@Lolo21taha_bot بوت سايت اي أستفسار يخص قنواتي احد يريدهن /: متغلى عليكم حوبي الرد حيكون هنا كيكاتي حلوياتي 😒💋

هلو حبيت أحجي عن قصة صارت بيه /:

تعرفون شي اني العام مثل هيج وقت كنت بين الحياة والموت وحرفياً صارلي ايام داتذكر كل ثانية مرت عليه وفوك كل هذا كانت وياية روح دتعاني بداخل احشائي طفلي اميري حبيبي نمري، سبحان الله الايام شلون مرت، نصابيت اول مدخلت بشهري التاسع وصار لازم اولد لان بديت افقد هواية وحرارتي ترتفع والبنج العام ميناسبني لأن يخافون يموتني واني مصابة ومناعتي جداااا ضعيفة -_-داكتب والله عبالك الثواني هسه دتمر واحس بيهن اصابتي قوية واوكسجيني يقل والله صرت اشوف الموت كدامي اي مشفى يخاف ويرفض يستقبلني ويائسين من حالتي ): بعدين الله رزقني بصديقة كانت مسافرة بلبنان وتتواصل ويانه لان جداً تحبني اني وماما ف عرفت هالشي وتواصلت مع صديقتها دكتورة وبعثت عنوانها واخذني اخوية الها الدكتورة شافتني تعبانة جداً وطفلي هم بسبب ضغوط مريت بيها نفسياً وجسدياً وعاطفياً ، بس كان اكو شخص وياية بهيج اوقات وهالمراحل هذي الي عديتها وهالانسان ماأدري القدر والصدفة شلون جمعتني بيه ، أني وبدون تردد الاغلبية هنا يعرفوني اني انسانة احب الصراحة ويمكن بسبب هالصفة أني حسيتها نعمة ونقمة تخليني اعرف الناس بحقيقتها لأني تميزت بيها وبهيج زمن صار الكذب والخداع بكل سلوك وشي طبيعي ،اني كنت اتعرض للتعنيف وكانت تغذيتي ضعيفة ونومي قليل ف واكثر من مرة تأذت نفسيتي وهالموضوع اثر عليه وع البيبي ): مااريد اطول ومو ضروري تعبون نفسكم وتقرون الي ينكتب مني بس حابة تكون هالكلمات هنا ذكرى وحبيت اشاركم هاللحظات ، قررت الدكتورة موعد الولادة ولازم بنج نصفي گلتلي بس اني وياج ودكتور التخدير حيعرفون انتِ مصابة ومعليج هالامر يمي ، طبعاً البنج النصفي تبقى صاحي وتشوف كل شيء،عبارةعن ابرة بالظهر تنظرب ولازم تكون هادئ ومركز لان اي خطأ بمكانها تسبب شلل بالحبل الشوكي وحتى من تصحى تكون كم ساعة مثبت راسك ومتتحرك ، واني ماكدر اهدء لان اوكسجيني كان يقل بسبب كورونا وسبب السعال والخوف صراحة الرعب وهاللحظاااااات مانساااهن من كمية الالم وضعف مناعتي دموعي دتنزل واني اكتب عموماً الدكتورة قررت يوم اولد فيه لان الطفل صار ميتحرك وحركاته بطيئة ويخافون يتوفى اسم الله الرحمن ): قررت ادخل يوم(15بشهر حزيران ) اني كنت صراحة مقررة اسوي اي شي بس تكون ولادة ابني يوم 21/6/2021 حتكولون لان ع تاريخ السنة ؟ لا ولا منتبهه لهالشي بعدين شفته صار هالشكل وحبيت الموضوع والتاريخ الحلو المرتب اكثر .. لأن هالتاريخ يصادف ولادة شخص كان اقرب شي الي طلبت منها الدكتورة اريد بهيج يوم اولد صفنت عليه گلتلي ليش؟ جاوبتها لأن تاريخ مميز عندي ضحكت وحست نوعاً ماا يخص شخص عزيز عليه هيه نوعاً ما فهمت الامر لان شافتني خجلت بس الموضوع الطفل ميتحمل وحالتي الصحية دتتدهور يومية گالت هذي مجازفة الج وللبيبي كنت حاسة بشي بداخلي يجرفني ويخليني متمسكة بهالشي مهما تمر عليه من الم وتعب واعرف ابني بطل وحيكون گدها المهم قررت وافقت كالت طيب براحتج بس اني ححاول بالادوية والأبرقدر الامكان اخليج تتقوين شوية لكن اذا مر يوم والبيبي ممتحرك بس 2 بسرعة للمشفى تدخلين،هنا الايام صارت عليه اكثررر صعبة وكل ثانيه تمر احسبهن واريد البيبي يتحرك 3 مرات من ترتفع حرارتي ميتحرك ابجي وادعي ومن تعدي الحركة 3 ادمع فرح شكد مااوصف الايام الي مرت عليه متوصل بكمية الالم الي صابني وعشته،حان يوم الولادة ودخلت الصبح للمشفى شكد خايفة بس مو ع حالي ع طفلي ليصيرله شي والكل والناس تتفرج عليه لان مداكدر اتنفس وصوت السعال الي ينسمع مخيف كان يطلع مني ،بوقتها كان الفرح ديراودني من ناحية أني وفيت بوعدي لنفسي ولهالشخص لان من اريد شي واسعي اله واوعد نفسي والمقابل بيه لازم اكون عند عهدي دخلت والعملية طولت ساعة وأني اسمع الدكتورات يحجون وخايفات بعدها نورني اميري بطلي وقرروا يبعدوه عني 10 ايام يخافون بعدني مصابة وينتكس مكدرت اشتم ريحته ولا اخلي بحضني وهالقرار كان اصعب شي عليه من رجعت للبيت بدونه ابجي واريد اشتمه بس كل هذا نعمة من رب العالمين لأن من صحيت كان يصير عندي صداع فضيييع تحس الراس دينزل بالكاع وماكدر الحمدلله يارب ع كل ثانية كنت بيها تساعدني وتعرف الصح الي والافضل ، عدت 10 ايام ورحت لدكتورة من الباب والله بس شافتني تركت الكرسي وركضت عليه تبوسني اكولها بعدني محللت خاف مصابو تكولي اشش لاتحللين كولشي مابيج روحي اخذي ابنج انتِ طلعتي من الموت بمعجزة صراحة ،رحت اركض بس اريد اوصل لأبني ومن اخذته من ذاك اليوم لهاليوم واني كل يوم اعيش وياه اجمل الثواني ريحته شكله تصرفاتة يوم ولادته شكد تعب ونولد تعبان اليوم اميري كمل #سنة 🙊يارب كل أيامك سعادة وتقر عيني بيك وأهم شي متكون شي يوم شخص بس كلام بدون فعل 🤍يارب عمر النسر حبيبي ويرزق كل شخص الذرية الصالحة ..
ميلاد سعيد لكل شخص نولد بهاليوم 🤍💕
_

فدوة الكلبة شكد احبة واحب كلامة سلام للروح وسكينة شكد انسان مثقف رغم هو رجل دين لكن فاهم الدين صح 🙏🤍