هَذا اليحبك تعبت نفسيتة
وضعفتة هَو وضعفت شخصيتة
وراجعلي هَسة دگلي شمسوي وياك ؟
چا هَو ضل شي بية ماسويتة !
هَذا الگبالك يگدر يردهة أضعاف
بَس أهلة كلش تعبو بتربيتة
ذنبك عفتلك بَشر
كل حلمة يشوف
أسمك يخلونة بظهر جنسيتة
وماگادر اتخطى السبب أعرف وين
مشكلة گلبي الزايد بحنيتة
وأبسط أشيائك محتفظ بيهن شوف
هَذا السوار لهَسة ماذبيتة .

بأغنية رجف كَلبي مال الفنان محمد عبد الجبار اكو مقطع يكول بي "رجف كَلبي مِن اجيت كُـلشي مِن عندك نسيت" هِي هاي الاغنية بالمُجمل تحجي عن الجرح والأذيه الي تصير بالفراك ومن بعدها يجيك هذا الشخص ويريد ترجعون سويه وتبدي ترجع كُل الذكريات والأيِام الكضيتها أنتَ بالفراك ممكن اكو ناس ترجع ويا هذا الشخص لان تحبه وينسون كُل الي صار واكو ناس لا ما تكدر ترجع ولا تكدر تنسى فـ كُل قرار تتخذه يبقى يمك أنتَ سواء بعلاقة او باي شي ثاني ونصيحه لكل شخص راح يقره هاي الكتابه فكر بعقلك قبل كلبك وبوكتها راح تعرف تاخذ القرار الصحيح لان الكلب دائماً يميل مو مثل العقل يفكر ويحلل فـ اي اختاروا ناسكم زين وحافظوا عَلى كلوبكم لان مو كُل شخص يستاهل يكون بي ✨.

- رُقيه أحمـد