Folball ⚽, serie A: l'Udinese la bat el Milan 3-1.

🗞 @lombardiaincoeu

Crisi de Credit Suisse, ok de l'UBS a crompà la banca per pussee de 2 miliard. (Bloomberg)

🗞 @lombardiaincoeu

Formula 1🏎, GP de Gedda: el vinc Perez, dedree el Verstappen e l'Alonso.

🗞 @lombardiaincoeu

MINI-TG 19/3/2023

Atualità
🏎 Formula 1, des segond de penalità per l'Alonso, el deventa terz el Russel
🇩🇪 La Germania la smorzarà per semper i so centrai nuclear el 15 de avril, el bandonà de l'atom l'ha menad a 'n gran cresser de l'impronta ambiental del Pais
🕙 Napoli, una dona vitima de maltratament la ciapa el relogg anti-violenza, che l'è conligad diretament ai Carabiner
🚌 Roma, brusen 22 scoeulabus, se pensa anca a la pista anarchega
📽 El Jerry Calà ghe respond ai no vax che disen che 'l gh'ha havud el s'ciopon per el vacin: "coment propi gram"
🇨🇭 Cas Credit Suisse, el Berset: "roba pussee bona el crompà de part de UBS"

Politega
🌉 Pont in sul Stregg, el De Luca: gh'è de fàll, speri che 'l governo el gh'habia la concreteza e i capacità de fàll
🇮🇹 El Provenzano: la destra la voeul el modell ongares e destrugà el Pais con l'autonomia diferenziada, ghe respond el Malan: "magara 'me l'Ongaria, lor 'gh'han una gran natalità"
💶 El De Luca: se 'l Sud a l'è 'n emergenza che 'l gh'habia el 80% di daner e no el 40%
🗣 La Bernini de FI: l'autonomia la fonziona se l'è bona de valorizà i specialità di territori
🗳 El Kompatscher l'è confermad candidad president del SVP
🏳️‍🌈 La festa del paa la deventa polemica politega in sul tema di familie omogenitoriai

Crisi in del mond
🇺🇦 El Putin el visita Mariupol, cità simbol de la resistenza ucraina
🇰🇵 La Corea del Nord la va inanz a tirà missil, el G7: "l'ONU la fa nagot e l'è una roba grama"
🇷🇺 Russia, trovad arent a Tula un dron borlad sgiò senza nissun segn identifegativ
🇽🇰🇷🇸 Serbia e Kosovo firmen un noeuv acord de normalizazzion con la mediazzion de l'Union Europea

Esteri
🇮🇱 Israell, el Netanyahu ghe domanda al Stat magior de contegnì i proteste di reservista
🇫🇷 Franza, la popolarità del Macron la va sgiò al 28% dopo di proteste contra la reforma di pension
🇧🇾 Bielorussia, el KGB l'ha copad un "forester armad" che 'l saria stad dree a fà un atach terroristegh
🇩🇪 Germania, atach al cortell a Berlin, un mort e un ferid gram
🇦🇫 I Taleban deciaren guerra al nepotism: sarann licenziad tucc i parent che lavoren per el governo
🇺🇸 Stat Unid, i Republegan: mandà a giudizzi el Trump el saria una scerna politega

🗞 @lombardiaincoeu

Folball ⚽, serie A: la Juventus la bat l'Inter 1-0.

🗞 @lombardiaincoeu

Formula 1 🏎, la direzzion de gara la cava via la penalità per l'Alonso dopo che l'Aston Martin la se lomenta: el torna terz, a l'è el so podi quell de cent

🗞 @lombardiaincoeu

Franza 🇫🇷: el governo el soraviv a la mozzion de desfiducia per noeuv vot

🗞 @lombardiaincoeu

MINI-TG 20/3/2023

Atualità
🇫🇷 Franza, aprovada ofizzialment la reforma di pension
🏦 Credit Suisse la va sota del 62%, UBS del 14% dopo de l'acord
⛽️ Gas al TTF sota i 40€/MWh, l'è la prima voeulta del 2021
💩 Twitter, l'adressa e-mail per i giornalista adess la respond in automategh con l'emoji de la merda
🇨🇭 Svizzera, vari licee de la Svizzera todesca caven via i compit, la protèsta di aprendista: "num i pussee oberad e lor senza compit"
🔫 Napoli, copad in la nocc vun de desdot agn a Mergellina, per una lit in su 'na maggia in sui scarpe

Politega
👩‍👧‍👦 Polemica in sul Mollicone de FdI: "la maternità surrogada pussee grama de la pedofilia"
🚧 El Giuseppe Conte el presenta una PdL per sbassà l'orari del lavorà
👨‍👩‍👦 El Pillon: voeulen sbater sgiò la familia pass a pass, quand che tusscoss l'è familia nient a l'è
👮‍♀️ El governo el nonzia che l'è dree a lavorà a di scunt fiscai per i aziende che ciapen di presoner a lavorà
🇺🇦 Ucraina, el Tajani: se noeuve armi ghe sarà apalt e anca comunicazzion al Copasir

Crisi in del mond
🇷🇺 Russia, el Cremlin el proibiss ai fonzionari del governo de doperà i iPhone: a ris'c intelligence ocidental
👨‍⚖️ Mandad de arest contra el Putin, Mosca la derva 'n indagin penal contra i giudes de l'Aia
🇺🇦 Xi a Mosca, l'Ucraina ghe domanda de doperà la soa influenza per fermà la guerra
🇨🇳 El Xi a Mosca, el Putin: "discutarem de pas"

Esteri
🇲🇪 Montnegher per la prima voeulta al ballotagg, in tra el president de adess Ðukanović e l'economista europeista Milatović
🌎 Clima, la Greta Thunberg contra i leader del mond: "hann tradid el pianeta"
🇺🇸 Stat Unid, el Biden el met el so prim veto, a fermà la lesg republegana in sui investiment
🇱🇰 El Sri Lanka el dis che 'l FMI gh'ha aprovad el salvatagg

🗞 @lombardiaincoeu

Ucraina, Londra ghe darà a Kyiv i balle che sbusen con l'urani impoverid, Mosca: "reagirem". Tavol Xi-Putin: "colloqui de pas inn la soluzzion"

🗞 @lombardiaincoeu

MINI-TG 21/3/2023

Atualità
🔫 Pizzaroeul napolitan copad a 18 agn, fermad un sospetad del so mazzament
😷 Covid, el Zangrillo: "virus mort, doperi no la mascherina de ses mes", la fondazzion GIMBE": gram, la deveria vesser semper obligatoria"
📱 L'antitrust el derva 'n istrutoria contra TikTok: el fa minga respetà i so linee guida in su l'autolesionismo
☄️ Scenza, trovad di toch de uracil in su 'n meteorit, roba che la fa pussee forta la teoria che la vita l'è rivada del spazzi
🚑 El Cospito el gh'ha havud una crisi al coeur, el so dotor: "dagn irrecuperabel, l'è dree a morì"

Politega
🇮🇹 Mafia, el Mattarella: "se po batéla" e 'l va a mangià in d'un restorant sequestrad a la mafia
🚢 Migrant, la Meloni: "tucc gh'hann el dirit de havégh no de migrà per una vita pussee bona, ghe voeul un noeuv modell de gestion di frontere"
🇪🇺 La Meloni: i Pais de Visegrad hann ciapad un frach de refugiad ucrain, in tra quei che domanden i mur a gh'è l'Austria, in d'un governo che 'l gh'ha dent i verd
🇩🇪 La Meloni contra el Conte: preferissaria dimetém che andà a fà quell che l'ha fad lu con la Merkel
👩‍🎨 El Renzi: la Schlein l'ha did che gh'è de scoltà quei che bordeghen i palazzi, ma quei che hann bordegad Palazzi Vegg inn no sgent de scenza ma di bordegon, vann no scoltad ma castigad

Crisi in del mond
🇺🇦 El premier Kishida el visita a sorpresa Kyiv, l'armada ucraina: "destrugad missil russ in Crimeja"
🇨🇳 El Stoltberg: gh'hem di evidenze che la Russia gh'ha domandad armi letai a Pechin, el NYT: gh'hann dad 12 milion de dron
👮‍♀️ La Russia la indaga el copresident del grup per i dirit de l'om "Memorial" per vilipendi de l'armada
🇨🇳🇷🇺 Deciarazzion China-Russia: "guerra nuclear de schivà semper, preocupad per espansionism NATO in Asia"

Esteri
🇺🇬 Uganda, el Parlament el proibiss de deciaràss LGBT: pene fina a 10 agn per quei che 'l fann
🇮🇱 El minister di finanze israelian: "a gh'è no un popol palestines". L'è polemica
🇦🇫 Gran terramot in Afghanistan, sentud anca in Pakistan e India
🦠 Fonsg, l'è allarme Candida auris in di Stat Unid, squasi 2000 i cas, squasi tucc imunodepress e vegg
🇬🇧 Regn Unid, el raport: "Scotland Yard razzista e omofoba a nivell istituzzional"

🗞 @lombardiaincoeu

Grecia 🇬🇷: el prim minister el nonzia elezzion a masg dopo di proteste e problema per el disaster ferroviari

🗞 @lombardiaincoeu

MINI-TG 22/3/2023

Atualità
🇫🇷 Franza, ok del Parlament al fà su de ses centrai nuclear in del Pais
☕️ El Bar de l'Agenzia di Tasse de Roma el fa no scontrin del 2018 e 'l barista el pica e 'l menascia de mort i giornalista che vann a vedé
🇨🇭Inconter Svizzera-NATO, la consejera federal Viola Amherd: ghe voeul pussee de collaborazzion
🏴󠁧󠁢󠁥󠁮󠁧󠁿 Ier Milan l'era la terza cità la pussee inquinada del mond
🧑‍⚖️ Zurigh, el tribunal cantonal el ferma el scancellà di scrite "test de mor" in sul Niederdorf

Economia
💸 La Cà Bianca: la pupart di criptomonede gh'hann minga valor
🇬🇧 Regn Unid, l'inflazzion la va su a 10,4%, poch se 'l spetaven
📈 Stat Unid, la FED la volza i tass de 0,25 pont bas, l'Euro el vegn su in sul dollar
🏦 Banche, el governator Visco: "crisi di banche l'è un campanell d'allarme"
🏡 Superbonus, se va vers proroga al 30 de setember per i villete

Politega
💧 Dì de l'aqua, el Fontana: l'è vita, gh'hem de preservàlla e doperàlla a fà ballà l'oeugg
🏫 El M5S el domanda de toeu via la scoeula de l'autonomia: "assurdità pensà ai LEP, el volzaria i desuguajanze"
👮‍♀️ El minister de la Salut Schillaci el nonzia noeuv provediment contra la violenza in ospedal: polizzia in quei pussee a ris'c e procediblità d'ofizzi per i riat contra i sanitari
👨‍🚀 El Conte: la Meloni ne mena in guerra e la ciapa orden per fà content di liad che voeulen domà tirà inanz la guerra. Che l'Italia la guida un sforz diplomategh
🫡 L'Urso de FdI: volzà i spese militar obietiv de rivàgh cont el temp, un dové per i citadin ei libertà

Crisi in del mond
🇩🇪 La Germania la valuta de blocà i esportazzion vers la China
🇵🇱 El prenzip Ghielm el visita i trupe polache e britanneghe al confin con l'Ucraina: "i noster nazzion gh'hann di gran ligam, sostegnì la libertà ucraina i fa pussee fort"
🇺🇦 El Zelensky el visita l'Armada vesin a Bakhmut, e i russ tiren bombe vesin a Kyiv
🇨🇿 La Cechia ghe darà pu i vidi ai citadin russ e bieloruss che gh'hann la citadinanza di alter pais
🫡 L'Abcasia la nonzia de mobilità per du mes tucc i citadin di 18 ai 27 agn: gh'hem de vesser pront, la Russia l'ha fad 'n operazzion special e 50 Stat inn contra, forsi voeulen sbater sgiò el governo de la Georgia e fà un alter front con num

Esteri
🇹🇿 Tanzania, almen 5 mort e 3 in ospedal per el virus Marburg
🇫🇷 Franza, el Macron el parla a la nazzion in sui pension: "in tra l'interess del Pais e i sondagg scernissi el prim, pront a acetà i conseguenze"
🇺🇸 Stat Unid, incoeu el se reuniss no el Gran Giurì che 'l podaria cusà el Trump
🇨🇿 Cechia, el minister del lavorà el dis de volé no tirà su l'età de giubilazzion
🇯🇴 Giordania, el Parlament el vota per cascià l'imbasciator de l'Israell del Pais

🗞 @lombardiaincoeu

Farine de inset, firmad quater decret: scaffai partid e tichete ciare cont anca su i ris'c, el Lollobrigida: "pensi che la pupart di italian i vorarann no, inn no in concorrenza con la dieta mediterranea"

🗞 @lombardiaincoeu

Atletega, la World Athletics ghe cava la proibizzion ai atleta russ per el doping

🗞 @lombardiaincoeu

MINI-TG 23/3/2023

Atualità
🚀 Cape Canaveral, tirad in del spazzi el prim razz stampad in 3D
🇨🇭 Svizzera, la Banca Nazzional: crompà Credit Suisse l'è servid a fà stabel el sistema bancari
🇬🇧 Regn Unid, volzad i tassi al 4,25% contra el vegnì su del cost del viver
👮‍♀️ Biella, sospendud 23 segondin cusad de tortura vers trii presoner
🇫🇷 Franza, un milion in piazza contra la reforma di pension, almen 100 polee ferid

In Lombardia
🏳️‍🌈 Familie omogenitoriai, la denonzia de Milan: "de incoeu son pu la mama de la me fioeula, ma l'oeuv a l'era el me"
🤤 Droghe, a Milan el vegn su el doperà de cocaina, ketamina e cannabis, l'è l'analisi di aque negher a dìll
🚗 Bressa, vun che l'ha domandad asili el se tira sota a 'na vitura, indaghen i sorveliant. L'autista l'ha querelad
🇷🇺 Artem Uss, fioeul de 'n governator russ indagad per sfros, l'è scapad di domiciliar dopo che hann did de sì a mandàll in di Stat Unid per el process
👍 Mangià italian patrimoni UNESCO, el Fontana: "ben la candidatura", l'assessora Caruso: "un patrimoni di territori el mangià italian"

Politega
🇮🇹 El Mattarella l'ha firmad i dissegn de lesg in su l'autonomia, el Fontana: "el rengrazzi, una roba che voeulen i lombard"
🏎 Bressa, Italia Viva la insubiss de fà un GP de Formula 1 in la cità
🥣 El governo l'insubiss de fà la cusina italiana patrimoni UNESCO de l'umanità
👧 Fioeul in preson, blitz del cdx per fà andà in galera i done che delinquen tant anca se gh'hann di fioeul, el csx: "gram, inuman, havevom lavorad per lassà no i fioeul dedree i barre"
🇮🇹 El Mattarella per el 25 d'avril el celebrarà in provincia de Coni
💪 La Comission di Afar Costituzzionai la aproeuva el sport in Costituzzion

Crisi in del mond
🧑‍⚖️ El Medvedev: arestà el Putin el saria una deciarazzion de guerra
🇺🇦 L'Ucraina: "doperarem a noster vantagg la fadiga russa a Bakhmut propi prest"
🛩 Avion a l'Ucraina, la Slovachia ghe manda quater MiG, se parla con la Finlandia per i F-18
🇹🇷 NATO, ok de la comission del Parlament turch al vegnì dent de la Finlandia
🧑‍🚀 El Grup Wagner el volaria andà via de l'Ucraina segond Bloomberg, ma el leader el desmentiss: "sarem lilinscì fin che la Russia la gh'havarà besogn de num"
🇭🇺 L'Ongaria: menarem no via el Putin se 'l ne visita
🇨🇭 Ucraina, vist di blindad svizzer Mowag in Donbass, la Confederazzion la indaga se l'è stad violad el proibì de esportazzion

Esteri
🇹🇼🇭🇳 La Republega de China la ciama indree el so imbasciator in di Honduras vista la visita del ministeri di afar forest in la China popolar
🇬🇧 Regn Unid, senator nigerian condanad per trafegh d'omen, l'haveva portad in del Pais un om per fàgh donà un rognon
👩‍⚕️ Regn Unid, i dotor noeuv farann una greva de quater dì per reson de contrat
🇺🇸 Stat Unid, el gran giurì del cas Trump el sarà convocad no fina al 27 de marz
🏦 I Stat Unid indaghen UBS e Credit Suisse in sul rispet di sanzion a la Russia

🗞 @lombardiaincoeu