- المشاكل اللي يمرن عليك وتعيشهن ابروحك وتحلهن بروحك هن للي يخلنك تبعد عن الاختلاطات الزايدة بالناس، وهن للي يقونك ويثبتلك انه الناس كماليات في حياتك فقط لا غير يعني مش اساس فالهذ خليك قد روحك و ماتعتمدش على حد ، وربك لكفيل بيك و بمسندتك .
- مما لا شك فيه وجود حد يسمعك ويهون عليك أي توتر ولا خوف في الفترة هذي هي من احسن الحاجات لليّ ممكن يسيرن معاك في الوقت الحالي .
- حاول إنك تستعبط مرة مرة ، آنك تبي تفهم كل حاجة صارت معاك ولا كل كلمة سمعتها موضوع مكلف ومتعب راه .
- الوعي بعقلك مش بعمرك، العمر مُجرد رقم وعدد ايامك للي عشتهن، وعقلك حصاد فهمك وتجاربك وقنعاتك فالحياة .
- تميت نكرهه التلميحات تما غالي عليا نسمع أي جملة بكل وضوح عشان نرد عليها بكل وضوح وصدق .
- مُش للازم انقولك انحبك عشان تحس إني انحبك حتلقاني ندزلك في اغاني للي نحبهن ، ناخذ رايك في صوري قبل ما نزلهن، ندزلك تسجيل صوت ونغنيلك بصوتي البشع هذ، حاجات واجد اكبر من كلمه نحبك .
- نموت ونعرف الثقه لليّ عندي هذي منين جيبها بس ، لا نجحت دراسياً ولا عاطفيًا وحتى مالياً ، بصيره عندها ثقه في النفس تقول إيلون ماسك .
- حقيقه الناس اللي جنبك حتشوفها لما تتعب وطيح، وقتها كل حاجه اتكون واضحه، وجوه الناس الحقيقيه اتبان فالزعل، الكلام مافيش أسهل منه، لكن للي يعزك حيحس بغيبتك، حيدرو عليك و يوقف جنبك، للي يبيك جديات هو للي يدير امعاك المعروف مش اللي ياكلك بالكلام .
- اخسر كل شي لكن رد بالك تخسر شخص مافيش اطيب من قلبه ولا في كيف حنيته، شخص يعرف إيرتب الفوضى ياللي في عقلك، ويخفف عليك الهم يلي في قلبك ويبدل حزنك الفرح شخص يصاحبك وما تكونش خايف منه و ما تحسش بالامان غير امعاه .
- في أغاني مرتبطه بأشخاص بشكل غريب اول ما تسمع بدايتها يمر في بالك الشخص .
- باهي نا Life is hard لكَـن جميلة ، ومستمع حتى وأنا Broke , وحياتي نكته Joke ، بس مافيش اميرة كيف يسير ؟
- من خوف المواجع يقتلن لمودَّه ،
خذيت لاورا خطوه انريد مسافـه .
مُوش ساهله تكره إنسان إتودَّه ،
اللي تشكره يصعب عليك إتعافـه .
خذيت لاورا خطوه انريد مسافـه .
مُوش ساهله تكره إنسان إتودَّه ،
اللي تشكره يصعب عليك إتعافـه .
- حتى لو انت شخص قاسي، رد بالك من حقوق العباد، ما تكونش سبب في تنهيدة شخص وكل ما يذكرك ايقول حسبي الله ونعم الوكيل لانه مهما بلغ جبروتك انت مش قد حد وكيله ربي .
- حتقعد واهم لعند اول مطب اطيح فيه حتبان النيه والكلام المدسوس لدرجه تقول فعقلك فلان إيقول هكي ؟ بأختصار المواقف طلعنهم على حقيقتهم وبان قناعهم المُزيف اما فالوسع كلنا أصحاب و حبايب و لي ايخليك مهما كانن الضروف مستحيل ايكون ايحبك كان إيجامل فيك بس .