سؤال اليوم مو من ضمن اختصاصنا بس لازم نتعلمه ونعرفه ، اذا اريد اسوي عملية للقلب شلون اسويله عملية والقلب يدك ؟ ...

للعلم هل شيء اله علاقه بالفارماكولجي وان شاء الله اليوم راح اسولفه الكم

#التدريب_الصيدلي 🏥🎖

#Muhanad_Ahmed
@lozea0
@ph_practice0

اذا نريد نسوي عملية لقلب ، شلون راح نسوي العملية والكلب يضخ دم وينبض ؟

هاي اكثر سؤال شفته منتشر بالكروبات يختبرون بيه الطلاب ... لكن راح اعلمكم اياه

بالعادة هم هنا ينطون علاج اسمه cardioplagia solution ترجمة " محلول شلل القلب "

اذا نريد نعرف محلول شلل القلب cardioplagia solution : هو المحلول الذي يوقف القلب بطريقة رجعية reversable اي بمعنى نكدر وراها نشغله " مثل النقطة الكهرباء 😈 هل المحلول "

✅️ هذا المحلول يحتوي ع :

1 - potassium citrate
وظيفة هل المادة تسوي استرخاء مثل الشلل لعضلة القلب فتوقف ال diastolic

2 - magnesium
تقريبا نفس العمل مال البوتاسيوم

2 - lidocaine
علمود يخدر القلب بصورة بسيطة

زين والدم وباقي الاعضاء والكلية شلون تشتغل هاي بدون القلب .... هاي اكو جهاز اسمة " جراحة المجاز " ، هي الفكرة منها اطلع القلب خارج العمل واعتبر الجهاز هو القلب وهنا الدم يطلع خارج الجسم يروح للجهاز يتأكسج ويرد يتوزع بالاعضاء ...

#التدريب_الصيدلي 🏥🎖

#Muhanad_Ahmed
@lozea0
@ph_practice0

مرحبا اخوان اكو نقطة مهمة والكل يفكرون انو السعي بالمواد الوزارية مو مهم ... لان عساس النجاح فقط يعتمد ع الوزاري

هنا غلط انت مطالب منك تنجح بالوزاري تجيب ٣٠ فما فوق وتنجح ايضا بالسعي الي هو ( المد + العملي )

يعني لازم تجيب

✅️ بالوزاري ٣٠ او فوك
✅️ بالسعي ٢٠ فما فوق

علمود يطلع الك درجة نجاح ٥٠

يعني خل نفرض انت جبت بالوزاري ٣٠ من ٦٠ وجان سعيك ١٩ من ٤٠ فهنا راح يطلع مجموعك ٤٩ فتعتبر هنا راسب .. وتمتحن دور ٢ او قرار

هذا الكل وهواي طلاب غافلين عنه

#التدريب_الصيدلي 🏥🎖

#Muhanad_Ahmed
@lozea0
@ph_practice0

#ع_الطاير 🫣

ادوية معالجة السكر بيها ادوية مثل metformine تقلل الوزن ، وادوية ال sulfonylureas تزيد الوزن ، شنو السبب ؟

بالنهاية هن ثنينهم نهايتهم هي انو الكلوكوز يصل للانسجة والعضلات 😞؟

السبب يعود انو ادوية ال metformine هي احد اكثر الاثار الجانبية الها هي مشاكل المعدة والتقيؤ والغثيان والاسهال فهنا المريض يفقد شهيته للاكل ، وبنفس الوقت ما تزيد من انتاج الانسولين من خلايا β-cell انما فقط تزيد من ارتباط او sensitivity مال انسولين ويا كلوكوز ...

للعلم اكثر فكرة ماخذيها خطأ ع ال metformine هو يقلل الوزن فهذا غلط ، انما هو neutral يعادل الوزن اي معنى يخلي وزنك طبيعي فقط

اما ال sulfonylureas هي ادوية تزيد من انتاج الانسولين من خلايا ال β-cell ومثل ما تعرفون الانسولين عبارة عن بروتين وكل ما يزيد ، فهنا راح يزيد نقل الانسولين للكلوكوز للعضلات 😉 ...

وللعلم اكو ادوية ال Thiazolidinediones مثل ال Pioglitazone هم تزيد الوزن بس عن طريق تسوي تورم واحتباس سوائل فيحس المريض وزنه زايد fluid retention ....

كيف رأيكم بالمعلومة ؟

#مهند_فارما💊💉

@muhanad_pharma

#الجلدية

عدنا ثلاث حالات جلدية شائعة بس تفريق بيهم صعب ، فلذلك حبيت اعلمكم شلون نفرق بينهم والي هن

1️⃣ الفطريات fungal infection :

⚠️ تتميز بوجود حكة itchy + رائحة مو طيبة smell

⛔️ العلاجات antifungal

2️⃣ الاكزيما eczema والتهابات الجلد dermatitis

⚠️ تتميز بحكة itcy + بس ما بيها رائحة no smell + جفاف قوي

⛔️ العلاجات : ترطيب emollient + corticosteroid

3️⃣ الصدفية psoraisis

⚠️ ما بيها حكة itchy + ولا بيها رائحة no smell + تقشر كلش واضح

⛔️ العلاجات : emollient + keratolytic


#التدريب_الصيدلي 🏥🎖

#Muhanad_Ahmed
@lozea0
@ph_practice0

https://vm.tiktok.com/ZMY7ukgHc/

واقعنا الصيادلة بريلز 💔

مدام مهند عطل 😈😉 يلا نطلع فايدة العطلة ومدام اني هل الايام مدري شبيه شو احب سوالف السكري والهرمونات

فلذلك خلنكمل ع سوالف السكري بكلشي بيه ، من تجينا وصفة من دكتور غدد وسكري نشوف يكتب vitamine D للي عدهم سكري نوع type 2 ؟ ليش ؟

#مهند_فارما💊💉

@muhanad_pharma

شوفون هاي الصورة وراها قصة ! وقصتها لازم انقلها الكم

جنت رايح ازور الامام الكاظم ، فبالطريق صاحني سايق كية ، كال تعال بس وصل هاي المرأة لذيج السيارة لان خطية متشوف صدك اني شلت جنطتها وكتلها جلبي بايدي واني اخذج ... فبالطريق ما اعرف شلون نطقت المرأة وسالتني ع دراستي وسالتني وين تدرس وهيج ، كتلها انتي شعجب هيج كالت اني هيج صرت مو ولادي انما هيج قبل ٧ سنوات ، سالتها ع ناس اهلها زوجها كرايبها طلع اهلها ميتيتن زواج ماكو معين ماكو اخوان ماكو بس هي والله 💔 وسالتني اذا اكو بجامعتي للناس المكفوفة ، كتلها لا بس ليش ؟ كالت اني طالبة اعدادية بس ماكو جامعة للناس الي متشوف ، وكتها عرفت اكو رسالة لمهند بهل موضوع كون اني انسان احب اقرا وادرس انو الانسانه الي هي ما عدها معين وما عدها احد وما تشوف دا تحاول بكلشي عدها علمود توصل وما تعتمد ع احد ✨️❤️ فمن واجبنا احنا هاي الناس الي هيج تريد توصل واني كانسان الله وفقني الله يختبرني بهل شيء فلذلك قررت اساعدها منها اوديها للطبيب ومنها احاول اشتريلها احتياجاتها ومنها نحاول ندور الها جامعة ..

اي مبلغ تكدرون تدزونه وتساعدونه ويم ربك ما يضيع مثل ما احنا الله وفقنا لازم نساعد الناس الي عدها احلام توصل .

✅️ زين كاش او رصيد 07813650307
✅️ اسيا 07716108082
✅️ معرف التلكرام
@Muhanadahmed
@ph_4hu

عائلتي واخواني واصدقائي

كل عام وانتم بالف خير يارب صحة وسلامة وحياة حلوة ونجاح 💛🖤

#مهند_فارما💊💉

@muhanad_pharma

قبل كم يوم نشرت كلت انو ليش الطبيب دائما يصرف vitamine D ويا ادوية السكر وخصوصا الي عدهم type 2 😏؟

خل نوضح حبة حبة ، السكري نوع الثاني type 2 ( هنا عدنا شغلتين اما البنكرياس ما تفرز انسولين كمية كافية ، او تفرز لكن هذا الانسولين مدا ينقل الكلوكوز للعضلات ) 😌

فهنا اجه دور ال vitamine D ، وصفه هنا راح يزيد من تحفيز الخلايا بيتا β cell الي موجودة بالبنكرياس انو تفرز انسولين ، او يزيد من ارتباط الانسولين بالكلوكوز اي بمعنى يقلل من insuline resistant 🫣

وللعلم حتلو الطبيب ما كتبة ، تكدر انت توصفة للمريض السكري كون مهم لجسمة وهو ما يأثر ويفضل ان ياخذه المريض بعد وجبة دهنية كون يعتبر ال vitamine D هو lipid soluble ...

للتبرع
https://t.me/muhanad_pharma/3486

#التدريب_الصيدلي 🏥🎖

#Muhanad_Ahmed
@lozea0
@ph_practice0

منو الشاطر الي راح يضرب هل الاسبوع وما يداوم ✌️ ؟

تدرون كل الكورسات الي شفتها الطلاب داخلين بيها ، اول ما يسووون كورسات صيدلة كبل يبدون يشرحون بالمادة

اجيت اني سويت كل الاغلاط وحليت وسويت كورس تدريب متكامل

اكو اسياسيات لازم نتعلمها قبل كلشي 🤎💛 وهي

✅️ لازم نتعلم شلون نقرا الوصفات وهذا الوحيد كورس مهند فارما يدرسه للطلاب

✅️ لازم نتعلم شنو يا طريق نسلك بالمستقبل عن طريق نتحدث عن كل الجوانب من ماستر ، صيدلة سريرية ، مستشفى

✅️ لازم نتعلم شلون نتعامل ويا المريض وطرق التواصل ، لان الصيدلاني بعلمية وبدون خبرة مجال تسويق ومهارات فهذا صيدلاني فاشل لان مهنتنا 50% عملية و 50% هي مجال تسويقي وربحي

كل تشووفونه فقط كورسنا يوفرة ع الرغم 🤣 راح تنسرق الافكار مالتنا وتطبق لكن نبقى احنا مميزين بالعلمية والدراسة والخبرة المجال التسويقي

✅️ الكورس مالتنا للاشتراك
https://t.me/pharmacy_training_dalil/562

المبلغ رمزي مقارنة بكلشي دا نقدمة سعره 20 دولار رصيد اسيا او اثير ماكو مشكلة وباقي تفاصيل بالرابط فوك

#مهند_فارما💊💉

@muhanad_pharma

#حالة_طبية_وتوعية 😡

عندي عمي داخل قاعة مال جم فاسألني ع العلاجات والادوية والبروتينات ، فجأة كال والانسولين هم زين لاهل الحديد ، اني استغربت كتله شعجب سألت هيج ؟ كال اغلب الكباتن الي يمنا ياخذون انسولين ابر

خل نجي نسولف ليش اهل الحديد ياخذون انسولين insulin وهل شيء صح لو غلط ؟

الانسولين insulin هو اخو هرمون النمو ، ال insulin هو عبارة عن بروتين وهذا البروتين يساهم بناء العضلات عن طريق يوصل اكبر كمية من الكلوكوز للعضلات ، بنفس الوقت الانسولين هو بطبيعته يسبب زيادة بالوزن ، فلهذا السبب ياخذونه اهل الحديد ✌️

زين هل شيء صحيح ؟

ج : هذا اكبر غلط لان البنكرياس هي مخصصة تفرز كمية انسولين محدد باليوم ، وبنفس الوقت من انت تاخذ انسولين وهنا البنكرياس تشوف مداعي تفرز انسولين لان دا تاخذ انسولين خارجي فبعد ما تفرز وممكن تدمر وتموت غدة البنكرياس الي عندك ويصير عندك سكري نوع type 1 وراها تظل تستمر ع انسولين طول عمرك 💔✨️


#مهند_فارما💊💉

@muhanad_pharma

هذا الدواء ال Racecadotril الي هسه ما ضايفينة للمصدر ... يعني الدواء حلو وعجبني اشارك وياكم معلومات عنه ✌️💙

ال Racecadotril يعالج الاسهال بس شلون يعالجة تعالوا نتعلم ؟ ✨️

كلنا نعرف عدنا endogenous opioid هاي الاشارات العصبية الي تسكن الالم وتنطينا شعور بالراحة والاسترخاء مثال عليها ال enkephalins 😍

بس ال enkephalins كل ما يزيد بالجسم وتصير كميته هواي فراح يسبب النا اثار جانبية مثل الامساك constipation ، فالعلماء الابطال استغلوا هاي الخاصية وصنعوا منها دواء 👋

كالوا انو ال enkephalins هو يتكسر بواسطة ال enkephalinase فاحنا خل نزود تركيز ال enkephalins عن طريق نمنع تكسيره ، فصنعوا ادوية اسمها enkephalinase inhibitors وبهيج شيء زدات ال enkephalins وزاد تأثير الامساك وعالجت الاسهال

#التدريب_الصيدلي 🏥🎖

#Muhanad_Ahmed
@lozea0
@ph_practice0

قصتنا حلوة وتحديدا لاهل ذي قار 🔥

ب ١٩٧١ استورد العراق حنطة من المكسيك وهاي الحنطة اخذوها الريف الي يسكنون بذي قار ، ورا فترة من الزمن اشهر بهل القرى توفى 651 شخص بسبب بسبب فشل بالجهاز العصبي CNS failure

فدرسوا هاي الحالة وجدوا انو الحنطة الي منطيها الهم تحتوي ع الزئبق وهاي فقط للزراعة ما يصير ياخذها الانسان الا تنزرع وتنمو لان تحتوي ع مواد مثل الزئبق mercury ، ويرجع السبب ضعف باللغة الانكليزي

فهنا اذا صار عدنا تسمم بالزئبق او بالزرنيخ او بالذهب او الفضة فالعلاج الاول هو Dimercaprol الي هو يعتبر chelating agent ...

المكيانزم مال Dimercaprol هو عنده SH gruop ✨️🖤 وهاي ال SH ترتبط بالزئبق وغيره من العناصر وتحوله معقد complex ويخرج عن طريق الادرار urine ...

#مهند_فارما💊💉

@muhanad_pharma

✅ انفتح التسجيل

✅ اول كورس متكامل ( علمي - توجيهي )

✅ اكثر من 2000 طالب صيدلة متدرب عدنا
✅ التوجيهي حتى تتدرب صح و تشتغل صح
✅  العلمي حتى تكون صيدلاني علمي حقيقي

✅ العلمي(مهند فارما) التوجيهي(نمير نبيل)

✅ الجانب العلمي:

- شرح كل سستمات الأدوية
- ملفات مميزة عربي انگلش
- شرح الكيسات المرضية بالصيدلية
- شرح التحاليل و الوصفات الطبية
- تتعلم الجانب العلمي للعمل بالصيدلية
- امتحانات و متابعة يومية و جوائز

✅ الجانب التوجيهي:

- ما موجود بس عدنا
- يخليك تتدرب صح بدون عشوائية
- يزيد فرصك للعمل بوقت قياسي
- اكثر من 70 موضوع توجيهي
- العام بس التوجيهي كان سعره 20
- هسة تحصله مجاناً من تشترك بالكورس
- منهج الجانب التوجيهي:

https://t.me/pharmacy_training_dalil/675?single

✅ جودة الكورس: مهند و نمير يعني ضمان

✅ طريقة الاشتراك:

- ارسل اسمك + هوية الطالب
- مبلغ الاشتراك 20 الف فقط
- يعني بس تدفع للجانب العلمي
- بشكل صور كارتات اسياسيل
- تگدر تدفع بالتقسيط اذا متگدر گبل
- لا تنحرج من طلب تسهيلات اذا محتاج
- او تعرف احد محتاج تسهيل
- ارسل المبلغ لحساب التسجيل @PHnamir

✅ التسجيل مفتوح + المقاعد مفتوحة
✅ الجانب التوجيهي جاهز كامل
✅ الجانب العلمي يبلش بالعطلة الصيفية

✅ اشترك هسة و استفاد من العطلة

تفكير طالب الصيدلة حالياً :

وهل سيصلح العملي
ما افسده النظري
اما الرسوب يلوح في الافق

#كيس_وقصة

عندي خالي بنته طفلة عمرها ١٠ اشهر مريضة بالاسهال ....

فرايح ل احد " الاختصاصات الطبية منكول بأسمهم لان بس نذكرهم يكولون انتم تغارون منا او تكرهونا 🌚 "

فمنطي شراب flagyl suspension وكايل اله اخذ وياه loperamide اطحن ٤ حبات وخليهن بنصة وهيج راح تصير زينة ...

كناحية فعالية ممكن يجيب نتيجة لان يجمع بين علاجات الي تعالج البكتريا والعلاجات الي مالها شغل بكتريا يعني نفس فكرة " ضرب عصفورين بحجر واحد " 😃


لكن هل شيء غلط ، حتلو جانت اكو فعالية بالعلاج وانت تعرف اكو غلط فهنا لازم نمنع الغلط ، اول شيء مصدر السريرية مخصص علاج ال loperamide اكبر من 12 سنة لان هو مشتقات المورفين ... بنفس الوقت اثاره الجانبية كون هي طفلة .... فمن واجبنا نعالج المريض بصورة صحيحة ... مو نشافي المريض بطرق غير صحية وما مرخصة ...

تكدر تعالج الاسهال بغير طرق منها علاجات بعد اكو مخصصة وتكدر تستخدم ال ORS ...

#التدريب_الصيدلي 🏥🎖

#Muhanad_Ahmed
@lozea0
@ph_practice0

هم يوم فكرت انو الانسولين الي يفرزه جسمنا ورا ما ناكل ع اي اساس ينفرز ... ؟

من ناكل اكل هنا اكو بالمعدة هرمونات اسمها GLP و GIP ذني يجي الاكل يركبن الباسكيل مالتهن ويرحن للبنكرياس B cell يحفزن ع افراز ال insuline ...

بس السيء بالوضع انو اكو نزيم اسمه Dipeptidyl peptidase 4 (DPP-4) يكسر ال GLP و GIP فبالتالي بس يتكسرن معناها انو يقل افراز الانسولين كون ماكو شيء يجيهم يحفزهم ع افراز الانسولين ...

فالشركات الادوية صعنات ادوية اسمها Dipeptidyl peptidase 4 (DPP-4) inhibitors اي تثبط ال DPP-4 الي يكسر ال GLP و GIP مثل Sitagliptin

ف Sitagliptin يزيد من افراز الانسولين وبنفس الوقت يقلل من glucagon ...

حبيت اشاركم هل المعلومات ✨️🖤 تستفادون منها بالمستقبل

#التدريب_الصيدلي 🏥🎖

#Muhanad_Ahmed
@lozea0
@ph_practice0