كُون التِحبهم مثلك حَنان
يا گلبي ماضِليت تَعبان
يَومِيه طَگه وجاي نَدمان
يِمتَى الرِبح جا دوم خَسران

-حَسين ال دَليهِم

يَـ ماي الورد
يَـ بَرد
تِغسل تعب الروح
مِن تِمرّ

گَان يا مَكان
چِنت أبويه ورفيقيّ
ولَفي وطَريقي
ودَربك چان گِلش أمان

إشتهيت أنشَاف
بعيونَك
مَليت الوجوه المَو
مِثل لونَك
أنه لو بيك لو يِمّك
هناك أرتاح
يَـ عافيتي أَربعينك
ما يِشبَهونك..!

أضمك وين، مِن ياعين؟
هو المِثلك شِينضَم؟
يلَچنك بَخور هِنود
مِن سابع سِلف يِنشَم

كُلشي يهون بَعدك حتى گلبي يهون بس
ودَاعتك ردت أفهَم شلونك؟
خَلص كُل الحجي وأنسَاك؟
بَس!شنسَاك؟ جِيب اليشَطب
مِن الذَاكِره عيونَك.

قَوي گَلبك
وانسى تَعبك
عوف گُلشي وسَلمه لِربك
هو أقرَب من قُرب رُوحك إلك
وصَبر گَلبك واترك الناس التِرخصك
لا تِركض ورا ناس ما تِعرف قَدرك
صَفي دَربك
ولا تِخلي أحد يِكسَر خاطرك
-ولا تِخلي أحد يِطب لِگلبك
^إلّا واحد يِشتريك ولا يِبيعك^.

ثَنِين چانو إلك
وماكو بحياتك
فقط أنا ونظر عِينك
وعِينك درتها ورحت
ولا چنّي مِنك چنت
وبكُل سهولة خسرت
واحد مِن ثنيّنك.

-جَبار رَشيِد

أَجيك وشايلة
بِروحي تَعَب
جِيلين وأَرجع أَخف
مِن الرّيش أَثاريه اليحب يِعيش.

يصير أخلي الگهوة
مُرّة بليّا سُكّر
وانتَ من تِضحك
يِحلىٰ بعيوني العُمُر
شبيها لو مَرّة
گعدنا سوه
وأضَوگك من حَناني
وتضَوگني مِن حُبّك

‏يا حلو يا جَرّة كحل..
يا حلو يا بوسة سَهَر يا تَرَف يا ييزي قهر
شيضرّك بكل شتّة الولهان لو صَخوة مطر؟
والشتّة كلّه تَعَدّه والصيف هم أعده
شجاب العِشگ؟ وأشوده؟ لا بالمحطة رف ضوّه
لا خط أجانة من البُعد لا ريل مر على السدة.
- مُظفر النَواب .

وأُسائلُ قَلبي
لِماذا أَراكَ في كُل شَيء
وأَنتَ بَعيد؟
لِماذا أَشتاقُ لَكَ
وَأَنا أَعرفُ أن الشوقَ لا يُقَرب؟
أَقولُ سَأنسى
فَيَأخذُني طَيفُك لذِكرى
وأَقولُ سَأبتَعِد
فَيَسحَبُني حَنيني إِلَيك
وَكُلما حاوَلتُ أَن أقنعَ قَلبي
بِأنكَ لستَ لِي
عادَ يسألُني بِهُدوء
إِذا لستَ لِي
فَلِماذا أَحبَبتُكَ هَكذا؟

أَنا أوّل وَفي
وأستاهِل مِن أنخان
چِي مُستعِز بالما مُستعِز بيه.
-زَيد السومري

الخِير كُله ❤