سويها لله وكِلشي باقي إخذه وياك !
ماريد تُبقالي اعلىٰ حايط ذِكرىٰ
صافِن گبالك مِثل صَفنت تِمثال
صَفنت مريض اعلىٰ شباچ الحَضرة !
تكتل العِشرة التخلص بلايَّ أسباب
توجع تِضل حدر الضلوع الحَسرة
صِرت آنه شجرة وينگطع عنها الماي
وانتَ أفتهم معنىٰ الوجوه الصفرة .

بس مُرَ عَلينا !
خل نلمّ احلامنَا ونحفُظ صوَرهن
گبل لا يأخذهِن بِدربه الفَجر
وخل نلمّ الباقيّات
سنيّني وسنينَك !
نسويهن عُمر
وهنّ ميكفَن عُمر