin. Saçlarınızı tez-tez darayıb, onlarla çox oynamayın.
4) Saç tipinizə uyğun şampun seçin. Kremli şampunlardan istifadə saçlarınızın yağlanmasına səbəb olur.
5) Balzamı saç diblərinə vurmayın. Belə olan halda saçlarınız tökülə və daha tez yağlana bilər. Balzamı yalnız saçların dibindən 10 sm aşağıdan başlayaraq uclarına qədər tətbiq edin.
6) Həftədə 1 dəfə saçlarınızı sirkəli su ilə durulayın və öz-özünə qurumasını gözləyin.

Qeyd edim ki, yağlı saç dərisinə sahib olan şəxslərə saçlarını tez-tez yumaq məsləhət görülmür. Bilirəm deyəcəksiniz ki, "nə edim yağlı mı qalsın? Xoş görünmür axı..." Amma saçları hər gün yumaq daha da yağlanmanı artırır. Yağlı saçları 3 gündən bir yumaq məsləhətdir. Siz həmçinin saç diblərinizə uşaq pudrası ilə masaj edərək yağlılığı azalda bilərsiniz. Əgər saçlarınız çox tünddürsə və pudra ağ görüntü yaradırsa, o zaman buna da bir çözüm var. Kakao ilə pudranı qarışdırıb tətbiq edin. 💚
#maska

Garnier Skin Naturals BB Krem
Mənim istifadə etdiyim orta tondur, Siz öz dərinizə uyğun olanını seçib istifadə edə bilərsiniz. Günlük nəmləndirici kimi üz dərinizə tətbiq etmək üçün gözəl seçimdir deyə bilərəm. Kremi təmiz üz dərinizə vurun. Qapatıcı təsirini artırmaq üçün bir qat daha vura bilərsiniz.

Qeyd: Sizlərlə öz istifadə etdiyim məhsulların şəklini çəkib paylaşacam.
Əlavə istəkləriniz olduğu zaman müraciət edə bilərsiniz
@gunel083
#makiyaj

Salaamm,qızlarr bu gün sizə 1001 dərdə dərman olan Aloe Vera yarpağı haqqında danışacam. Çooxx xeyirli bir bitkidir. Tibbdə və kasmetologiyada geniş istifadə olunur. İndi isə keçək faydalarına
1)Təmizləyici maska : 2 xörək qaşığı mavi gil + 2 xörək qaşığı su + 2 xörək qaşığı aloe şirəsi, yaxşı qarışdırın və üzünüzə çəkin. 20 dəqiqədən sonra ilıq su ilə yuyun.
2)Cavanlaşdırıcı maskaların tərkibində istifadə etmək olar. Məsələn, 2 xörək qaşığı xama, 5 damcı vitamin A (apteklərdə satılır), 2 xörək qaşığı aloe şirəsi qarışdırılır və təmiz üz dərisinə çəkilir. 20 dəqiqədən sonra maskanı ilıq su ilə yuyun və dəriyə qidalandırıcı krem çəkin.
3) Soyuqdəymə və qrip zamanı əzvay(aloe) şirəsindən 3-4 damcı burun deşiklərinə damızdırılır. Bunu 6-7 gün təkrar etmək lazımdır. Bu zaman tənəffüs rahatlaşır, qrip virusları məhv olur və xəstəlik qısa zamanda yüngülləşir.
4) Üz dərisində problemlər yaranan zaman cizvələr və sızanaqlar olduqda 1 çay qaşığı təzə çəkilmiş aloe şirəsinin üzərinə eyni miqdarda xama və 1 yumurta sarısı əlavə edilir və qarışdırılır. Üz dərisinə çəkildikdən 30 dəqiqə sonra ilıq su ilə yuyulur. Bu maska bir ay ərzində həftədə bir dəfə təkrar olunur.
5) Yaralar və yanıqlar zamanı tənzifi aloe şirəsində isladıb zədələnmiş yerə qoymaq sağalmanı tezləşdirir.


Qeyd : Əzvaydan (Aloe) istifadə edərkən mütləq şəkildə bir məsələyə diqqət yetirmək lazımdır ki, bu dəyərli bitkidən qaydasında istifadə edilmədikdə, yaxud normadan artıq qəbul edildikdə sağlamlıq üçün problemlər yarana bilər. Buna görə də əzvay(aloe) bitkisindən və ya ondan hazırlanmış preparatlardan istifadə etmək qərarına gəldikdə hökmən həkimlə məsləhətləşməyi unutmayın. Və tüklənmə yarada bilir
#maska

Salam əzizlərim.🌸 Gözəlimin sözünə qüvvət. Mən də aloe üçün bəzi nüansları əlavə etmək istədim. Problemli dəri üçün losyon da hazırlamaq olar. İri aloe yarpağı soyulur, blenderdən keçirilir və üzərinə 50 qr tibbi spirt əlavə olunur. 1 gün keçdikdən sonra məhlul tənzifdən yaxşı süzülür. Qızlarım, qeyd edim ki, bu losyonu yalnız problemli yerlərə çəkin. İlk dəfə losyonu (və həmçinin maskanı) dərinin kiçik hissəsində yoxlayın, qızartı və s. allergik reaksiya olmazsa, istifadə edə bilərsiniz. 💚

Şəxsidə mənə bir çox qızlarım yazaraq, saç tökülməsinə qarşı maska istəmişdi. Sizlərin istəyi üzərinə çox gözəl maska paylaşıram. Bu maska sayəsində saçlarınızın tökülməsi sürətlə dayanacaq (təbii ki nəticə əldə edənə qədər davamlı etsəniz) və saçlarınız çox gözəl olacaq. Şiddətlə tövsiyyə edirəm. Maskanın tərkibində zəncəfil bitkisi olduğu üçün yeni saçların da çıxmağını müşahidə edəcəksiniz.
1 ədəd zəncəfil bitkisinin qabıqlarını soyub, sürtgəcdən keçirin. Sonra suyunu süzün, bu suyun içinə zeytun yağı, hind qozu yağı əlavə edib yaxşıca qarışdırın. Bu yağların miqdarını öz saçlarınızın uzunluğuna görə təyin edin (mən 2 ç.q əlavə edirəm). Bu qarışımı sprey qabına tökün və saçlarınıza tətbiq edin. 30 dəqiqə saxlayıb adi qayda ilə yuyun. Ən yaxşı nəticə üçün həftədə 2 dəfə etməyiniz məsləhətdir. 💚
#maska

İzləmədə qalın, növbəti dəfə highlighter (aydınlatıcı) paylaşacam Sizlərlə. Ümid edirəm ki, paylaşdığım postlar Sizə faydalı olur. 🥰
Yazdığınız istəklər üzərinə Sizin üçün ən yaxşılarını araşdırıb, istifadə edib paylaşıram.
İstəklərinizi şəxsidə yazın, mən Günel 7/24 xidmətinizdəyəm, təki faydam dəymiş olsun Sizlərə 💚
@gunel083