. #احترس_من_رش_المبيد_الفطري

حبايبنا المزراعيين بشكل عام ومزارعيين القرعيات بشكل
خاص احذر من كثرة استخدام ركز في الكلمه انا بقول من كثرة الاستخدام وليس بقول ان المبيد سيء اقراء ياسيدي الفاضل المبيد الفطري الذي يحتوي علي الماده الفعاله #دايفينوكونازول
الموجوده في مجموعة مبيدات كبيره هذه الماده لو زاد.
استخدامه تؤثر بشكل كبير جدآ علي #الجبرلين الطبيعي وهو هرمون الاستطاله الطبيعي في النبات فتجعل النبات في حالة
تقزم والأوراق السفلي عريضه ولو الأوراق أخضر غامق
#الخلاصه_من_البوست
عند استخدامك لهذه الماده لا تزيد التركيز ولا يفضل استخدامها في القرعيات في الثلاثون يوم الأولي من الزراعه لو اخصل عندك.
مشكله ولازم ترش ممكن ترش مانكوزيب او كلورثالونيل
في القرعيه مثل الخيار الكوسه البطيخ الكنتالوب اللب الأبيض

#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#اخوكم_الناشط_الزراعي_محمود_راغب

. #زراعة_الفاصوليا_مهمه_لتقوية_الارض

هو محصول بقولي يعني من عائلة البقوليات عمره سريع في الارض حوالي ٩٠ الي ١٠٠ يوم وهي تزيد من تثبيت النيتروجين
من الجو عن طريق بكتيريا تثبيت الازوت وهي
#الريزوبيا #الازيتوباكتر
يعني المحصول اللي بعديه هايكون النمو ممتاز من بداية الزراعه الي النهايه تقدر تزرع الفاصوليا في عروتين في الارض المكشوفه في الفتره من ١٥ / ٨ الي ١٥ / ٩ وتسمي العروه الخريفي وتزرع في الفتره من ١٥/ فبراير الي ١٥ / مارس وتسمي العروه الربيعي

الصوره من فاصوليا صوب ولكن المنشور عام لتعم الفائده
#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#اخوكم_الناشط_الزراعي_محمود_راغب

. #البورون
الرمز الكيميائي ( B )
عنصر من العناصر الصغري
قبل ما تبداء القراءه علشان ما تفتكرش ان كل المكتوب ده يعني
محتاج كميات كبيره لا خالص كميات ضئيله جدآ جدآ جدآ من
البورون تكفي انه يعمل المكتوب ولكن حابب انك تعرف
معلومات مهمه عنه
#البورون عنصر حامضي ولذلك يفضل رشه وليس تسميده في.
التربه القلويه يعني مصر وجزء كبير من الدول العربيه

البورون ده بقي قصه وحكاية كبيره شويه
ليه لأنه عنصر مغمور يعني مش كل الناس
الطيبه عارفه هو بيعمل ايه بالظبط طيب بص
ياسيدي البورون بيعمل ايه علشان تعرف مدى
أهمية هذا العنصر الرهيب
____________

البورون هو المسؤول عن عملية التلقيح
في النبات لأنه بيزود من حبوب اللقاح ويزيد
من حيوية حبوب اللقاح ويعمل لزوجة في
أماكن استقبال حبوب اللقاح اللي اثناء عملية
العقد علشان كده وصفته انه يبقى المأزون الشرعي

يعني لما حضرتك تلاقي تزهير ونمو خضري كويس
والنبات مش عايز يعقد يبقي انت مقصر في حق
#البورون

له دور كبير جدآ في زيادة النمو الخضري
ولكن بطريقه غير مباشرة عن طريق إنتاجه
للسكريات داخل النبات بالتالي يزيد من السكريات
الكحوليه داخل النبات بالتالي يزيد من النمو الخضري
____________

#البورون

له دور كبير جدا في عمل توازن داخل النبات
بين عنصري #الكالسيوم_البوتاسيوم
يبقى لما يتوفر البورون بشكل صحيح تأكد أنك هايكون
عندك ثمره كبيره بسبب توازن البوتاسيوم
ثمره قويه بسبب توازن الكالسيوم
____________

#البورون
بص بقي العنصر اليي من العناصر الصغري
ده بيعمل ايه

1- هو المسؤول عن بناء قلب الثمار من الداخل
يعني تحس ان الثمره فيها لحمه كتير بلغتنا
احنا بالتالي يعمل معاك وزن بالتالي إنتاج أعلي
2- هو المسؤول عن منع ظاهرة القلب الاجوف
في الثمار اليي هي تحس ان الثمره من جوه
طريه فاضيه مخوخه ممكن تصاب بكل الإعفان
اليي بتيجي للثمار
___________

#سؤال_مرارآ_وتكرارآ_عن_البورون
كيف للبورون تحريك عنصر الكالسيوم اذا كان عنصر
البورون له نفس صفات الكالسيوم انه يكاد يكون غير متحرك فكيف لعنصر بطيء الحركه يحرك عنصر
بطيء الحركه
#الاجابه
يقوم عنصر البورون بزيادة تنشيط هرمون الاوكسين
داخل النبات فيقوم هرمون الاوكسين بتحريك
الكالسيوم داخل النبات
____________

#البورون

يدخل في حركة الهرمونات النباتية وبالأخص
الاوكسينات اللي بدورها بتحرك #الكالسيوم
لكن خد بالك إذا زاد عن الكميه المطلوبه
يحدث تسمم داخل النبات
يعني لازم استخدامك للبورون يكون بحساب
طيب نيجي علي السؤال المعتاد نحط قد ايه للفدان
#الاجابه
ما تزودش عن المعدلات المكتوبه علي العبوه أو
الرجوع لمتخصص لكن ما تزودش من نفسك
____________

#ألبورون
عراض النقص

1- تظهر أعراض النقص في القمم الناميه
في النبات ولا تظهر في الأوراق الكبيره خالص
2-تشوه الأوراق والسيقان
3- تعفن الثمار نتيجة حدوث #القلب_الاجوف
4- الأوراق يكون لونها فاتح في البراعم
تكسر السيقان
____________

#البورون
صوره في السوق العربي
بوراكس لا ينصح باستخدامه غير المتخصصين
وايضآ سميته عاليه جدا وكمان النسب بتاعته
لازم حد فاهم قوي هو اليي يوصفها لأنه لو زاد
هايعمل مشكله كبيره الأحسن والأفضل انك
ما تشتغلش بيه تسميد خالص
____________

#البورون
يفضل الاستخدام رش ورقي فقط دي وجهة نظري

منتجات كثيره في السوق
#كالسيوم_بورون
لمنع ظاهرة عفن الطرف الزهري وزيادة تثبيت العقد

#زنك_بورون
تعمل علي زيادة في التزهير وتثبيت في العقد

#موليبدنم_بورون
لزيادة عملية التزهير وتثبيتها وزيادة التلقيح وثبات
النمو الخضري
____________

#البورون
الهدم في البطاطس والبنجر
بورون عالي لوحده = هدم العرش كما في
البنجر والبطاطس

بس خد بالك ان بطاطس التصنيع لو زاد
كمية البورون تعمل مشاكل لأنها بتزود
نسبة السكر وهذة غير مطلوب في البطاطس
التصنيع طيب لو عايز تصب في بطاطس
التصنيع يبقي سترات بوتاسيوم
____________

#ربنا_يجعلها_خالصه_لوجه_الله_الكريم
لو عجبك المقال اعمل لايك ومشاركه حتى يستفيد غيرنا
#اخوكم_الناشط_الزراعي_م_محمود_راغب

. #عايز_اخلط_الكالسيوم_بس_خايف_اقراء_البوست_ومتخافش
لازم تبقي عارف ان الكالسيوم زيه زي اي عنصر آخر
ممكن يتخلط مع بعض العناصر ولا يقبل الخلط مع الأخري ولكن نظرآ لكثرة صور العناصر التي لايقبل الخلط معاها فكان دائمآ رد المتخصصين بعدم الخلط وذلك يرجع ان المزارع لو خد موافقه بالخلط من متخصص هايخلطه مع أي حاجه ويرجع يقول
المتخصص اللي قال

#السؤال_الاول_هل_الكالسيوم_يخلط_في_الرش
الاجابه نعم
يقبل الكالسيوم الخلط مع منظمات النمو مثلا
#السيتوكينين #الاوكسين #الجبرليين
ويقبل الخلط مع بعض العناصر الأخري ولكن لابد
من تكون الصورة المحمل عليها الكالسيوم قابله للخلط

#السؤال_الثاني
يا بشمهندس في أصناف في السوق كالسيوم
مع ماغنسيوم وبوتاسيوم وزنك وفسفور
#الاجابه
ان دي مركبات بيقوم بتصنيعها كيميائي متخصص
مش اي صورة للكالسيوم هتقبل الخلط مع هذه العناصر وحضرتك مش كيميائي علشان تعرف تعمل التركيبات دي

#السؤال_الثالث
هل الكالسيوم يخلط في التسميد الأرضي
الاجابه
في قاعدة خليها في دماغك اسمها ايه بقي ياسيدي كل ما
هو نترات يخلط مع كل ماهو نترات ازاي بقي شوف
#نترات_الكالسيوم_تخلط_مع
نترات النشادر
نترات الماغنسيوم
حمض النيتريك
نترات البوتاسيوم الخام

#هل_يخلط_مع_المبيدات_الفطريه_او_الحشريه
الاجابه
ممنوع منعآ باتآ خلط الكالسيوم مع أي نوع من
المبيدات لأنهم بيفسدوا بعض مباشرآ

#معلش_يابشمهندس_انت_بتصعب_ليه_الامور_علينا
احنا كمزارعيين بنخلط الكالسيوم مع الفطري وساعات مع الحشري والدنيا جميله وعمرنا ما حصل عندنا مشكله
#اجابتي_لحضرتك
انا بقول النصيحه خالصه لوجه الله عايز تعمل بالكلام
اعمل مش عايز دي أرضك وبراحتك

#ربنا_يجعلها_خالصه_لوجه_الله_الكريم
اعمل لايك وشير لأهمية هذا البوست للمزارعين
#اخوكم_الناشط_الزراعي_محمود_راغب

. #عنصر_الزنك
مميزه من مميزات عنصر الزنك ان الزنك ينشط هرمون الأوكسين الطبيعي في النبات وهذا الهرمون يعمل علي انقسام الخلايا وزيادة التزهير وزيادة العقد والنبات يحتاج منه كميه قليله جدآ

#كيف_يدعم_الزنك_إنتاج_الأوكسين

عند توفر الزنك في النبات يزيد من إنتاج الحمض الأميني #تربتوفان هو يعتبر المادة الأولية لتكوين #الأوكسين_الطبيعي

ولهذا السبب الزنك يساعد في نقل الكالسيوم وبالتالي الحفاظ
علي العقد وعدم تساقط الثمار

#الزنك_يزيد_من_الاستطاله
ولذلك يزيد من أفراز هرمون الجبرليين الطبيعي في النبات ولذلك
يزيد من استطالة الشعيرات الجذريه واستولن البطاطس

#أهمية_الزنك_في_الانتاج_الزراعي
الزنك يحسن من تثبيت الأزهار والعقد، ويزيد من النمو الخضري
يلعب الزنك دور كبير في التلقيح والإخصاب مع البورون

#ربنا_يجعل_كل_مايقدم_خالص_لوجه_الله
اعمل مشاركه ولايك ليستفيد غيرنا
#اخوكم_الناشط_الزراعي_محمود_راغب

. #مميزات_عنصر_المنجنيز_للنبات

اولآ قبل ما تقراء لازم تعرف ان المنجنيز عنصر من العناصر الصغري التي يحتاجها النبات بكميات صغيره يعني مش لما تزود هيبقي كويس ? لا ركز معايا هو عنصر يحتاجه النبات بكميات صغيره والمحاصيل اللي ثمارها تحت الارض تحتاج كميات اكبر شويه وهاتعرف المعلومه دي في البوست اقراء وقولي ايه رأيك

#المنجنيز
يساعد في زيادة النمو الخضري عن طريق انه يساعد تحويل النترات الي نيتريت ثم الي احماض امينيه في النبات ولذلك
يمنع تراكم النترات التي ممكن ان تسبب تسمم نتراتي في النبات

#المنجنيز
يساعد علي سرعة عملية البناء الضوئي عن طريق انه يساعد علي انفصال جزي الماء داخل النبات عن طريق فصل الهيدروجين من الأوكسجين ولذلك يزداد النبات قوه بسبب زيادة تبادل الغازات الذي بدوره يجعل النبات يزيد من سكر الجلوكوز للنبات

#المنجنيز
في المحاصيل الدرنيه البطاطس مثلآ يدخل كمرافق انزيمي مع انزيم اسمه النشا سينثيز المسؤول عن تحويل سكر الجلوكوز الي نشا بسرعه ولذلك يزيد من أحجام ثمار البطاطس الي ٢٠%

#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#اخوكم_الناشط_الزراعي_محمود_راغب

. #اليوريا_بتسقع_الارض

كثيرآ عند التوصيه بسماد اليوريا لبعض المزارعيين في
الشتاء المزارع يقول لا بلاش اصل اليوريا بتسقع أو بتبرد الارض وهذه المعلومه #خاطئه جدآ عند اخواتي المزارعيين

#الصح ان درجة حرارة التربة هي التي تؤثر على سماد
ليوريا وليس العكس وتؤثر بالفائده وليس بالضرر

#افضل_مواعيد_استخدام_اليوريا
في شهر يناير وفبراير حيث تزيد قوة ثبات اليوريا عند
درجة حرارة التربه من ١٢ الي ١٧ درجه مئويه وهذه
الدرجات تكون موجود اكثر في يناير وفبراير

#استخدم_اليوريا_قبل_الري_ولا_بعده
افضل وقت لاستخدامها هو قبل الري مباشرآ لأن اليوريا
عباره عن غاز عند نزول الماء عليها يحدث تلاصف سريع
بينها وبين حبيبات التربه لكن لو استخدمتها بعد الري
هيتطاير منها كثير وتفقد جزء كبير من مفعولها

#يعني_استخدمها_في_وقت_مافيش_مشاكل
في خلال شهري يناير وفبراير اشتغل بيها وانت مطمن
سواء وقت التزهير ووقت العقد مافيش اي مشاكل لو
انت ماعندكش غير اليوريا وتروح تبدل اليوريا بنترات
وتدفع الفرق استخدمها وماتقلقش منها خالص ولكن
ماتزودش الاستخدام
#ربنا_يجعل_كل_مايقدم_خالص_لوجه_الله
اعمل لايك ومشاركه علشان غيرنا يستفيد
#اخوكم_الناشط_الزراعي_محمود_راغب

. #بعد_التقليم_رش_نحاس
دائمآ بعد تقليم الشجر او إزالة الازهار في المانجو او ازالة الافرع الوسطيه في نبات الطماطم السلك لابد من رش نحاس لأن بعد التقليم بيبقى فيه جروح مكشوفة ممكن تكون مدخل للأمراض الفطريه وعند رش مركبات النحاس على مكان الجروح بيعمل كطبقة حماية وبيمنع دخول الفطريات أو البكتيريا اللي ممكن تستمر في النبات بشكل كبير وانت مش شايفها غير لما تكون الاصابه زادت وهذ ممكن يكون ليه اثر ضار علي المحصول

#صور_النحاس_الممكن_استخدامها

١- #اشجار_الفاكهه

الرش علي شجر بعد التقليم يبقي ممكن ترش اي صورة جلوكونات نحاس أو هيدروكسيد أو اوكسي كلور أو كبريتات

٢- #الخضروات_واشجار_الفاكهه_المثمره
الرش في خضروات يبقي الرش صورتين فقط وهما
جلوكونات نحاس أو هيدروكسيد نحاس لأن تأثير السلبي علي
الزهر هايكون مافيش منه اي ضرر

#السؤال_المعتاد_اللي_دائمآ_اتسألوا_معدل_الرش_قد_ايه
الاجابه كل منتج مكتوب عليه معدل الرش الخاص بيه

#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#اخوكم_الناشط_الزراعي_م_محمود_راغب

. #للحفاظ_علي_النبات_من_اعفان_الجذور

#اولآ_تسوية_الارض
تسوية الارض جيدآ قبل الزراعه حتي لا تحدث اعفان بعد الزراعه لأن عدم التسويه يجعل في الارض مطبات تحتفظ بالماء تؤدي بعد ذلك الي زيادة اعفان الجذور وتكون هذه الظاهره اكثر
في الأرضي الطينيه

#ثانيآ_الصرف_الجيد
التأكد من الصرف الجيد حتي لا يحدث اعفان جذور وسبب الاعفان هنا بيكون نتيجة سبب سوء الصرف وخد بالك سوء الصرف يزيد من الاملاح وبالتالي فرصة اعفان الجذور شديده بشكل كبير يعني سوء الصرف مش اعفان بس ده ملح كمان

#ثالثآ_المادة_العضويه
لازم تستخدم سماد بلدي ناشف أو كمبوست لأن الماده العضويه هي روح الارض اولآ تزيد من عملية التنفس للجذور وتزيد من محتوي الأوكسجين في التربه فتقلل فرص الاصابه بالأعفان و تزيد من امتصاص العناصر وبالأخص الفسفور والعناصر الصغري

#رابعآ_كبريتات_النحاس_جنزاره
منتج واحد يحتوي علي عناصر الكبريت والنحاس مع بعض وطبعآ هنا دور النحاس كبير في الوقايه من جميع
اعفان الجذور والكبريت يخفض ph التربه مما يسهل امتصاص جميع العناصر الأخري فيقلل من فرصة الاصابه بالعفن
وايضآ يقبل الخلط مع جميع العناصر في التسميد الأرضي يمنع فقط مع الكالسيوم لازم تعرف ان هذه النقاط البسيطه تفرق في
أرضك بشكل كبير لازم تهتم بيها

#ربنا_يجعلها_خالصه_لوجه_الله_الكريم
اعمل لايك وشير علشان غيرنا يستفيد
#اخوكم_الناشط_الزراعي_محمود_راغب

. #سؤال_يابشمهندس_عايز_اخلط_الكالسيوم

لازم تبقي عارف ان الكالسيوم زيه زي اي عنصر آخر يقبل الخلط مع جميع العناصر لكن المشكله دائمآ بتكون ف #صورةالكالسيوم وهذه الجزئيه هتلاقي شرحها في البوست أمام حضرتك ممكن صوره تخلط مع بعض العناصر وصور اخري لاتقبل الخلط مع الأخري ولكن نظرآ لكثرة مشاكله في الخلط يفضل دائمآ الرجوع للمتخصصين قبل الخلط وذلك يرجع ان المزارع لو خد موافقه بالخلط من متخصص هايخلطه مع أي حاجه وده هيبقي خطاء

#الكالسيوم_يخلط_في_الرش_يابشمهندس_لوسمحت
الاجابه
يقبل الكالسيوم الخلط مع بعض منظمات النمو والعناصر
الطحالب البحريه
الأحماض الامينيه
البورون
السيتوكينين الاوكسين الجبرليك أسيد
#رساله_من_مزارع يا بشمهندس في أصناف في السوق كالسيوم
مع ماغنسيوم وبوتاسيوم وزنك وفسفور
#الاجابه ان دي مركبات بيقوم بتصنيعها كيميائي متخصص مش اي صورة الكالسيوم هتقبل الخلط مع العناصر دي وحضرتك مش كيميائي علشان تعرف تعمل التركيبات دي ولذلك ما تخلطش غير
بمشورة متخصص

#ممكن_تقولنا_الكالسيوم_يخلط_مع_ايه_في_التسميد
الاجابه
في قاعدة خليها في دماغك اسمها ايه بقي بص ياسيدي كل ما هو نترات يخلط مع كل ماهو نترات ازاي بقي بص يا سيدي نترات الكالسيوم هنا عباره ان الكالسيوم في صورة نترات وكل ماهو نترات تخلط مع كل نترات معظم التركيبات الموجوده في السوق تصنع من صور الكبريت وهنا لا يخلط اي كبريت مع الكالسيوم ولذلك يحدث ترسيب مابين منتجات الكالسيوم لو اتخلط مع تركيبه تحتوي علي كبريت ولذلك يخلط مع
#نترات_الكالسيوم_تخلط_مع
نترات النشادر
نترات الماغنسيوم
حمض النيتريك
نترات البوتاسيوم الخام

#الكالسيوم_يخلط_مع_المبيدات_الفطريه_او_الحشريه
الاجابه
ممنوع منعآ باتآ خلط الكالسيوم مع أي نوع من المبيدات
لأنهم بيفسدوا بعض مباشرآ

#معلش_يابشمهندس_انت_بتصعب_ليه_الامور_علينا
احنا مزارعيين بنخلط الكالسيوم مع الفطري وساعات مع
الحشري والدنيا جميله وعمرنا ما حصل عندنا مشكله
#اجابتي_لحضرتك
انا بقول النصيحه خالصه لوجه الله عايز تعمل بالكلام اعمل مش عايز دي أرضك وبراحتك لكن ده غلط كبير

#ربنا_يجعلها_خالصه_لوجه_الله_الكريم
اعمل لايك وشير لأهمية هذا البوست للمزارعين
#اخوكم_الناشط_الزراعي_محمود_راغب

. #فائدة_خلط_البوتاسيوم_مع_المبيدات
البوتاسيوم عنصر أساسي للنبات حيث يساعد في تنظيم حركة
الماء داخل الخلايا تنشيط الإنزيمات
وتحفيز عملية البناء الضوئي.

#عند_خلط_البوتاسيوم_مع_المبيدات_يزيد_من_فعاليتها

في بعض الحالات قد يساعد البوتاسيوم في تحسين امتصاص بعض المبيدات الجهازية داخل النبات لأنه يؤثر على حركة الماء وتنظيم فتح وغلق الثغور مما قد يساعد في توزيع المبيد بشكل
أفضل داخل النبات
يعني تقدر تقول ان البوتاسيوم يزيد من انتشار المبيدات الجهازية
داخل النبات لسرعة حركته وانتقاله لجميع أجزاء النبات

#ملحوظة_مهمه
ليس كل مبيد يمكن خلطه مع البوتاسيوم ولذلك يجب عمل تجربة خلط قبل الرش حتي نتأكد ان المحلول النهائي لم يرسب

#ربنا_يجعلها_خالصه_لوجه_الله_الكريم
اعمل مشاركة ولايك ليستفيد غيرنا
#أخوكم_الناشط_الزراعي_محمود_راغب

. #الماغنسيوم
الرمز الكيميائي Mg
اول حاجه عايزك تعرفها ان التربه المصريه والتربه في
معظم الدول العربيه تسمي تربه قلويه وعنصر الماغنسيوم يتيسر امتصاصه بسهوله في هذه التربه وده فضل كبير من ربنا
علينا ان الماغنسيوم سهل التيسر ____________

#الماغنسيوم_وتحويل_الطاقه_الضوئيه

تبداء من عملية البناء الضوئي و هي عملية تحويل الطاقة الضوئية من الشمس إلى طاقة كيميائية وينتج عنها #سكر_الجلوكوز وهذا هو الغذا الناتج من نواتج عملية البناء الضوئي من عناصر الهامه في تكوين النبات
وهي الهيدروجين والاكسجين والكريون

يتكون جزيء أو صبغة الكلوروفيل داخل البلاستيده الخضراء من عنصر #الماغنسيوم في الأساس ذره مركزيه مع اربع ذرات من النيتروجين ولذلك لا تتكون
الكلوروفيل بدون الماغنسيوم
وهذه الصبغه أو هذه الماده تعمل علي تحويل الطاقة الضوئية الي طاقة كيميائية ولذلك لازم تعرف ان الماغنسيوم ليس فقط لبناء النمو الخضري هنا النمو الخضري هو بداية ولكن الدور اكبر من كده بكتير في تغذية النبات بشكل عام ولذلك لا تؤخر اضافة عنصر الماغنسيوم للنبات لأن بدونه لا يوجد عملية بناء ضوئي
____________

#الماغنسيوم_علاقته_بصلابة_الثمار
اولآ يعمل علي حماية النبات من الفطريات عن طريق دخوله
في ماده اسمها #بكتات_الماغنسيوم تشترك مع
بكتات الكالسيوم المسؤوله عن بناء جدر الخلايا النباتيه
للحماية من اي خطر ممكن يهاجم النبات سواء كان فطر
أو حشرات ثاقبه ماصه أو اكاروس أو بق دقيقي
نسب بكتات الكالسيوم والماغنسيوم نسب تقريبه
فمثلآ نسبة بكتات الماغنسيوم داخل جدار الخلايا
هي حوالي ٢٠% والباقى هو ٨٠% بكتات الكالسيوم وده
يشرح لسيادتك مدي العلاقه مابين الماغنسيوم
والكالسيوم كبيره ازاي في مقاومة الأمراض
------------------------------------------------------------------------

#الماغنسيوم
أعراض النقص
بقع صفراء بشكل كبير جدآ علي الأوراق
وبالأخص بين عروق الأوراق وتظهر في الأوراق
وسط النبات وكمان يعني أعراض نقص الماغنسيوم بتكون في الجزء الوسطي من الشجره او الفرع الحاله الوحيده اللي ممكن تشوف فيها نقص الماغنسيوم علي القمم الناميه ان النبات
يكون بيموت بسبب ان ما بتسمدش

#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#اخوكم_الناشط_الزراعي_محمود_راغب

. #انواع_الاراضي_الصالحه_للزراعه_وعلاقتها_بالسماد_البلدي

#التربه_الطينيه
حبيباتها صغيره مميزاتها شديدة التماسك مما تحافظ علي عدم فقدان الماء وعدم فقدان العناصر في التربه لو زادت مياه الري يحدث تماسك لهذه الحبيبات بالتالي تزيد فرصة الاصابه بأعفان الجذور نتيجة لزياده المياه بالتالي يزيد الماء الأرضي علي حساب الهواء الأرضي ولذلك لابد من اضافة #السماد_البلدي الذي بدوره يزيد من كمية الهواء الأرضي عن طريق البكتيريا النافعه مما يقلل
من التأثير الضار لفرصة الاعفان

#التربة_السلتيه
وهي خليط ما بين الطين والرمل ممكن تقول زي ما بيحب المزارع يقول فيها عرق رمل وهذه التربه تكون افضل الأراضي ويفضل اضافة السماد البلدي لزيادة خصوبة التربه مميزات هذه التربه لا تحتفظ بالماء كثيرآ ولا تصرف الماء كثيرآ مما يجعل التوازن بين كمية الهواء الأرضي والماء الأرضي وتقل فرصة الاصابه بالاعفان ولذلك يفضل استخدام #السماد_البلدي
الذي يزيد من خصوبة التربه

#التربه_الرمليه
حبيباتها كبيره مما تساعد علي تصريف الماء بسرعه وايضآ بخر المياه فيها يكون كبير مما يجعلها تفقد الماء بسهوله وهذه الارض يكون كمية الهواء الأرضي اكبر من الماء الأرضي وهذا ناتج من الفراغ الكبير بين حبيبات الرمل ولذلك يفضل اضافة #السماد_البلدي الذي بدوره يقوم بتماسك حبيبات الرمل الذي
يزيد خصوبة التربه وتقليل الفاقد من الماء والعناصر
الصورة شريحةمن محضراتنا بفضل الله
#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#اخوكم_الناشط_الزراعي_محمود_راغب

. #الفسفور_مهم_في_هذه_الأيام

مع ارتفاع درجات حرارة الشتاء يزداد معدل التنفس في النبات مما يؤدي إلى استهلاك كميات كبيرة من مخزون الكربوهيدرات والسكريات. كلما زادت درجة الحرارة، زادت سرعة التنفس
وبالتالي زاد معدل فقد الطاقة داخل النبات

#دور_الفسفور هنا أساسي جدًا لأنه يساعد في تحسين كفاءة استخدام الطاقة داخل النبات، مما يحافظ على تناسق توزيع
الطاقة في العمليات الحيوية المختلفة

#الفسفور_بيزود_انتاج_مكونات_الطاقه

١- الفسفور هو المكون الرئيسي في جزيئات ATP
أدينوسين ثلاثي الفوسفات وهي المصدر الأساسي للطاقة في
الخلايا النباتية
٢- كلما فقد النبات جزءًا من مخزون الطاقة، يكون من المهم توفير مستويات مناسبة من الفسفور لضمان استمرار العمليات
الحيوية بشكل متوازن
٣- الفسفور لا يقتصر دوره على التزهير والتجزير فقط، لكنه عنصر أساسي في نمو النبات، تكوين الثمار، وتحسين جودة
السكر في الثمار

احرص على التوازن في التسميد الفوسفاتي بحيث يكون
متناسق مع باقي العناصر الغذائية لضمان أفضل نتائج
للنمو والإنتاج

#ربنا_يجعلها_خالصه_لوجه_الله_الكريم
شارك_البوست_ليستفيد_غيرك
#اخوكم_الناشط_الزراعي_محمود_راغب

. #توصيات_مهمه_للمزارعيين_هذه_الفتره

الفتره من ٣ فبراير الي ١٧ فبراير درجات حرارة غير منتظمه النهار تميل حرارة عاليه والليل برد والارصاد تتوقع أن من يون الأربعاء ٥ فبراير ان درجات الحرارة هاتنخفص بشكل كبير ولذلك
في احتماليه شديده جدآ للاصابه بالامراض الفطريه
لازم تكون عامل احتياطات لهذه الفتره لمقاومة الضرر
للمقاومه اهتم برش المبيدات التي تحتوي علي
جزء وقائي وجزء علاجي بالاخض حبايبنا
مزارعيين. #البطاطس علشان الندوة المتاخره
مزارعيين. #البصل_الثوم البوترايتس والاستيمفليوم
مزارعيين. #الكمون لفحة الكمون واعفان الجذور
مزارعيين البنجر #التبقع_السركسبوري_والصداء
مزارعيين القمح #التبقع_السبتوري
مزارعيين الفول. #التبقع_البني_الصداء_الانثراكنوز
مزراعين الفراوله والخيار #البوترايتس

لازم ترش ازوكسي ستروبين مع تيبوكونازول
أو سيموكسانيل مع دايمثومورف
أو ترايفلوكسي ستروبين مع تيبوكونازول
أو مانكوزيب مع ازوكسي مع بيرمثانيل
او ازوكسي ستروبين مع بيرمثانيل

#ربنا_يجعلها_خالصه_لوجه_الله_الكريم
اعمل لايك وشير علشان اخواتنا المزارعيين يستفيدوا
#اخوكم_الناشط_الزراعي_م_محمود_راغب

. #تركيبه_مهمه_جدآ_للامراض_الفطريه

بعد المطر اليوم وبعد الرياح الذي حدثت في بعض الأماكن من الجمهوريه لازم ترش اللي هاقولهولك لحماية زرعك من الفطريات

#هذه_التركيبه_ترش_لأي_محصول_في_هذه_الفتره
ايرس بروتكت + بيراكلوستروبين + تيبوكونازول
او جلوكونات نحاس + ترايفلوكسي ستروبين + تيبوكونازول

لماذا هذه التركيبه لأن هنا ثلاث مواد لها ثلاث تأثيرات مختلفه
علي الفطريات تعمل علي مجموعه كبيره بشكل عام

#ايريس_بروتكت جلوكونات النحاس تطهر مكان الجرح لو حدث بعد الرياح وتمنع تكون الفطريات والبكتيريا في منطقة الجروح وتأثيرها بالاملامسه وسريعة الانتشار علي الأوراق مما يساعد
اكثر في عملية المقاومة

#بيراكلوستروبين ماده شبه جهازيه تدخل بسرعه الي الأوراق يعني لو حدث أصابه وتجاوزت النحاس تلحق بيها هذه الماده وايضآ من مميزاتها التصاقها بالطبقه الشمعيه علي الأوراق مما
يجعلها تقاوم الغسيل في حالة الامطار

#تيبوكونازول هذه الماده جهازيه تتحرك داخل اللحاء والخشب مما يجعلها سريعة التأثير علي الفطر اذا اخترق الأوراق وايضآ هذه الماده ممكن ترشها لو حدث مطر بعدها بساعتين لا تقلق لأن.
المبيد بالفعل هايكون قد اخترق النبات

#الأمراض_المستهدفه
البياض الزغبي البياض الدقيقي الندوه البدريه الندوه المتأخرة
البوترايتس تبقع الاستيمفليوم اللطعه الارجوانيه صداء القمح
اعفان ثمار الفراوله التبقع الشيكولاتي في الفول

#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#أخوكم_الناشط_الزراعي_م_محمود_راغب

https://www.facebook.com/share/1JBGqeBAkT/?mibextid=rS40aB7S9Ucbxw6v
لينك الفيس بوك

#انتظرونا_انهاردة_بإذن_الله
اي حد عندة سؤال في اي حاجة في الزراعة يجهزة وان شاء الله ربنا يقدرني وارد على حضراتكم جميعا انهاردة
. #ربنا_يجعلها_خالصه_لوجه_الله_الكريم
#اخوكم_الناشط_الزراعي_م_محمود_راغب

. #الثوم_لايصاب_بالبياض_الزغبي

ياجماعة الخير يا مزارعيين الثوم الثوم منيع الاصابه بالبياض الزغبي يعني صعب جدآ جدآ ان الثوم يصاب بالبياض الزغبي
ولو اتصاب هايكون ضعيف جدآ جدآ جدآ علي الثوم وليس له
تأثير سلبي علي الثوم

. #وهذا_لأن_الثوم
يفرز نوع من المضادات الحيويه التي تعمل علي مقاومة الثوم من
هذا المرض

#ليه_بتكتب_كده_يا_بشمهندس_محمود
علشان شوف ناس كتير تضررت من التوصيف الخطاء للمرض بيكون المرض بوترايتس ويتم توصيفه علي انه بياض زغبي
وبالتالي يتم رش مبيدات ومواد فعاله ليس لها علاقه بالبوترايتس
وبالتالي تزداد الاصابه وحضرتك مش واخد بالك بسبب انك.
بترش مبيدات علي مرض هو مش موجود اصلآ

#ربنا_يجعلها_خالصه_لوجه_الله_الكريم
اعمل مشاركه ولايك ليستفيد غيرنا
#أخوكم_الناشط_الزراعي_محمود_راغب