لولاه ما كان لنا قمر منير
فضل خلق الكون مولاي الامير
لا ارى شيئاً سوى وجه علي
من رأى وجه علي كيف ضرير

شيخ على الهواشم... حيدر حيدر حيدر
دايسها الجماجم.. حيدر حيدر حيدر
قاهرها الضياغم... حيدر حيدر حيدر

طوله شامخ سمه.... وعينه الما نضرها عمه
يروي بحبه كلمن ضمه

احلى وترف بشر... موسى بسمه شك البحر
سيفه يقهر الما قهر

بيده رد الشمس... مغضب بالحرب بالأمس
يرعد والزلم بس همس

ولي الله امير المؤمنين
...............................



كان ك بسم الله الرحمن الرحيم
قد تجلى والى موسى كليم
لا فتى الا علي تحيي العظام
هوه من احيى عظاماً من رميم

شالاها السفينه ... حيدر حيدر حيدر
المرفوعه يمينه ... حيدر حيدر حيدر
قطب الرحمه عينه ... حيدر حيدر حيدر


وبالحرب لو ظهر .... سيفه يعني موت الحمر
وبيده مجره القدر

تشرد الكفره ... وشي ترد تطب بثره
لو سمعت دخل حيدره

اول بكل حرب... غالب مايجي منغلب
عقده وصعب من الصعب

...................................

عالم الغيب وظهر المعجزات
قدره الله قضاء المجريات
لا سيف الا سيفهُ ذو الشفرتين
ذكرهُ معنى العباده والصلاه

بعينه أمر الكواكب ... حيدر حيدر حيدر
نكسها الشوارب ... حيدر حيدر حيدر
مبتسم بالحرايب ... حيدر حيدر حيدر

المعجزه الواسعه ..... صاغ الاوله والسابعه
وقرت ونتهت خاضعه

سيد المرجله .... واشهد سوره الزلزله
نزلت والخصوصيه اله

قاصم الجبره .... وتشهد حملته بخيبره
وامه سمته حيدره


.....................................


الحمد والشكر لرب العالمين
قد خلق الله امير المؤمنين
الحمد لله على مر العصور
اطلق الطوفان والنور المبين

الشهاب الثاقب ... حيدر حيدر حيدر
مظهر للعجائب ... حيدر حيدر حيدر
غالب كلُ غالب ... حيدر حيدر حيدر


هيبته مهيمنه ... داس اليسره والميمنه
عالي ويمه كلشي انحنه

حصن الله القوي ... حاشه جفه ان يلوي
حيدر يحوه ما ينحوي

من ابى قد كفر .... ربه بي تجله وظهر
وعرشه بسمه استقر

...........

وله امر الخلائق والحساب
وهوه المذكور في ام كتاب
لا امير الا امير المؤمنين
ذا اميري المرتضى ابا تراب

للبطين الانزع ..... حيدر حيدر حيدر
الكواكب تركع .... حيدر حيدر حيدر
وكلبي بيه اتولع .... حيدر حيدر حيدر

عشكه منذ الصبه .... الله مو بشر نصبه
وربه بالكتب كاتبه

ربي اشهد الي ..... اشهد لا فتى الا علي
واشهد هوه بس الولي

وبالاذان ارتضه .... ربه يذكر المرتضه
غصبن عالرضه وما رضه

كرم زكي
حسن الدراجي

نادت ياعلي ودفعو عليها الباب
ختنكت بعد ما يوصلها حته لهاب
بعد هاي لمصيبه شينفع من عتاب
جن موت الزجيه حاسبيله حساب

بعد ماعصرو الزهراء علي حس وصرخ ويلا
بكسر لضلع والسطره علي ضل منحي مكفا

نادت يفضه لكاع مالت
طايح لمحسن هيج كالت
بينه المصايب كله عالت
عل دار نار شلون صالت

علي علي الحك فاطمه بفركاك ماتكدر
علي علي لموت اعله لزجيه صاير مكدر
علي علي بعد مابيها ناصر لاولي ليحضر

واويلي عله الزهراء

_______

خوة حيل الزجيه من ورة البسمار
وحيده وناس غربه ومامش الكرار
تعاين عله المحسن عل دفع عل صار
غدروها بضنها وغدور اهل الدار

ناحت كل سمه السبعه لملائك بل عرش تنعه
مضلمه لدنيه ودم سال حيدر مابطه دمعه

ردو علي للدار الي ردود
صبح بعيد لبيه معكود
بين لضلوع وروحي موجود
جان لهوة ولريه والعود

علي علي وياك العشرة جانت كلش كصيرة
علي علي كسر ضعلي تصح بس نته تجبيرة
علي علي خلافك فاطمه المن تصد حيرة

واويلي عله الزهراء
____

بفراش الوداع الزهرة تدمي العين
يباريها حسنها تصيح زينب وين
يوسدون الزجيه وون صراط الدين
فراك الوالده ماينحمل يحسين

وداع اليهضم ابلا راي طيحت عطش يم لماي
تغرب للحد وتروح علي ينادي يشيعه وياي

لزهرة صاح حسين يمه
جلجل لسبعه وغدت ضلمه
عاش لوجع وبعينه هضمه
تفرهد علي وياهو اليلمه

علي علي بويه حسين كله وخنكته العبرة
علي علي تيتمنه بمشيتج يمه يازهرة
علي علي يعاين ولوجع لبروحه مايبرة

واويلي على الزهراء
______

من شالو نعشها لما وراه صياح
حيدر راد ملكه وعطر فركه لفاح
شيصبرة لعاف روحه بلتراب وراح
اسندوني انه حيدر يهلوادم صاح

لزجيه من خذها لموت علي شم حسرت التابوب
ماحسب يجي هليوم بالزهرة مشه زاتوت

ثار الكمر طول مغيبه
وحيدر ولا هود نحيبه
عاشت هجر ماتت غريبه
فراك لتحبه اعضم مصيبه

علي علي ينعه يكول فاطم ثكلت حملي
علي علي صار البيت فارغ بي بعد شملي
علي علي يكول ويه المشي مارد بعد ضلي

واويلي على الزهراء

_______

هاي اعضم مصيبه مصيبت البسمار
يمر طاري الزجيه يمرنه باب ونار
شتنسه عيون حيدر هنه كلها كبار
من صطرتها للكسرات حيل احتار

مكسور الكلب وينوح يمها يسولف المذبوح
يكلها لوجع بيه ندار يبقه لكربله بل روح

ياهو اليرد ذيج لمحنه
وزهرة هيج ومشت منه
يتكابلن ونه اعله ونه
وحسين ينشد وين اهلنه

علي علي يعاين للحسن وحسين وي زينب
علي علي كعد يمهم يسولف ولدمع ينصب
علي علي يكلهم راحت لبيها لحزن ينحب

وا ويلي على الزهراء

جعفر فاضل

السلام على قلب زينب الصبور


حرت من ياهي ابدي
من وحشة دربها من هضمة گلبها
لا اهل لا گرايب
ليل الشام وحشه
وكل دروبه ظلمه وبكل شبر هضمه
وبنات بنص خرايب

غربه علويات ابنص الغربه
صعبه زينب تحتار شگد صعبه
وسفه سبايا گالو عليهن
وكافل ضعنهن احترگ گلبه

__

اه ام المصائب
الشام اشسوه بيها مجتوفات اديها
ويسموها الغريبه
بت حيدر سبيه
بضعنها تحدي الاجناب تمشي ويه الاغراب
الله اشمصيبه


اول مره التحدي مو زلمهن
نفسه الشتمهن حرگ خيمهن
ذاك الضعن من حرگو خيامه
خيمه زينب صارت خيمه الهن

____

السفر عالنوگ يهلك
من الكوفه للشام العطش كاتلها الايتام
ومشانقهن بديهن
الله يعين زينب
وحسين وخواته واشافن بناته
دهرهن صب عليهن


تعبن ما نامن لا والمصيبه
يسمعن صاحو لزينب غريبه
ومنها صارت ديرتهن الغربه
ماتن بناته بغربه عجيبه


____

لمن طبو السوگ
صاحو ياهو عنده ثار يريد رده
هذن الهاشميات
هذن حيدر ابوهن بحجار اضربوهن
تره صارن سبيات


هايه بت الزهره اضربوها
هايه لتبغضو يصبح ابوها
بغضاً ابعلي نحرگ گلبها
برمحه انجيبه يمها راس اخوها


______

بضعنها طفله ماتت
لمن غسلوها خافو يلمسوها
وابتعدو عليها
وزينب تبچي وتصيح
يوادم هاي اثار السوط وضرب الحجار
واشتشگف اديها


طفله كلما تبجي يضربوها
طفله تركض واتدور ابوها
جرو گلبي وي ذيج التراجي
ماتت من جابو راسه واجوها

علي عبد الرزاق

بعيني ليل الغربه شفته وانتهت عندي الحياة
كل خليل ابخله يحضه وعبد زينب يمها مات
من اهدها عطش گلبي وبعد ما يروي فرات
اليغرگ ابحر المصيبه لا يدور عالنجاة



هذا دربه الراد غربه
لازم بعينه جرح واثار غربه
تچوي گلبه تچوي گلبه
نار خيمات الغريبه تچوي گلبه

لا والمصيبه زينب غريبه طبت ازقة شام
وشگد چبيره بالسوگ اسيره وبنص خرابه تنام

__
جانت اول نظره اليه هناك اول مره اتوب
وجانت اول ساعه ظلمه وبده يخنگني الغروب
وبوكتها اهواي احنه وتشعر بغربه القلوب
الشام فزت غربه بينه و كلمن لوحده يلوب


الليل كله الشام وحشه
واليريد يزور بره وبعيونه
حيل صعبه الغربه غربه
الغربه من صحن الغريبه يقفلونه

اباب النواعي كل گلب ناعي ينعه على الغربه
الشام الاگشر چم بشر غير ومنها انولد گلبه


____

اليوصل لباب الغريبه ينسه گلبه على الباب
ينسه ديرة اهله واهله يبدي يشعر بغتراب
شما سمع عن المصيبه شما سمع كله سراب
باب زينب باب غربه منه تدخل للمصاب

الميته امه تموت يمه
وفاتحه ينصبولها ويشيعوها
الا زينب شحال زينب
ياهو شيعها وبلايه زنود اخوها


لا عد اهلها لا اخو الها جتفه رفع تابوت
آياحزنها حته بدفنها مامش صريخ وصوت


___

منو بينه بگلبه حرگه وكل سوالف گلبه شام
ياهو يستحملها امه تركض ابين الخيام
خل يسولف نار گلبه بالخرايب من تنام
انطيني زلمه اليگدرلها بغربه حرمه بلا عمام


الرايد اكثر يمشي بالبر
يشوف حاله شلون عود مدللينه
بگلب محروگ يشعر النوگ
شلون عطشان اعلى ناگه تغفه عينه

ال يا هضيمه هناكَ جريمه والدمعه ممنوعه
بنص ال اميه ويلاه رقيه اندفت ابلوعه


___

وتخلص ايام الزياره والوداع اصبح قريب
اليرجع ابلا گلبه لهله ابداره بس يشعر غريب
يبدي يحسب ساعه ساعه گلبه بي عله ونحيب
اباب زينب يله يشفه زينب لجرحه طبيب


والله صعبه يتيه دربه
التجيبه مرّه خايف ما تجيبه
شلون نبرد الجرح عالخد
شلون يرتاح الخذو امه غريبه


النظره الاخيره يم الاميره تجزع تموت تلوب
شيحمل المها وذبحة زلمها لزينب جزع ايوب


علي عبد الرزاق

السلام على الساق المرضوض

ماشفت مثلك ولا اكدر اشوف
منسجن بس يوصل لكل الطرق
يامن مغير نضام الدنيا هاي
امن السجن للكون نورك ينبثق
شكثر غيرو بالحرس ماغيروك
انت انت العارف الكلك صدق
حته سجانك تغير حاله خير
اتعلمه الله وتفتح الكلبه أفق
تشيله من دين النواصب للحلال
او بالسقيفه تكله احذر لا تثق
انت لبنفسك وقيت الشيعه هاي
بهايه نعرف من قبل بدء الخلق
بعالم الذر والله رادلنه الحساب
خله الارواح اب غربتك تنعتق
كون كلمن رافضي بوكتك يصيح
اني احبن موسى واقبل انشنق
كون كلمن عنده غيره يشيل ادي
يخسه هارون او ابن جعفر محق
غمه كلمن سامع بنعشك غريب
ما اجاك وكلبه بالخوف انغلق

ومكبّلٌ في السجن قد رضّت بالحديد أعضاؤه

ليل غربة
والنهار اسود لأن جتفو ضواه

الكاظم بطامورة كاعد
وشكو بالدنية حزن كاعد وياه

من قريب تشوفه ملگة
ومن بعيد تشوفه ثوب
جسم ناحل صدره مطبوگ بكفاه

الشاف زنزانة عذابة ..
وين مايندار يلگه الهم وراه

ياسجن بغداد ماترحم سجينك
ليش دوم جروحك مجلبه بدمعته وسكته عينك

ياسجن بغداد وانته
جروح يابو جروح شايل
انت ابو الهم الثكيل المنه جتف الرضا مايل

منو يمسح دمع معصومه
وابوهه بجفه مديوره السلاسل

فاطمة المعصومه مشتاقه لبوهه
وهوه هم مشتاق ساعه يشوف بنته
١٨ عام بغربته
١٨ عام بحسرته
حتى حيطان المدينه اتاني جيته
امتانية الدنية رحمته

يمته يرجع
يمته من السجن يطلع
١٨ عام السلاسل بيده تنعه

والخبر طش بالوجود الفرج جاي بيوم جمعة
ع الجسر موسى ابن جعفر قرر الظالم يطلعه

كلهه تترقب قدومه
اسنين صار الليل يبجيله اعله شمعه

وسكته صارت
خرخشة زنجيل
صوت الفاجعه يدوي ونسمعه

اربع احماميل اجو بمتونهم للشيعة دمعة

طلع من ذاك السجن بس شطلع
جسم ناحل
ميت وزجيله بيده
ع الجسر صاحت غربتة
وديرة اهله شكد بعيده

فحص جسمه وانكسر كلب الطبيب
صاح ودموعه اعله خده وين اهل هذا الغريب

وين هاشم
خل يسرجون الخيول وخل يجون

موسى ابن جعفر امسمم
ال هاشم خلهه تلتم ..
هذا ابنهم نشفّت دمة السجون
خل يجون

ها يهاشم
ليش هيج يصير بيكم
ليش مايوكف بچيكم
ليش غير الغربة ما لاگت عليكم
شكد سنابل
وانتو غير اليابسة شطحنت رحيكم

ليش هيج يصير بيكم
واحد بكربله عاري
وواحد الوحده ابلد كلش بعيد
وواحد السم اخذ جبده
واحد بزنزانه رض جسمه الحديد

ياموسى ابن جعفر دخيلك

حيدر عبد النبي شايع

يا موسى الخير... ارزقني جروح
العمتك والشام.... وللضل مذبوح
وكون الدلال.... ليكم مجروح

اجيلك والحجي يكصر
وكلي دموع للخدر
ابجيهن وان وحدي ... يمولاي

دخيلك اللزم ايديه
وخلي دموعي يوميه
ولطم لسبي خدي ... يمولاي

السبي يخنك وانته تشوف... الدهر وياكم اي مايل
وعماتك تشوف بسوك ... تتطب بلا علم كافل
هاي الغصه البصدرك ... تبجي الها بدمع هامل

دخيلك يا أبا الرضا دخيلك

يا باب حسين ... وجف العباس
غربني بعيد ... عن كل الناس
الحد خوف اليل ... ولفظ الانفاس

يا مُحي الروح يابختي
الدمع خليه سالفتي
الجدك ذاك بالغربه  ... يمولاي

غريب وبسجن وحدك
وسم يكطع بجبدك
تهضم كلش وصعبه ... يمولاي

يالبكلبك حجي جتال ... ودمعك سبي يبجي الخوف
من حركو هذاك الباب ... وتسمع حيدرك مجتوف
والخدر الصفه بلا في ... ويضل الشام بيك يطوف

دخيلك يا أبا الرضا دخيلك

يا حرز الناس ... وحيل الخدام
بذكرك مولاي ... ينشدلي حزام
الهج بسمك ... وابجي لشام

كل النعمه من جفك
دخيل انه على بختك
روحي الكاها بدربك ... يمولاي

بسجن كضيت كل عمرك
لامك تبجي كل دهرك
ويتلوه بحزن كلبك ... يمولاي

الهزل زادت جروحك حيل ... وحبال ال يعذبنك
والديوان يعصر بيك ... وتتلوه نعي بونك
وحبال وشمس وصياط ... بطاريهن يجرحنك

دخيلك يا أبا الرضا دخيلك

لابنك مشتاك ... بس انته بعيد
بليلك متنام ... والوحشه تزيد
وساكك مرضوض ... من ثكل الكيد

الجنازة بلا اهل وحشه
وانته على الجسر غبشه
وميت محد يشيعك ... يمولاي

نحيل وما بقه بجسمك
وتموت بكيدك وسمك
وما مش هاشمي يودعك ... يمولاي

بنعش محطوط ويه الكيد ... بحر الضهر وبلا في
وهم عطشان مثل حسين ...ومامرك بموتك مي
بطاموره تموت هناك ... الما صارت العينك ضي


اللهم بغربتهم عجل لوليك الفرج

كرم زكي

يا ياسيني
شلون التوبه بلايه ادموع
وكل حصرات الضايع مثلي
تفتح باب الدمعه بعيني

ثنين اسهام الشلعن گلبك
ما لاحني ودز ثالث
حته ارجعلك وتلاگيني

شفت الوان الحب باياتك
وانه بعالم باهت لونه
محد يترس عينه ويشبع
بس الشافك يملي عيونه

انه الجيت منقصى ذنوبي
شاهد عن ايات جروحك
انه المحد حبني بگدك
ومحد گدي متعب روحك


بيش اوصلك وانه جناحي
مبلل ريشه والجو صاحي
مدلي عيونك حته اوصلك
شاخت نيتي وبح صياحي


ياوجه الله الشامخ فوگي
شلون اتراب يلوح لسانك
وانه ايلوح المي عروگي


يا ياسيني
يمته الملگه بنظرة عينك
ابليه اسهام وحب تسگيني

يمته شويه شويه اندلك
مو مال ابقه متيه ديني

بيه ادموع اشگد مالاتك
بس ذنوبي اتيبس بيها
طلع صوتي الزحمه بگلبي
لخاطر غيرك ما عليها

انه الجيت ولابس ثوبي
اخجل ليش وسلبو ثوبك
ليش احبسها الصرخه بگلبي
وصوت الاكبر واصل صوبك


محد غيرك يجوي جروحي
بنار اخيامك طلع روحي
شدني وجرني بكل حروفك
وخليني اصرخ يامذبوحي

ياباب الله اكتاب الفقره
فت جلاده وناطر عينك
غير عيونك محد يقره

يا ياسيني
يمته اگطعلك من عافيتي
وخدم عندك كل سنيني

يمته اتعود اخجل منك
وتاخذ وكتي وبي تلهيني

موسى بطور الايمن ناره
ويم الشجرة اتكلم نوره
وانته النار بخيمة زينب
وراسك يم ارقيه ادوره

جنت اتأمل بس باهاتك
وشفت اسرار الحب بوتارك
ليش اليسمع نغمة صوتك
يحرگ كل اوراقه بنارك

سبيني وخل اتهنه مروتك
ورزقني اسمع نغمة صوتك
ابليني ابحبك يونس گلبي
وحده يضيع ويبقه بحوتك

ياعشك الله وسر القدره
ليش اجروف العلكم رطبه
وانته لهسه الشفه مفطره

يا ياسيني
يمته حسابك يمحي غيابي
وتقره عيونك سر تكويني

مد اجفوفك واخذ اسلالي
خضر زرعي ملاگه بطيني

ادخل گلبي وشوف ارزاقك
بسلة جودك غص محرابي
كل اجروحك نزلت بيدي
ابليه احساب ودگت بابي

هذا العندي شويه بضيمك
والعند الله اسرار اهواي
انه بمايك حاير عقلي
جان ايريدك ردت الماي


دم عبدالله منيدك لله
شاف بهامك تربه وصلله
باس اجفوفك باخر گطره
طار وصوتك صاح اسملله

يابيت الله  وذر مكنوني
فك احجاب الغفله بعيني
وخل اعميلك ذني عيوني

هيثم جعفر

سابگت الحرگ عل خيم ما لحگت اسبگنه
وازاني الهب يحسين مامش غطوه تفزعلك
عل تله ولگيت ادماك غطت طولك بصحره
خاف اليعبر بعينه يترس شوفه ويزعلك
كلشي بكربله اندلك
بس الماي جان اعمه
مثل العاشر بعيني
لا يخلص ولا ظلك

انه ادري الغفه عريان يتمنه البشر عميه
چم ليله ويرد اردود شوف الوادم يفتح
چا هو الشمر مو راح ماخذ راسك بجفه
ليش ابالي اشوفنه واكف بعده ويذبح
كلشي بكربله ايطيح
حته الوادم الماتت
صارت بالدرب عثره
بس الحافر مريح

مرت عل عبايه ألوان ما ترهم عله متوني
وشاركني الحرگ من شاف يمك سمرة لوحي
جنت اركض عليك النار گامت للخيم تركض
تاكل بيها من شافت يمك واكل ابروحي
غزر بالهب نوحي
بس الخيمه مالتنه
هم جانت تحب الله
ليش اچمل اجروحي

صليت الظهر من چان ماتقبل تجي الظلمه
ألا وياها چم ناگه مشروطه بذبح ناسك
انه ادري التحشم الشيخ ناس دور الستره
مو تحرگ خيم واتگول يحسين البگه براسك
تعبني وعلي حساسك
حته اليگطع الخنصر
وخرته وصحتله تموت
حافر لو غلط داسك

رافگني الصبر چم موت بس يمك شرد مني
مو حمل اتراجي شلون يوكف ساعه يم نحرك
كل طبره تريد سنين مو رمشة جفن ودموع
لميتك واديه اطيح ماي منل سحك صدرك
وشل گلبي وانتظرك
هلبت واحد ايلمك
شربت الحوافر شوف
ليش تغمض بنحرك

هيثم جعفر

طلعت راكضه وتلطم بل الاثنين
لحگ خيلهم راحت عله الحسين
يل المرجف زلمهم لم الزنود
اخيك بي نفس ما غمض العين

لحگ حسين عايش لا يذبحونه

تقبل واكفه وگلب اختك ايطيح
وظل حسين وحده بنص مساليح
عزيزك من امس ما شارب الماي
بس تراب شفته وعجت الريح

دارو ماي يمه وما يشربونه

عشر اخيول كلهن ما جزنه
ويه حسين راحت كل محنه
نفس الخيل بيده الشربن الماي
سحگن حيل صدره وجزرنه

وي الگاع اخيك ظل يگلبونه

هاي السالفه ما صارت اصير
حدر الخيل ساعه وساعه تطبير
حته الثوب ما ظل يبن السباع
بصدره الخيل طبعت بي بسامير

لاح الخيل ثغره الما يلوحونه

رد حسين وينك يبن اهلنه
رسم النور ما ظل كلشي منه
دمه الچان فايض بل قوارير
ابكل امچان صار وطشرنه

دم حسين اخيك واصل اضعونه

هيثم جعفر

يا حنين على الخدم
ارزقني مره زيارتك
ومسح ذنوب الكلب
يا رئوف برأفتك

ولو مره بحلم مرني وخذني الحضرتك طير
اريد انه انصلب يم كبتك وما رافك الغير

يا رازق جروح الخدم ارزقني جرح خيام
ورزقني اجيك الحضرتك وطلب اذن للشام
عليك الي تاهن بالفله والضيعن ليتام

يا علي ابن موسى الرضا

عمرك الخلص بجي
من علي الحد كربله
يعذبك الصيف وعلي
لو ذكرت انته الفله

اخذ هاي جفوفي وروحي انذرهن يامولاي
للباقي بغربته بالفله حاير بلا فياي

اصدق عشك بس بالدمع وانه اطلب اذن دموع
لكربله ونار الخيم و لباقي وحده ايلوع
وانته الكلت ابجي الحسين وصوتك يضل مسموع

يا علي ابن موسى الرضا

روحك التبجي على
عمتك باليل هدعش
وتلطم انته على ضلع
من يمر طاري النعش

لان جدك صبح نعشه حصيره وبصدره سهام
بقى بشمس الظهر واثلث ليالي بلايه هندام

كون العشك يشعل جمر روحي وتشب النيران
لحر الظهر ونوك وحبل وللغربت الصيوان
وانته الامير وانه العبد انذرني للعطشان

يا علي ابن موسى الرضا

عاشك وتبجي العطش
وحزنك بكلبك جرح
العذباك اكثر بعد
راس جدك ع رمح

على فوك الرمح راسه ويشاهد أسر خدره
بجت عينه على بنته جي بديه اثار جمره

لاجل السبي ابجي واون وانتَ التبجيني
الطم ضلع لعيد السبي بكل ليلي خليني
يا سيدي بذاك العطش وبناره جويني

يا علي ابن موسى الرضا

يامهيج كل حزن
هيج بروحي العشك
وكون كل ليله احترك
لسبي وذاك السحك


يمولاي الأسر صعبه على الما فارك اهلة
وعمتك مشت مابين الغرب من بعد ضلة

من طاح ابو فاضل صفت الغربه حدايه
وتدخل على سوك وقصر بلا كافل ورايه
غربه الحدو وبنت الولي تجرحهه الحجايه

غريبة زينب
غريبة زينب

ميرزا كرم زكي

آللهم عجل لوليك الفرج

بسم حيدر.. انتخه يونس.. وابد ما عافه الوحده
اللقع باب.. وذبحها الجن.. عليُ ما تصعب الشده
اهو مرجف.. للعرب كلها.. وطلع عباس من عنده

يا فارس مضرها ويا كرار
تحرك بالكتيبه وسيفك نار
يا زلمه اليلاكي جف يمناك
وانته بيدك رعبهم ذو الفقار

علي.. بس واحد علي
علي.. من الله ولي ..غيره جذب

علي.. العين الناضره
علي.. بيده الاخره .. وغيره جذب

علي.. كاسر جم ظهر
علي.. اسخرله الدهر ..وغيره جذب

اشهد ان عليًُ والي الله

بدر فاطم.. ونفس طه... وهو مقسم السمه بيده
رعب نازل.. على الحومه.. ولحرب هيه فقط عيده
علي العالي.. دخل مغضب.. ودرعه فاير على جيده

يا ليث الحريبه ويا فرقان
يا عجاز الله كله يارحمان
لو ما انته موسى يضل محتار
باليد الي للصارت والثعبان

علي.. الموسى حظر
علي.. بكل شده ضهر .. بيده الكون

علي.. اركعله فرض
علي.. قاسمها الارض.. بيده الكون

علي.. مرجفه الزلم
علي.. خالقه النجم.. بيده الكون

اشهد ان عليًُ ولي الله

علي عيونه.. نجم تلمع.. خلقهن الله بس للحب
هوه الباطن.. هوه الضاهر.. وهو الناقذ نبي من جب
نقذ ادم.. وحيه الموته.. بأذن ربه وحنينه يصب

يا عالي ويقلدك بس عباس
بالحب وللمراجل وللحساس
ويا رب اليتامه ويا رزاق
يا محي ومعذب ذيج الناس

علي.. قادر مقتدر
علي.. السر البل بحر.. سر الله

علي.. ابراهيم اله
علي.. حرزه الشايله.. سر الله

علي.. الأحه ماله اثر
علي.. احله من اللكمر.. سر الله

اشهد ان عليًُ ولي الله

وطن كلبه.. يلم فقره.. واليحبه طاهر بكلشي
انه طيره.. واحبه بس.. لأن هوه فقط عشي
انولد بسمه.. ضوه بضلمه.. ومن اموتن يمي و بنعشي

ناقذها السفينه داحي الباب
بخزراته يموتها الأصّلاب
وعيسى من حياها الموته هناك
ناده يا حبيبي يابو تراب

علي.. رافع جم نبي
علي.. عبده انه وابي.. رب ليتام

علي.. حبي الأزلي
علي.. عبدً للعلي.. ورب اليتام

علي.. من الله عله
علي.. روحي بس اله.. رب ليتام

اشهد ان عليًُ ولي الله

ميرزا كرم زكي

آللهم عجل لوليك الفرج

لسان حال عبدالله الانصاري

ضيف اعله بابك وصل
وعيونه شافت خدر
ما عدها غير الركض
والحادي ينطر چان
والداعي فوگ الرمح
مر اعله ضيفه وجزه
تقره الكهف شفته
وتقره الخيم دخان

غض عينه من هول الصور
منظر صعب يعمي النظر
ع التله خدر الله احتمن
وطفله احتمت يم النحر

والعوجيه اتحضرت
يمه بقت ما وخرت
هوا انفره وهي نفرت
بالحمله الاوله منل خيل

والامضه مرعوبه شفت
مجروحه اذنها وتلتفت
لا والي يمها ولا اخت
وجعب الرمح يدفع حيل
اويلاه اويلاه.    اويلاه
......
الچان بغرامك سمع
ناصر ألا وانتفض
ليش ابتلاءه سبب
يمنع نصرته وياك
كل خطوه اشوفك جنت
عايفلي اشاره وامل
رايدني بيك ألتحق
وانقل اخبر ملگاك

بيا حيل اشوفك عالرمح
وعينك جزت لچم الذبح
يم الخيم طرفك غمض
وانه التفت من تنفتح

ثاري الخيم بيها مره
بنار وزلم متحاصره
يمها عليل وحايره
لا تطلع وهم ينچتل

من وصلت النار الجتف
مجبوره طلعت يم صلف
حرمه وعليل بنص الف
گادوهم ابنفس الحبل
اويلاه اويلاه.  اويلاه
.......
هذا الحصل ما حصل
ولا مثله صار بنبي
حبل الحقيقه گصر
وحبل السبايه اهواي
قمة جحود البشر
تربط طفل وي مره
كاتلها جان العطش
وتبدي يمهم ماي

لا بل عقل لا بل الوعي
اشرف خدر بيد الدعي
من راس اخوها وللنهر
زينب ركض راحت سعي

يم راس اخوها اتوزرت
بل رايه يمه وكبرت
مسحت لحيته تعذرت
ما قصرت يل عباس

ما تنتظر هاي النوگ
دام الغرب عدها حلوگ
راح اختك اطر السوگ
وعل فرجه تلتم الناس
اويلاه اويلاه اويلاه
.......
كل ديره عايف خبر
لو عني عاشگ سأل
خل يوصل لكربله
يلگاني فوگ انتظر
دافع ثمن مهرتي
ومخلي عدهم سبب
وموصي بيه انسگي
ماي ولسانك جمر

چم حافر بجفك روه
ليش انسه اويمك نوه
يطحن صدر ساگيها امس
لحد ما ضلع صدرك سوه

عشره ولا حافر جزه
كل سحگه گلبي يفززه
هذا عشگ لو معجزه
حته الطفل هم انطاه

ياگلبك اشايل تعب
بنفسك حرت لو بالهب
بثيابك اشاف السلب
وخله الصدر ما غطاه
اويلاه اويلاه اويلاه
........
هيثم جعفر

بيه مشه مثل العمر
ما ينسي حزنك نذر
التربه باست كصتك
مطبور وتصلي القدر


بس انت احسك ياعلي مثل اسمي ما مره انساك
واصل بحبك مرحلة بحزني اعله غيرك والگاك
ماضل هوه ما مر علي بس بعده يخنگ فرگاك
لو ترجع انت يا علي لو تاخذ الدنيه وياك

سامحني ها يابوالگمر
باجيك كل دمع بنهر
اعذرني عايش سيدي
المفروض اموت من القهر


اليتنگب ويبجي استحه باجيلك بلايه نگاب
اكبر فخر باجي لعلي وجرحي لمصابك ما طاب
تارس عيوني لوحدك شمعه وضوت بالسرداب
بصفي النهر وتيممت جي عاشكك يابوتراب


ايتام بيديهم ورد
يحسبولك طال البعد
ورگه يجي ورگه مشه
البستان خلص ماترد


الجوع كافر سيدي ما ترجعلنه مروتك
تدري اليتامه تيتمت من موت اهلها وا موتك
ومن جاعو لحد ما شبع من الدمع تابوتك
تبجي المناره الاذنت جي ماكو نبرة صوتك


مخنوگلك حته الهوه
والشمس تبجيلك ضوه
اركض من اوصل حضرتك
ركضت مريض اعله الدوه



بالبيت عدنه صوره الك قبلة وعليها نصلي
ابجي اعله غيرك ياعلي لا عيني ما تسمحلي
باجي لمصابك من جنت جناز رايح بهلي
عفت الفرح لهل الفرح ما اريده لا يوصلي

دمعاتي بعيوني تحز
من ونتي الميت يفز
طيحت عيني من البجي
وشديتك بجفني حرز


جذبو من گالو متت ياحيدر انت مسافر
باجر ترد وانطر تجي وباجر يذبني لباجر
يمتد حزن گلبي دمع من جرحك وللعاشر
من راس الحسين برمح بس جسمه جوه الحافر


من زينب تصيح علي
ضليت وحدي بلا ولي
يخنگني يابويه البعد
تمنيت اموتن وي هلي

مرتضى عباس