«أفضلُ علاجٍ لِلقلق واﻹحباط والحزن والاكتئاب، هو أن نُحاولَ بتأنٍ وبِما في قلُوبِنا مِن عَطفٍ أَن نُخففَ من أَحـزانِ اﻵخرين.»

إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا ♥️

‏"وأنا هُنا..
من زاويةٍ لا يراني فيها غيرُك، وقلبٌ خالٍ إلَّا منك!
أشكو إليكَ ضُعف قوَّتي، وقلَّة حيلتي..

أنتَ ربُّ المستضعفين، أنتَ ربِّي ،برِّد قلبي، أخلِف عليَّ كلَّ غائبةٍ بخير".

«وإِنّي يا أُمّي -مهما كنتُ مُحقًّا- لانحنِي أمام لُطفك الَّذي يُذيب القلب، وإنَّ غضبي لينحني أمام عطفك وحنَانك.»

تكبيرات العيد 😍
املئوا بيوتكم بالتكبير ❤️

إن الله إذا كلّف أعان
فلا تنظُر لثُقل التكليف، وانظر لقدرة المُعين..

"لا يُكلّفُ اللهُ نفسًا إلا وسعَها"

كل مسؤولية ألقاها الله على عاتقك أنتَ لها،
فاستعن بالله ولا تعجز.

الرابعة - فجرًا
ما عوَّدتني منك إلا إحسانًا
يا حي يا قيوم برحمتك أستغيث ،أصلح لي شأني كله ولا تكلني إلي نفسي طرفة عين ♡゙.

السلام عليكم ورحمة الله وبركاته

كنت عايزة أوضح حاجة عشان أنا كمان كنت مش عارفة بس الحمدلله عرفت

و هى الصلاة على النبي، أغلبنا بيقول عليه أفضل الصلاة والسلام على أساس أنها الصلاة و ده غلط

الصلاة على النبي هى
اللهم صلِّ وسلم وبارك على نبينا محمد وعلى آله و صحبه أجمعين

حبيت أوضح عشان محدش يقع في نفس غلطتي

إلقاء السلام سنة و رده فرض

المناسبات الدينية الحاجة الوحيدة الي بتخلي لسه عندي أمل من الحياة ولو ١٪؜
زي انهاردة سيدنا موسى وقومه واقفين قدام البحر وفرعون وجنوده وراهم مفيش غير حلين والحلين فيهم هلا'كهم يا يغرقوا يا فرعون يقـ"'ـتلهم
سيدنا موسى واقف قدام استحالة الأسباب بيقين في الله إنه هو الوحيد الي هينجيهم
( فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ قَالَ كَلا إِنَّ مَعِيَ رَبِّي سَيَهْدِينِ )

درس مهم ويوم عظيم يعلمنا إننا في الدنيا دايما عرضة للهلاك وربنا بس الي في ايده الحل
مهما ضاقت بينا وحسينا إننا مدركون ربنا رحمته بتتدخل في الوقت المناسب وتنجينا من كل كرب عظيم

يا شباب محدش هيفهم كلامي إلا اللي جرَّب!

ماتحكيش لحد عن قيامك في الليل.
ماتحكيش لحد عن مقدار حفظك وقراءتك للقرآن.
ماتحكيش لحد عن عباداتك اليومية.
ماتحكيش لحد عن صيامك التطوعي.
ماتحكيش لحد عن مقدار ذكرك وزكاتك.

- صدقني مش هتعمل منهم حاجة تاني!

فيه رزق عظيم في الدنيا دي اسمه رزق الصدمات
تتصدم في شخص.. تروح مغيّر كل اسلوبك في اختيار الناس.. وتلاقي حياتك بعد وقت بقت أروق
تتصدم في علاقة.. تعيد ترتيب اولويات علاقاتك بعدين تلاقي نفسك في علاقات أحلى
تتصدم في شغلك.. تتهز ثقتك في نفسك مؤقتاً بس تشتغل وتقوم أشطر من الأول
مشكلة الرزق ده إن بيسبقه تعب وزعل.. بس لو استقبلت الرزق ده صح.. هتلاقي بعده سلام وراحة مادوقتهمش قبل كدة

السلام عليكم ورحمة الله وبركاته

مفيش حاجة اسمها (اللهم هوِّن علينا حر جهنم) ده معناها انه داخل جهنم وبيدعي ربنا يهونها عليه❌

اسمها (اللهم قِنا حر جهنم) أو (أعذنا من حر جهنم) أو (أجرنا من حر جهنم)✅

فاللهم أجرنا من النار ومن حرها وهون علينا حر الدنيا.

السلام عليكم ورحمة الله وبركاته

لما أكون شغالة في البيت أو بعمل أي حاجه والأذآن يأذن، بفتكر الست اللي كانت بتلف محشي والعصر أذن عليها، وقالت أقوم أصلي الأول وبعدين آجي أكمل، وماتت وهي بتصلي -ربنا يرحمها-
هنا بتخيل لو كانت قالت هخلص اللي في إيدي الأول وأصلي بعد ما أخلص مثلًا، فبحترم نفسي وأقوم أصلي الفرض الأول واركن اي حاجه على جنب، وربنا يهدينا ويعلمنا.

من الحاجات اللي بتزيد حُبي للقرآن الكريم
إن لما ربنا بيجى يتكلم عن النار أو تفصيلة صعبة فى العذاب دائماً بيشير إليه بضمير الغائب زى مثلا فى سورة الغاشية :"ليس لهُم طَعامٌ إلا من ضَريع"

ضمير الغائب تحس إنهم ناس بعيدة عنك أوي ،كأن ربنا بيطمننا وسط ما هو بيحذرنا!
عكس لما بيجى يتكلم عن الجنة و نعيمها بيتكلم بشكل مباشر زى فى نفس السورة:" لا تسمعُ فيها لَاغِية"

بيخاطبك انت اللي بتقرأ القرآن، كأنه بيوعدنا بالجنة بالرغم من كل المعاصى اللى هو عارف إننا عملناها و لسة يمكن نعمل أكتر بس فيه إحساس بالرحمة و طمأنينة فى القرآن
طول ما انت بتسعى إنك تقرب من ربنا فربنا أرحم من إنه ميتقبّلش منك

اللهم ردنا اليك ردا جميلا يارب💛🌸

أكتر حاجه بتخوفنى فى حياتى إني أبقي الجزء الوحش فى حياة أي حد أو حتى فى يومه!.. يعنى مثلاً ساعات كتير بسمع ناس بتقول على حد داخل علينا: (يوه أهو جى أهو.. أو لأ لأ إنت ماتقعدنيش مع كذا.. أو لأ مش هاجى المشوار ده عشان مش عايز احتك بالشخص ده).. بقعد أفكر هو ممكن يكون حد بيشوفنى كده؟.. بحب أبقي خفيف على الناس و أبقي الجزء مش هقول الحلو بس على الأقل الجزء الظريف، والمحطه اللطيفه اللي بيعدى عليها أي حد قريب ليا فى يومه.. أنا آسفة لأي شخص كنت الجزء الوحش في يوم من أيامه ، انا اسفة لاي شخص اذيته نفسيا و ده اكيد بدون قصد ، والله مابحب حد يشيل مني

مفيش أحسن من إن الإنسان يعيش في الطراوة لحد ما يقابل وجه كريم ..
لا يعرف مين بيتكلم في إيه و لا مين بيكرهه و لا مين يقصد يضايقه ..

بتحبني! حبيبي و الله خد حب كبير ،
مش بتحبني! ولا يهمك .. بكره تحبني علشان أنا مأذتكش ومش هأذيك مهما حصل ، ربنا يصلح حالك و حالي.

المفروض الانسان يصحي يدور على الروقان و يكلم ناس رايقة بيحبها و بتحبه ، يعيش ويمـوت في سلام لا ضغينة ولا حوارات.💗

بحب الناس اللي بتسهلها وبتحسسك إن كل حاجة بسيطة، مش عشان هم مغفلين ولا بيتهاونوا بصعوبة الحياة المعروفة، لكن من باب الرفق في التعامل مع النفس وإنزال الأمور منازلها. رغم إن القسوة وتعقيد الأمور وتهاويلها أسهل!

‏”إِن الله رفيق يحب الرفق، ويعطي على الرفق ما لا يعطي على العنف” ♥️