من تنغلق استمارة التقديم ع معهد الصحة تطلع نتائج القبولات بعد 30 يوم أو 40يوم كحد أقصى

@lnstitute2019

بتوجيه مباشر من قبل السيد مدير عام صحة واسط المحترم الدكتور جبار الياسري ومتابعه السيد معاون مدير عام المحترم الدكتور سعدون الامير وجهود السيد عميد المعهد المحترم احمد حسن عجيل، قام وفد من دائرة صحة واسط/ معهد الصحة العالي في واسط بزياره الى دائرة صحة ذي قار والتقى السيد مدير عام الصحة الدكتور جعفر ناصر العبودي المحترم لغرض تزويدنا بالمخططات وكافة الخرائط الخاصه ببناية المعهد العالي في دائرتهم قيد الانشاء من أجل الشروع بإنشاء بنايه جديده في محافظتنا وفق التصاميم المعده من قبلهم و المعتمده من قبل وزارة التعليم العالي.
وأبدى السيد المدير العام تعاونه في هذا المجال وتعاون السيد مدير قسم المشاريع وخدمات الهندسه والصيانه.
وفي نهاية الزياره بعث السيد المدير العام بسلامه وتحياته للسيد مدير عام صحة واسط متمنيا لدائرتنا التوفيق والنجاح.

اعلام معهد الصحة العالي/واسط

مسبقاً وضحت الاحتياط وراح ارجع اعيده… ..

شنو يعني أحتياط ؟!

الاحتياط همه الطلبة الي معدلاتهم أقل من المعدل المطلوب
مثلاً : المعدل المطلوب لقسم التخدير 96,95,94 هذول طلبة أنقبلوا أساس
والطلبة الي معدلاتهم 93 ،92,91 احتياط
لمن ينسحبون الطلبة الاساس وأكثر الطلبة تنقبل ويرحون اهلية او مسائي او منحة مجانية ف ينسحبون بهاي الحالة يصعدون الطلبة الي كانوا بالاحتياط وبالتسلسل يعني من اعلى 🔝 معدل بالاحتياط الى الادنى .


@lnstitute2019

اذا طلعت القبولات تنشر بالقناةهنا ع شكلpdfوكل محافظة الها ملف خاص
@lnstitute2019

🌚🌚واضح؟

بعدكم تفرفرون بالفيس والانستا وباقي المواقع بدون فائدة مطلقة ؟ وبعدكم مخلصين وقتكم بأمور تافهه ؟ القليل النادر منكم مرتب أولويات حياته…

للأسف والله هذا العمر يضيع منكم بدون فائدة
حاولوا قد المستطاع أطورون من نفسكم…

سواء كنت طالب مقبل ع جامعة أو خريج أو لازت طالب تنظم وقتك بأمور تفيدك

واليوم احنا كل شيء نريد نتعلمة موجود

مثلاً انت مقبل ع كلية حاولو تتعلم لغة جديدة مثلا تطور نفسك باللغة الإنكليزية أو تطور نفسك بالحاسوب وغيره

او انت طالب متخرج من كذا قسم احاول اطور نفسي بقسمي وأكون متمكن بيه

طبعاً

عندي مقولة للأمام علي ع
جداً اعتز بيها يقول :


من تساوى يوماه فهو مغبون ، ومن كان أمسه أفضل من يومه فهو ملعون ، ومن لم يرى الزيادة في دينه فهو إلى النقصان ، و من كان إلى النقصان فالموت خير له من الحياة.

وبعد الشاطر يفهم كلامي❤️🌺


زهراء حسين
@lnstitute2019

غداً يغُلق التقديم ع معهد الصحة العالي الي مامقدم خل يقدم لان بعد ما الكم فرصة غير هاي الفرصة ،،،كل التوفيق ان شاءالله
@lnstitute2019

مقارنة مبسطة بين المحاليل الوريدية
@lnstitute2019

الحدود الدنيا الكليات التمريض 2023

جامعة بغداد كلية التمريض للذكور97.5
جامعة البصرة كلية التمريض للذكور96.33
جامعة البصرة كلية التمريض للبنات93.17
جامعة الموصل كلية التمريض للذكور 97.67
جامعة الموصل كلية التمريض للبنات 95.33
جامعة الكوفة كلية التمريض للذكور 97
جامعة الكوفة كلية التمريض للبنات 95.17
جامعة تكريت كلية التمريض للذكور 97
جامعة تكريت كلية التمريض للبنات 94.17
جامعة القادسية كلية التمريض للذكور 97
جامعة القادسية كلية التمريض للبنات 96
جامعة كربلاء كلية التمريض للذكور96.83
جامعة كربلاء كلية التمريض للبنات94.5
جامعة ذي قار كلية التمريض للذكور 96.67
جامعة ذي قار كلية التمريض للبنات 95.17
جامعة كركوك كلية التمريض للذكور 97.33
جامعة كركوك كلية التمريض للبنات 95.83
جامعة ميسان كلية التمريض للذكور96.5
جامعة ميسان كلية التمريض للبنات93.83
جامعة المثنى كلية التمريض للذكور 96.67
جامعة المثنى كلية التمريض للبنات 94.33
جامعة نينوى كلية التمريض للذكور 97.33
جامعة نينوى كلية التمريض للبنات 93.83
جامعة تلعفر كلية التمريض للذكور 96.67
جامعة تلعفر كلية التمريض للبنات 92.17
@lnstitute2019

🌚🌚ويجيك واحد بطران يحجي ع التمريض زين انت من تحجي ماتشوف المعدلات !!!!

طبعاً الاستمارة اليوم نغلقت والبعض بيكم قلق الي عدكم اخطاء بالتقديم مثلاً ( الاسلامية أوالسنة مثلاً مقدم 2021 وصايره 2022 والعكس الصحيح)
فلا تخافون وتقلقون لان بلغتكم الوزارة راح يتغاضون النظر عن هاي المشكلة وسالفه تارك شهادة الجنسية فارغ لو المحل والزقاق والدار فهاي جداً عادية….
@lnstitute2019

وفقا لكتاب (Fundamentals of Anatomy and Physiology ) تبلغ عدد عظام جسم الإنسان = (206 عظمة)
مقسمة على قسمين :-
الأول:- عظام الهكيل العظمي المحوري axial

الثاني :- عظام الهيكل العظمي الزائدي appendicular

عدد عظام الهكيل العظمي المحوري axial هي = (80 عظمة).
وتشمل :-
1. عظام الجمجمة هي 22 عظمة.
2. العظم اللامي عظمة واحدة فقط.
3. عظيمات سمعية هي 6 عظام.
4. عظام العمود الفقري 26 عظمة.
5. عظام الصدر 25 عظمة.
المجموع = 80 عظمة

ان عظام الهيكل العظمي المحوري axial
تعطي دعامة للرأس والعنق وجذع الإنسان،
تتكون من
١. الجمجمة.
٢. العمود الفقري.
٣. الأضلاع.
٤. عظم القص.
.......................................................
عظام الهيكل العظمي الزائدي appendicular
تشمل عظام الأطراف العليا وعظام الأطراف السفلى من الجسم (اليدين والقدمين)
بالإضافة إلى العظام المرتبطة بها مع عظام الهيكل المحوري.

ان عدد عظام الهيكل العظمي الزائدي appendicular
تبلغ 126 عظمة
موزعة على النحو التالي :-
حزام الظهر
الترقوة 2
الكتف 2

الأطراف العلوية
عظم العضد 2
عظم الزند 3
نصف القطر 4
الكارب 16
عظام المشط 10
السلاميات 28

حزام الحوض
عظم الحوض 2

الأطراف السفلى :-
عظم الفخذ 2
الرضفة 2
مشبك 3
قصبة الساق 3
تارسالس 14
مشط 10
السلاميات 28

وظائف العظام :-
تقوم العظام بالوظائف الآتية باختصار هي :-
1.توفير الدعم للجسم.
2. توفير القدرة على الحركة.
3. خزن المعادن والدهون.
4. حماية الجسم.
5. إنتاج خلايا الدم.

@lnstitute2019

السلام عليكم ✋

اليوم راح نحجيلكم عن الكيس ستدي وشنوو هو وشلون نمليه لطلاب المرحلة الثانيه☺️
طبعاا راح تاخذون الكيس ستدي كورس ثاني والكير بلان كورس اول .

** اول متاخذ حالة معينه حسب الي راح يطلبوو منكم اذا كانت حروق او كسور او عصبيه حسب المطلوب راح ناخذ المعلومات ونجي نملي الكيس ستدي 😊

نبلش بالكيس ستدي مثل مدا تشوفون اول بداية تحجينه عن biographical data الي هيه مثل ما موجوده بالديلي المرحلة الاولى تتضمن
-اسم المريض
- العمر
-الحاله الزوجيه (single ,married, Divorced،single)
- التعليم (primary, secondary, deploma)
-الجنس
- تاريخ الدخول
-الوظيفة
-العنوان

نجي ع الCC ومعناهه الشكوى الرئيسه الي دخل بسببهه المريض للمشفى يعني تسالون المريض شنوو سبب دخولك فمرات يكلك كسر فهذا متكتبه لانوو يعتبر تشخيص طبي لكن تكول تورم او الم او اي عرض اخر او التهاب تمام☺️

عندنا الmedical daignosis. الي هيه التشخيص الطبي يعني شنوو الي طلع عنده مرض بعد ما اجه واغلبهه تلگوهه بالطبله مكتوبه 😉 مشخصهه الطبيب

عندنا الpresent history يتضمن التاريخ الحالي للمريض تلكون موجود بالطبله والباقي عليكم مثل اطبق عليه ال"COLDSPA" الي هو مقياس الالم اذا عنده الم او عنده vomiting وايضاا اذا كان الشخص شبه واعي نطبق glascomascale الي هيه " مقياس الوعي "

past history وتتضمن

-الامراض السابقه past illness
-العمليات السابقه past surgery
-الحوادث past accident
-اللقاحات vaccines
-الامراض المزمنه chronic disease مثل 📌الضغط او السكر📌
-العلاجات drugs 💊

family history. تاريخ العائلة
يعني نشوفه اذا عنده امراض وراثية من وين اجته من والده 👨‍🦰من جده 👨‍🦳من والدته👱‍♀ او نشوفهم اذا عندهم امراض وراثيه بالعائلة علمود يكون عنده علم اذا تعرض لمرض وراثي

lifestyle. نمط حياته وتتضمن
-الرياضه
-الحميه الغذائيه اذا مسوي dait
-التدخين smoking
-ساعات النوم خلال الليل
-القيلوله اذا ياخذ
-اسلوب النوم متقطع يعني يستيقظ بالليل لو ينام وميدري بالدنيا طشت لو نشت 😁

وهسه نجي على الvital signs
. الي هي العلامات الحيويه للمريض وعنده اول شي

-ضغط الدم تكدر تقيسه انته او تاخذه من الطبلة موجود ويقاس mm/hg المليمتر زئبق
📎ضغط الدم الطبيعي عند البالغين "adult" 120/80 mm/hg📎ويختلف حسب العمر

- pulse pressure

هذا نحسبه من الفارق ما بين الضغط العالي "120" والضغك الواطيء "80" والمعدل الطبيعي اله هوو 40 يعني نكول 120-80=40 mm/hg ☺️ لكن احنه من راح نطرح ناخذ النسبة الي طلعت عند المريض هذي نطيتهه كمثال للطرح عمود تعرفون طريقة الطرح 😊

#case study

@lnstitute2019

النبض pulse وهو حساب نبضات القلب عند adult من 60 -100 ويقاس بوحدة الb/min
*b ترمز للbeat الي هيه نبضه
* min دقيقه
وايضاا تختلف حسب العمر ☺️
-rhythem
الي هوو النمط مالته هل هوو منتظم regular او غير منتظم الي هي irregular
*المنتظم يعني كلهن نفس الفارق الوقتي بين النبضات بالقياس
* الغير منتظم الي هيه تكون نبضات متقاربه بالوقت ونبضات متباعده يعني مو طبيعيه
-strength 💪
✨القوه اذا كانت ضعيفه نكتب weak +1
✨اذا كانت طبيعيه نكتب miduim +2
✨اذا كانت قويه يعني تدفع اصبعك نكتب strong+3

respiration rate الي هوو معدل التنفس
الطبيعي من 12-22 b/min
*b ترمز للbreath
*min ترمز للدقيقه
-rhythem
وهوو ايضاا اما regular او irregular
-strength
🌀اما تكونshallow الي هيه تنفس سطحي
🌀او يكون deep الي هو عميق

temperature
الي هيه درجة الحرارة والمعدل الطبيعي منcْ 36.5 - 37.5

** vital signs. الي نمليهن الاغلب موجودات تلگوهن بالطبله واذا تريد عندك الامكانيه انو تقيسهن بنفسك للمريض بعد يكون افضل 😍

حالياا نجيADLs الي هي النشاطات اليوميه كل نشاط يسوي هل يكدر
1⃣ يسوي بنفسه نكتب independente

2⃣اذا يحتاج مساعدة نكتب with assistance

3⃣اما اذا ميكدر اصلاا يسوي نكتب dependent

الانشطة تتضمن
-المشي walking
-ارتداء الملابس grooming
-الموافق الصحيه w.c
وايضاا هناك العديد من الانشطه الاخرى 🙃

name of surgical. procedure
يعني اذا المريض مسوي عمليه نكتب اسم العمليه واذا ماكوو نعوفهه فارغه

definition
الي هيه تعريف المريض يؤخذ من كتاب برونر 📚

patho physiology

الي هيه الامراضيه وهذي تاخذونهه ايضاا من كتاب برونر 📚 او تاخذونهه من مواقع النت هي فقط نكتب التشخيص الطبي الي حصلناه راح يطلع الامراضيه مالته🤗


نجي ع الاسباب etiology. وعندنه قسمين الاول
📍from the patient
الي هيه من المريض
لان المريض مراح تكون كل الاسباب الي ممكن تسوي المرض عنده اكيد راح يكون عنده سبب واحد او اكثر لكن مو الكل لان الاسباب العامه لاي مرض تكون كثيره ☺️

📍from the book
يعني ناخذ الاسباب بشكل عام الي ممكن ان تسبب المرض وايضاا تؤخذ اما من مصادر موثوقه او من برونر📚
#case study
@lnstitute2019

ونكمل وياكم 😍

نذهب الان الى العلامات والاعراض الي ممكن نلاحظهه بنفسنه او المريض راح يگولهه النه
وايضاا ❤️ مو كل الاعراض ممكن تصير عند نفس المريض الي مصاب بمرض معين اكيد اكوو تصير واكو لا حسب وضعية المريض
from the patient
الي موجوده عند المريض
from the book
يعني بشكل عام كل الاعراض والعلامات الي تصاحب المرض الي عليه الكيس ستدي ☺️

ال investigation.
الي هيه التحاليل مثل
WBC"كريات الدم البيضاء"
RBC"كريات الدم الحمراء"
serum uria"نسبة اليوريا بالدم"
serum cratinin"نسية الكرياتينين بالدم"
🎼 وغيرها من التحاليل الي معموله للمريض مع كتابة نسبتها لدى المريض ونسبتها الطبيعيه مع كتابة الوحدة التي تقاس بها ايضاا



🎗reference
الي هيه المصادر الي اخذنا من عندهه هذي المعلومات الخارجيه والعناية التمريضيه الي راح نشرحهه بعد هذي يعني كتاب او رابط معين لكن كلما تكون المصادر كتب كلما جان افضل 📖

#case study
@lnstitute2019

وعندي هنا اخير شي هيه الevalution
الي يقصد بيه تحقق الهدف والتقييم التمريضي الي احنه راح نسجله
ويكون انوو نكتب الهدف الي ردنه نحققه ونكتب كدامه met اذا تحقق
partially met
اذا تحقق لكن اقل من النتيجة الي متوقعيهه
unmet
يعني اصلاا متحققت وتحتاج خطه افضل
وهذي. الخطط الي راح نقيمهه راح تكدرون تاخذوهه ايضاا من كتاب الناندا📙 ابو البلاوي 😁

وايضاا عندكم موقع nursesslab#
ايضاا يفيدكم بالتشخيص التمريضي

وهيج نكون خلصنه شرح الكيس ستدي. واتمنى تكونون استفاديتوو منه ولوو شوي 😍😍

وملاحظه نسيتهه ☺️
انو الnursing diagnosis. راح حسب الاستاذ اما يطلب من عدكم اربعه او خمسه تشخيص تمريضي ومثل مكتلكم الdesired outcome الي تخص الevaluation موجودة بكتاب الناندا 🔚

❤️❤️ كل التوفيق الكم حبايب ❤️❤️

#case study
@lnstitute2019

كتاب الناندة

التشخيص التمريضي

@lnstitute2019