عنوان القصيدة
[ الاكبر ماخذ لوني ]
#خضر_عباس
الشاعر محمد رسول الحميري

https://youtu.be/HIZkbPMP_fQ

محرم الحرام 1444هـ 2022م
العراق واسط الحي هيئة الغيرة الهاشمية
#خضر_عباس

محمد رسول الحميري
إستشهاد الزهراء {ع}


تاخذ ارواح الشجعان وتاخذ روحك مره
ياحيدر من بين ضلوعك خطفتهه المكبره
توكف واطيح
تسكت واصيح

حرام امام عالتابوت انحنه
عجيب غريب حيدر موتك دنه
اصفر لونك حمره عيونك فوك متونك هاي سنينك
خالص حيلك اضلم ليلك بويه دخيلك الله يعينك

وين الحرمه البيهه ازامط ومسميهه العشك
يا حيدر من ماتت كلبك واكف لو يضل يدك
تلويك الريح
توكف واطيح

وحيد بعيد صدرك عن الهوه
بسكوت تموت انت وفاطم سوه
اخر نضره من الزهره كسرت ضهره
حدب طوله
شبت ناره بردت داره دمعه اجاره
مو معقوله

هيج الحب يسوي بفارس كاسر ضهر العرب
شيع روحه ورد متغير كلش وضعه انلكب
دمعك تصريح
توكف واطيح


عذاب غياب شوك يدك بالعضم
دموع جزوع عاش ومات بهضم
اصعب حاله تبقه اباله من كباله ويدفعوهه
شيب راسه ما يتناسه اقرب ناسه ما رحموهه

ربنه بمكحم قوله الطاهر يسالكم هل اته
اصعب من يوم اللي انطكت فاطم يم الفتى
صمتك تسبيح
توكف واطيح


وداع ضياع من انشال النعش
امير حسير ماتت بثمنطعش
كلفه جراحه ناسي الراحه جان صياحه
جوه بروحه
أكبر لوعه بين ضلوعه سكته دموعه
بس مفضوحه
ال ما جان يبين ضعفه كبال السبعين الف
هسه الكسره بروحه الصفره شما يصفن تنعرف
ليلك تجريح
توكف واطيح

عزاء بكاء عمرك يا ابو الحسن
حنين حزين مثل الفاكد وطن
ها يالغالي اول تالي دارك خالي من عزازه
غير حالك دمع عيالك جان ابالك صوت جنازه

حسيتك مكسور الخاطر من راجعت الزمن
من وصلت بي قالع خيير على الحسن
رايد توضيح
توكف واطيح

شهور تدور كبرك تلكا صحن
تصير امير وتشيخ على الزمن
تحجي اسرارك يم زوارك تبرد نارك ويطفوهه
هذا ترابك يشفي احبابك نسمه ابابك يشتموهه

تاخذ ثار الزهره مربع بالعركه الما تفض
ترفع ايد المهدي وتصفن مخلوقات الارض
نفس التلميح
توكف واطيح

محمد رسول الحميري

الماله اول ولا تالي
اله ادوسه خشمه العالي
اطلبك دم علويه وبسمار وضلع
أطلبك صبر المهدي وكلبه المنفجع


كل عقلك برد دمهه وتضن تاريخ وينسه
لا بالله افااا وطلعت زلم تاخذ ثار النسه
فدوه الخليفه واهل السقيفه لمنه العفيه الزهراء
اشهد يطه ناخذ دماهه من الولاهه بالاسماء

بين الدخلهه ملثم
ناسي يمسح من ايده الدم
تجيهه تطكهه تسبهه وهي بيا وضع
اطلبك صبر المهدي وكلبه المنفجع


كالو طائفي ما تحترم كل وجهات النضر
ما يتوالم الشابع ضحك وي الشابع قهر
طبعه النحاسه عبد السياسه نزلنه راسه وذلينا
من اسم العصابه يزعل جنابه كل ضنه يابه سبيناا

يغدر ويخون اصحابه
عايش بنضام الغابه
أضعف خلق الله وكالولك سبع
آطلبك صبر المهدي وكلبه المنفجع


ما عندج ذنب يا فاطمة ذنبج زوجت علي
هاي الحركت خلفت هند والشيخ الجاهلي
تاريخه ضلمه عار ومغمه متنسيه امه بالشيطان
ميت ضميره ما عنده غيره صاطر اميره ويضحك جان

كله خل يفيده عناده
بذمتك ضلع للساده
اوعدك تفتر بيك وخدك ينصفع
اطلبك صبر المهدي وكلبه المنفجع


لا راعه الرسول بعترته لا ضل زاد وملح
كل ضنه الحكم دايم اله وقرر يخفي الصبح
طاغي بزمانه دينه الخيانه يعرف مكانه بقعر النار
ياما تماده وراد السياده كله القياده مو للعار
صاحبت نبي وما فادك
تنعدل يالاعوج رادك
تجازي بنيته التسوه اضعافك بالدمع
اطلبك صبر المهدي وكلبه المنفجع



تصطر فاطمه تذبح طفل تهضم خير البشر
الله شعضم ما اذنبت يا طاغوت الدهر
هاي ام ابيها والعتره بيها الله لبجيها ضل غضبان
العشره هانت وبنيته عانت حوريه جانت لمن جان

باجر الله ياخذ ثارج
وتترس الصحن زوارج
واحذره الخايف من الشيعه التنجمع
اطلبك صبر المهدي وكلبه المنفجع

الشاعر محمد رسول الحميري
الرادود علي الوائلي
البصره / حسينية داوود العاشور
https://youtu.be/3Hct8YMc0gE

عنوان القصيدة
[ تاخذ ارواح ]
#خضر_عباس
الشاعر محمد رسول الحميري

https://youtu.be/XLBqQ66MxXA

الليالي الفاطمية 1444هـ 2022م
العراق النجف الاشرف هيئة الحوراء زينب ع
#خضر_عباس

ليالي استشهاد أمير المؤمنين علي عليه السلام
الشاعر محمد رسول الحميري


رب الشيعه وعبد الرب
اليسمع بسمك ينضب
ياهو الرد الشمس علي
شيخي اليوم وامس علي

علي تاجي علي باجي قاضي ويحكم بفراجي
علي سيفي علي كيفي علي من اجفن ضيفي
علي نبي غيره علي وصي ديره ديره وتنكط حض
علي واله زودي علي بنه عودي عودي الما ينرض

انه الشيعي القح القح
لا تحجي وتتعب وتلح
هز أصنام الرجس علي
شيخي اليوم وامس علي

***

علي ثايه علي ايه علي يمشي الكون برايه
علي دوله علي أوله علي عمري يكصره يطوله
علي سر الباري علي عزي وداري هيبتنه شمحلا
علي نور عيوني علي يكرهه الدوني مو عاقل تلكا


اشجع فارس عدهم طخ
كلهم صاحو بخاً بخ
يمعلهم درس علي
شيخي اليوم وامس علي

***

علي شمسي علي نفسي علي اصبح بيك وأمسي
علي خلي علي كلي علي غيرك خل يولي
علي وفي طبعه علي منو ربعه ربعه البيهم حض
علي على راسي علي منو ناسي خض الوادم خض

شك حلوك ولسه يشك
يسطر يذبح يعمي يطك
الصنديد الشرس علي
شيخي اليوم وامس علي


***


علي قصتي علي حصتي علي قطرة غيره بكصتي
علي والد علي قائد يسواهم واحد واحد
علي هوه صدري علي شكه عمري ياخذني بيمنا
علي طفه نار علي ضوه داري عايش بيه هناا


دنيه شما رادت تفتر
باقين احفاد الاشتر
وينه الكدهه اليمس علي
شيخي اليوم وامس علي


***

علي فيي علي ابيي علي اهلي وبيتي وحيي
علي سعدي علي وعدي علي قبلي وهسه وبعدي
علي دوه بسمه علي يجي نسمه يشتمه اليهوا
علي وصي اليه علي حجي بيه دورني وتلكا

شعره براسك تسوه الكل
ما رادوك يطبهم سل
شيخ الجن والانس علي
شيخي اليوم وامس علي


***


علي ناصح علي واضح علي باقي وغيرك رايح
علي أشجع علي أنزع علي تاج الشيعه الاروع
علي منو كده علي ابو هده يا ما جربنا
علي نبي خوه علي تره هو انا أنزلنا

حكه اليسمع بيك يخص
يالشاطر مرحب بالنص
شاهين ويفترس علي
شيخي اليوم وامس علي

***

ليالي استشهاد الإمام علي عليه السلام
الشاعر محمد رسول الحميري


يا رب شو تلجمني جروحي
يمكن هاي الطبره بروحي
أصفر وجه المعموره
كلش حكهه ومعذوره
شهدت موت أطهر صوره
علي علي

علي والدنه الحنون
علمنه الحب جنون
علمنه شلون انسان يحب انسانه
علمنه نعيش نموت على اليهوانه
الحبك ما يخون
لو كائن من يكون

يمغذي الكوكب حنيه
يالاقرب من عندي عليه
سميتك راسي العالي
تستاهل كلمه غالي
وحدك تفتر ابالي
علي علي





علي والد كل فقير
علي ديوانك حصير
اول واخر حاكم ما لابس تاجه
علي يالما سد بابه بوجه اليحتاجه
متواضع هالامير
ويسمونه الضمير

موله التاريخ ومولانه
نهواك بكدما تهوانه
يا دلالي وراعيه
دينك دين الحنيه
حسيتك مني وبيه
علي علي




يا حرز امي القديم
يا صاحب يا نديم
يا ابو الوكفات الحلوه الما تجازه
يالتفزع ليه بكبري واني جنازه
هنيال الشيعه بيك
ربحان اليشتريك

بيمن يتباهون الساده
ياهو المعصومين اولاده
رفعه راس وهنيالي
ما رخصتك يالغالي
اطيني ايدك للتالي
علي علي




شمس الله الما تغيب
اترف والطف حبيب
شمسوي وشاغل يومي وكل تفكيري
يمكن جي منك صيتي واسمي وخيري
الحب حاكم عجيب
يومرنه ونستجيب

انت اول حاكم يحوينه
ونحسك من عدنه وبينه
عايش جوه بشرياني
تسوه الدنيا وتسواني
اسمك عشكي وادماني
علي علي




يا ملجئنه الوحيد
حبيتك من بعيد
بينك وبينك اجيال وجنك يمي
انته المطبور وانه الينزف دمي
مذبوح ومستفيد
ويجرحوني وازيد

طبروا راس الانسانيه
واطشر دم الحنيه
يالكاسر ضهر الشيعه
عيب السوانه نبيعه
نتوذر بس نطيعه
علي علي

عنوان القصيدة
[ سيف الله ]
#خضر_عباس
الشاعر محمد رسول الحميري

https://youtu.be/j3fZWx_-o4k

ليالي استشهاد الامام علي ع 1443هـ 2022م
العراق البصرة حسينية داود العاشور
#خضر_عباس

عنوان القصيدة
[ رب الشيعة ]
#خضر_عباس
الشاعر محمد رسول الحميري

https://youtu.be/2D0ygHHt1VY

شهادة الامام علي ع 1444هـ 2023م
العراق النجف الاشرف هيئة شباب السبطين
#خضر_عباس

(قصيدة خدمة واستقبال لمحرم)
الشاعر محمد رسول الحميري

دورولي اسمي بدفتره
حاضر مجالسهم تره
كون بحسينية اندفن
ما بيهه ونه المكبره

*******

أدخل مجلسك وادري
باجر ينسأل صدري
شكتب بالعذر مشغول لو ما مقتنع عذري
شيخ النزلن دموعه
عل الطحنوهن ضلوعه
ثق يالتطلب الحاجاة هاي الليله مسموعه

الله يساعد فاطمة
بكل مجلس تعوف السمه
وتسجل أسماء الخدم
منا ليوم الاخره

*******

عندك يقين بداخلك
حاضر عزائك كل ملك
يا ابو علي شما غمضت فوك الرماح أتخيلك

وحاجز مكان المنتضر
واتخيله باخر سطر
بالكوه يقره المستهل ومغير رسومه السهر

كالو جنون ومو عشك
محد يحس بالمحترك
كل ليله اذا ما أنسحك
ما اوفي صدره ومنحره

*******
طالع عالكمر نشمي
خادم يا حلاة اسمي
يلكون اسم ابوي حسين كلما ينفحص دمي
غار الشيعة القراية
عدنه المستهل ايه
يالمنطيني هالتوفيق انه اطيتك حجاية

عابس على اعتابك ركع
مجنونك وراسه انكطع
هسا الف عابس طلع
والطف بديت اتصوره

*******

الضحه بخنصره ونحره
كون ازحفله للحضره
خدامك ترزقه السان ما يتخورس بكبره
يمهم عدي الف غايه
باجر صاحب الرايه
يكتب عالسراط (اليوم فاز الماشي مشاية)

ادخل مضيف المنتضر
يالباقي بجدامك أثر
ومعزب هناك الكمر
ويمكم تجي تسير مره

*******

انه بمجلسك بالذات
ما ادور مثاليات
شلون تضل وقر وام عون من تالي بخرابة تبات
جي فاهم تفاصيله
أسكت وارجع أبجيله
كبرك لو بأخير الكون يبن الزهره نمشيلة

يخلص محرم وأبدي أعد
من يرجع أرجع مستعد
تكضي الزياره ومن ارد
لحضه على لحضه أتنطرة

*******

بجيت بحضرتك دم
يم شباجك التم
يم غيرك بجيت وعيروني
عم او والد وخل
انته الكل بالكل
جي خادم جنابك قدروني
يعافيتي يحنيتي يتربيتي يبو الاكبر


سويت الخدم قدوه
دونك كلشي ما نسوه
فدوه لشيبتك فدوه
تحيه لسيدي
يواحد ما الك ثاني
ماخذ عقلي والساني
اني وافتخر اني
عزائك مولدي

يوالدنه يقائدنه حبيب الله وحبيبي
يتاليتي الك صيتي واحس دربك نصيبي
يتاليتي الك صيتي واحس دربك نصيبي

شفتك من بده الطف
واكف باخر الصف
وتكلهم اريد الينصروني
منهه ودمعي ما كف
جدمي لنصرتك خف
مجنون وصرت عاشك جنوني
على نيتي يحنيتي يتربيتي يبو الاكبر

""""""""""""""""""""""""""""""""""""""""""""""""""""""""""""""""""""""""""

تنطي لكل بشر فرصه
ضلت كلمن وحرصه
عيب الرافكك ينصه
مقامك بالسمه
بشر متربع بصدري
تدري بشيعتك تدري
سموك الهوه العذري
يريحة فاطمه

تهم بينه يراعينه يبو عيون الحنينه
تلكانه يمولانه يبن تاج المدينه
تلكانه يمولانه يبن تاج المدينه

ضكنه بعشكك المر
محد فاهم السر
نهواك وعذابك عدنه راحه
انته مأسس الحب
دمعي كبالك يصب
ليش بحضرتك تحله المناحه
يتاليتي يحنيتي يتربيتي يبو الاكبر


""""""""""""""""""""""""""""""""""""""""""""""""""""""""""""""""""""""""""

اخذ من الكلب نصه
خلي لعترتك حصه
عشت وياكم بقصه
ليوم الاخره
اخذني لحضنك الدافي
ارجع منه متعافي
تاج الراس اليوافي
احن لمسامره

هلا بخلي هلا بكلي هلا بشيخ العشيره
عشت بيه نفس ريه أمير ابن الاميره
عشت بيه نفس ريه أمير ابن الاميره

يمك يوكف العد
شفتك ما الك حد
نخلص وانت بعدك بالبدايه
جدي لخدمتك هب
اب يسلمك لاب
انت الورثت للشيعه رايه
حرز بيتي يحنيتي يتربيتي يبو الاكبر


""""""""""""""""""""""""""""""""""""""""""""""""""""""""""""""""""""""""""

ضمني مروتك ضمني
خاف الدنيه تهضمني
خمني شما ردت خمني
واخذني لعالمك
دنيه شما عشت بيهه
ادري الفركه تاليهه
راح انذرهه وانطيهه
واروحن فدوه الك

تشاركني يمالكني وجودك سر وجودي
عبد خلني تقبلني يمذبوح علمودي

مر على الكلب مر
حر وتعشك الحر
وينك يا حنين الله وحنيني
حرز بركبتي انشد
ضمك كلبي وانسد
وحدك تارس عيوني ويميني
يتضحيتي يحنيتي يتربيتي يبو الاكبر


""""""""""""""""""""""""""""""""""""""""""""""""""""""""""""""""""""""""""


حملي بصحنك اطيحه
كلبي الخايف تريحه
تبدي بعاشرك صيحه
ذبيح ومنتصر
عزائك فاطمة تقيمه
جرحك الله اليديمه
يالمنطي الخدم قيمه
عطائك مستمر

يثار الله الك صله ضميري بكل طهاره
عشت يمي وسط دمي الك كبه ومناره

كلبي من العشك جن
حَن لشوفتك حَن
مدمن شوفتك من الطفوله
عقلي اختارك وبس
حس بغربتك حس
واحد علم الدنيه الرجوله
نَفَس ريتي يحنيتي يتربيتي يبو الاكبر


""""""""""""""""""""""""""""""""""""""""""""""""""""""""""""""""""""""""""

"استقبال محرم"
محمد رسول الحميري

عشكتك من جنت طفل
لكيتك عاطفه وعقل
كبرنه وكيرت القضيه
لكيتك شيبه بيضه بيه
لكيتك عاطفه وعقل

يالعايش بيه واليدري شبيه ايامك هسه عالمنه الثاني
يحسسن احويني تايه دليني عبدك خليني بالباب متاني
خليني بكل سنه أعتنيلك بهدومي السود
كلشي بهالدنيه حكمه زائل وانت الموجود

منو المن حضرتك أحن
سوال نوجهه للزمن
منو اليشفعلي بالمنيه
لكيتك شيبه بيضه بيه
لكيتك عاطفه وعقل

"""""""""""""""""""""'"""""""""""""""""""""""""""""""""""""""""""""

الحب سواني ابنادم ثاني للطف وداني بين الخياله
شفته مكطعينه مطشره سنينه يارب تعينه وتعين عياله
من عدهه وقررت أخدمك واني الممنون
يحسين وكلي ربنه المن منطينه عيون

وحك السطره والضلع
اذله كبالك الدمع
اسلم روحي الك بديه
لكيتك شيبه بيضه بيه
لكيتك عاطفه وعقل

"""""""""""""""""""""'"""""""""""""""""""""""""""""""""""""""""""""

فتحت عيوني يمك يعيوني نايم والدوني دايس بضلوعك
شفتك كدامي ومبين ضامي مذبوح ودامي يجرح موضوعك
حبيتك عن اراده والحب مو للمجبور
يمهيل وانت ياهو كبلك صايم عاشور

اجاك الخادم الوفي
اجاك وكلبه مكتفي
اجاك ومنكسر خطيه
لكيتك شيبه بيضه بيه
لكيتك عاطفه وعقل

"""""""""""""""""""""'"""""""""""""""""""""""""""""""""""""""""""""

وين الخاويته وشكد ماشيته حبني وحبيته ضل بس فراكه
قبلك اذاني عشكي اوداني لبن ادم فاني جذابه اشواكه
من شفتك صححت خريطة فكري المخدوع
الحب الخالي من وجودك مو حب مشروع

غريب وحضرتك وطن
اخذني بداعت الضعن
حسيني وحيدري الهويه
لكيتك شيبه بيضه بيه
لكيتك عاطفه وعقل

"""""""""""""""""""""'"""""""""""""""""""""""""""""""""""""""""""""

أعمق افكاري طلسم أسفاري ستر الله العاري ليش مسلبينه
جرحك مضمونك عاقل مجنونك سألوني شلونك صحت الله يعينه
جائزتي وقمة انتصاري عيونك مولاي
عاقبتي ومبدئي ويقيني وسدي وفحواي

شعار الخادم الصدك
ضريح وبي كلب يدك
ملك والحاربك ضحيه
لكيتك شيبه بيضه بيه
لكيتك عاطفه وعقل

"""""""""""""""""""""'"""""""""""""""""""""""""""""""""""""""""""""

ايامي بدونك باطل وعيونك اذكرهه متونك توجعني متوني
بيش انجازيكم وانتو شضل بيكم لسه مسلبيكم يا بعد عيوني
خل اعطش عمري كله يمك هم بيه قصور
مأجور تكلي لو خدمتك وانته المأجور
صراحه هوايه مستحي
طفل ويخدمك الوحي
شسوي لخاطر الزجيه
لكيتك شيبه بيضه بيه
لكيتك عاطفه وعقل

"""""""""""""""""""""'"""""""""""""""""""""""""""""""""""""""""""""