مڪتبتي للتقديم على الجامعات 𖣂

📌

🤍

✅ مساء الخير طلابنا الاعزاء ، طلاب السادس المقبلين على الجامعات ♡

ڪونك خريج سادس اكيد مراح تعرف هواي شغلات فبدورك تسأل وبدورنا نجاوبڪم ونوضحلڪم النقاط واي شيء ثاني حاب تسأل عنه اسال بالتعليقات ونجاوبك 🤨

✈️

قبل ما نبلش شوف اول رسالةه من هنا

➡️

🚩 اذا نفتح التقديم گبل أقدم لو عادي اتاخر ؟ ❌

✅ لا أصبر ، شوف معدلك شگد ، شنو رغبتك ، اجمع معلومات عن الاقسام الي تحبها وتريد تقدم عليها ، سويلك مسودة ويوميةه اصفن بيها ممكن تريد تحذف قسم ممكن تحب تضيف وانت وجاي تجمع معلومات عن الاقسام وتعدل ع. مسودتك راح يصير عندك مسودة مضبوطةه وبعدين من تشوف ما عليها غبار تروح تقدم .فكلش عادي تتأخر وتاخذ وقت كافي بجمع المعلومات وتتعلم من اخطاء غيرك .

🚩 من اقدم على شنو اعتمد ع. حدود الدنيا مال هاي السنةه مو ☕؟

✅ من تقدم تعتمد على الحدود الدنيا العام السابق او العام الي تشوفه اقرب لمعدلات سنتك .
وازيدك من الشعر بيت ماكو شيء اسمه اعتمد على الحدود الدنيا مال ه‍اي سنةه .
لان انت من تقدم ويطلع قبولك وراها يلا تنزل الحدود الدنيا مال سنتك !!!
اي نعم الحدود الدنيا عبارة عن احصائيةه
فلان جامعةه فلان كليةه قبلت مثلا 99 طالب 50 انثى 49 ذكر
المعدل 95.3
المجموع 636
وهيج فالحدود احصائيةه لاتنتظر تنزل حتى تقدم ، اعتمد على حدود السنةه السابقةه او السنةه الي تشوفه قريب وهاي بعدين نحن نگوللكم عليها .

🚩 اني معدلي 85 وحائر بين القسم الفلاني والقسم الفلاني شنو تنصحني 👉؟

✅ لاتسأال هالسوال ابدا ، اذا مفكر تطرح هيج سؤال ، فنزلها بگروب او عند طلاب نفس هالاقسام واسال عن ايجابيات وسلبيات كل قسم . ومن خلال وضعك وظروفك ونظرتك ورغبتك والتريده قرر هاي لو هاي تمام .
تروح تبحث عن القسم الاول بكروبات فيس هواي اكو كروبات تسال الطلاب عن قسمهم الي انت دتسأل عليه حيسولفولك بعمق مو طبيعي . وللقسم ثاني كذلك وهيج انت تقرر . تجي تسأل فلان قسم زين لو فلان كل شخص من يجاوبك حيجاوبك حسب ما هو يشوفه بالنسبةه اله وهالشيء غلط لاتخطى ولاتمشي ورا كلام اي شخص عقلك برأسك ♡

🚩 قسم الفلاني يقبل احيائي لو تطبيقي 🍦؟

✅ هالسوال وغيره من هواي اسئلةه تدور بذهنك موجود بكتيب على شكل ملف pdf اسمه "دليل الطالب المركزي"
هذا الدليل قبل متسوي شيء تقراه .
بي تقريبا 4 افصل مو هواي بس يعلمك .
. يعلمك شون تقدم وشنو شروط والضوابط
. يعلمك اذا چنت ذوي شهداء شون تقدم
. يعلمك اذا چنت من الي عندهم سجناء سياسيين شون تقدم
✅ الجامعات الكليات/المعاهد واقسامه واي مخارج يقبل (مخارج يعني خريج احيائي لو تطبيقي لو ادبي)
. اي الاقسام بيها دراسةه مسائيةه وشكد اقساطها
✅ وهواي تفاصيل تتعلمها من خلال دليل الطالب ونحن كقناة مكتبتي من نجاوبكم اغلب الجواب معتمد من دليل الطالب مو من يمنا فلهذا واثقين بجوابنا الكم ♡

🚩 ذوي الشهداء شگد ينطوهم درجات وشون يقدمون 😭 ؟

✅ ذوي الشهداء هم 3 فئات فقط ، وهاي فئات مذكورة بدليل الطالب فاعرف انت اي فئةه وتقدم . ومن تقدم عندكم نافذة خاصةه . حتى يضيفون الكم درجات لازم تقدمون على قناة او نافذة ذوي الشهداء . وهي بنفس الرابط مال تقديم بس بغير بوابةه . ومن تقدم لازم تصدق تقديمك من مؤسسةه الشهداء الي موجودة بكل محافظةه .

🚩 معدلي قليل وخايف و و و أقدم اهلي 😭؟

✅ انسى الاهلي هسه ، قدم اضمن مقعد بالحكومي ، بالموازي بالمسائي بجامعةه الاوقاف بالمنح ببببب الخ بس لاتتقرب من الاهلي ، الا الا الا شفت روحك نحصرت كلششش ، لان الاهلي قط وتعليم مو ذاك القوي ، والطلاب بس المجتهد ويتعب على نفسه ويريد يتعلم هناك يستفاد واغلبهم بس صيت .
وبالنسبةه للتعيين بالتخصصات طبيةه فهاي دفعةه 22 حتصير سنتين وما عينوا بس 39 الف خريج وهم 65 الف خريج .
(صارت حسب الحاجةه) والاهليات تستقبل طن طلاب متهمها تعيينكم بكد ما تريدكم تدرسون يمهم . فلاتتقرب من الاهلي الا اذا ضاگت بيك الزمن .
وسابقا ذكرت بس كم فئةه ماكو عليهم غبار اذا قدموا اهلي .

وشوفولي هالمنشور بدربكم ♡

😀 طرحنا 🚩 اسئلةه ان شاء الله تفيدكم طلابنا الاعزاء 😀

#دمتـــــــــم٠٠بــــــــــود

🌿

🤍

#أي٠٠سؤال٠٠أبالك٠٠أسال بالتعليقات .👍

⬅️