Festival doirasida muzokara

Ayni paytda 24 – 30-sentabr kunlari bo‘lib o‘tadigan S.A.Gerasimov nomidagi Butunrossiya davlat kinematografiya universiteti (VGIK) ning “Kino ta'limi: MDHga a'zo davlatlarning qo‘shma ta'lim loyihalari” xalqaro kinofestivalida ishtirok etish maqsadida Rossiya Federatsiyasida bo‘lib turgan o‘zbekiston delegatsiyasi rahbari, O‘zbekiston davlat san'at va madaniyat instituti rektori v.b. E.U.Shermanov hamda Butunrossiya davlat kinematografiya universiteti (VGIK) rektori, akademik V.S.Malishev o‘rtasida uchrashuv bo‘lib o‘tdi.

Muzokaralar chog‘ida kino ta'limi sohasini yanada rivojlantirish, hamkorlikda sohada raqobatbardosh kadrlar tayyorlash dasturlarini ishlab chiqish va o‘zaro tajriba almashish istiqbollari muhokama qilindi.
Ma'lumot o‘rnida, festival doirasida madaniyat va san'at sohasiga ixtisoslashgan rus oliy ta'lim muassasalari bilan ikki tomonlama shartnoma imzolash hamda O‘zDSMI talabalari tomonidan tayyorlangan 4 ta qisqa metrajli filmlar namoyish etilishi rejalashtirilgan.

💬 Telegram | 🌐 Instagram

🌐 Facebook | 🌐 Web

“Olovuddinning sehrli chirogʻi”

“Chiroqni ishqalaysiz, ichidan bahaybat Jin chiqib keladi!” Bu bolalar uchun juda sevimli va qiziqarli syujet. Arab xalq ertagi asosida koʻpgina talqinlari yaratilgan.

Bugun Oʻzbekiston davlat yosh tomoshabinlar teatrida Toshkent shahar Yunusobod tumani 5-umumiy o'rta taʼlim maktabi oʻquvchilari uchun “Olovuddinning sehrli chirog'i” spektakli rus tilida namoyish etildi.

Sahnalashtiruvchi rejissyor Sherzod Ahmedov, rassom Yevgeniya Biserova, kompozitor Bahodir Zokirov. Rollarda Fayzulla Asqarov, Asal Ahrorxoʻjayeva, Abdulloh Ismailov va boshqalar.

Mashhur arab ertaklaridan biri boʻlgan “Olovuddinning sehrli chirogʻi” motivlari boʻyicha sahnalashtirilgan mazkur spektaklda ritmik musiqa, zamonaviy raqs va qoʻshiqlarga alohida urgʻu berilgan boʻlib, dekoratsiyalar va sahna bezaklari oʻrnida zamonaviy texnologiyalardan foydalanilgan. Qiziqarli spektakl yosh tomoshabinlar tomonidan iliq kutib olindi.

💬 Telegram | 🌐 Instagram

🌐 Facebook | 🌐 Web

Hududlarda korrupsiyaga qarshi kurashish bo‘yicha o‘quv seminarlari davom etmoqda

Jizzax ixtisoslashtirilgan san’at maktabida bo'lib o'tdi. Jizzax viloyat musiqali drama teatri, Jizzax shahar 1-sonli bolalar musiqa va san’at maktabida bosqichma-bosqich barcha madaniyat tizim tashkilotlari uchun davra suhbatlari va seminarlar bo‘lib o‘tishi rejalashtirilgan.

Unda madaniyat tizimida korrupsion holatlarga qarshi kurashish, noxush vaziyatlarni oldini olish va muammolarni bartaraf etish bo‘yicha muhokamalar o‘tkazilib, taklif va mulohazalar ko‘rib chiqiladi.

💬 Telegram | 🌐 Instagram

🌐 Facebook | 🌐 Web

Qiziltog‘liklar uchun yana bir tuhfa

Toshkent viloyati hokimi Zoyir Mirzayev, OKMK boshqaruv raisi Abdulla Xursanov hamrohligida Parkent tumani Qiziltog‘ shaharchasidagi «Chotqol» madaniyat saroyi binosining ochilish marosimida ishtirok etdik.

Aytish kerakki, qisqa muddatda qayta ta’mirlanib, zamonaviy ko‘rinish olgan mazkur madaniyat saroyi 336 o‘rinli katta tomoshalar zaliga ega va bu ko‘psonli aholi uchun konsert dasturlari, tomoshalar, tanlov va taqdirlash marosimlarini sifatli tashkil etish imkonini beradi. Shuningdek, zamonaviy kutubxona, badiiy to‘garaklar xonalari musiqa asboblari, musiqiy markazlar hamda ko‘chma sahnalar bilan ham ta’minlangan.

Bir so‘z bilan aytganda, «Olmaliq kon metallurgiya kombinati” AJ homiylik mablag‘lari hisobidan zamonaviy ko‘rinishga keltirilib, jihozlangan ushbu maskan xalqimizga uzoq yillar xizmat qilib, san’atsevar, iqtidorli yoshlarimiz uchun mahoratlarini toblash, katta sahnalarga qadam qo‘yishlarida pillapoya bo‘la oladigan o‘ziga xos maskanga aylanadi.

Madaniyat vaziri
Ozodbek Nazarbekov

💬 Telegram | 🌐 Instagram

🌐 Facebook | 🌐 Web

“Do’ppi” nomli yangi spektakl sahnalashtirilmoqda

Andijon viloyati qo‘g‘irchoq teatrida o‘ziga xos uslubdagi, o’zbek milliy qadriyatlari aks etgan, sarguzashtlarga boy "Do‘ppi" spektaklining repititsiya jarayonlari qizg‘in tarzda davom etmoqda.

Muallif Hilolaxon Ziyayeva, rejissyorlar Dilmurod Shayxov hamda Rashit Chuqqiyev, rassom Furqatbek Hamidov. Aktyorlar Nigora Kazakova, Dadajon Otajonov, Mavluda Parpiyeva, Akrom Majidov, Hayotbek Aliboyev, Shamsiddin Mo‘ydinov va boshqalar.

Spektaklda do‘ppining xususiyatlari, qanchalik qadrli ekani alohida e'tirof etiladi.

💬 Telegram | 🌐 Instagram

🌐 Facebook | 🌐 Web