لتخَليني وَحدي منين أعَرُف النَاس
لا أكدر أعَاشر لا خِلك عِندي
أحب شَلون غَيرك من أود شلون
انا وياك كُلش خَلصت ودي
بكد حُبك لنَفسك جنَت أناني ويَاك
مِنو بكدك يحَبك محَد بكدي
أخذني وياك منَي شعِندي باقي وَياي
وكلي وياك اخَذني وكلشي لتَودي .

وشگد حلوة مِني
ميت مخليك
ومو بَس ما أحبّك
ما اتشرف بيك
اگدر اختفي من عيونك وارتاح
بس يعجبني
هيچ تراقب مبقيك
هاي حچاية وتذَكرها للأيام
" الهَ فراگي باچر مَضحكة يسويك "

اكثر مَن أُمك احَبك
شي اكَيد
نعَم هَي تخاف وتحَبك اجَل
بَس تغار عليك؟ شيء مستَحيل
وأني خوفي وغَيرتي تهَز الجبل
لَيش أطولها وأظلّ اخذ واَجيب
بالجاهلية أهَواك "واكثر مَن قبل"

خل أحضنك
يمكن المره الأخيره
البيها أحضنك ومنو
اليدري الموت ياساعة
يجي ولو متت هواي منك
خاف أموت بديرة غربة
خاف أموت بعيد عنك
أني ماعندي مكان
بغير حضنك
هاك رُوحي وخذني يمك
خاف أموت واني مو يمك
حبيبي أرد اموت
وراسي يمك .

يصير احَبك مِن جديد ؟
ونخلق لحُبنا بدايهَ
وصِدفه اشَوفك مِن بعَيد
وانعَجب بيك واعَجبك
ويصير نزعَل ، نخِرب ، نضَوج
ونفارگ بس نعَود
يصير ميمرنه برَود .

" كُلْشِي وِياه مَا أنسَـاهْ "

مِن اشوفك شلُون بِيه؟
انتَ وعيونك عَليه
ومِن اشوفك صِدفه وبگَلبي اكول
مَعقوله هذا يصِير اليَ ؟