ربي لا تحرمني خدمة فاطمة


خادم الزهره اعلى بابك يا كريم ادخيلك
طامع بعطفك إلهي من ذنوبي اشكيلك
يلي تعرف بالسرائر ماكو داعي احچيلك
وآنا راكع وآنا ساجد دمعتي تناديلك
كل وكت دعواتي يا رب السمه
" ربي لا تحرمني خدمة فاطمة "
*

مو لجل دنيا اخدمتهه وانته ربي العالم
عايف الدنيا بكبرهه ، همّي اصيرن خادم
خادم الزهره مناي أتگول عني الوادم
وبالحشر تلگه بكتابي (هذا خادم فاطم)
ليل وانهار احلم بهالخاتمة
" ربي لا تحرمني خدمة فاطمة "
*

شلون ما اتمنى اخدمچ وانتي معنى اسنيني؟!
لجلچ الباري خلقني وفضلتچ تكويني
بالشدد دربي اعلى بابچ وانتي علمتيني
ما تضل صعبة بحياتي لو صحت (غيثيني)
انتي چفچ يا ام حسن ما اكرمه !!
" ربي لا تحرمني خدمة فاطمة "
*

يا إله الكون خايف گصّرت ويّاهه !
فاطمة الربّتني خادم كون أجازي ارباهه
اسنين من أبچي اعلى ابنهه وياي تبچي الگاهه
عندي عِشره ويه الزچيه وعِشرتي شمحلاهه
آنا خادمهه البديهه اتحزّمه
" ربي لا تحرمني خدمة فاطمة "
*

احزام أشدّن للمآتم من تجي الياليهه
فاطمة الزهرة عذابي بيا حزن أوفيهه؟
آه من تحچي المنابر فاطمة معذّبيهه !!
بلا شعور الطم عيوني ويلي ويلي اعليهه
كون وجه الدنيا بچفوفي الطمه
" ربي لا تحرمني خدمة فاطمة "
*

ربي يل تعرف گدرهه وتدري بيهه شصاير
ما أظن يكفي عليهه لو دميت الناظر
ولمن اذكر حال حيدر يم نعشهه وحاير
وحده تالي اليل بيهه اعلى المگابر ساير
ريت يا بوحسين لعيوني العمه
" ربي لا تحرمني خدمة فاطمة "
*

آه يا جمرة هظمهه البالگلب لهـّـابه
لا گبر يطفيلي ناري من اوگف اعلى اعتابه
للحبيب المهدي اناطر يرجع من اغيابه
يمشي ويانه لگبرهه وايده بيد احبابه
يم گبرهه اهناك ننصب مأتمه
" ربي لا تحرمني خدمة فاطمة "
ــــــــــــــــــــــــــــــــــ

🍀الشاعر مازن الزبيدي

::
____________________

كلمات خادم الزهراء ع ملا علي
@MOl_ail

#قصائد_استشهاد_العباس_ع
https://t.me/yy555h

#ابوذيات_نعي_مكتوبه_وملحنه
@bhp18
____________________

الحك يلكافل زينب ماتت بارض الشام
الحك يلكافل

دكت الجبال - باسم الكربلائي (شهادة زينب"ع")

يا زينب - باسم الكربلائي (ستوديو)

لو غَمض عيوني القَدر واروني يم شَاطي النَهر

يا دائم الفضل - باسم الكربلائي

وزعيني أقبرا - باسم الكربلائي

مرت سنة ونص - باسم الكربلائي

يازينب - باسم الكربلائي (شهادة زينب"ع")

ما نسيتك - باسم الكربلائي

زينب - باسم الكربلائي (ردت اوفي وياج الوعد زينب)

زينب اتناديك - باسم الكربلائي

يا الغريبة - باسم الكربلائي

شعجب موتي - باسم الكربلائي

شالوا جنازتها - باسم الكربلائي

حيدر من وصلها - باسم الكربلائي

يا ألم السنين - باسم الكربلائي