- نحترم الشخص الي نتفق أنا وياه على موعد .. وثاني يوم يرقد وأنا نرقد ونكملوا حياتنا عادي .

- الواحد قعد يدور في راحته ، لا نقاشات لا اختلاف أراء لا كثرة دي ، مبروك عليكم الي تبوها ، ارخيني وجيب الزبده .

- عندي أسلوب استفزازي إيخليك تكرهني ، وعندي طيبه العالم كلها ، وعندي تجاهل ايخليك تشك في وجودك ، وعندي حب والله ما تلاقيه عند حد ، وخوذ لي تبيه بسلوبك انت .

- مش مجبور تتحمل أذية حد لا صاحب ولا قريب ولا عدو ، لا العمر ولا الوقت ولا الوضع يساعد إنك تتحمل وتجي على روحك .. ومش لازم تكون ردة فعلك قوية وتدير مشكلة .. افصل الفيشة وارحل بكل هدوء وكان الله ويبقى الله .

نعاند أي شخص يقدر يفتح الفويس او ما يكملش للنهايه ♥️♥️♥️

- يا الخايله بين لخرات ، و يا لوافره يا جميله
مانك للي كيف البنات ، ولاهن كيفك مستحيله ♥️.

- برقه 🏴.

- رافع بشير :

ما اتباتن إلَّا راضيات ، ما حد نصيب غيره ياخذه .. !

- صباح الخير حتى يثبُت العكس .

- صابية إستقبال سائحي الكويت :

ما حاد علينا شِي ناشد ، نا و انظاري يا بو راشد .. !

- متابعه ع الانستا حقي :

https://www.instagram.com/hmeda_97?igsh=djU0cWhiMnZkMW9u

- العرب لوله قالوا :

اللي ما يعرف إيضرَّك ، إيكرِّه الناس فيك .. !

- شهر شعبان تُرفع فيه الأعمال ، ماتفرطوش في ‎صيامه يوم يومين أربعة ما تستشويهن المهم تصيم فيه

تخيل أنت صيام يوم واحد في سبيل الله يبعد الله على وجهك نار جهنم 70 خريف، والحديث صحيح.

اللهم أهلّه علينا باليُمن والإيمان والسلامة والإسلام ♥️.

- غارن منك :

تدلعي بالحيل ما جابنك ، كل البنات اليوم غارن منك ، زدتي سماحه يا بنيه كنك ♥️.

- قوة اللهجه :

في برقه يسمون الوحده " ربايه الحسايف " لأن الانسان حين يكون وحيدًا مُختليًا بنفسه يتضاعف تحسفه على حاله ، ويبدا في عدَّ همومهِ وإحصاء خيباتهِ

وكما قال الغناي رمزي بو برمه مُحاكيًا ذالك :

خايف عليه عندي عقل ، رَبايه الحسايف تقتله .. !

- عيد الحب هو نفسه عيد الأضحى مغير الحولي يختلف 🤪 .

- انك تكون ولد أصل وعينك شبعانه وعصران هذي حاجات تجي مدقوقه ع الشصي

الترجمة : عزة النفس وراثية ولا تُكتسب .

- ونقعد نحكي .

- إبراهيم بو عزيزه :

لا الوقت داير خير ، و لا النَّاس ع الوقت ساعدت .. !