-

قبل لا تدخّل حياتي
چنت افكر
ماكو قصَة حُب عظيمة
وفگره الحُب
اني رافضها بحياتي
وحيل احس بيها قديمة
هَلاشياء المالهن داعي بحيَاتي
أنتَ سويت الهن قيّمة .

وشَلي بـ أخبار
الحَبيب المايحَب
وشَلي بالعين الوسِيعة
الماتشُوف بعيِني نضَرات المحَب .

انـتَ تِدري
عيونك مسَّويتلي واهِس حتى اعيش؟
انـتَ تِدري
خدودك اترف مِن شگو بَـدنيا ريش؟
انـتَ تِدري
بلون شَعرك على لون الليل طاغي؟
انـتَ تِدري
الاوردهَ المتفرعه بيدك كلهـا متفرعه بدماغي؟

-

-

-

بَعد ياهو اليگلي شبيك ؟
زَعلان ويشاقيني ويگلي
دموعي تَسوة
وبَعد ياهو اليگلي شبيك
مَهموم
يحسسني حَتى احزاني
حلوة
ياهو من الرسايل يدري مَخنوگ
الـ من أتعب ضحكته تصيّر
تَجوة
ياهو يحل مَشاكل دنيتي وياي
ياهو بتضحيات يروح فدوه .

-

-

ما اتذكر چنت ادور الحُب بالمكان الي اوصله بگدما چنت اباوع واتلمس سعة المكان ، يشيلني؟
يوسعني انا واحلامي؟
هالگلب رح يگدر يضمني انا وكلشي بيه ؟
بيني وبينكم چنت اريد احس بأنشراح الي يگدر ينولد منه انجازات وضحكات ،
مكان وگلب اگدر اجي بنهاية اليوم
اغفى بي وانا راضي ومتطمن
وهذا اصعب من الحُب بهواي 🤍.

-

-