“من حوارات رزاز والريم اللي خاطفه قلبي "

-طب سؤال أنتي ال بقيتي ساكتة ولا أنا ال ما عارفة أسمعك؟

= لأ أنا اللي مُش حابة أتكلم في نفس الحاجات كل شوية!

-بس دا ما سبب يخليكي تسكتي...معايّ ! ابداً ما سبب

=رزاز إنتي مُش حِمل تسمعي ل ال فات كل مانتكلم ونفضل نعيد ونكرر

-بس أنا وإنتي عارفين إنو مافات ، وإنك لسه غرقانة فيهو.
"الريم وهي بتعاين لرزاز ب فتور وتعب! "

= ما عايزاكي تغرقي معاي ، أنا بخير والله بخير

- أنا ما مليت ولا ح أمل !

=بس أنا مليت من كلامي المُتعاد بنفس التفاصيل ، عارفه ، أنا حتي بدأت أمل من سكوتي!

- خليكي بخير عشاني انا طيب؟
، مش أنانية مني بس الطريق ال أنا واقفة في نصه دا حالفة أكمله معاكي ، إنتي لو سبتيني في النص كل خطواتي الجاية ح تفضل بعيدة ، عمرها ماحتجي ولا حتكمل وإنتي ما موجودة ، خليكي بخير عشاني ،
وتاني ما أنانية مني بس بحبني وإنتي بخير ، أنا أساساً بخير....عشانك!

خليكي بخير عشان في حاجات كتيره لسه حانعملها مع بعض ، في لمة في بيتك قبل زفافك وتجهيزات كتيره ما حاتتعمل غير بإيدي أنا ، في سهراية طويلة لسه حا أحكيها في نهاية كل يوم ، في محلات لسه حا أدخلها وأنا راجعة من مشاويري عشان أشحن رصيد وأطمنك عليّ وأقول ليك عملت شنو بالتفصيل ، في مليون صباح الخير لسه ما اتقالت

خليكي بخير عشان أنا بفرح لما أحس إني عملت أي حاجة تخليكي بخير لو حتي ثواني 🥹❤️

"رزاز وهي بتمسك إيد الريم وتكمل كلامها بتأثر واضح "

عارفه ما ببالغ لما أقول إن حُزنك بيخلق جوايّ صوت بيفضل يقول لي طول الوقت "إنتي عاجزة" الريم نحنا لسه في بيننا
"إذيك وعامله شنو! " ما حاتعدي أيامنا من غيرها ، لسه البيننا كتير والله ، كتير شديد ما حاينفع يتعمل طول ما إنتي ساكتة كدا..
و انا جاهزة..

= لشنو بالضبط !

-أخلق ليك من وقتي جلسة تدوم ليك طول العمر مدفوع حسابها عشان أسمعك ❤️

🏷مقتطفات_روائيه
#حكاية_قلب
#ريما_عباس

كنت بتكلم مع شخص بحبو جداً وقال حاجه حلوه كدا وهو بيديني نصيحه

، قال لي إن الحُب كده كده ح يتوجد وسهل توصلي ليو ،
إنما هل الشخص ده ح يكون مُناسب وح يعرف handle دماغك ؟

و هل هي دي العلاقه الصحيه اللي تقدر تحركك وتجرك لقدام ولا حتأخرك وتهد حياتك ؟

و خلاصته إن التفاهم ونضج الطرفين هما السبب القائم على أي علاقه في الدنيا ، من غير التفاهم - المشاعر مُستحيل تكون كفايه .❤️

#بعض_من_اللطف
#ريما_عباس