Men kelishiklar va ularning qo‘shimchalarini o‘quvchilarga oson tushuntirish metodini tavsiya qilmoqchiman.

“Quvnoq gimnastika” deb nomlangan bu metodni qo‘llashdan asosiy maqsad — harakatli o‘yinlar orqali o‘quvchi­larga yangi bilim berish, fikrlash qobi­liyatini o‘stirish, darsga nisbatan motivatsiya uyg‘otish, mavzuni oson tushuntirishdan iborat. “Quvnoq gimnastika” o‘yinini o‘tkazish uchun o‘quvchilar o‘rnidan turadi.

1. Bosh kelishik — o‘quvchilar ikki qo‘llarini birlashtirib, boshlarining orqa tomoniga qo‘yadilar.

2. Qaratqich kelishigi — o‘quv­chilar o‘ng va chap tomonga burilib qaraydilar.

3. Tushum kelishigi — o‘quvchilar “tushadilar”, ya’ni o‘tiradilar.

4. Jo‘nalish kelishigi — qo‘llarini oldinga yo‘nalti­radilar.

5. O‘rin-payt kelishigi — ikkala qo‘llarining ko‘rsatkich barmog‘i bilan o‘tirgan o‘rinlarini ko‘rsatadilar.

6. Chiqish kelishigi — o‘quvchilar “chiqadilar”, ya’ni o‘rinlaridan tura­dilar.

Bu usul qo‘llanganda o‘quvchilar quvnoqlik bilan mavzuni oson o‘zlashtiradilar. Hatto bo‘sh o‘zlash­tiruvchi o‘quvchiga ham gimnastikamiz juda yoqadi va ikki-uch takror­lashdayoq kelishiklarni yodlab oladi.

Kelishik qo‘shimchalarini ham shu tarzda o‘rganamiz:

1. yo‘q.

2. – ning.

3. – ni.

4. – ga (-ka, -qa).

5. – da.

6. – dan.

Qo‘shimchalarni aytishda ham yuqoridagi harakatlarni takrorlaymiz. Birinchi amalni bajarganimizda aynan “yo‘q” so‘zini aytamiz. Ma’lumki, bosh kelishikda qo‘shimcha bo‘lmaydi.

Men bu amaliyotdan o‘z darsimda foydalanaman va barcha ona tili o‘qituvchilari va ota-onalarga ham tavsiya qilaman. Chunki o‘quvchi­larimizning bilimli va sog‘lom bo‘lishlari barchamizning oliy maqsadimizdir.

Hurmat bilan kanal adminlari☺️

" Mushtingni och " psixologik mashq

Oʻquvchilarni psixologik jihatini oʻrganish va kayfiyatni koʻtarish uchun ajoyib mashgʻulot .

✅ Doskaga ikki oʻquvchi chiqadi . Bir oʻquvchi qoʻlini musht qilib turadi, ikkinchi oʻquvchi esa kuch ishlatmasdan , shaxsiyatga tegmasdan birinchi oʻquvchini mushtini ochishga erishishi kerak boʻladi .

Bu mashq yordamida siz oʻquvchilarning qanchalik taʼsirchan yoki psixologik jihatdan qanchalik mustahkam ekanligini bilib olishingiz mumkin boʻladi .

Siz uchun eng yaxshilari faqat bizda . Bizni kuzatib boring :

Facebook /Telegram kanal /You tube/ Instagram

Kecha oʻquvchilar bilan chorak oxirida darsdan biroz chekinish qildik .

Bilasizlarmi ,  gohida shaxsan oʻzimiz oʻylab topgan metodlarni ham baʼzi  pullik kanal va guruhlarda koʻrib qolib shunchaki biirovning mehnatini pullayotganlarini koʻrib juda ham ranjiydi odam . Endi kanalga metodlarimni joylamayman deb ham qaror qilaman baʼzida 😄😄😄. Ammo mana bu kabi qoldirilgan xabarlarni oʻqib qarorlarim ham esdan chiqib ketadi . Mayli bizni metodlarni pullash  orqali kimdir oilasiga bir ikki soʻm olib kirayotgan ekan bu ham bir savob deyman oʻzimga oʻzim ( lekin ruxsat soʻrashsa boʻladiku 😄😄 ).

Sizga yoqdimi . Fikrlaringizni kutib qolaman ❤️❤️❤️

Ota onalar farzandlarini ragʻbatlantirishsa albatta bolalar yaxshi natijalarga erishadi. Oʻrnak boʻladigan ish boʻlibdi

#esselar_tanlovi

Universitetni bitirib, olti yildan beri o’qituvchi bo’lib ishlayotganimga o’zim ishonmayman ba’zida. Agar uni rang-barang qilib “bezamasang”, o’quv yili ortidan o’quv yili kelib, suvdek o’tib ketaverarkan.
Qizil diplomli, til biladigan matematik hammaga kerak, degan xayollar bilan 2017-yil o’rta maktabga ishga kirdim. Ilk dars o’tgan kunimni aniq eslayman (Bu kun butun umr xotiramda saqlanib qolsa kerak). O’zgacha o’qituvchi bo’lishni reja qilgandim. Dars beradigan sinfimdagi barcha o’quvchilarning ism-familiyasi, suratini maktab bazasidan to’liq o’rganib chiqib, darsda ularni avvaldan tanigandek ismlarini aytib murojaat qilgandim. O’quvchilar bundan hayratlanishgandi va shu orqali sinfga tez kirishib ketgandim.
Birinchi ishimdagi o’quv yilimdan ko’p narsalar kutayotgandim. Dastlabki yildan o’quvchilarimni olimpiadalarda g’olib qilish uchun ularni ko’z ostimga olib, qo’shimcha shug’ullandim. Aslida 7-sinfdan boshlab maktabga nomiga kelib, pul topishga o’tib ketadigan o’quvchilar ichidan bir-ikkitasini zo’rg’a ta’limga qiziqtirib o’qitishardi.
Bu orada “Paxta mavsumi”da ko’rdimki, o’qituvchi bo’lib ishlash, umuman, men kutgan xayollarimdagi narsa emasdi. Men shunaqa o’qituvchi bo’lib ishlash uchun o’qidimmi, deb so’rardim o’zimdan. Hech bo’lmasa, olimpiadachi o’quvchilar bilan chuqurroq ishladim. Fan olimpiadasining maktab bosqichi o’tkazildi. Ne ko’z bilan ko’rayki, tayyorlagan o’quvchim olimpiadaga kelmadi! Onasi shunchaki ruxsat bermagandi. “O’z bolasining kelajagiga shunchalik befarq ota-onalar aybdor bu saviyaga”, degandim o’shanda.
Repetitorlik ham qila boshladim. O’quvchilarni faqat kursga boribgina o’qishga kirishi sabablari haqida o’ylardim. Nimadir xato, derdim maktab ta’limida.
Bu men xohlagan hayot emasdi. IELTS olib magistraturaga ketaman dedim o’zimga. Tezda o’qib sertifikatni oldim. Bu orada Prezident maktablari tashkil etilgani va malakali o’qituvchilarni qabul qilinishini eshitdim. Lekin qiziqmadim. Menda 5 yillik tajriba, toifa kabilar yo’q edi. Bir kuni qo’ng’iroq keldi: Prezident maktabiga suhbatga chaqirishdi, qanday ajoyib! To’rt bosqichli suhbat bo’ldi. Qabul qilishdi!
Yangi sarguzashtlar boshlandi. Yangi jamoa, sara o’quvchilar, yangi dastur, o’qituvchi qadri... Bu aynan men xohlagan joy ekanini his qila boshladim. Yonib ishlash uchun ajoyib joy!
Ish jarayonida, ham mutaxassisligim, ham kasbiy tomondan o’sayotganimni his qilardim. Eng muhimi, maqsadga ega insonlarga ilm berish zavqini tuydim. Darsga yondashuvim o’zgardi. Qattiqqo’l emas, mehribon bo’lish kerakligini, gapirish emas, gapirtirish muhimligini, ko’rsatib berish emas, yo’nalish berish afzalligini angladim.
O’zim uchun xolosalar qilib shuni bilyapmanki, ta’limda yuksalish uchun nima kerak? Avvalo, farzand taqdiriga e'tiborli ota-onalar hamda maqsadga ega bolalar, shuningdek, yaxshi infratuzilmaga ega maktablar. Eng asosiysi esa ilm berib maza qiladigan insonlar, ya'ni jonini, umrini ziyo tarqatishga tayyor pedagoglar!

Umatillayev Nozimjon,
Namangan shahridagi Prezident maktabi

https://t.me/mahoratlipedagog

Bir kanalda koʻrib qoldim . Haqiqatdan ham farzandi taqdiriga eʼtiborli ota onalar , saralangan oʻquvchilar bilan ishlash qanchalar mazzzza . Hamma maktablar ham prezident maktabidek boʻlsa qaniydi 🥹🥹

Kayfiyat

Bugundan taʼtil ekanligini bilgan bolalar 😄😄

Ustozlarga yaxshi hordiq chiqaring , ota onalarga esa sizlarga sabrrrr deb qolamiz 😁😁😁

https://t.me/mahoratlipedagog

Assalomu alaykum qadrli ustozlar , hurmatli obunachilar . Siz bilan suhbat qurmaganimizga ham bir yil boʻlibdi 😄😄. Kirib kelgan yangi 2024 - yil oilangizga tinchlik totuvlik , baxt , saodat , sogʻlik omonlik olib kelgan boʻlsin Ilohim. Ishlaringizga omad , muvaffaqiyat , baraka , rivoj yor boʻlsin . Har qadamda Olloh Oʻzi qoʻllasin.

Yangi yilda barcha yangi rejalar , maqsadlar qilgani aniq . Biz ham yangi yilda sizlar uchun manfaatli boʻladigan ajoyib maqsadlarga bel bogʻlaganmiz . Yaqin kunlarda Xudo xohlasa sizlar uchun yangiliklarimizni taqdim etamiz

Koʻpaytirishning oson usuli

https://t.me/mahoratlipedagog
https://t.me/mahoratlipedagog
https://t.me/mahoratlipedagog