[ نور ونذرتك ]
#خضر_عباس
للشاعر محمد رسول الحميري

https://youtu.be/wSzPUvE3N6s

محرم الحرام 1443 هـ 2021 م
العراق النجف الاشرف موكب عزاء ام البنين ع
#خضر_عباس

القاسم بن الحسن عليهما السلام
الشاعر محمد رسول الحميري

نور ونذرتك فدوه للنور
عطرك أمانه بحضن الكبور
جاهز جنت من أول شهور
أول طفل كاروكك يفور

حكه اذا كلبي انمرد
الام اذا تفكد ولد
تنتجي عليمن بعد
هواهه دواهه
يا أبو علي تمنيت روحي بمكانه
والينزف آنه

يا نار أطفي بيوم الاشتاك
نار الخيم لو نار الفراك
كلما ذكرتك والنفس ضاك
ريجك ييمه وكلبي مجمور


**********************


أصبر ومل الصبر
خلصت عمري أنتضر
مشكله الليل اليمر
أتاني أعاني
ياخذني ملج الموت يم الاريده
ياخذني بيده

حاجينه من حمل واجه وياي
من توفي عمك توفي لرباي
يوليدي دين بركبتك هاي
فشله على عمك تغله النحور

**********************

عفيه يالما قصرت
كافل لعمك صرت
راسي عليته ورحت
امانه حمانه
ودع شبابه وراح يم الزجية
صاحتله هيه

سلمته بيدج يا هوه الهاب
وشلون اجازي الينذبح شاب
وديته صدره من الشمس ذاب
رغم العطش ما شفته مكسور

**********************

مودع بالله وعلي
كلشي يمك ما الي
من كلتلي ادللي
يناري اثاري
تدري ابراكم موت خيل وعساكر
دم ومناحر

يا كربلاء ومو ابني اليخاف
الما قبل عماته تنشاف
وتأكدت عل الغبره ينعاف
وبل اليا هلا تستقبله الحور

**********************

يالعزلتك للثكال
انته يالدرك حلال
ما ردت منك دلال
حضنتك سألتك
كتلك ييمه أنخاك كتلي بخدمتج
يمه افتهمج

منهه وعزلتك بس للكبار
العدهه مثلك فشله تحتار
ابني على عمه من الهوه يغار
يا يمه من كل كلبي معذور

**********************

شفته صدرك ينسحك
من أريد الطم وادك
ما أوافيك العشك
شتاني واجاني
راسك مثل قران شايلته الرماح
حسيته مرتاح


بيضته وجهي وتعبي ما ضاع
حكي من أذكرك وانسه الوادع
اصعد ييمه لجدك بساع
ما قصرت يوليدي مشكور

**********************

[ بشر بشر ]
#خضر_عباس
للشاعر محمد رسول الحميري

https://youtu.be/GY41p7bqmtM

محرم الحرام 1443 هـ 2021 م
العراق النجف الاشرف موكب عزاء ام البنين ع
#خضر_عباس

قصيدة ( حي الله المشايه)
الشاعر محمد رسول الحميري


حي الله المشايه
مأجورين وفايه

جم عابس بالدرب حرنه بجنونه
والرايه رفرفت هيبه بمتونه
توه الكمر عاف النهر وتلكه خطاره
ومن النجف حيدر هتف مقبوله الزياره

يمعلين الرايه
ماجورين وفايه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لا حر ولا برد يوكف بعيني
يا حجي وعمرتي وشوفتك ديني
هاك الكلب ما أنغلب شتريد أكلك هاك
منذور اله مو مشكله الكالو كفر واشراك
نسبيهم سبايه
ماجورين وفايه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وين الكال أنسف الكبه وأمحيهه
وين الكال كربله تراب أسويهه
أذكر أنه ذيج السنه خوف انزرع بالناس
حاضر جنت وتخيرت كورونا لو عباس

لا تحتار بهايه
مأجورين وفايه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تخلص هاي السنه وأبدي أتانيها
من تبطي زيارتك كون أدنيهه
قافل نعم وأقسم قسم يلزمني بس الموت
كالو بدع كالو خدع ما جني أسمع صوت

وجه حسين الغايه
مأجورين وفايه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شايب شفته وأضن عابر الميه
بشيباتي دنك يداوي رجليه
يسوه العمر ممشه الفجر توه الاذان يصيح
ننسه التعب ثورة شعب نمشي ونرد انطيح

إله ندك الثايه
مأجورين وفايه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مترهي بالحشر والحجي بكيفي
وتكلهم فاطمة هالشخص ضيفي
لابد تمر ضلمة كبر حيره ومفركم وين
لا ترتبك وانت الملك ما ينسه ربعه حسين

يالمنطين حجاية
مأجورين وفايه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[ وحدك ما تظل ]
#باسم_الكربلائي
للشاعر محمد رسول الحميري

https://youtu.be/gIxGStfnvEU ‏

ليلة 21 محرم الحرام 1443 هـ
تجمع أهالي جميلة المركزي - بغداد حي جميلة

قصيدة (بشر بشر)
الشاعر محمد رسول الحميري



بشر بشر كله ترافه
بشر بشر كله حساس
كمر كمر ما يتوافه
اسمه العباس
..................................
جني روحه وعافيته
مني ماخذ حنيته
عني ما يبعد نيته
ساكن بالشريان

جفه ردته على جتافي
اغفه يم كلبه الدافي
وسفه يالرايح كافي
ارجع يالعطشان

حلم حلم عني مسافر
حلم حلم خله وراح
كمر كمر باكه العاشر
ضامي وينداس

..................................

لحضه انضر لعيونه
ارضه واني الممنونه
مرضه ضلينه بدونه
رجعوا جفوفه وياي

وينه خلوني أشتمه
عينه غركان بدمه
زينه بس أكعد يمه
وما أريدك يا ماي


جرن جرن دم عيوني
جرن جرن هاي وهاي
كمر كمر شوف متوني
ترضاهه أنجاس
..................................

ويلي من كسر الخاطر
حيلي يتوذر باجر
ليلي يبدي من العاشر
غربه وسب ونار

ونه بالطف مخفيه
منه لو من علويه
هنه يتنخن بيه
عمه بحلك زغار

كرب كرب موتي الليله
كرب كرب درب الشام
كمر كمر وصي الشيله
تبقه على الراس

..................................

وحده رادت تشميله
عنده منهم تشكيله
زنده مكطوع دخيله
اه يا زينب اه

يمه رادت توصله
دمه رواهه تكله
عمه لو صاحت كله
يتراجف ويلاه

ترف ترف فدوه لروحه
ترف ترف مثل الماي
كمر كمر حته جروحه
واجب تنباس

..................................

شفته صفره وذبلانه
عفته متغيره الوانه
اخته تقره على السانه
يا زينب عطشان

جنه متغيره رسومه
منه مبيوكه هدومه
ونه تسمع بالحومه
ما يفهمهه انسان


نفس نفس جان بريتي
نفس نفس عاش وياي
كمر كمر وجهه امنيتي
يسوه الانفاس

..................................

شمسه غابت معقوله
شنسه من فدوه لطوله
أمسه هاليله الاوله
نايم عالتربان

تدري عفتك مجبوره
عذري حرمه ومكسوره
خدري متهدم سوره
حان الموعد حان

قدر قدر غير حالي
قدر قدر مني شراد
كمر كمر ها يالغالي
حسدتنه الناس

قصيدة (روحي)
الشاعر محمد رسول الحميري


روحي روحي من تشتاك لراعيها
روحي روحي أركض للموكب بيها
روحي روحي حسين أولهه وتاليها

**************************

بوسة شباجه عيد
وأقربلي من الوريد
بس يمك يا حسين
أرجع واحد جديد
أعشك غيرك حرام
يا سلطان الغرام
كلناهه من الاخير
ليش يطول الكلام

وينه وينه اليستاهل دمعة عيني
وينه وينه دلوني بمثل حسيني
روحي روحي كون بكل ليله أسبيهه

**************************

بهل المجلس كلبي ذاب
جم خادم عنه غاب
جانوا بين العزاء
صارو جوه التراب
لا تقلق وضعه زين
الدمعه الباجيهه دين
ما يوصلهم نكير
جي خدام الحسين

ذوله ذوله باجين على المسبيه
ذوله ذوله أنصار لكل علويه
روحي روحي انته التعرفه شبيهه

**************************

ترضاهه الامهات
باجر زينب تبات
يم ذباح الحسين
لا اخوه ولا خوات
العودهه على الدلال
حمل وبليله شال
الماي عليهن حرام
لاكن سبهن حلال

رادوا رادوا يرجع حكم الموؤده
رادو رادوا ننسه الكافل وزنوده
روحي روحي لزغر خادم منطيهه

**************************

بالمجلس سر عجيب
هم بي قسمه ونصيب
ناس اختارت يزيد
واني اختارك حبيب
عاري على الغبره جان
حته نحس بالامان
كون أشعر مره بيك
وانداس بكل مكان

خوفي خوفي تاخذنه الدنيه وننسه
خوفي خوفي يحسين نزورك ونسه
روحي روحي دمعه وبالباب أبجيهه

**************************

المجلس لو بي ونين
ونبرة شايب حنين
يعني بصفك حبيب
وابصفه ام البنين
أعرف مصلحتي زين
وادري اليشفعلي وين
شيعي وما أستراح
اله أبجي على الحسين

خيري خيري منك والينكر فنه
خيري خيري كبلك يحسين شجنه
روحي روحي بس عليك موصيهه


**************************

الحي ويالجماد
غيم وأعلن حداد
مكسورة الكائنات
ومغطيهه السواد
ننصب مأتم عضيم
للمعشوك القديم
نتقرب بالحسين
للرحمان الرحيم

حيلي حيلي بسمك يحسين مسجله
حيلي حيلي ينعز عليكم فشله
روحي روحي ملكك واصرف بيهه

**************************

[ يالله زوار ]
#خضر_عباس
الشاعر محمد رسول الحميري

https://youtu.be/YPGQsCeHUHQ

محرم الحرام 1443 هـ 2021 م
العراق واسط الكوت موكب عزاء فاطمة الزهراء ع
#خضر_عباس

محمد رسول الحميري
يالله زوار يالله زوار
ناخذ الثار ناخذ الثار
ءءءءءءءءءءءءءءء
نترس عين الشمس
واليحجي نكله اس
أتفجر وأنحبس
بس أوصل كربلا
أرد أمشي بلا وعي
وبالشباج اندعي
يقبل مني السعي
حلوه بحلكه الهلا
انطوني الرايه وخل اوصل للماعاف الرايه
جم مره تراوالي المهدي يمشي وي المشايه

بالكلب نار بالكلب نار
يالله زوار يالله زوار
؛؛؛؛؛؛؛؛؛؛؛؛؛؛؛؛؛؛؛؛؛؛؛
بالموقف نختلف
ما بينه المو كلف
نوصلك لو زحف
بلكي نحس بالسبي
كلما شهرك يهل
ميت وأرجع عدل
كالو باجر تمل
بطران الناصبي
أيام وتبدي على حسين الهجره المليونية
وزينب تلزم باب الحضره وتتلكاهم هيه

فرغوا الديار فرغوا الديار
يالله زوار يالله زوار
؛؛؛؛؛؛؛؛؛؛؛؛؛؛؛؛؛؛؛؛؛؛؛
فجرنه شما تريد
اكطع راس اكطع اييد
خل ايسجلك يزيد
واحد من شيعته
كلب الخادم حنين
ويتاني الاربعين
ياخذ ثار الحسين
غصباً عالداسته
وين الراد يهدم كبرك والخلاك براسه
فترت تالي وخشمه العالي أزغر خادم داسه

بيا وضع صار بيا وضع صار
يالله زوار يالله زوار
؛؛؛؛؛؛؛؛؛؛؛؛؛؛؛؛؛؛؛؛؛
أيام من العمر
توكفلي بالكبر
أأمر منكر أمر
لازم ضهري الكمر
كلما ضاك الهوه
يفزع راعي اللوه
هوه وزينب سوه
والمهدي المنتضر
كل واحد خادم بالموكب شيخ وتاجه براسه
باجر من تتبره الوادم يشفع لهله وناسه

كلكم كبار كلكم كبار
يالله زوار يالله زوار
؛؛؛؛؛؛؛؛؛؛؛؛؛؛؛؛؛؛؛؛؛؛
تخيل باجر متت
بالسرداب انعفت
ونور بكبرك شفت
حضرتكم فاطمه
اتسمعكم لا ترد
رحتوا ومات الورد
حته الكلب الجلد
تلكا يكطر دمه
تسمعكم حمزه وميمونه وسيد جاسم ساعه
وباسم الله يطول عمرة مفرحهم ببداعه

يقره خطار يقره خطار
يالله زوار يالله زوار

(جاهز الدرب للمشايه)
الشاعر محمد رسول الحميري



جاهز الدرب للمشايه واني مستعد هم
كل سنه المواكب تطشر وبضريحه نلتم
من جنت طفل كلبي اختاره
هذا منطي روحه لخطاره
وبضريحه نلتم

*****************************

نوصل للشباج أفواج
كعبه وزوارك حجاج
نهتف ننزف يمك نحلف
ماا تنسه اليحتاج
بينه العابس وابن القين
بينه الحافض دربك زين
ما بينه الما يزحفلك

السجل اسمه بنصارك فاز العنده غيرك انذل
من أهلهه تتبره الوادم وانت بالكبر حل
بين الكون تشيع أخباره
هذا منطي روحه لخطاره
وبضريحه نلتم

*****************************

من زغري وشديت حزام
وأفرح يم صوت الدمام
أنصب موكب بالدم أكتب
ما نبرد هالعام
يحسين اتقبلنه أنصار
للحركت خيمتهه النار
ردينه نطفي خيامك


كلشي طايح كبال عيونك وانت تنذكر بس
عمري جم دقيقه وحبيتك كلبي عن بعد حس
راسه عالي هنياله الزاره
هذا منطي روحه لخطاره
وبضريحه نلتم

*****************************

الكوكب يوكف بستعداد
سفره من البصره لبغداد
شايف عايف ثق ما خايف
بل الصعبات استاد
من واسط لو من ذي قار
نتعاله كبار زغار
خلينه حزام بضهرك


عماره حله والديوانية وياهن النجف هد
كربلا السماوه وبغداد حزامي بيهن انشد
نمشي يم حبيب الله وجاره
هذا منطي روحه لخطاره
يم ضريحه نلتم

*****************************

الحط راسه براسك ينداس
وتسطره جفوف العباس
هجر فجر سولف حذر
ما هز شعره براس
ما نوكف وياهه شلون
تستاهل فزعتنه ام عون
نعميهه الما تبجيلج


نطلب القصر ثار متونج والبواجي والسب
إله ناخذ الثار مربع ماكو شتمه تنذب
المشيه يم علي وإله بداره
هذا منطي روحه لخطاره
وبضريحه نلتم

*****************************

الزاير كل اليتمنا
كون حسين يسجله ويا
لو هد وارعد ما يتهدد
وال رايه بيمنا
عايف كلشي وراح يزور
يفرح من يسمع مأجور
عافيته ترد يم بابك


نصبوا مواكب خدامك واليكرهك إنهز
وي كل محرم خادمكم ميت ورجع فز
شيعي فشله اذا تبرد ناره
هذا منطي لخطاره
وبضريحه نلتم

*****************************

موقف فرح كلبي هواي
شايب شفته يوزع ماي
حاضر ناذر عمره وصاير
أب للرايح جاي
من ايده شبي لذه الزاد
غير (الله يوفقك) ما راد
يهواهه ال الله يوفقك

هجرة الخدم مليونية من أهلنه للطف
وي كل محرم ننويها ثوره والجدم خف
حكه يرجع وناخذ ثاره
هذا منطي روحه لخطاره
وبضريحه نلتم

*****************************