Инстаграммдаги сахифамни сўраган дўстларимизга.

Бир кун сизга кўринмай қолсам,
Юрагимдан оҳиста юлсам.
Хатто сизга шеърлар битмасам,
Эслайсизму йўқламай қўйсам?

Жонингизга текканман балки,
Хаётизда йўкдирман ёки.
Севаяпман тирикман токи,
Ўйлайсизму йўқламай қўйсам?

Баҳорларим куз каби ҳазон,
Сарғаймоқда япроқлар тўзон.
Юрагимда тинмайди тўфон,
Эслайсизму йўқламай қўйсам?

Майли менга ҳушиз бўлмасин,
Кўз ёшимла ишиз бўлмасин.
Бахтизга шу Лола ўлмасин,
Эслайсизму йўқламай қўйсам?
✍️ Лола Собирова

Ғийбатимни қилиб сира тўймадилар.

Осмонлари бирам олис, қўлим етмас,
Кўнгиллари қилдан нозик сўзим ўтмас
Билмам улар нени истаб, не истамас,
Ғийбатимни қилиб сира тўймадилар.
Ё жимгина ўз холимга қўймадилар.

Тиканлари сайиб турган товонимни,
Янчадилар, хатто сезмай уволимни.
Билмайдилар қилган савоб гунохимни,
Ғийбатимни қилиб сира тўймадилар,
Ё жимгина ўз холимга қўймадилар.

Қуёшга тик боқсам кўзим қамаштирди
Оллох фақат синов билан тўқнаштирди
Шукур дедим, шукур билан яраштирди
Ғийбатимни қилиб сира тўймадилар,
Ё жимгина ўз холимга қўймадилар.

Ожизаман айтар сўзим " Оллох " бўлди,
Яратгандан сўраганим панох бўлди.
Кўзларимга аччиқ ёшлар ногох тўлди,
Ғийбатимни қилиб сира тўймадилар,
Ё жимгина ўз холимга қўймадилар...
✍️ Лола Собирова 19.11.2021

Лола Собирова ✍️
Юлдуз Усмонова 🎤

Ёрим келар Шинжондан
Нега ахтаради Анжандан?
Юрагини қулоқ солсайди
Топармиди Тошкентдан.

Келса борим сирим айтайин
Севгим ошар кун сайин
Йўлларига кўзим интизор
Ноз қиламан атайин.

Оташ солди сўз юракка
Айланар хар тилакка
Келса бағрим тўлиб қолар
Охим етар фалакка.

Юрагим тинмайин уради
Сенда хаёл қолади
Йўлларига кўзим интизор
Бедор кутиб туради.

Соғинч нима?

Соғинч нима биласизми?
Бир соғиниб кўрасизми?
Дийдорни хис қиласизми?
Соғинган инсонлар бахтли.

Азоби ҳам болдай ширин,
Дарди хаммадан яширин.
Ўзгаларга бермас сирин,
Соғинган инсонлар бахтли.

Мехр товланар кўзида,
Садоқатли бир сўзида.
Қадру-қиммати ўзида,
Соғинган инсонлар бахтли.

Дийдорни кутиб яшайди,
Мухаббатини тўшайди.
Парвоналарга ўхшайди,
Соғинган инсонлар бахтли.
✍️ Лола Собирова .2017

#АНОНС
✊ Янги ҳафта эшик қоқмоқда, ичкарида нелар бор?
😲 Юлдуз Усмонова шоир Йўлчининг интервьюсини кўриб, Омон-Омонга жамоасини юборди;
🤔 Хонанда Музаффар Абдуазимовнинг янги қўшиғини кимлар ўғирлаб кетди?
😊 Актриса Ойгулхон театрдан қочиб кетган ўғлини студияга олиб келди!
😆 Ҳасан ва Ҳусан раққосларнинг жамалак сочлари ҳақиқийми, ушлаб кўрамиз;
🧐 Туркманистонлик хонанда Ўзбекистонда ижод қилмоқчи, ошпази эса ўзбек қизини севиб қолди;
😆 Актриса Муножот ҳарбий эрини ҳам артист қилиб қўйганмиш... Ўзидан сўраймиз!
👉 Хуллас, янги ҳафтада янгиликларимиз кўп. Тонгни биз билан кутиб олиб асло афсус қилмайсиз!
✋ Омон бўлинг!

@omon_omon_official

Композиция: Ikromjon @Qalbim_kalit1 kanali uchun maxsus
Шери :Lola Sobirova @lolaijodi kanali raxbari obuna boling va qaynoq yangiliklardan bahramand boling

Тонг отяпти, кун ботяпти,
Умр сувдек тез ўтяпти.
Дунёдаги ишлар тугаб,
Манзил яқинроқ қоляпти..

Бу йўллардан ким юрмаган,
Кимлар ўтиб, ким кўрмаган.
Ёлғон дунё, арзонласа,
Кимлар йиғлаб ох чекмаган.

Қадри баланд бўлган дўстим,
Сизсиз битмас каму кўстим.
Юрагимга мадор бўлинг,
Далда бўлинг азиз дўстим.

Кун ўтяпти, йил ўтяпти,
Қарилик эшик қоқяпти.
Ортимизга боқсак агар,
Бизлардан нима қоляпти...

Лола Собирова ✍️

Вафо қилмади...

Севдиму лек, у жонон вафо қилмади,
Мендек соғинчга асло ошно бўлмади,
Юрагим йўлига паёндоз этсам ҳам,
Нахот ул пари менга парво қилмади!!!

Кўзимда жафодан кўп жолалар қолди,
Юрагим титратган ул нолалар қолди.
Жонимнинг жонида ҳам толалар колди
Нахот ул пари менга вафо қилмади...

«Сен менинг юрагимсан, керагим» дерди,
Хаётим иффати, хам номуси эрди ,
Нетай аро йўлда ул ташлабон кетди,
Нахот ул пари менга вафо қилмади...
✍️ Лола Сабирова .2015 йил

Катта опам, туғишганим, маслахатгўйим, суянганим, сирдошим Раъно Тойирова билан. Диллора Ниёзова концертида.

Лола Собирова ✍️
Юлдуз Усмонова 🎤

Қошим қоқаман ёрим қани?,
Йўлларингга боқаман сани
Хаёллар овушида қолиб--еей
Зум ўтмай соғинганим мани.

Юрагимни тутганим ўзинг
Бир умрга кутганим ўзинг
Кўрганимда қувонар кўзим-ей
Севгида бол топганим ўзинг.

Ишқида суйдирганим
Ўт бўлиб куйдирганим
Жонимдан тўйдирганим
Сан-сан
Хаёлимни олганим Сан-сан
Тилагимда шу замон Сан-сан.

Нечун севгимдан жоним тонай?
Ишқингда алов бўлиб ёнай,
Мехрингни аямасанг мендан
Дийдорингга кел тўйиб олай.

Осмондаги ой ўзим билсанг
Қувонар қора кўзим келсанг
Ишонганим суянганим Сан-сан
Ёнингдаман қадримга етсанг.