روس مكطوعه
ناس مفجوعه
شيخ النشاما شيم عماما

واحد واجو سبعين الف بس هذا واحد يختلف بفعاله
حولهم على المكبره والميمنه و الميسره خياله
صار شيخ بكربلا
صار سيفه الزلزله
صار طف بأكمله
شاهر حساما شيم عماما

********

عرفو كمر هاشم غضب خافو واجت مشيه الركب لخيامه
يا كافل اختك نعتذر خدامك وتومر امر عالهامه
صاح الله يريد اهد
صاح واحصدكم حصد
صاح لحضات و أرد
مثل القيامه شيم عماما

********

كض رايته وكض المهر ومبينه الوجوه الصفر خوافه
اتخيلو الكافل زعل وتهيئ وراسه اشتعل لطرافه
صار جنه الاخره
صار يرهب منضره
صار سيفه المكبره
كلشي بمراما شيم عماما

********

يالجنك بياض الوجه كض سيفك وهسه اتجه بالرايه
راويهم نجوم الضهر انته الغيور الينتصر بحجايه
فوت سالم يالكمر
فوت واذبحلك نهر
فوت انت المن ضهر
راعي اليتاما شيم عمامه

********

تاخذ بدال الجف جنح ربك يعوض المنذبح لطامه
بامر الله يالجنك علي باجر ضريحك يمتلي بخدامه
ناس بالطول وعرض
ناس وكفتهم ركض
ناس من كل الارض
توصل مقامه شيم عمامه


فارس وابن فارس كلف واتيه كباله العرف من زوده
شال ايده للباري ودعه وتبده ماي المشرعه يم جوده
حيد ومسَجَل خطر
حيد يرهب لو ضهر
حيد اي هذا الكمر
كافل امامه شيم عمامه

محمد رسول الحميري
كلف عقيل وحذره
يخطبله بس مو أي مره
كون التجي تخلف كمر
وجفوفه بالعاشر مهر
كالوله تبشر حيدره
************
كون التنخطب لازم
تعشك حيدر وفاطم
تحلم باجر بعالم
يتسمه الكمر لازم

كون بدويه توكفله هي ترعه القضيه بالدم
معروف اصلهه وتحسبه ضلهه غيره بحملهه تنشم

تلزم ضهر بت النبي
وي الفواطم تنسبي
ام اليجي يذل النهر
وجفوفه بالعاشر مهر
كالوله تبشر حيدره
**********
راسمهه وتمناهه
حته السكته تقراهه
تدخل جايبه وياهه
ريحة فاطمه وطه

ما بيهه لوله حرمه وحموله هيبه وخجوله تنعد
عطر الزجيه شايلته هيه للهاشميه تنشد

حره وأميره معتبره
من عدهه ما جابت مره
كون التجي حزام الضهر
وجفوفه بالعاشر مهر
كالوله تبشر حيدره
************
علي ورايدهه بدويه
صلبه وكلهه حنيه
جان اباله شخصيه
درت وتحضرت هيه

ريح ضميره سلم مصيره للكلهه غيره ما هم
تبقه ابداله وكت الكفاله تحرس حلاله بت عم

ما عدهه من حب الانا
وتعدله لو ضهره انحنه
تثبت اذا دار الدهر
وجفوفه بالعاشر مهر
كالوله تبشر حيدره
************
عرفو رغبته وذوقه
ما رايدهه مطروقه
ولا عد زلمه مسبوقه
تعب من لهفته وشوقه

عرفوا قضيته فهموهه نيته بيت الله بيته ينعد
كون اليزوره يحذر قصوره يثبت حضوره لو هد

حاجزهه من أول خلق
جواهه مكتوب العشق
حبهه بشرايينه استقر
وجفوفه بالعاشر المهر
كالوله تبشر حيدره
*************
اجه اليوم التجي لداره
هويته وخيمة أسراره
تحفض صيته واسراه
وصلت وانطفت ناره

هاي البشاره من الغياره هالليله داره نوره
شد ضهره يمهه دمه وي دمهه وبجفه لمهه ونسره

ذابحته خلة فاطمة
راد وإذن رب السمه
لابد يعوض الله الصبر
وجفوفه بالعشر مهر
كالوله تبشر حيدره

عنوان القصيدة
[ كلف عقيل ]
#خضر_عباس
الشاعر محمد رسول الحميري

https://youtu.be/EOTjH4gZiac

محرم الحرام 1444هـ 2022م
العراق واسط هيئة الغيرة الهاشمية
#خضر_عباس

عنوان القصيدة
[ سيفي قاضي ]
#خضر_عباس
الشاعر محمد رسول الحميري

https://youtu.be/dEAuC5ib5J4

محرم الحرام 1444هـ 2022م
العراق واسط هيئة الغيرة الهاشمية
#خضر_عباس

وينك يا راحة بالي وسري الما ينكال
وينك كالوا ناسيني وتحجي الناس أشكال
يمته يمته اكسرلك خاطر
يمته يمته ترجع يمسافر

*********

الضلت لسه اتاني
وعيونك هاي اني
متعوده بأهلاً يم عون لسانك يتلكاني
وحشة موت بداري
هم تاذيك اخباري
خويه وهم أكسر خاطركم لو عايفني بناري

حاول تمسح دمعتهه المهضومه بلياك
حاول تتفهم وضعي وتاخذ روحي وياك
يمته يمته تتلكه الحاير
يمته يمته ترجع يمسافر
تحجي الناس اشكال

*********

كالولك يالغالي
أنسب أول تالي
جاوبني وليش من أتشتم وجهك يتراوالي
وين البيهم غيره
ديره تذبني بديره
ضاكت بعيوني وكمت أشعر كل كاع الله زغيره

ويلي غربه وعطشانه ولا رايه ولا راي
ويلي اذكرهه شفافك كلما اشوف الماي
يمته يمته تخلص يالعاشر
يمته يمته ترجع يمسافر
تحجي الناس اشكال

*********

صعبه على العلويه
تتكيد يوميه
والتسمه ام عون بوكتك سموهه المسبيه
والما شافوا ضلهه
هسه انشافت كلهه
ارجع بس طفيهه خيامك وايد بنيك فلهه

واحد غافلني وطكهن ويشتمهن ذاك
واحد سوطه على متونه من يمك لهناك
يمته يمته يرحمني الحافر
يمته يمته ترجع يمسافر
تحجي الناس اشكال

*********

متوذر يا صيتي
يالتفتر بريتي
مثل البيرغ جنت بنصكم وبنصهم تاليتي
اعثر من تتلاكه
الروس وي الناكه
ما مشتاكه لعون بكدما لعيونك مشتاكه

حيره ارجع يم صدرك لو أبقه ويالراس
حيره بيمن تتنخه الما عدهه العباس
يمته يمته يبرد دم فاير
يمته يمته ترجع يمسافر
تحجي الناس اشكال

*********

اذكر ذيج أيامي
كعدتكم كدامي
هسا واحدكم متوذر شابع دوس وضامي
دمعه وخاف ابجيها
شمات اتانيها
خويه وحته (المشتاكتلك) أتغشه واحجيها

ليله محد يفهمهه ولا عايشهه انسان
ليله وصلت تجتف ايات القران
يمته يمته تلكالك ناصر
يمته يمته ترجع يمسافر
تحجي الناس اشكال

*********

الفاكد الله يعينه
شيخلصهه سنينه
طبع الموت يتاني الوادم بس احنه متانينه
الملجوم تعرفونه
من يتغير لونه
تلكون الفاكد وجهه أصفر ويفضحنه عيونه


طولي حدب من طاحت رايتكم عالكاع
طولي من تالي انشاف او وي الروس انباع
يمته يمته تسألني شصاير
يمته يمته ترجع يمسافر
تحجي الناس اشكال

*********

عنوان القصيدة
[ بدوية ]
#خضر_عباس
الشاعر محمد رسول الحميري

https://youtu.be/pOKbzvr55I8

محرم الحرام 1444هـ 2022م
العراق كربلاء المقدسة هيئة عزاء الطفوف
#خضر_عباس

الشاعر محمد رسول الحميري
قصيدة (بدويه)

الكافل وبيده اللوه
مبخوت اليشم الهوه
جن وانس صاحو سوه
كل الهلا وكل الهلا


راعي الاصول وراكباً عالأصيله
ناراً على رمحاً تشوفه تجيله
شيخ العرب كانت فعاله دليله
لو شاف فارس من جذورا يشيله


يسلم يمينه الما خطه
شاهين ويحز بالكطا
شك الصفوف وما بطه
كل الهلا وكل الهلا

عباس يا راعي السمو والمعالي
يا شامخ الطول اليذل الجبالي
يامن تصدر كل فنون القتال
تكوه ولا فوكك خويي مثالي

منك تعلنه الوفه
حكه السمع بسمك دفه
تنزف محنه وعاطفه
كل الهلا وكل الهلا


عز النفس خلا شفافك ذبوله
فالماي عبدك ما يثني التكوله
تشرب واكو أطفال تنطرك نحوله
حاشاك يا ولد البطون الحموله

مشكوره يم الاربعه
ربيتي شيخ المشرعه
لرباج الحسين اندعه
كل الهلا وكل الهلا


يعكال هيبا فوك راس الرجال
ما جيت طماعا ولا تبغه مالي
مو انت بشويا يزولن تبالي
عندك خوياً مثل رزك الحلال

دمك صبغ وجه السمه
الما شافك بعينه العمه
حي الله صاحت فاطمه
كل الهلا وكل الهلا


يبغوك تنصاع النفوس الرديه
يامن شريت الله بساعة منيه
تسري بدمك غيرةً هاشميه
من ضهر ضرغاماً وام بدويه

بعروكه دم من حيدره
والحرمه بيرغ مو مره
ناتجهن الكافل تره
كل الهلا وكل الهلا



مدحي لشخصك ما يزيدك كرامه
الصكر صكراً والنعاما نعاما
يا بذرةً في زرع كل النشاما
كفيت من يومك ليوم القيامة


شكراً جزيلا يا كلف
واحد تعادل ميت الف
ربك رضالج تنخسف
كل الهلا وكل الهلا

محمد رسول الحميري
دك على النهر ثايه
رايه وشايل الرايه
أوصاف الكمر هايه
أبو فاضل أبو فاضل
ءءءءءءءءءءءءءءء
أكتبلكم أوصافه
ابني جربه بجتافه
خايف النهر شافه
من عافه
وشفافه
يبسن وبقه يكابر
دمه عالخيم فاير
طاهر وابن طاهر
الضاهر
ضل حاير

هنيالي على ابو الغيرة
عطشان وروه الديره
ماي عيوني يستاهل
أبو فاضل أبو فاضل
ءءءءءءءءءءءءءءءء
جفه بيدي حنيته
غيره من علي اطيته
للجبيره ضميته
شميته
وصيته
كتله يمه ضل ضامي
انته ذخري وحزامي
صدره دكه كدامي
متحامي
لخيامي

من تنخته سكينه
غطاهه بجفن عينه
منهه وسمته الكافل
أبو فاضل أبوفاضل
ءءءءءءءءءءءءءءءء
العدهه مثله تتباهه
بي نفس علي وطه
ينطي حكهه ورباهه
يمناهه
وياهه
غير ابو الفضل هو
يعرفلهه مو توه
ابني سيد الخوه
بالكوه
ومروه

من يوم المشه دخيله
كلما أرمش أدعيله
فرح كلبي ما اجامل
أبو فاضل أبوفاضل
ءءءءءءءءءءءءءءءء
معجزه الوفه العنده
يمه والحجي نسده
ويه جربته تبده
والشده
ضل خده
مرمي والارض خافت
الله يعلم اشافت
وعلى أبو الفضل طافت
تتلافت
ما وافت

كل الينكر أفضاله
مثل العل رمح شاله
ثق ما يرحم العايل
أبو فاضل أبوفاضل
ءءءءءءءءءءءءءءءء
مني وارث عناده
وعنده هيبه جداده
بيرغ بسمه الساده
والقاده
اولاده
دم علي بشرايينه
وماخذ الوفه البينه
ربنه عازل العينه
يروينا
يحمينا

شيمني ورفع راسي
بيض وجهي عباسي
ابني ويعدل المايل
أبو فاضل أبو فاضل
ءءءءءءءءءءءءءءءء
خشبه صاير لسانه
يمكن العطش خانه
ريجه من نشف عانه
بس تانه
اخوانه
عد أبو الفضل حاله
اخته زينب اباله
كلبه خيمه لعياله
وأطفاله
بخياله

عنده سكينه خط احمر
ودعهه الخيم مضطر
صولاتك خبر عاجل
ءءءءءءءءءءءءءءءء
طوعه خلدت بطاسه
وابني عالرمح راسه
عاري والشمر داسه
بس ناسه
تتناسه
لخته ناذر جفوفه
وجهه بالسمه نشوفه
أغدي فدوه لحروفه
ما اعوفه
معروفه

جانت كربله زغيره
بس كبرهه أبو الغيره
حروره من الشمس شايل
أبو فاضل أبو فاضل

عنوان القصيدة
[ اوصاف الكمر ]
#خضر_عباس
الشاعر محمد رسول الحميري

https://youtu.be/KVNK9-7Tz9M

محرم الحرام 1444هـ 2022م
العراق البصرة هيئة نهج علي ع
#خضر_عباس

عنوان القصيدة
[ شيخ المشرعة ]
#خضر_عباس
الشاعر محمد رسول الحميري

https://youtu.be/CMnAtaC70qM

محرم الحرام 1444هـ 2022م
العراق واسط الحي هيئة الغيرة الهاشمية
#خضر_عباس

اذا شفت نسوان تهلهل اذا شفت شايبنه يهد
اذا دخت من هذا المنضر طفل عبر بحزامه يشد
معناهه انت بنص الشيعه
يؤمرنه الزاير ونطيعه

**

ديره عالمشي تحشم ديره
والكل يتحضر عيب ال ما يحضر
هذا يطبخ وهذا يجهز
زاده وعيونه روحه بماعونه
اذا عبر كدامه الزاير جنه هلال الفطر
اذا جزه وما ضايك زاده بهالموقف ينكسر

سنه وشهر وايام يعدهن اذا خدم عافيته ترد
حلم يضل خادم لترابك واخذ شبابه وسد بسد
زينب مشتركه بتصنيعه
معناهه انت بنص الشيعه

**

صرخه مني توصل شباجك
خادم واتشرف مترب وارد انضف
كلبي اطهره بتراب الزاير
جنه بجدامه طاهر للهامه
اليزورك الله بعرشه مقدره وفرحان بمنضره
اليكرهك الله يسود وجهه وعمره يكضي وره

منو الضمن جنه لخدامه منو الخدمته تعادل حِج
منو الاذا تنعاد أيامه زلم شباب وشييبه تهج
هذا المو من حقنه نبيعه
معناهه انت بنص الشيعه

**

انته كشختي وراسي العالي
عشكي وادماني صيتي والساني
الملتهي وي غيرك ما مجوي
بنار الحنيه العندك والبيه
لكيت اليعزب خطارك خطارك والسبب
تجاره تنذز صم طحين ويرجعلك صم ذهب

الف سنه وحط اربع ميه وبعد الف والخدمه اتضل
الك وكت وتعبرك هيه اذا جزت قطعا تنذل
قانون الله يحط تشريعه
معناهه انت بنص الشيعه

**

البصره صاحت اني اول خطوه
تبدي من عندي حالا يا ولدي
الناصريه من صار مزامط
فزعت شفناها بابل وياهه
سماوه وعماره بكل موكب خلن بصمه واثر
ثواني واهل الكوت اغتاضو صارو جف للكمر

الف هلا بولد الغربيه واالف هلا ديالا اهل الحض
زحف تجيك الديوانيه اذا عضم بغداد انرض
بالنجف التوزيع نشيعه
معناهه انت بنص الشيعه

**

الكه خادم كويتي واعبر
الكه البحريني تفرح بي عيني
امشي والكه ايراني معزب
حاله من حالي تكوه يالغالي
اذا شفت أفريقي بدربك لا تستغرب أبد
لان وصل صيت المشايه بكل ديره وكل بلد

هلا وغلا بسكان الكوكب هلا وغلا بكل زاير مر
ابو الوطن والناس ضيوفك عسا يحرسك من كل شر
يكسر خاطونه بتوديعه
معناهه انت بنص الشيعه

**

مر وكت يكطعون السانه
اليوصل مشايه واكثر من هايه
العشره ينذبح منهم تسعه
جانت بالزايد يوصل بس واحد
ورثته هذا الحب عالفطره وعاجبني من المهد
نقلته من جد جدي لولدي وهمه ينقلو بعد

غرامي الك منااا للمحشر على اسمي ترسم بيدك صح
واريد احس بطعم الكوثر اذا فقدنه الماي وشح
والموقف ناخذ تربيعه
معناهه انت بنص الشيعه

محمد رسول الحميري
قصيدة الإمام القاسم ابن الحسن

طلع البدر علينا من ثنيات الخيام
وجب الموت علينا والذبح بعد السلام
ءءءءءءءءءءءءءءءء
هذا منين حيرنه خيرنه بثنين
هذا منين لو نشرد لو نسجد لحسين

وجهه جنه مصباح العيد نوره تنتبهله من بعيد
الله انطا هيبه وعلا
ضيغم الحرب شافه وداخ سيد ومحارب كشاخ
جاهز جان والموعد حان

هذا لو يوم القيامه لو الهه الانتقام
صعبه نرجع بالسلامه والذبح بعد السلام
ءءءءءءءءءءءءءءءء
يرهب جان طب راجل ويعادل فرسان
يرهب جان مو هين ومبين عطشان

ما رحمنه وعلا السوا سورة الحشر فيت ويا
يا ستار من راسه الحار
يمشي والعطر منه يفوح هاشمي وثكيل ومملوح
رايح جاي أغله من الماي

القياده الهاشميه تبدي لو لف اللثام
ربي شيحل القضيه والذبح بعد السلام
ءءءءءءءءءءءءءءءء
الله انطا دم هاشم والقاسم سما
الله انطا من حمله جف رمله يرعا

عمه جهزه وجابه وياا دمه بالمعارك حناا
ضيغم هاد بالكلفه استاد
غيمه بامره تمطر سجيل هذا حدهم اصحاب الفيل
ننطي الون يمه وننهان

عمه راسلمه المخطط واعتقد فحوى الكلام
لو قرا واحدنه يشخط والذبح بعد السلام
ءءءءءءءءءءءءءءءء
هذا الشاب نضراته خطواته بحساب
هذا الشاب مو عطفاً لا غصباً ينهاب

بي توارد ويالعباس جفه بالمواقف ينباس
عالكلفات متحزم فات
ساعة جنه فارس صفين ساعه نسخه من عمه حسين
عالي الشان جنه القران

يمه ونكف المراجل لا خوال ولا عمام
لو نزل تبدي الهلاهل والذبح بعد السلام
ءءءءءءءءءءءءءءءء
ننطي الوان والقاده كالعاده تنهان
ننطي الوان يا عالم ابن ادم لو جان

يمشي خطوه نرجع الفين سيفه يلكط الزين الزين
فوك الروس بجدامه يدوس
هوه واحد احنه السبعين بس اذا زعل نرجع طين
كون الكاع تبلعنه بساع

شسعه دنك شده بيده صحنه يا عالي المقام
أشر يصير التريده والذبح بعد السلام

عنوان القصيدة
[ باجر الثكيله ]
#خضر_عباس
الشاعر محمد رسول الحميري

https://youtu.be/7XYU7z0JGp4

ليالي شهادة الامام علي ع 1443هـ 2022م
العراق الديوانية ال بدير هيئة ٧١ نورس
#خضر_عباس

عنوان القصيدة
[اذاشفت نسوان تهلهل ]
#خضر_عباس
الشاعر محمد رسول الحميري

https://youtu.be/AYqMGbZY8U8

محرم الحرام 1444هـ 2022م
العراق الديوانية موكب جعفر الطيار
#خضر_عباس

أيام الزياره
محمد رسول الحميري


متحزمه الغيارا
ايام الزياره
واحد عاف عياله ورزقه وكلش ما مهتم
واحد مستعجل وتعاين رجله انترست دم
متحزمه الغيارا
ايام الزياره

*

علي علي علي علي علي ويا
يتلكا وشمحلا
خادم وتحفضه الزهرا

هلا هلا هلا هلا بالمشاي
المن جاي يا وفاي
كال اشتاكيت لمولاي


حي الله النشاما
وصلوا بالسلامه
يا رب لا تحرمهم خدمة شيخ الفقره حسين
كل خطوه اليمشيهه الزاير يم الكافل دين
ما يفرغ مزاره
ايام الزياره

*

وفي وفي وفي وفي والعباس
رفعة راس بين الناس
لا يدبر لا ينجاس

اجه اجه اجه اجه طير الحر
شكله يسر زعله يضر
يفرح من يضوك المر

شيعي وعالي شانه
ما خان الامانه
كافل زينب شد حزامه وطالع يتلكا
حي الله ابن الملحه الجايب عطر الشيعه ويا
يفرح بالمناره
ايام الزياره

بده بده بده بده كلبه يرف
تعبه يجف يسمع قف
والرايه على متونه تهف
منو منو منو منو يتحدا
لا بالله يتعب جاا
ما دنك بس للسوا

افخر من اعيده
بابيات القصيده
من أول حد اخر زاير كلهم غيره وحض
واحدهم بالكلفه مسودن نار وما ينكض
هسه يريده ثاره
ايام الزياره

سوه سوه سوه سوه خل نهد
وكت الجد زحمه نرد
عداد ابن الزهره يعد
صدى صدى صدى صدى صوته يهز
كلهه تفز ناس تنز
بعيون الشمات يبز
هذا الكله غيره
بالفزعه الجبيره
من اخر نقطه بهالعالم تتعنه الزوار
واحدهم متعني لزينب مثل اليطلب ثار
يا زينب شعاره
ايام الزياره

مشي مشي مشي مشي مثل الصل
وجهه يهل عيب يذل
خل وماشي يزور الخل
افه افه افه افه يتعب لا
من تنخا ينطي دما
كله افزعلي وتسمع هاا
معروف بولائه
ما يبرد عزائه
ايام الما يخدم بيهن تلكا شابع هم
يفزع حافي وما يتردد من توصل للدم
شيطيفيهه ناره
ايام الزياره