🌾 В СУП "Белоземье" сегодня чествовали не только молодёжный экипаж тысячников, но и водителя Вячеслава Русакевича, который первым в хозяйстве перевёз на жатве тысячу тонн зерна нового урожая

🎙Госцяй студыі Першага нацыянальнага канала Беларускага радыё нядаўна стала бібліятэкар з Падлесся Ларыса Глеб

Яе запрасілі ў эфір не выпадкова: менавіта яна з’яўляецца аўтарам  тэкстаў для песень блогера Яўгена Гуляша —саліста Нацыянальнага Акадэмічнага хору імя Цітовіча.

Размова ў прамым эфіры атрымалася цёплай і шчырай.  Ларыса Мікалаеўна падзялілася, адкуль чэрпае натхненне для сваёй творчасці.

Бібліятэкар расказала слухачам і пра адметныя падзеі ў культурным жыцці рэгіёна, у прыватнасці — пра фестываль народнай творчасці «З крыніц спрадвечных», які штогод збірае ў Грушаўцы таленты Палесся. Яна падкрэсліла важнасць такіх мерапрыемстваў для захавання нематэрыяльнай культурнай спадчыны. 

📚Падлеская сельская бібліятэка — важная частка жыцця Ларысы Глеб. Гэта не проста кніжнае сховішча, а сапраўдны культурны цэнтр вёскі, дзе ладзяцца сустрэчы з пісьменнікамі, майстар-класы для дзяцей і працуе бібліягурток  "Гарэзлікі".  Менавіта тут часта нараджаюцца сюжэты новых твораў.

Госця парадавала радыёаматараў вясёлымі сямейнымі байкамі, поўнымі гумару і лёгкай самаіроніі, выклікаўшы ўсмешкі ў студыі. А напрыканцы праграмы прагучалі сур’ёзныя і ўзнёслыя радкі. Ларыса Глеб прадставіла свой верш, прысвечаны беларускай мове.

Эфір з бібліятэкарам-паэтэсай стаў напамінам пра тое, што сапраўднае мастацтва жыве там, дзе ёсць любоў да роднага краю, павага да продкаў і невычэрпная крыніца народнай мудрасці.