* * *
Чайир қанотингиз шамширдек кескир,
Ҳадемай етасиз иссиқ элларга.
Лекин бўлаверманг бу қадар сезгир,
Менсимасдан қаранг совуқ елларга.

Сиз ҳақ. Бунга ҳеч ким шубҳа қилмаган.
Бугун мен илк дафъа шубҳа қиламан.
Турналарим. Тўхтанг. Мен сиз билмаган
Қутлуғ бир ҳикматни биламан.

Ахир мен сиз келгач барқ уриб неча,
Сиз кетгач неча бор сўлиб кўрганман.
Сизни танимадим бугун ё кеча,
Мен сизнинг юракда бўлиб кўрганман.

Турналарим, кетиб қолмасангиз, бас,
Шундай бир мўъжиза беражакдир юз —
Бошланишга қишнинг юзи чидамас,
Тамом бўлай деса, уялади куз...

https://t.me/M_Abdulhakim

СЕН, ЖОНИМ, МАНА ШУ
БОҒЛАРНИКИСАН

(туркумдан)

Боғларда хазонлар сипоҳи
Азалдан музаффар бир лашкар...
Бугун менга қарши андуҳлар
Бирлашган... бирлашган... бирлашган...

Бирон-бир меҳрибон кўринмас
Навоий куйлаган саф аро.
Япроқлар тўкилар тинимсиз —
Заъфарон... заъфарон... заъфарон...

Аста-секин қош ҳам қорайди,
Ҳамроҳдирман ёлғиз менга ман.
Бир куйни куйлайман тинимсиз —
Енгаман... енгаман... енгаман...

Сокинликдан қаттиқ димиққан
Борлиғим шаҳд тилар, ғулу тилар.
Ёғиб ёғмас, тарқаб тарқамас
Булутлар... булутлар... булутлар...

Ҳали юлдузлардек чарақларим бор
Бордир булутлардек бўзларим.
Бўлгим келаётир осмоннинг
Кўзлари... кўзлари... кўзлари...

https://t.me/M_Abdulhakim

Kelaman, deb va'da berganding...

Matnazar Abdulhakim

Ирода Раҳмоналиева ижроси

* * *

«Сўзларида - эзгу бир ният
Кўзларида мусаффо матлаб.
Қашшоқликни алқаб куйлар у,
Куйлар у бойликни лаънатлаб.
Юрагимга босай дейману,
Ҳар каломи дардга дорунинг...
Қўшиғига ишонолмайман,
Овозида шира бор унинг».

© Матназар АБДУЛҲАКИМ

@M_Abdulhakim
https://t.me/joinchat/AAAAAFMinnToJEu--B39wQ

ХОРАЗМ НОНИ

2010-йил эди чамамда. Биз Мустақиллик байрами арафасида бир гуруҳ таниқли санъаткор ва адиблар билан Хоразмга борган эдик. Ўшанда гуруҳимизни устоз Матназар Абдулҳаким бошчилигида воҳа ижодкорлари кутиб олди. Матназар оғани кўриб тадбирларимиз жуда сермазмун ўтишидан хурсанд бўлдик. Ўшанда шоира ва таржимон Гўзал Бегим "мозорбосди" деб устозга бир дона патир нон берган эди. Ўзимизча арзигулик совға олиб келмаганимиздан хижолат эдик. Ўшанда устоз кўзларимиздан ҳолатимизни англаб: "Ҳозир менга бир одамнинг жонини совға қилдингизлар, шу бир нонни деб бир пайтлар, қаҳатчилик йилларида қанчадан-қанча одамларнинг жони узилган", деган эдилар. Ўшанда биз бир нон қадри қанчалар юксак эканини англаган эдик. Янги ёпилган Хоразм нонини кўрсам устоз айтган шу ҳикмат доим ёдимга тушади...

Халқимиз эҳтиромига сазавор бўлган шоир ва таржимон, адабиётшунос Матназар Абдулҳаким чин маънода устоз мақомига эга шахс эди. Ушбу кун ҳам устозни хотирламасдан имконимиз йўқ, чунки у кишининг ёзганлар ёшларга ибрат вазифасини ўтаб, ижодий мероси ўз кўламини кенгайтириб бормоқда. Ишонамизки, севимли шоиримизнинг некбин шеърлари ҳали кўплаб авлодларга йўналиш топишда йўлчи юлдуз бўлиб хизмат қилади. Устоз шеърият ва ҳаёт мураббийси бўлиб юракларимизда сақланиб қолади. Устоз Матназар АБДУЛҲАКИМ руҳлари ёруғ ва жойлари жаннатдан бўлсин!

Тиллар ўлар экан баъзан оҳиста, 
Юрагимда яро сўзимни айтинг.
Ҳар бир марҳум сўзнинг устида йиғлаб, 
Сиз албатта “Қаро кўзум"ни айтинг.

©Матназар Абдулҳаким

БЕБАҲО САТРЛАР

БЕҲИ

Бир жуфт беҳи келтирган эдинг,
Бир-биридан хушбўй, муаттар.
Мен уларни қаттиқ соғиндим
Ва сарғайдим беҳидан бадтар.

Мана, яна беҳилар пишди
Фироқ фасли, ҳижрон мавсуми.
Меваларнинг энг бир ҳазини,
Меваларнинг энг бир маъсуми.

Кезмакдаман беҳизорларни,
Бир беҳи йўқ бошин эгган.
Заъфарон бу мевалар сағир,
Ҳеч бирига қўлинг тегмаган.

Сенсиз бутун дунё бежизим,
Сенсиз бутун дунё беҳудам.
Ҳамуқубат, ҳамдардим билиб,
Ҳол сўрайман ҳар бир беҳидан.

Хаёлимда бошқа мевалар
Минг бор инкор, минг бор рад бўлди.
Дунёда бор ҳикмат якуни
Жуфт беҳидан иборат бўлди.

Келмасанг-да тонглар отмоғи
Ва кунларнинг ботмоғи мумкин.
Лекин менга тинчлик бермайди
Келтирганинг жуфт беҳи тун-кун.

Айланди ул бири қуёшим,
Айланди ул бири ойимга.
Армон билан бошқа беҳилар
Тўкилади бир-бир пойимга.

©Матназар АБДУЛҲАКИМ

@M_Abdulhakim
https://t.me/joinchat/AAAAAFMinnToJEu--B39wQ

СЕН, ЖОНИМ, МАНА ШУ
БОҒЛАРНИКИСАН

(туркумдан)

Боғларда хазонлар сипоҳи
Азалдан музаффар бир лашкар...
Бугун менга қарши андуҳлар
Бирлашган... бирлашган... бирлашган...

Бирон-бир меҳрибон кўринмас
Навоий куйлаган саф аро.
Япроқлар тўкилар тинимсиз —
Заъфарон... заъфарон... заъфарон...

Аста-секин қош ҳам қорайди,
Ҳамроҳдирман ёлғиз менга ман.
Бир куйни куйлайман тинимсиз —
Енгаман... енгаман... енгаман...

Сокинликдан қаттиқ димиққан
Борлиғим шаҳд тилар, ғулу тилар.
Ёғиб ёғмас, тарқаб тарқамас
Булутлар... булутлар... булутлар...

Ҳали юлдузлардек чарақларим бор
Бордир булутлардек бўзларим.
Бўлгим келаётир осмоннинг
Кўзлари... кўзлари... кўзлари...

https://t.me/M_Abdulhakim

* * *
БЕБАҲО САТРЛАР

Мужассамдир ёғду билан зулумот,
Чарос кўзларингнинг қаролиғида.
Ноумид, умидвор маъюс ҳамда шод,
Яшайман икки ўт оралиғида.

Сен тараф отлансам - қаҳринг бир дунё,
Отланмайин десам - меҳринг бир жаҳон.
Тарк этиб кўзларни муборак зиё,
Беркилиб қолгудек йўллар ногаҳон.

Борлигимга ботдинг мисли тўлин ой,
Ғамгин ватан бўлдим маҳзун бу моҳга.
Сен билан кезганим ҳар бир қадам жой,
Aйланди мен учун зиёратгоҳга.

Жонда қол, бергандек сафҳага зеб байт,
Ҳар тонг дил илк севги қўшиғин айтсин.
Садоқат қуруқ бир сўз эмас деб айт,
Сочларим оқариш фикридан қайтсин.

Матназар АБДУЛҲАКИМ

Сен билан кезганим ҳар бир қадам жой,
Айланди мен учун зиёратгоҳга.

Матназар Абдулҳаким.

СОКИНЛИКДА

Жуда, жуда секин ўтаётир вақт.
Рўдапо тайсалда — юксак малака.
Тисарилиб олиб ҳар қайсар лаҳза
Сабрим, тоқатимни қилар калака.

Офтобга илтижо қиламан бот, деб,
Ҳар бир шуъласига айлаб тоатлар.
Ўзни даҳо санаб юрган тентакдек
Асрликни даъво қилар соатлар.

Тахмондан ёстиқдек қулайди харсанг,
Гўё бошимга ҳеч таҳликаси йўқ...
Парвоз қилиб келар пардек оҳиста
Юрагимга қараб узилган бир ўқ.

©Матназар АБДУЛҲАКИМ

@M_Abdulhakim
https://t.me/joinchat/AAAAAFMinnToJEu--B39wQ

"Matnazar Abdulhakim"

Shonazarova Shabnam,
Xiva shahar 2-IDUM 9-sinf o‘quvchisi

@M_Abdulhakim

Матназар аканинг янги фотосуратлари топилди. Суратлар тарихи ҳақида яқин кунларда ҳикоя қиламиз...

Men seni sevaman... o, qursin esim,
Nahotki «Men» — ega?.. «Sevaman» — kesim?..
Qoidaga mahkummiz buncha nega biz?
Muhabbat emasmi, axir, egamiz?..

Matnazar Abdulhakim

@Chilzarra