📣 Shoshiling, konferensiyaga ro‘yxatdan o‘tish tugashiga oz qoldi!

🔔 “O‘zbekistonda nomoddiy madaniy meros muhofazasi va targ‘iboti” mavzusida ilmiy-amaliy konferensiya o‘tkazish rejalashtirilganligi haqida xabar berilgan edi.

✅ Konferensiyaga qatnashish uchun ro‘yxatdan o‘tish 1-mart kuni (shu kunning o'zida ham qabul qilinadi) yakunlanadi.
Kechiktirilgan va talabga javob bermaydigan maqolalar qabul qilinmaydi.

➡️ Murojaat uchun: +998 33 970 05 05 – Islombek O'rinov, Telegram: @intangibleUz

🗣 Vazirlikning rasmiy sahifalariga obuna bo‘lish:
🚀 Telegram | 🌐Instagram | 🌐 Facebook

Ta’ziya

O‘zbekiston xalq baxshisi Qalandar baxshi (Ro‘zimboy Normatov) 73 yoshida vafot etdi.

Xorazm baxshichilik, dostonchilik maktabining yirik nomoyondalaridan biri bo‘lgan Ro‘zimboy (Qalandar baxshi) Normatov 1951-yil 15-iyunda Xorazm viloyati, Shovot tumanida tavallud topgan. U 1990-yil Toshkent davlat madaniyat institutini tamomlagan.

Qalandar baxshi xalq ijodiyotining an’anaviy xalq termalari, dostonlari, xalfa qo‘shiqlari va masxarabozlik yo‘nalishlarini o‘z ichiga qamrab olgan "Avazxon" folklor etnografik xalq ansambli badiiy rahbari sifatida ko‘p yillar faoliyat yuritgan.

Qalandar baxshi qadimiy dostonlardan "Oshiq Gʻarib va Shohsanam"," Tohir va Zuhra", "Oshiq Mahmud"," Sayotxon va Hamro", "Go‘ro‘g‘li" dostonlari turkumiga kiruvchi "Baziryon",
"Avazxon", "Xirmondal" kabi qator dostonlarini kuylash bilan birgalikda, bizgacha faqat mazmunlari orqaligina yetib kelgan qadimiy "Yusuf Ahmad" dostonining qayta tiklanib ijro etilishiga munosib hissa qo‘shgan.

2001-yilda baxshichilik sohasidagi mehnatlari uchun “O‘zbekiston xalq baxshisi” unvoni bilan taqdirlangan.

Madaniyat vazirligi marhumning oila a’zolariga chuqur hamdardlik izhor etadi.

🚀 Telegram | 📷 Instagram | 🔵 Facebook

#Bugun_tunda_kelarmish_bahor

Derazangdan mo‘ralab asta,
Gul yuzinga bo‘lib shikasta,
Uzun qishga siltab qo‘lini,
Ham qalbingdan boshlab yo‘lini,
To`qqiz oyki, yelarmish bahor,
Bugun tunda kelarmish bahor...

Ijroda: Respublika baxshichilik san'atiga ixtisoslashtirilgan maktab-internati o'quvchilari.

🟢 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook

#Yurtimda_bahor

🌸 Bahor – uyg‘onish fasli. Qadimda ota-bobolarimiz bu oyni nihoyatda iliqlik bilan kutib olishgan. Insoniylik tuyg‘ularini tarannum etgan lapar, doston, tez aytish, o‘lan kabi kuy-qo‘shiqlar bilan bir-birlarining ko‘ngliga samimiyat, tarovat, xushnudlik ulashgan.

🌷 Qishdan eson-omon chiqqanlari uchun sevinishgan, yaxshi niyatlar bilan ko‘chatlar o‘tqazishgan, gullar ekishgan. Dalada ekin-tikin va dehqonchilik ishlarini boshlab yuborishgan. Ko‘kalamzorlashtirish ishlarini uyushqoqlik bilan o‘tkazishga harakat qilishgan. Umumxalq hasharlarini o‘tkazishgan: ariqlar tozalangan, turar joylar, bog‘u rog‘lar, ko‘chalar obodonlashtirilgan.

✨ Doshqozonlarda milliy taom bo‘lmish sumalak pishirib tarqatilgan, yetim-yesirlar, faqir-miskinlar, beva-bechoralar, keksalar holidan xabar olingan. Bahorning farahbaxsh havosidan to‘yib-to‘yib nafas olib ruhiyatlari ko‘tarilgan. Mahalla ahli o‘zaro yig‘ilib yurt tinchligi, mamlakat ravnaqi, el obodligi, elus birdamligi, avlodlar kamolini so‘rab duolar qilishgan.  

💐 Darhaqiqat, bahor - go‘zallik, yangilanish, sayqallanish, dehqonchilik, orzu-umidlar fasli.

🟢 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook

#teatr
#repertuar

🎭 Bahorning ilk kunidagi teatrlar repertuari bilan tanishing

👉 Batafsil

🟢 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook

#OAV_biz_haqimizda

📺 O‘zbekiston teleradiokompaniyasining “Assalom O‘zbekiston” tongi dam olish dasturida Jizzax ixtisoslashtirilgan san’at maktabi o‘qituvchisi Mohruza Puxarova mehmon bo‘ldi.

🟢 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook

Xabaringiz bor, prezident Shavkat Mirziyoyev Xorazm viloyatiga tashrifi davomida Qoraqalpog‘istonning Amudaryo tumaniga borib, Amudaryodagi yangi ko'prikning ochilish marosimida ishtirok etdi.

“O‘zbekistonda xizmat ko‘rsatgan madaniyat xodimi” Gavhar Ibodullayeva Amudaryodagi yangi ko'prikning ochilishi haqida o'z fikrlarini ma'lum qilib, "Bu nafaqat Xorazm, balki Qoraqalpoq elining ham asriy orzularidan biri edi"-deya ta'kidladi O‘zbekiston-24 telekanaliga bergan intervyusida.

🟢 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook

🇺🇿 🇺🇿 Amudaryodagi yangi ko'prikning ochilishi munosabati bilan Qoraqalpog‘iston Respublikasida xizmat ko‘rsatgan artist Ko‘pjursin Allanazarov o'z fikrlarini bayon etar ekan, "Yangi ko‘prik do‘stligimizni yanada mustahkamlaydi"-deya xursandchiligini izhor etdi.

🟢 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook