Дил йиғлар..

Ёнингизда жимгина ночор кўнглим йиғлайди,
Сизни пинхона севган девона дил йиғлайди.
Ороми йўқ юракда безовта,беҳол бўлиб,
Дийдорингизга муштоқ жавобсиз ишқ йиғлайди!

Сизни дейму бепарво бунчалар хам бағри тош,
Яна бундай азобга қанча бераман бардош?
Бахтдан мени не сабаб йирок этмиш Оллохим,
Каранг дарё бўляпти аччиққина кўз ёшим!

Йўлингизга интизор сарсона дил йиғлайди,
Ошиғига етолмай бечора дил йиғлайди.
Армонларга кўмилиб,хижронлари ёнида
Ўз ўзидан нафратда девона дил йиғлайди...

Ёнингизда жимгина ночор кўнглим йиғлайди!
✍️ ЛОЛА СОБИРОВА 2015

Ғийбатлардан сал узоқлашинг.

Дунёдаги азиз мехмоним,
Сиз якиним,сиз мехрибоним.
Кўзи чарос, ширинзабоним,
Ғийбатлардан сал узоқлашинг.

Аллох суймас: иғвогарларни
Ўз сўзига даъвогарларни.
Ўзларича афсунгарларни,
Бу иллатдек тез узоқлашинг.

Кундан кунга ёмон ошмоқда,
Қалблар гунохларга тошмоқда,
Шундоғам бу умр шошмоқда,
Гунохларидан узоқлашинг.

Бу беш кунлик дунё хурмати,
Иймони бут қалблар хурмати,
Мухаммаднинг азиз уммати,
Бўхтонлардан тез узоқлашинг.
(Лола Собирова .2020)

Биринчи қор билан ахли Ўзбекистон.

Бугунги кунингиз унумли, барокатли бўлсин. Биринчи қор барчамизга поклик, пок ниятларимизни амалга оширилишига сабабчи бўлсин. Биринчи қор барчамизга муборак бўлсин азизларим. 🥰

Орзулар!

Сизни олислардан тополмадим мен,
Қўл чўздимку аммо тутолмадим мен.
Бўғзимда қолдингиз ютолмадим мен,
Армонга айланиб кетманг орзулар.

Тонг отмас тунлардан қидирдим сизни,
Мазмунсиз кунлардан қидирдим сизни.
Ташлаб кетманг менга бахорсиз кузни,
Армонга айланиб кетманг орзулар.

Келинг пойингизга тиз чўкай ўзим,
Қувнаб кетсин кўрганда маъюс кўзим.
Сизни кутиб увол кетмасин сўзим,
Армонга айланиб кетманг орзулар!
✍️Лола Собирова

Яхши кайфият 😍😍😍

Соғинмабсан-да...

Инстаграммдаги сахифамни сўраган дўстларимизга.

Бир кун сизга кўринмай қолсам,
Юрагимдан оҳиста юлсам.
Хатто сизга шеърлар битмасам,
Эслайсизму йўқламай қўйсам?

Жонингизга текканман балки,
Хаётизда йўкдирман ёки.
Севаяпман тирикман токи,
Ўйлайсизму йўқламай қўйсам?

Баҳорларим куз каби ҳазон,
Сарғаймоқда япроқлар тўзон.
Юрагимда тинмайди тўфон,
Эслайсизму йўқламай қўйсам?

Майли менга ҳушиз бўлмасин,
Кўз ёшимла ишиз бўлмасин.
Бахтизга шу Лола ўлмасин,
Эслайсизму йўқламай қўйсам?
✍️ Лола Собирова

Ғийбатимни қилиб сира тўймадилар.

Осмонлари бирам олис, қўлим етмас,
Кўнгиллари қилдан нозик сўзим ўтмас
Билмам улар нени истаб, не истамас,
Ғийбатимни қилиб сира тўймадилар.
Ё жимгина ўз холимга қўймадилар.

Тиканлари сайиб турган товонимни,
Янчадилар, хатто сезмай уволимни.
Билмайдилар қилган савоб гунохимни,
Ғийбатимни қилиб сира тўймадилар,
Ё жимгина ўз холимга қўймадилар.

Қуёшга тик боқсам кўзим қамаштирди
Оллох фақат синов билан тўқнаштирди
Шукур дедим, шукур билан яраштирди
Ғийбатимни қилиб сира тўймадилар,
Ё жимгина ўз холимга қўймадилар.

Ожизаман айтар сўзим " Оллох " бўлди,
Яратгандан сўраганим панох бўлди.
Кўзларимга аччиқ ёшлар ногох тўлди,
Ғийбатимни қилиб сира тўймадилар,
Ё жимгина ўз холимга қўймадилар...
✍️ Лола Собирова 19.11.2021

Лола Собирова ✍️
Юлдуз Усмонова 🎤

Ёрим келар Шинжондан
Нега ахтаради Анжандан?
Юрагини қулоқ солсайди
Топармиди Тошкентдан.

Келса борим сирим айтайин
Севгим ошар кун сайин
Йўлларига кўзим интизор
Ноз қиламан атайин.

Оташ солди сўз юракка
Айланар хар тилакка
Келса бағрим тўлиб қолар
Охим етар фалакка.

Юрагим тинмайин уради
Сенда хаёл қолади
Йўлларига кўзим интизор
Бедор кутиб туради.

Соғинч нима?

Соғинч нима биласизми?
Бир соғиниб кўрасизми?
Дийдорни хис қиласизми?
Соғинган инсонлар бахтли.

Азоби ҳам болдай ширин,
Дарди хаммадан яширин.
Ўзгаларга бермас сирин,
Соғинган инсонлар бахтли.

Мехр товланар кўзида,
Садоқатли бир сўзида.
Қадру-қиммати ўзида,
Соғинган инсонлар бахтли.

Дийдорни кутиб яшайди,
Мухаббатини тўшайди.
Парвоналарга ўхшайди,
Соғинган инсонлар бахтли.
✍️ Лола Собирова .2017