يَـ دادة عيونك تنسيني سالفتي

تهمُوني بمحَبتك والله لو يدرُون
عَ ضيم العليَـه يضَل يواسُوني
مايدرُون عَايفني بـ مهَب الريح
وانَا ويَاك عفت المَايعوفوني
اليحبُوني شكثِر والجَيتي يتانُون
واخجَل من كثِر ماگام يتنونِي
وانتَ الماتحبني شلون بَلا ويَاك
امُرن بيك مامُر باليحبونِي
عفِت اللي شَروني ومن ارد شلون
هَم اسوَه بعَد ونَوب يشرونِي ؟
حَبيتك شجَاني وماحسبت حسَاب
خَيوعنك عليَه مو اني خَيعوني
مَتحبني واحبَك والمصيبَه نَوب
اريدَك وانهزم من اليريدوني .

جبار رشيد .

لتخَليني وَحدي منين أعَرُف النَاس
لا أكدر أعَاشر لا خِلك عِندي
أحب شَلون غَيرك من أود شلون
انا وياك كُلش خَلصت ودي
بكد حُبك لنَفسك جنَت أناني ويَاك
مِنو بكدك يحَبك محَد بكدي
أخذني وياك منَي شعِندي باقي وَياي
وكلي وياك اخَذني وكلشي لتَودي .

وشگد حلوة مِني
ميت مخليك
ومو بَس ما أحبّك
ما اتشرف بيك
اگدر اختفي من عيونك وارتاح
بس يعجبني
هيچ تراقب مبقيك
هاي حچاية وتذَكرها للأيام
" الهَ فراگي باچر مَضحكة يسويك "

اكثر مَن أُمك احَبك
شي اكَيد
نعَم هَي تخاف وتحَبك اجَل
بَس تغار عليك؟ شيء مستَحيل
وأني خوفي وغَيرتي تهَز الجبل
لَيش أطولها وأظلّ اخذ واَجيب
بالجاهلية أهَواك "واكثر مَن قبل"

خل أحضنك
يمكن المره الأخيره
البيها أحضنك ومنو
اليدري الموت ياساعة
يجي ولو متت هواي منك
خاف أموت بديرة غربة
خاف أموت بعيد عنك
أني ماعندي مكان
بغير حضنك
هاك رُوحي وخذني يمك
خاف أموت واني مو يمك
حبيبي أرد اموت
وراسي يمك .