لن انسى ضجيج بيتنا فى تلك الليله،
هيبة العزاء
ألم الفقد،
نظرة الشتات،
ارتعاش النبض،
إرتجاف الايدي.

فقدنا وافتقدنا والله".

رُدَّ إليَّ فؤادي كالذي
كان!))

في ذات المكان الشِهد على ذكرياتنا وتفاصيلنا، الحكايات، اللُقيا، الأحلام، والصور، كل الذكريات دي مَرّ طيفها عليّ وهي بعيدة ومشوّهة بالفُراق..

قبل سنتين في نفس المكان:

الليلة جمعتكم عشان أعزمكم خطوبتي يوم الجمعة الجاية..

كنت بسمع أصوات التبريكات وهي بعيدة وما واضحة، يعني دا الإنسان المفروض إنو بحبني!

إنت جادي إنك ح تخطب؟

أي جادي، وإنتِ عارفة إنو نحنَ ما بينا شي، نحنَ أصحاب عاديبن ما أكتر..

حسيت بروحي بتتكسّر لأشلاء وأنا بسمع في كلامه، طيب وأحلامنا والوعود الوعدتني ليها؟

وينها؟

لو كنت بتحبها من البداية ليه كنت معاي، ليه كنت بتقول إنك بتحبني وجاي تخطبني، ألقاك جاي توريني بخطوبتك من غيري!

كسرّت خاطري وروحي، خليتني أبطل أحلم وأتمنى، إخترت غيري وأنا الكُنت بفضلّك على نفسي!
شلت مني خاطري وخليتني من غيره،

مرت سنتين وأنا لسة في نفس المكان، لسة بشعر بنفس الخيبة ونفس الكسرة والألم،كأنه كل شي كان أمبارح،وإنت هِناك مكمل حياتك سعيد ولا كأني ما كنت فيها في يوم، كيف نسيتني بالسرعة دي؟

وخليت ذكرياتك تغلبني في كل مرة..

الصورة الكانت فيها أحلامنا وحاجاتنا هسه بقت مهشمة، الآمان الكنت بحسه معاك غشاهُ الحزن وحوله لخوف وخيبة، كان تكلمني وتقول لي إنك ح تمشي، كان تقول لي ما أتعلق بيك وأتعود على وجودك..

بعتني وبعتَ حُبي وقلبي ومشيت، مشيت بعيد..

مخرج:

"يعزُّ عليَّ حين أُديرُ عيني
أُفتّشُ في مكانكَ لا أراكَ!."

#بعد_النهايات

ربما لم يكن شيئًا مهمًا بالنسبة لك،
لكنه كان قلبي!))

#مَارِي.

وجدت الله في كل شيء، في الليالي التي استحال عليّ عيشها، فكنت أظنها لن تمر وبفضله مرت، وجدته في استكانة روحي وفي قلبي المملوء بالخير دائمًا، وجدته هو فقط لا سواه في تخطي كل ما هو صعب.

افتكر دايمًا إن ربنا ما سابك امبارح عشان يسيبك الليله .

I just saw someone say "a man treats you exactly how much he thinks you are worth in his eyes" I'm actually speechless .

" وان بعضهم يقرأ الحرف ، ولكنه يتهجّى المعنى."❤️

if someone has social anxiety and they ask you something like "do you hate me?" or "are you mad at me?" It isn't because they don't trust you in any way, it's because their brain is literally telling them that all the time.

السلام عليكم ورحمة الله وبركاته 🤎

بين السجدتين قُل:

"رب اغفر لي" مرتين..

وفي الركوع بعد سبحان الله العظيم ثلاثة مرات قُل:

"سبوحٌ قدوسٌ ربُ الملائكة والروح"

وما تنسى تقرأ آية الكرسي بعد كل صلاة، لأنو بينك وبين الجنة الموت.

قراءة سورة الإخلاص ثلاثة مرات تعادل ختمة كامل، وعشرة مرات يبني لك بها الله بيتًا في الجنة.

عشان تركز في الصلاة وتصلِّ بخشوع أحفظ سور جديدة وقبل الصلاة بخمسة دقايق خلي أي شي إنت بتعمله عشان تتفرغ للصلاة بشكل كامل، إستشعر معاني الآيات وإنك واقف بين يديّ الله، ولو في أي وسواس بجيك في الصلاة إستعوذ من الشيطان "أعوذ بالله من الشيطان الرجيم" وأتفل على يسارك تلاتة مرات يذهبه الله عنك.

#فذَكِر

#مَارِي.