‏كل اللي بصير كأنه ماسكني من رقبتي وبيخنقني
‏كل يوم زيادة في الحرب موت بطيء لحد ما يتحقق الموت الفعلي!

مع اني مش تمام،إلا انه عندي أمل كبير انه الجاي هيكون احلى من الّي راح..

‏يارب نعدي كل المعارك اللي مابنحكيش لحد عنها ،
‏يارب كل حاجة ترجع كويسة .. حتى أنا ..

‏أسوأ ما في الحرب أننا نعيشها ونحن في عمر الشباب، في الفترة العمرية اللي مفروض نبني وننجز وننتج وفي أوج طاقتنا وبدنا نعيش! لسه ما شفنا اشي من الدنيا، لسه ما عملنا اشي، في شغلات كتير بدنا نعيشها ونعملها، وفجأة تلاقي حالك عايش أكبر إبادة نشهدها في السنين الأخيرة!

‏في الأيام الأخيرة أشعر أني مُستنزفة تماماً! طاقة محدودة بتقنين أهدرها وما في اشي يشحنها ما في أي اشي بيعطيني الأمل بالعودة أو انتهاء الحرب! مش راح أستهلكها في نقاشات عبثية هنا أو هناك من ناس مراهقة وأخرى وهمية !

وفي يوم الجمعة ..
دعواتكم بانتهاء الغمة 🙏🏻
اللــهم الفرج القريب عاجلاً غير آجل 🤍.

لا تنسَو سورة الكهف 🦋.

‏«أنا مش بخير»
‏هاد جوابي المختصر على كل سؤال.
‏لأنه لو هخوض ف تفاصيل، كل الانتكاسات الصحية اللي واجهتها من ٧ شهور في ٧ شهور أخرى ولكن لخصوصيتها وحساسيتها بنقول: مش بخير. ولكن مفيش انسان سليم صحياً ونفسياً في غزة الآن.

‏لما نشوف الناس احتفلت برأس السنة وشتت ورمضنت وعيّدت وصيّفت
‏يبقى احنا قاعدين بنعيش مسخرة، يبقى احنا إيش قاعدين بنعيش؟ بنعيش مسخرة!

‏الشغلة الوحيدة اللي لازم كل الناس تعرفها انه كل واحد فيه اللي مكفيه حتى لو ما كان مبين .

‏هي اسرائيل لما هتخلينا ننزح لأماكن تانية هي فقط هتغيّر مكان موتنا مش أكتر!
‏استمرار الحرب هي تجدد الفرص لموتنا!
‏إحنا نزحنا وهننزح والجيش بيودينا شمال وجنوب، ليش؟ لأنه احنا مش تحت أي مظلة فلسطينية نحتمي فيها! احنا ببساطة الكل تركنا نواجه مصير ما اخترناه!