-







-وأكثر ما يطمئنك حينَ ضعف أن يقول لك صدِيق:
"أنا هُنا ، حين تخونُك الشوارِع والطُرق ، حين تفقِد القدرةَ على فهمِ الأحداثِ وتتعاظَم الأشياء مِن حولِك ، وتغدو بلا وِجهةٍ وأصدِقاء..!"







-

#جرعة_تحفيز
السلام عليكم ورحمه الله
كل التهاني لينا وليكم ولي والديكم بالنجاح والتفووق وان شاء الله يكون نجاحك بداية لي طريق نجاح ما ليهوو نهاية
عندي جمله طوالي برددها وهي البتفتح لي كل ابواب الامل لمن احس بي الضعف وقل الحيلة وانو حال بي الدليل اللي هي
#سنكوون_يوما_ما_نريد_لا_الرحلة_ابتدأت_ولا_الدرب_انتهي
سنكون يوما نريد .. دي شبيه بي لا مستحيل تحت الشمس ودي الخلتني حسي اكتب ليكم وقبل سنتين من اليوم كنتا محلكم دي الحسستني بي النعمه العايشها وبي حلاوه وجع العتره وبي طوول طريق المشيه البعد العتره ...~♡ دي البتنقلك من محور التفكير التقليدي المبني او الببنيهو البيت والاسرة والمجتمع والاصحاب والبخليك عايش في حياه الإمعه والتقليد .. وتعيش تجربه هي م حقتك بس شفتا غيرك عملها وانتا مشيت في طريقهو .. صاح الزول يتعلم من تجارب القدامو بس م ينقلها زي ما هي لانو بي نهايه تجربتهم حيكون تجربتو انتهت دا لو اصلا هو قدر يصل لي نقطه النهاية لانو الظرووف وقوه العزيمه والاراده وتخطي العترات م واحده عند الكل مختصر الكلام (be your self) عيش تجربتك وارسم طريقك البؤول لي ما لا نهايه بنفسك ...اطلع من جو التقليد المفرط ابني آمال وطمووحات واتخذذ عشانا قررات واعمل واتعب واشقى ليها وحتصل وتضوق جمال الوصول وتزيد قوه الاراده مع الايام ومعاها بتزيد الكينونه وبتحلى الايام وبتبصم بصمه وتجرب تجربه وتعيش حياه بانيها بنفسك ولي نفسك وغيرك ... ف سنكوون يوما م نريد ♡
لا الرحله ابتدأت ولا الدرب انتهي ... ما بعد العتره ووجعها والمها وحلاوتها وتخطيها ... بكون عندنا طريقين طريق معبد ساهل ممتنع بس نهايتو قريبه على قدر سهولتو وطريقك انتا ... البانيهو بارادتك ومعبدو بقووتك وعزيمتك والموصلو بمقاومتك وطاقتك والمنوورو بعقلك وفكرك ...طريق الخيال العاوز تخليهو حقيقه ... طريق مستقبلك البمثلك انتا ككل
.... وفي اطار التجربه الشخصيه المتعلقه بي تخصص جامعي معين وعشان م نقع في غلطات الفوقنا وم نفقد الامل في منتصف الطريق وعشان م نخطوو خطوه نحنا ما عاوزنها او نقرا تخصص م راغبنو وم عارفنو ولا عاوزنو ... عشان تكوون انتا العامل او العاطل او النجار او السواق او الاديب والكاتب واللغوي والناقد ..... وكل الحب لي التخصصات والمهن الفاتت بس م تكون انتا الدكتووورالعاوزو ابوك ✋ وانتا ما رغبتك في الطب ...
عاوزين نصل في نهايه كلامنا انو نتيجتك ما تعبر عن نجاحك ولا فشلك ولا بتحكم بيها على مدى ذكاءك ...من ناحيه اي نعم اجتهاد وانو الشهاده للسودانيه حاصل تحصيل كل م تعبت واجتهدت وثابرتا حتلقى روحك حصلت اكتر .. ومن نواحي كتيرة تووفيق وحاجه مكتووبه من رب العالمين وانو كل تاخيرة لخيرها واحيانا الفشل بولد الابداع لو حاولنا حننجح بعد الفشل مش نفشل في النجاح ...
وعاوزين نصل لي قناعه تانيه انو ماف تخصص احسن من تخصص ولا جامعه احسن من جامعه وبي قصه صغيره لاتنين اصحاب الاول جاب ٨٣ وقرا تخصص في جامعه حكوميه مستواها محترم والتاني جاب ٩٣ وقرا في جامعه الخرطوم اللهي الجميله المستحيله .. حلم كل ام واب وطالب وطالبه وحتى حلم الزول الجاب ٨٣ .. ودي الحته العاوزين نقيف فيها .. لمن يكون حلمك وآمالك في حاجه وم تصلا يلا دا احساس العتره ... وكتها حيجيك احساس الفشل الاتكلمنا عنو فووق ... وبرضو حينفتح قدامك باب الايمان بانو المكتوبه لخير وحتواجهه الموقف بي قوه ( مرات بكوت الفشل بدايه نجاح ) نرجع تاني لي الاتنين الاصحاب الاول انضغط مع نفسو اهلو ورضى بالجات ومشى الجامعه وهو مليان استياء وكل تفكيرو واهتمامو صحبو التاني والجميله (لو .. وكان ..و ياريت ) مرت الايام ومن مره للتانيه بكونو مع بعض قارنو التخصصات والمقررات والورش والمراجع والكورسات ... لقو انو نسبه التشابهه الاكاديمي تكاد تكون قريبه ودي حاجه خلت الاول يقوى شوويتين ويوعى لانو ياخ التخصصات واحده وكدا كدا بنقرا نفس التخصص وبعد كدا اي زول واجتهادو وصاحب الامتياز هو المرغوب في سوق العمل وانو الجامعه ما هي الا قليل من كتير عشان تصل لي حته التفوق في حياتك .... وجات حته مقاارنه (البيئه والاجتماعيات والناس والدفعه .... الخ ) بالمختصر #الحياة_الجامعية
الاول في فتره خزلانو وقفلتو من الجامعه وسخطو على نتيجتو كان كل يوم بتعرف على زول جديد بحاول يكتشف ناس يشاركوهو المأسآة الواهم بيها نفسو ويحاول يتأقلم مع الوضع او بي نظره تانيه ( مدام فشلتا في نتيجه انجح في حاجه تانيه ) .... والتاني مواصل بي مود الاجتهاد همو الاول والاخير المحاضره منطوي على نفسو وداخل وطالع مع شيتاتو عدديه الجامعه وناسا الكتار م اتاحت ليهو فرصه يدخل في الناس او حتى يشاركهم شيتاتو ... يعني فشل اجتماعيآ
مع الايام الاول حبا الجامعه وناسا وقرايتا وتخصصو واكتشف حاجات كتيره وبي قوه واجتهاد وصل لي صاحبو في جامعتو وقاعتو بس الفرق انو م قاعد معاهو في البينش بس واقف قدامو في البورد (بشرح او بتكلم او بفتي

او بعبر عن حاجه جديده ونجاح من بعد الفشل )
مختصر الكلام ...مرات كتيرة م برنضى بي اقدار اتكتبت وم بننظر بي نظره كلو لخير وانها مكتبوبة من كنا في اللاوجود ~♡ الرضا باراده الله بتقوي الايمان وبتحلى المقسومه وبتفتح طريق النجاح والتفووق
.~♡ ما رضاء الله الا في رضاء الابوين ابوا الانسان بعد الله اولا بالمحبه وكل من يغضب اما او ابا يغضب ربه
فغضب ربنا سبحانه وتعالى مربوط بغضب الوالدين وبقفل عليك كل ابواب الخير وبتوهك في طريق الضلال وظلمه اليأس ودركات الفشل
~♡وحاجه اخيره الحياه الجامعيه م حتحلى لو كانت بس اكادميات ولا حتستمر لو بقت كلها اجتماعيات او عاطفيات فحكم نفسك وم تنجرف مع التيار ... وأبني شخصيتك على مبادأك وقيمك بس م على الاوبن مايند الجايب للكل للبلا
#فالمرء_يستطيع_اذا_آراد
By : 3bdallah Ahmed

Download Careem for a safe, reliable, hassle free ride. Sign up and get SDG 150. YALLA LET'S GO! #Careem. http://careem.com/signup/AHMEDE33411

•°toota•°:
‏"عفواً هذه الحياة مؤلمه أكثر مما ينبغي
سنرحل معاً"
- رسالة وداع لسبع صديقات قبل
أنتحارهّن في أول حادثة أنتحار جماعي
موثقة عام -1894.
"

-
"و كن من الساجدين " 💖🌸
-

-

يا صديقي إن لم ينصفك كتفي
هاك ضلعي إتكئ عليه 🌷🌹

-

-







-يا صاحِبي
وعدتني بأن صدرك منزلي
إذا الليالي السُودُ أغلقنْ الفلك
ها هُنّ سودٌ مُقفِراتٌ جِئنَ لي
أين الوعودُ وأين عنّي منزِلك؟









-

حياتك التي تعتقد بأنها عادية قد تكون مثالية بالنسبة لآخرين .....

-
و إذا العناية لاحظتك جفونها
نـم فالمـخـاوف كـلـهن أمـان
-

.


- سافِر ، أنتَ لستَ شَجرَة
-لكننِي لا أملِك نقوداً للسفَر
- أوليسَت لديكَ مكتَبه..؟💛





.

حالة مستعجلة :
فتاة عندها عمليه زرع غده لمفاويه وعندها سيوله بنسبه 10% والعمليه بتاخد فتره طويله .
محتاجة لي 16 حقنة Trenexamic inj تكلفة الواحدة ١٠٠جنيه

إلى أهل الخير و العطاء
الحوجة ملحة ، وما نقص مال من صدقة

للاستفسار:
0990042328
يرجي تحويل الرصيد على الارقام :
0119359085
0963362248

🌱شيرك حياه لغيرك🌱
#جنيهك بيفرق
#وشيرك بيفرق
# وحتى الدعاء ليهو بيشفى وبيفرق💓

#منظمه دعم المرضى
#فرعيه الخرطوم
#اعلام المنظمه

قال ليك موجة حر تقتل 17 مواطن في شرق كندا في مونتريال ..
😂 خشيت الخبر لقيت درجة الحرارة القتلتهم 34 درجة مئوية 😂 ..
فتحت برنامج الطقس لقيت الدرجة عاملة عندنا 42 درجة .. كملت قهوتي ورقدت نمت 😂😂

مرات كده بتضلم في وشك عشان ربنا بيكون عايزك تشوف نقطه نور هو مديك ليها انت ما شايفها 💜

كشكشت الودع لي حدااي...اهاا👏
وقالت لي يا جنااي...🎹
اريتو شيتك شيت عدوك😢
دا كلام كتيير ماا بتقري📚📖📕📖💣
ست الودع ااارمي الودع.....
هاكي المعدل...صلحي...ارفعي ..
شوفيهوو لي..كان فيهو F..
سويهو B ومااا تختشي😂😂
اها كششكشي 👏👏👏 😂

السلام عليكم اصدقاء المكتبة البشرية ، بناء الرؤية وتحديد الأهداف من الأمور بالغة الأهمية في حياة كل فرد طموح يتوق لتطوير مهاراته وجعل حياته افضل وأكثر إفادة للمجتمع .
لما تقدم سنتناول أحد الكتب الثرية والذي استضافته المكتبة البشرية في محاضرة له بمجمع الوسط ، وتناول فيها عده ركائز فكرية هي :-
1. وجود الرسالة أو الهم العام .
2. وجود الرؤية على المستوى الشخصي .
3. خلق مهارات للمساعدة على بناء المسيرة المهنية ، تابعونا ...

#Human_Library_UOFK
#مازن_شرفي
#أدْرِكْ_خَطِّطْ_نَفِّذْ

السلام عليكم ورحمة الله وبركاته
من المهم في حياتك انك تعرف أهدافك شنو؟وكيف تصل ليها؟ والمشاكل الممكن تواجهك شنو 🙂؟!!!
والبوست دا إن شاء الله عن واحدة من المشاكل ✍...

"الأمية"
عارفين أمية يعني شنو🤔؟
طيب هل ممكن يكون في زول متعلم لكن أمي🤔؟!
الأمية زاتها أنواع ... في "أمية القراءة والكتابة" ودي كلنا طبعا عارفنها ...
اهتمام الفرد بشأنو الخاص دون الإلتفات للشأن العام زاتو نوع من أنواع الأمية ، وأي مجتمع بيهتم فيو كل فرد بشأنو الخاص دون الشأن العام دا ما مجتمع دا مجرد حشد من الأجساد لايرقى لتسمية مجتمع ... ودي هي البسموها أمية تحديد الرسالة السامية .. . و العلاج ليها :
قال تعالى (...تأمرون بالمعروف وتنهون عن المنكر وتؤمنون بالله) ...
أما البهمنا في الموضوع هو أمية المثقفين ... طيب يعني شنو أمية المثقفين 🤓؟!
المثقف المقصود هنا هو الزول البمتلك مقدمات تعريفية لكل العلوم دون تخصص في واحد منها ... فالتقدم في أي علم بيتطلب التخصص فيه والتركيز على كل ما هو فرعي فيه ... فالتخصص ينعكس على التعامل مع القضايا العامة وبقدر عدم التخصص بقدر ضعف التعاطي مع القضايا العامة .
يتبع ...

#Human_Library_UOFK
#مازن_شرفي"بتصرف"
#أدْرِكْ_خَطِّطْ_نَفِّذْ

السلام عليكم ورحمة الله وبركاته
ممكن واحد يسأل لشنو نحن محتاجين نحدد أهدافنا 🤔؟! ولشنو لازم نحدد كيف نصل ليها 🤔؟!
.
.
.
.
بوست الليلة حيجاوب على الأسئلة دي ✍

إنو يكون عندك رؤية فدي حاجه مركزية على مستوي الفرد ، ودا بيعني أنك لمن تجي تبني رؤيتك ما لازم تقتصر على النظر لنماذج تانية بل لابد إنك تبدأ بالشروع في بناء رؤيتك من منطلق الحوار مع نفسك ومعرفة نقاط قوتها ونقاط ضعفها ....، ولبناء الرؤية أهمية تكمن في :-
1. إنها بتساعدك كفرد عشان تضيف للشأن العام و شرط لصلاحك في المجتمع.
2. وكمان بتشجعك كفرد عشان تجتهد في تحقيق أهدافك وترك بصمتك في الحياة ... كإشارة مهمة في الموضع دا إنو ما بالضرورة إنك تكون من أعلام مجتمعك عشان تترك أثرك فيه ، بل لازم تطور نفسك لأقصى حد عشان تجاوب على السؤال ... (وعن عمره فيما أفناه )... فبناء الرؤية لا يضع ضمانات لجعلك شخص ناجح في المجتمع هو بس بضمن ليك أنك حتكون ناجح علي المستوى الشخصي كفرد .
... يتبع

#Human_Library_UOFK
#مازن_شرفي "بتصرف"

#أدْرِكْ_خَطِّطْ_نَفِّذْ