[ مبارك يحسين مبارك ]
#خضر_عباس
للشاعر محمد رسول الحميري

https://youtu.be/UENP1t3FSQQ

محرم الحرام 1443 هـ 2021 م
العراق النجف الاشرف موكب عزاء ام البنين ع
#خضر_عباس

[ روحي ]
#خضر_عباس
للشاعر محمد رسول الحميري

https://youtu.be/6X0JPUZQYsY

استقبال محرم الحرام 1443 هـ 2021 م
العراق النجف الاشرف حسينية الرسول الاعظم
#خضر_عباس

أستخدم Instagram باسم ‌‎38syy‌‏. يمكنك تثبيت التطبيق لمتابعة الصور ومقاطع الفيديو الخاصة بي. ‌‎https://www.instagram.com/invites/contact/?i=11muz5fkyx6wa&utm_content=1hqky05‌‏

حسابي على الانستغرام وأتشرف بالجميع❤️

قصيدة غير مقروئة
العنوان( اخذ هاي الرسالة) إستشهاد فاطمة الزهراء
خادمكم محمد رسول الحميري




*يمه أخذ هاي الرساله لجدك وبلغة السلام*
*كله ماتت اُم إمام وبت نبي وزوجة إمام*
******************************
إحنه آيات الكتاب
والدعاء المستجاب
ربنه اذا بيبانه تنسد يفتح لخاطرنه باب
نبقى سر الله العضيم
والسراط المستقيم
ما رضينه على الخلافه نبايع أحفاد الرجيم

*جان اذا مر إسمي صدفه الهادي يوكفله احترام*
*كله ماتت ام امام وبت نبي وزوجة امام*
******************************
آني صوغه من الجليل
واني للضايع دليل
تبقه بردا وسلاما فاطمة ونار الخليل
أولا خير النساء
ثانيا باب الدعاء
ثالثا أني اُم محمد يعني اُم الانبياء

*إحنه اسمنه على العرش قبل الخلق وانهي الكلام*
*كله ماتت ام امام وبت نبي وزوجة إمام*
******************************
الكال بخاً للامير
وبايع بيوم الغدير
ملثم ويم بابي يحرك بلوه اذا مات الضمير
يا غياث المستغيث
كسر ضلوعي الخبيث
بيا شرع حللتو قتلي بيا روايه بيا حديث

*تقربولي ولاحضت بعيونهم نار انتقام*
*كله ماتت ام امام وبت نبي وزوجة امام*
******************************
فرضوا علينه الحصار
والوكت حسيته دار
غاثتهم بت محمد جنهم يطلبوني ثار
تحزمو ذاك النهار
والخليفه بجفه نار
وعلي لازمته الوصيه وراسه دخن ذو الفقار

*عضو جفوف الرسول وقَبلوا جف الضلام*
*كله ماتت ام امام وبت نبي وزوجة امام*
******************************
جمعو أشباه الرجال
وأفتوا اليحرك حلال
وياهم الخان الرسول ويهجر على فراشه كال
باجر يلعنه الزمان
واحنه إسمنه بكل مكان
هو يدخل حفره نار واحنه ندخل بالاذان

*يا نسب يوصل نسبنه واحنه أهل سيد الانام*
*كله ماتت ام امام وبت نبي وزوجة امام*
******************************
ضجه بالباب وطبول
واسمع الاول يكول
لا نبوه ولا رساله ولا كتاب ولا رسول
يا علي إدور السنين
ناخذ بثار الجنبن
هو أمير على المنافق وانته أمير المؤمنين

*حرم أفعال الرسول وحلل بكيفه الحرام*
*كله ماتت ام امام وبت نبي وزوجة امام* مرحبا
******************************
بالعرش نصبو عزاء
بي أئمة وأنبياء
وجهزوا كل السواد لموكب أحزان السماء
توجهت لله ودعيت
وعلى الحسين نحنيت
ما كدرت ألزم دمعتي ومن علي تعذر بجيت

*حاربوا حيدر لان روح النبي وبفراشه نام*
*كله ماتت ام امام وبت نبي وزوجة امام*
******************************

توضيح...
القصائد وقف للحسين وما يحتاج تترخصون
لا تنسون أمواتكم وأمواتنا بالدعاء

[ هذا دين لو غابه ]
#خضر_عباس
الشاعر محمد رسول الحميري

https://youtu.be/Vd1IoJlgZNw

الليالي الفاطميه الرواية الثانيه 2443 هـ 2021 م العراق الديوانيه هيئة عزاء قضاء الشنافيه المركزي #خضر_عباس

مكتوبة..
استشهاد الزهراء عليها السلام
الشاعر محمد رسول الحميري



دين لو غابه
ناس سلابه
تبت يدا ابي لهب جايبلي حمالة حطب يم داري
رد من محمد ينتقم والتموا أشباه الزم يم داري
ناس سلابه
دين لو غابه




نار ثار
والمالا حض ولا بخت طبعه الخيانه
خان جان
من يسمع اسمك يا علي يضيع بمكانه
زلم يدز كبل ينز لو كدامه انذكر
صدك جذب يطك يسب اليوكف من امر

كالولي يفتر الوكت بس ما اصدكهم جنت عن غايه
تاليتي بالجنه اندفن والطكني يخسه ويلعن عن غايه
نار بترابه
ناس سلابه




خاف عاف
دينه واضن حن لهبل والجاهليه
راح صاح
يهل السقيفه التموا يم باب الزجيه

نذل نذل اجو مثل ابليس وشلته
وصل عمر علي صبر معذور الا فته

كالو وصل شيخ الحزب وبكيفه يحرك لو يسب رب صاير
اتبروا من المستحه وعبدوا اله المصلحه رب صاير
ثار لحزابه
ناس سلابه




عاد راد
يثنيني عن نصرة علي وأسحب قراري
كاف لام
منا إلا ان يضهر الياخذلي ثاري
فهل اتى على الفتى يوماً ما بي نصر
فقل هو زلم طوه واليأمركم أمر

ما ثبتوا بصف حيدره وصاروا زلم يم المره خوانه
يم بابي كلمن ينتفض حسيته عثه على الارض خوانه
راد يتغابه
ناس سلابه





ناس كاس غثهم محمد من فرض دينه وكتابه
جاي راي ما عنده ويدور لقب شيخ الصحابه
عصر سمه عسا عمه منغث من فاطمه
ذبح فرض الف أرض فدوه لكطرة دمه

نعتب على اليسوه العتب هد على بابج والسبب بي شاره
ما عنده موقف ينذكر من الطفوله وللكبر بي شاره
هاد بنيابه
ناس سلابه






صال جال
كل ضنه تكضي وما يجي اليفضح مقامه
لا جا
خل يحسب احساب الضلع يوم القيامه
نذل فزع حطب جمع معروف وبالاسم
قسم قسم يرد صنم تسجد يمه الزلمه

غثهم محمد من رفع جف حيدره وشفنه الركع مو راضي
مثل الاجه بصدره السهم يمكن وفائاً للصنم مو راضي
غيض بصلابه
ناس سلابه

📜قصيدة : بشروها ابو فاضل
✒️للشاعر : محمد رسول الحميري
🔖 المناسبة : وفاة ام البنين



بشروهه ابو فاضل عالنهر وفه
عابس ذب قميصه وهوه ذب جفه

📌📌📌📌📌
إبنج من وصل للماي ضل صايم على عناده
إبنج عالرمح ويصيح زينب هيبة الساده
الماعنده مثل عباس لا يتباهه باولاده
باس جفوفج التاريخ حرمه وخرجت قاده

ربيتي كمر ما خاف من حتفه
عابس ذب قميصه وهوه ذب جفه
📌📌📌📌📌

إبنج طالع على حسين ما ماخذ طبع خاله
إبنج خله حته الماي بالطف محد بحاله
جان يشبهج العباس حته بصورت خياله
كلما يوكف على الماي يوكف طولج كباله

عريس أبو فاضل والحرب زفه
عابس ذب قميصه وهو ذب جفه
📌📌📌📌📌

شوصيتي الكمر من راح للطف وإحترك دمه
أضن كلتيلي موت وصاح آنه بخدمتج يمه
أضن كلتيله اخوك حسين جوه بريتك ضمه
لو كلتيله خيذبحوك فدوه انته لبو اليمه

إبنج ما نساهه دموعج بصفه
عابس ذب قميصه وهو ذب جفه
📌📌📌📌📌
ذب جفوفه حته يشوف صيتج عابر النجمه
ربيتي كمر لليوم مكتوب النهر بسمه
من كد ما يحب حسين هوه مغمض يرسمه
ربيتي كمر شفاف ما يتقارن بنسمه

عالطف أبو فاضل حيدر مكلفه
عابس ذب قميصه وهوه ذب جفه
📌📌📌📌📌
يمربيه كمر عدنان ما أصور شجنتي
الحجاهن عل النهر عباس ذني سوالفج انتي
كتب عالمشرعه تبشرين يم عون النهر حصتي
ما يعطش طفل وحسين عايف زمزم بكصتي

ما قصر كمركم والنعم كفه
عابس ذب قميصه وهو ذب جفه
📌📌📌📌📌
مواقف عدهه وي حسين كلهن ضلن اباله
ما ذبتله طاست ماي هيه تبدت كباله
راح و تدعي للمعبود ايسلم حسين و عياله
راح وفرحت بعباس تدري الماي يصفاله

علمتي أبو فاضل يوكع بعفه
عابس ذب قميصه وهو ذب جفه
📌📌📌📌📌
بشروهه تره العباس يرتاح على طاريهه
بشروهه تره اُم حسين بالجنه حجت بيهه
كالت ما تهمها الناي بس مرضاة باريهه
هنياله الكمر من راح فدوه لاثر رجليه

للموت ابو فاضل رايح بلهفه
عابس ذب قميصه وهوه ذب جفه

📌📌📌📌📌

[ محمد رسول الحميري ]
صح ما لكيتج بالسبي
بس جنتي رايه على العبي
انتي النويتي اربع ركع
صلاهه عباس ورجع
كل ركعه تنقاس بنبي
*************
عزلتي الجربه لجتافه
رضع من زغره الموافه
حقيقه ادوخ اوصافه
ساقي ويبست شفافه
كالولي حوه متنسيه خوه ناتجهه هوه بس لا
امه الوفيه والعبقريه وكفتله هيه حياا

توه انكشف سر الفته
ام البنين الربته
جانت تهلهل من فزع
صلاهه عباس ورجع
كل ركعه تنقاس بنبي
*************
أخذ رخصه وهبط موسى
نزل من كصته يبوسه
ماخذ منج دروسه
جلاله وهيبه متروسه
امنه العضيمه وانطتنه قيمه غيرج حريمه نهوا
نضرتهه عيدي تمشي بوريدي جفهه على ايدي محلا

ربج هدالج منزله
حل اسمج لكل مشكله
حبهه بشراييني انزرع
صلاهه عباس ورجع
كل ركعه تنقاس بنبي
*************
وكف روح القدس شاهد
يسجل موقفج رايد
غيرج تكتفي بواحد
نذرتي الكافل وزايد
كالتله الاهي ام ذوله ماهي وبموتي جاهي ألكا
اختي الزجيه رادتني هيه للغاضريه وياا

ارزقني سوط ويالضعن
خجلانه من ام الحسن
تدعي وكمر هاشم سمع
صلاهه عباس ورجع
كل ركعه تنقاس بنبي
**************
ألا من ناصرا ناده
وفارت غيرة الساده
كلمن جهز اولاده
ونذرت فاطمة القاده
ام النشامه يوم القيامة أوضح علامة للحك
تنصب عزاهه يحضرهه طه راية لواهه تندك

جادرهه يم شاطي النهر
ومعزب هناك الكمر
واجب على حسين الجزع
صلاهه عباس ورجع
كل ركعه تنقاس بنبي
************
أشواقي وتحياتي
إلا الحوريه مولاتي
أوضحلج معاناتي
راح أنقلهه كالاتي
خلوهه سكته كلشي افتهمته بس سرهه يمته نقرا
بالميه ميه كالو نبيه تنقل قضيه وياا

كل حرمه غيرج تنولي
وانتي الرحل عنج علي
سلمهه بيدج من طلع
صلاهه عباس ورجع
كل ركعه تنقاس بنبي

[ اربع ركع ]
#خضر_عباس
الشاعر محمد رسول الحميري

https://youtu.be/BOYM_26gsfg

ليالي وفاة ام البنين ع 2443 هـ 2022 م
العراق بغداد الغزالية حسينية جعفر الطيار
#خضر_عباس

محمد رسول الحميري

جهز الكمر مأتم وحضر سيد البشر علي
بدورة السنه للقبر دنه يبجي ونحنه علي
من حاجاهه انكسر
مشكوره على لكمر
ءءءءءءءءءء
خاف شاف ذكره عالقبر يبجي من تمر دم
راح طاح يمهه وانفجر مستحه وقهر هم
البجي بعلي شسوه
شكله ينعرف كوه
مدري هو مو هوه
يتلوه
مو توه
تبقه كسرة الخاطر
ذكرى من اليسافر
ليش أبو الحسن حاير
وشصاير
ما صاير

وجهه مختلف كوه ينعرف ما بقه الترف علي
صدره بي الم حركة الخيم منهه ما سلم علي
وين حزام الضهر
مشكوره على الكمر
ءءءءءءءءءءءء
هاي ماي عينه والضوه جرحه للدوه حن
شوك فوك مستوى البشر نورس وبحر جن
لا تنشده عالراحه
همه كاسر جناحه
بيده لازم صفاحه
جن لاحه
ذباحه
شوكه لللحد نازل
بيهه ريحة الكافل
الحنين أبو فاضل
هم شايل
دم سايل

سيد الحرب يمهه من يطب وضعه ينكلب علي
حكه أبو الحسن بالقبر وطن جن الاندفن علي
ام الذل النهر
مشكوره على الكمر
ءءءءءءءءءءءءءء
زار دار ام الاربعه يمهه واندعه لل
صار غار والحرم نبي خيمه عالعبي ضل
يذكر الحجي وياهه
الوفيه حياهه
بالحشر تجي لطه
تتباهه
برباهه
مطيه فاطمه حجايه
ربت اليدك ثايه
كده والنعم هايه
وفايه
للرايه

كدهه والنعم ربت الزلم لبوة الشهم علي
كالت اوفت عبرت وجزت جم نبي وحمت علي
شبعت موت وسهر
مشكوره على الكمر
ءءءءءءءءءءءءءء
راد شاد ضهره الانكسر تجوته الكمر صد
نور حور حاضن النعش شافه واندهش رد
خوفه يبس شفافه
دمعه غير اوصافه
جرحه ثكل جتافه
ما عافه
يتعافه
عاشت بشراينه
حيدر الله اليعينه
هذا حدهن سنينه
ماذينه
والينه

صبره زينبي مبدء وسبي جازي جم نبي علي
كله يختلف واحد بالف عاشر النزف علي
همهه بكلبه استقر
مشكوره على الكمر
ءءءءءءءءءءءءءء
راح ناح يا علي مدد باقي بس جسد جن
صار نار كلبه ملتهب ناره اذا تشب حن
سلم وكعد يمهه
سولف وحجت همهه
شمته ورجع شمهه
كلمهه
سلمهه
لله وافتخر بيهه
خوفه دمعه ياذيهه
يسوه كلشي طاريهه
حاجيهه
وشبيهه

ودع القبر وانتهه الامر سيد الصبر علي
صله واندعه لم الاربعه عالقبر نعه علي
دمعه بعينه وصبر
مشكوره على الكمر

عنوان القصيدة
[ سيد البشر علي ]
#خضر_عباس
الشاعر محمد رسول الحميري

https://youtu.be/DCZCIsqV4ro

ليالي وفاة ام البنين ع 1443 هـ 2022 م
العراق بغداد الغزاليه حسينية جعفر الطيار
#خضر_عباس

محمد رسول الحميري
——————————
اليفرح نجه شعبان اجه يا محلا البشاره
هذا الشهر أطهر بشر نستقبل أنواره
ءءءءءءءءءء
هذا الحسين غنوو يا شيعه شيعه
الكائنات والهوه يطيعه يطيعه
نتنفسك انت وهلك ونقدس العتره
انه وهلي والضل الي فدوه لهوه الزهره

بس يا دمع خلي الشمع يتنصب بداره
هذا الشهر اطهر بشر نستقبل أنواره
*************************
نور الكمر ضوه الدهر وانكشفت اسراره
كل الهلا وبنص هلا رب العرش زاره

صاح الحسين يا هلا وباسه باسه
وام البنين تشهك انفاسه انفاسه
زينب مشت واستبشرت يم العلي العالي
يوم السعد بويه انولد هاليليه كفالي

والرب امر كل البشر تتناقل اخباره
كل الهلا وبنص هلا رب العرش زاره
***********************
شبل الاسد توه انولد وابتشرت الساده
يضوي الارض اول فرض رب العرش راده

مولد امام نسخه من طه طه
وارث جمال احمد وجاهه جاهه
وجهه ضوه ذكره هوه تتنفسه أحبابه
اول صبي جنه نبي والعالم يهابه

روح القدس ناده بهمس بذن الحسن ناده
يضوي الارض اول فرض رب العرش راده
*************************
هل وحضر المنتضر ايه بحضن سوره
كلبي اندهش بخمسطعش متنطر يزوره

نختمهه بيك واسمك الهيبه هيبه
عبدك واريد تختم الغيبه غيبه
يمته الوعد يوم السعد تاخذنه بحضانك
يبن الحسن يمته الوطن يتباهه بلوانك

طال الامر يمته الصبر يتشرف بنوره
كلبي اندهش بخمسطعش متنطر يزوره